ما شيڭرۇي، ەركىن تۇنياز اۆتونوميالى رايونداعى ءبىر ءبولىم مەملەكەت مەنشىگىندەگى كاسىپورىنداردا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ساپانى جوعارىلاتىپ، ونىمدىلىكتى ارتتىرۋدى بار كۇشپەن ىلگەرىلەتىپ، رەفورما جاساۋ، جاڭالىق اشۋدى كۇشەيتىپ، شينجياڭنىڭ جوعارى ساپالى دامۋىندا اناعۇرلىم زور رول اتقارۋ كەرەك
حى جۇڭيوۋ قاتىستى تەكسەرۋ - زەرتتەۋگە قاتىناستى
12 - ايدىڭ 2 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز شينجياڭ ياشين كومىر قاباتى گازى قارجى قوسۋ - اشۋ (توبى) شەكتى جاۋاپكەرشىلىك سەرىكتەستىگىنە، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە، شينجياڭ دۇڭفىڭ اۆتوموبيل ساۋدا شەكتى سەرىكتەستىگىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي، ەركىن تۇنياز شينجياڭ ياشين كومىر قاباتى گازى قارجى قوسۋ - اشۋ (توبى) شەكتى جاۋاپكەرشىلىك سەرىكتەستىگىندە كاسىپورىننىڭ باسقارۋ، اينالىم جاعدايىن ىشكەرىلەي ۇعىسۋدا.
□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 12 - ايدىڭ 2 - كۇنى تۇستەن بۇرىن شينجياڭ ياشين كومىر قاباتى گازى قارجى قوسۋ - اشۋ توبىنا، جۇڭتاي توبىنا، دۇڭفىڭ اۆتوموبيل ساۋدا شەكتى سەرىكتەستىگىنە بارىپ تەكسەرۋ - زەرتتەۋ جۇرگىزىپ، نازاردى باس شۋجي شي جينپيڭنىڭ مەملەكەت مەنشىگىندەگى كاسىپورىندار رەفورماسى، دامۋى جانە پارتيا قۇرىلىسى جونىندەگى ماڭىزدى بايىمداۋلارىن ۇيرەنۋگە، دايەكتىلەندىرۋگە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە شوعىرلاندىرىپ، شينجياڭنىڭ وسىزاماندانعان كاسىپ سالاسى جۇيەسىن قۇرۋ، ەركىن ساۋدا سىناق رايونىن جاپپاي قۇرۋ سياقتى مىندەتتەردى ارقاۋ ەتە وتىرىپ، كاسىپورىنداردىڭ جۇمىس جۇرگىزۋىنە، باسقارۋىنا، حاۋىپ - قاتەردەن ساقتانۋىنا قاتىستى قىزمەتتەرىن ىشكەرىلەي ۇعىسىپ، مەملەكەت مەنشىگىندەگى كاسىپورىنداردىڭ ورنىقتى، اقاۋسىز دامۋىن، كۇشەيۋىن، ساپالىلانۋىن، زورايۋىن ىلگەرىلەتىپ، جوعارى ساپالى دامۋدى ىلگەرىلەتۋ، جاڭا دامۋ ارناسىنا قىزمەت وتەۋ جانە ونىمەن توعىسۋ بارىسىندا اناعۇرلىم زور رول اتقارۋىن اقىلداستى.
اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.
ما شيڭرۇي، ەركىن تۇنياز شينجياڭ ياشين كومىر قاباتى گازى قارجى قوسۋ - اشۋ توبىنا كەلىپ، كاسىپورىننىڭ باسقارۋ، جۇمىس جۇرگىزۋ، قوسىن قۇرىلىسى سياقتى جاعدايلارىن جانە كومىر قاباتى گازىن اشۋ اياق الىسىن ىشكەرىلەي ۇعىستى. ما شيڭرۇي قاتىستى جاۋاپتى جولداستارعا مىنالاردى تاپسىردى: شينجياڭنىڭ ەنەرگيا بايلىعى كاسىپ سالاسىن دامىتۋ كەلەلى جاعدايىن كوزدە ۇستاپ، تىرەكتىلىك، جەتەكشىلىك رولىن شىنايى ساۋلەلەندىرىپ، قۇرىلىم ورنالاسىمىن كەمەلدەندىرىپ، تەحنيكالاردان قامال الۋدى تەزدەتىپ، شەشۋشى ماسەلەلەردى يگەرە وتىرىپ كۇشتى قامال الۋعا شوعىرلاندىرىپ، شينجياڭنىڭ كومىر قاباتى گازىن اشۋدا تىڭ ناتيجەگە قول جەتكىزۋدى ىلگەرىلەتۋ كەرەك. ءوندىرىس حاۋىپسىزدىگىنە وسكەلەڭ ءمان بەرىپ، ءتۇرلى جاۋاپكەرشىلىك شاراسىن قاتاڭ تياناقتاندىرىپ، حاۋىپسىزدىك تومەنگى شەگىن شىنايى ساقتاۋ كەرەك.
