اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزدى
باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، شينجياڭ ەركىن ساۋدا سىناق رايونى قۇرىلىسىنىڭ نىق قادام تاستاۋىن جوعارى ولشەممەن، جوعارى ساپامەن ىلگەرىلەتۋ كەرەك
ما شيڭرۇي باسقاردى
ەركىن تۇنياز، ءزۇمىرات وبۇل، نۇرلان ءابىلماجىن، لي يفي، حى جۇڭيوۋ ۇيرەنۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى 11 - ايدىڭ 29 - كۇنى تۇستەن كەيىن ارناۋلى تاقىرىپتىق ۇيرەنۋ ءماجىلىسىن وتكىزىپ، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن، اسىرەسە، ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندەگى ماڭىزدى نۇسقاۋلارىنىڭ رۋحىن ىشكەرىلەي ۇيرەندى، ءتۇسىندى، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، دەڭگەيدى اناعۇرلىم جوعارىلاتىپ، تانىمدى تەرەڭدەتىپ، نىسانالاردى، مىندەتتەردى ايقىنداپ، وي جەلىسىندە، شارالاردا جاڭالىق اشىپ، شينجياڭ ەركىن ساۋدا سىناق رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋدى العا قويدى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
ەركىن تۇنياز، ءزۇمىرات وبۇل، نۇرلان ءابىلماجىن، لي يفي، حى جۇڭيوۋ توپتىق ۇيرەنۋگە قاتىناستى.
ساۋدا ىستەرى مينيسترلىگى ەركىن ساۋدا رايونى پورتى قۇرىلىسىن سايكەستىرۋ مەكەمەسىنىڭ باستىعى ياڭ جىڭۋي ارناۋلى تاقىرىپتا پىسىقتاۋ جاساپ، ەركىن ساۋدا سىناق رايونى قۇرىلىسىنىڭ اۋەلگى ماقساتىن، بورىشىن، ەركىن ساۋدا سىناق رايونى قۇرىلىسىندا قول جەتكەن باستى ونىمدىلىكتەردى، ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن ىشكەرىلەي اتقارۋ سياقتى ماسەلەلەردى ارقاۋ ەتە وتىرىپ ەگجەي - تەگجەيلى تۇسىنىك جاسادى ءارى وزگە ولكە، قالالارداعى ەركىن ساۋدا سىناق رايونى قۇرىلىسىنىڭ تابىستى تاجىريبەلەرىنە ۇشتاستىرىپ، شينجياڭ ەركىن ساۋدا سىناق رايونىن قۇرۋدى ىلگەرىلەتۋ جونىندە ۇسىنىس بەردى.
ما شيڭرۇي بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى، ەركىن ساۋدا سىناق رايونى قۇرىلعاندىعىنىڭ 10 جىلدىعى ساتىندە، پارتيا ورتالىق كوميتەتىنىڭ، مەملەكەتتىك كەڭەستىڭ جۇڭگو (شينجياڭ) ەركىن ساۋدا سىناق رايونىن قۇرۋدى ۇيعارۋى شينجياڭ قىزمەتىنە ايرىقشا ءمان بەرەتىندىگىن، شينجياڭنىڭ ەسىك اشۋىنا، دامۋىنا ەرەكشە قامقورلىق جاسايتىندىعىن، كورىكتى شينجياڭ قۇرۋعا ىقىلاستى ءۇمىت ارتاتىندىعىن تولىق بەينەلەدى. ەركىن ساۋدا سىناق رايونىنىڭ قۇرىلۋى − شينجياڭنىڭ جوعارى دەڭگەيدە سىرتقا ەسىك اشۋىن جەدەل ىلگەرىلەتۋدەگى ماڭىزدى شارا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى ستراتەگيالىق تالعام، ول شينجياڭنىڭ رەفورما جاساۋدى، ەسىك اشۋدى تەرەڭدەتۋىنە، ازيا − ەۆروپا التىن ارناسىن جانە باتىسقا ەسىك اشۋداعى الدىڭعى شەبىن قۇرۋىنا بۇرىن بولماعان تاريحي وراي ازىرلەدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جونىنەن كەلەلى دە تەرەڭ مانگە يە. ءبىز ساياسي دەڭگەيدى شىنايى جوعارىلاتىپ، يدەيا مەن ارەكەتتى باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، كۇشتى ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن ەركىن ساۋدا سىناق رايونى قۇرىلىسىنىڭ ءتۇرلى قىزمەتتەرىن تىڭعىلىقتى، ويداعىداي ىستەۋىمىز كەرەك.
