شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. 12 - ايدىڭ 2 - كۇنى مەملەكەت ءتوراعاسى شي جينپيڭ 2023 - جىلعى ”جۇڭگونى ءتۇسىنۋ“ حالىقارالىق ماجىلىسىنە (گۋاڭجوۋ) قۇتتىقتاۋ حاتىن جولدادى.
شي جينپيڭ مىنالاردى ءبىلدىردى: كەزەكتە دۇنيە ءجۇزى ەكونوميكاسىنىڭ جاندانۋى دارمەنسىز بولىپ، وڭىرلىك قاقتىعىس ۇزدىكسىز ۋشىعۋدا، ادامزات تاعى ءبىر رەت تاريحتىڭ جول ايىرىعىنا كەلدى، ءبىز ءتۇرلى الەمدىك سىن - سايىسقا قول ۇستاسا توتەپ بەرۋگە، الەمنىڭ ورتاق دامۋىن جەبەۋگە، بۇكىل ادامزاتتىڭ قۇت - ىرىسىن ارتتىرۋعا اناعۇرلىم مۇقتاجبىز.
شي جينپيڭ بىلاي دەپ اتاپ كورسەتتى: جۇڭگونى ءتۇسىنۋدىڭ تەتىگى جۇڭگو ۇلگىسىندەگى وسىزامانداندىرۋدى تۇسىنۋدە. بۇگىنگى تاڭدا، جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە، جۇڭگونىڭ بولاشاق تاعدىرى مەن ادامزاتتىڭ بولاشاق تاعدىرى تىعىز بايلانىسقان. ءبىز جوعارى دەڭگەيدە ەسىك اشۋ ارقىلى جوعارى ساپالى دامۋدى جەبەۋگە تاباندى بولىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ءۇرتىس تۇلعالاپ، قاعيدا، ەرەجە - ءتۇزىم، باسقارۋ، ولشەم سياقتى تۇزىمدىك ەسىك اشۋدى نىق قاداممەن كەڭەيتتىك. ءبىز ءار ەلمەن مۇددەنىڭ توعىسۋ تۇيىندەرىن كەڭەيتۋگە بۇلجىماي كۇش سالىپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا قوزعاۋشى كۇش، جاڭا وراي اكەلەمىز. جۇڭگو ءار ەلمەن قول ۇستاسا قۇلشىنىپ، بەيبىت داميتىن، ءوزارا پايدا جەتكىزىپ سەلبەسەتىن، بىرگە گۇلدەنەتىن دۇنيە ءجۇزىنىڭ وسىزاماندانۋىن جۇزەگە اسىرۋدى ءۇمىت ەتەدى. ماجىلىسكە قاتىناسقان سيلى قوناقتاردىڭ جۇڭگونىڭ دۇنيە جۇزىمەن اۋىس - كۇيىسىن، سەلبەستىگىن جەبەۋگە، بىرگە دامۋدى، گۇلدەنۋدى جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش قوسۋىن ءۇمىت ەتەمىن.
”جۇڭگونى ءتۇسىنۋ“ حالىقارالىق ءماجىلىسىن جۇڭگو مەملەكەتتىك جاڭالىق اشۋ جانە دامۋ ستراتەگياسىن زەرتتەۋ قوعامى، جۇڭگو حالىق ديپلوماتيا ءىلمي قوعامى، گۋاڭدۇڭ ولكەلىك حالىق ۇكىمەتى بىرلەسىپ وتكىزدى، 11 - ايدىڭ 2 - كۇنى گۋاڭجوۋدا اشىلدى، نەگىزگى تاقىرىبى: ”100 جىلدىق وزگەرىس جاعدايىنداعى جۇڭگونىڭ جاڭا ىسكەرلىگى − مۇددەلەردىڭ توعىسۋ ءتۇيىنىن كەڭەيتىپ، تاعدىرلاس ورتاق تۇلعا قۇرايىق“.