ما شيڭرۇي بىلاي دەپ اتاپ كورسەتتى: شينجياڭ ەركىن ساۋدا سىناق رايونىن قۇرۋ − باس شۋجي، پارتيا ورتالىق كوميتەتى شينجياڭعا جۇكتەگەن كەلەلى ساياسي مىندەت، ساياتىن سالاسى كەڭ، جاڭالىق اشۋ تالابى جوعارى. ءبىز جۇيە كوزقاراسىن شىنايى بەرىك ورناتىپ، جوبا - جوسپار بويىنشا قيمىلداۋعا تاباندى بولىپ، قۇرىلىس قىزمەتىن ءبىر تۇتاس جوسپارلاپ جوبالاپ، تۇتاس تۇلعالى ىلگەرىلەتۋىمىز كەرەك. «جۇڭگو (شينجياڭ) ەركىن ساۋدا سىناق رايونىنىڭ جالپى تۇلعالىق جوباسىن» تياناقتاندىرىپ، ءارقايسى اۋماقتىڭ وڭىرلىك ورىن ورنالاسىمىن جانە يقۋاتتىق ورنىن دالمە - ءدال يگەرىپ، تۇيىندەردە قامال الۋدى تۇتاس تۇلعالىق ىلگەرىلەتۋمەن ۇشتاستىرۋعا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋعا، ەسىك اشۋ مەن ورنىقتىلىقتى ءبىر تۇتاس جوسپارلاۋعا تاباندى بولىپ، ۇكىمەت فۋنكتسياسىندا جەدەل بۇرىلىس جاساپ، قارجى قوسۋ سالاسىنداعى رەفورمانى تەرەڭدەتىپ، سىرتقى ساۋدانى جاڭالىق اشا دامىتۋدى ىلگەرىلەتىپ، اشىق، ەرەكشە كاسىپ سالاسى جۇيەسىن تۇلعالاپ، فينانستىق قىزمەت وتەۋ مەن ەسىك اشۋ جاسامپازدىعىن تەرەڭدەتىپ، ەۆروپا − ازيانى تۇتاستىراتىن كەشەندى زات اينالىمى تورابىن قۇرىپ، باتىسقا ەسىك اشۋدا كوپ سالانىڭ اۋىس - كۇيىسىن، سەلبەستىگىن تەرەڭدەتىپ، ەركىن ساۋدا سىناق رايونى قۇرىلىسىن جاڭا داۋىردەگى رەفورما جاساۋدىڭ، ەسىك اشۋدىڭ جاڭا بيىگىنە اينالدىرۋعا قۇلشىنۋىمىز كەرەك. كەزەكتەگى ءتۇيىندى مىندەتتەردى جوعارى ونىمدىلىكپەن ىلگەرىلەتىپ، قۇرىلىم ورنالاستىرۋ، مەحانيزم ورناتۋ، باۋلۋ، ۇگىتتەۋ، تۇعىر قۇرىلىسى سياقتى ءتۇرلى قىزمەتتەردى ءبىر تۇتاس جوسپارلاپ ىلگەرىلەتىپ، ارناۋلى گرۋپپا قۇرۋدى جەدەلدەتىپ، ءارقايسى اۋماق قىزمەت قۇرىلىمدارىنىڭ كۇشىن تولىقتاپ، قاتىستى سايكەستى ساياساتتاردى اقاۋسىزداندىرىپ، كەمەلدەندىرىپ، قاتىستى باسقارۋ ۇقىق كولەمىن زاڭ بويىنشا دەر كەزىندە تومەنگە ءتۇسىرۋىمىز كەرەك. مەكەمە - ورىندار، تاراۋلار، اۋماقتار كورەگەندىكپەن ويلاۋدى، جالپى جاعداي سيپاتتى جوبالاۋدى، ستراتەگيالىق سيپاتتى ورنالاستىرۋدى كۇشەيتىپ، سۋبيەكتيۆ بەلسەندىلىگىن تولىق ساۋلەلەندىرىپ، 2024 - جىلعى قىزمەت ماڭىزدى تۇيىندەرىن الدىن الا اقىلداسىپ جاساپ، بەلگى سيپاتتى كەلەلى تۇزىمدە جاڭالىق اشۋ مىندەتىن جوسپارلاپ اتقارىپ، قامال الۋ سيپاتتى رەفورمادا جاڭالىق اشۋ شارالارىن العا قويىپ، شينجياڭ ەركىن ساۋدا سىناق رايونى قۇرىلىسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋى كەرەك.
ما شيڭرۇي بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن قاتايتىپ، ەركىن ساۋدا سىناق رايونى قىزمەتى باسشىلىق گرۋپپاسى باستاماشىلدىقپەن جالپى جاقتان يگەرۋ، ءبىر تۇتاس جوسپارلاپ سايكەستىرۋ رولىن تولىق ساۋلەلەندىرىپ، جوعارى تالاپپەن ۇيىمداستىرىپ، جوعارى ولشەممەن قۇرۋى؛ ءارقايسى اۋماق پارتكومدارى تۇلعالىق جاۋاپكەرشىلىگىن ادا ەتىپ، بورىشىن، جاۋاپكەرشىلىگىن كۇشەيتىپ، ءوز يقۋاتتىق ورنىن ارقاۋ ەتە وتىرىپ پارىقتاندىرىپ ىزدەنىس جاساۋدى ىشكەرىلەي ورىستەتۋى؛ قاتىستى تاراۋلار ءوز مىندەتىن ارقالاپ، بار كۇشپەن سەلبەسىپ، ورتالىقتىڭ شينجياڭعا كومەكتەسەتىن مەكەمە - ورىندارىنىڭ، كاسىپورىندارىنىڭ جانە شينجياڭعا كومەكتەسەتىن ولكە، قالالاردىڭ رولىن تولىق ساۋلەلەندىرىپ، مىعىم بىرىككەن كۇش قالىپتاستىرۋى كەرەك. ماسەلەنى باعدار ەتۋدى كورنەكتىلەندىرىپ، ەركىن ساۋدا سىناق رايونى قۇرىلىسى مىندەتتەرىنىڭ ولشەمىنە تۋرالانىپ، يدەيا - كوزقاراس، قابىلەت - ساپا، شارۋاشىلىق - ساۋدا ورتاسى، سىرتقا باعىتتالعان كاسىپ سالاسى، نەگىزدىك قۇرىلعى سياقتى جاقتاردا ساقتالىپ وتىرعان ولقىلىقتاردى، جەتەرسىزدىكتەردى كۇش سالا شەشىپ، ماسەلەنى شەشۋدىڭ ءىس جۇزىندىك ونىمدىلىگىمەن ەركىن ساۋدا سىناق رايونى قۇرىلىسىنا قوزعاۋشى قۋات، ومىرشەڭدىك كۇش سيلاۋ كەرەك. قىزمەت ستيلىندە بۇرىلىس جاساپ، يدەيانى ازات ەتۋگە، رەفورما جاساپ، جاڭالىق اشۋعا تاباندى بولىپ، باتىلدىقپەن ويلاپ، باتىلدىقپەن ىستەپ، باتىلدىقپەن اتويلاۋ رۋحىمەن، جۇرەكتىلىكپەن ۇمتىلىپ، جۇرەكتىلىكپەن سىناق ەتىپ، دەربەس رەفورما جاساپ، تۇزىمدە جاڭالىق اشۋدى زور كۇشپەن ىلگەرىلەتۋ؛ شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، قىزمەتتى جەرگىلىكتى ورىن جاعدايىنا قاراي، دالمە - ءدال، ەگجەي - تەگجەيلى ىلگەرىلەتىپ، فورماشىلدىقتان، تورەشىلدىكتەن ساقتانىپ، ”ءبىر شىبىقپەن ايداۋدان“ اۋلاق بولىپ، شينجياڭ ەركىن ساۋدا سىناق رايونى قۇرىلىسىنىڭ نىق قادام تاستاۋىن تىڭعىلىقتى ىلگەرىلەتۋ كەرەك.
جاڭ جۋ، ۋاڭ ميڭشان، ۋاڭ جيانشين، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق ۇكىمەتتەگى، بيڭتۋانداعى قاتىستى باسشىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى باستى جاۋاپتى جولداستار، اۆتونوميالى رايونداعى قاتىستى تاراۋلاردىڭ جانە مەكەمە - ورىنداردىڭ جاۋاپتى جولداستارى قاتىناستى. توپتىق ۇيرەنۋ بەينە ەكران فورماسىندا وتكىزىلدى، ءارقايسى ايماق، وبلىس، قالادا، بيڭتۋاننىڭ ءارقايسى شى، قالالارىندا بولىمشە ءماجىلىس الاڭى ورنالاستىرىلدى.