جۇڭتاي توبىندا ما شيڭرۇي، ەركىن تۇنياز كاسىپورىننىڭ كاسىپ سالاسى ورنالاسىمى، تيجارات تابىسى، رەفورما جاساۋ، جاڭالىق اشۋ سياقتى قىزمەت مالىمەتىن تىڭداپ، كاسىپورىننىڭ جاۋاپتى جولداستارىمەن ىشكەرىلەي پىكىر اۋىستىردى. ما شيڭرۇي بىلاي دەپ باسا دارىپتەدى: دامۋ وي جەلىسىن كەڭەيتىپ، بەلسەنە جاۋاپكەرشىلىك ارقالاپ، ىسكەرلىك كورسەتىپ، قىزمەتتىڭ قامال الۋ ءتۇيىنىن اناعۇرلىم ءدال تاۋىپ، نازاردى باسىمدىققا يە كاسىپ بولىگىنە ءۇرتىس كۇش سالۋعا شوعىرلاندىرىپ، تەحنيكا تىرەگىن كۇشەيتىپ، كىرىستى ارتتىرىپ، شىعىستى تەجەۋدى ويداعىداي يگەرىپ، وزىندىك قۇندى تومەندەتىپ، ونىمدىلىكتى ارتتىرۋدى جەبەپ، دامۋ ساپاسى مەن ونىمدىلىگىن ۇزدىكسىز جوعارىلاتۋ كەرەك. قوسىن جانە ستيل قۇرىلىسى جاعىنا اناعۇرلىم زور كۇش سالىپ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن شىن مانىندە كۇشەيتۋ كەرەك.
شينجياڭ دۇڭفىڭ اۆتوموبيل ساۋدا شەكتى سەرىكتەستىگى − شينجياڭ ساۋدا - زات اينالىمى توبى مەن دۇڭفىڭ اۆتوكولىك توبى ورتاق قارجى قوسىپ قۇرعان كاسىپورىن. ما شيڭرۇي، ەركىن تۇنياز اۆتوكولىك كورمەسىن سول جەردىڭ وزىندە كورىپ، قىزمەت تانىستىرۋىن تىڭدادى ءارى سەرىكتەستىكتىڭ قۇرىلىپ، ماڭدايشالىق اشۋ جانە جۇڭگو - ەۆروپا (ورتا ازيا) ”تيانشان“ اتتى كەزەكشى پويەزىن جونەلتۋ سالتىنا قاتىناستى. ما شيڭرۇي كاسىپورىننىڭ شينجياڭنىڭ وڭىرلىك ورىن، ساياسات سياقتى باسىمدىقتارىنان ويداعىداي پايدالانىپ، شينجياڭ ەركىن ساۋدا سىناق رايونى قۇرىلىسى ورايىن بەلسەنە يگەرىپ، شينجياڭدى تياناق ەتىپ، ورتا ازيادان تەرەڭ ورىن الىپ، ”ءبىر بەلدەۋ، ءبىر جولدى“ بىرگە قۇراتىن ەلدەر بازارىن كۇش سالا اشىپ، جەدەل دامۋىن، ورنىقتى ارتۋىن ءۇمىت ەتتى.
ما شيڭرۇي بىلاي دەپ باسا دارىپتەدى: كەزەكتە شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر. مەملەكەت مەنشىگىندەگى كاسىپورىندار ەكونوميكالىق دامۋدىڭ ”تىرەگى“ رەتىندە، ساياسي دەڭگەيدى شىن مانىندە جوعارىلاتىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ ماڭىزدى ورنى مەن رولىن تەرەڭ يگەرىپ، شينجياڭنىڭ بۇكىل ەلدىڭ كەلەلى جاعدايىنداعى ستراتەگيالىق ورنىن كوزدەپ، نازاردى نەگىزگى كاسىپكە، شارۋاشىلىقتى كۇشەيتۋگە شوعىرلاندىرىپ، رەفورما جاساپ، جاڭالىق اشىپ، ساپانى جوعارىلاتىپ، ونىمدىلىكتى ارتتىرىپ، وزەكتى باسەكەلىك قۋاتتى ۇزدىكسىز جوعارىلاتىپ، وزەكتى يقۋاتتى كۇشەيتىپ، شينجياڭدى دامىتۋدىڭ وزەكتى كەلەلى جاعدايىنا اناعۇرلىم ويداعىداي قىزمەت وتەۋ كەرەك. كاسىپ سالاسى جۇيەسى قۇرىلىسىنا بەلسەنە قىزمەت وتەپ، شينجياڭنىڭ ”8 ءىرى كاسىپ سالاسى شوعىرى“ قۇرىلىسى نىساناسىمەن تىعىز بايلانىستىرىپ، ستراتەگيالىق ۇزاق مەزگىلدى كوزدەپ، بەلسەنە، ىرىقتىلىقپەن ىسكەرلىك كورسەتىپ، كاسىپ سالاسى ورنالاسىمىن كۇش سالا ساپالىلاندىرىپ، كاسىپ سالاسى تىزبەگىن ءۇرتىس ۇزارتىپ، تيپ وزگەرتىپ، دارەجەسىن ءوسىرۋدى بار كۇشپەن جەبەپ، ىشكە، سىرتقا ەسىك اشۋدىڭ جاڭا ارناسىمەن ىرىقتىلىقپەن توعىسىپ، شينجياڭ باسىمدىعى مەن ەرەكشەلىگىن ايگىلەيتىن وسىزاماندانعان كاسىپ سالاسى جۇيەسىن قۇرۋ بارىسىندا جەتەكشىلىك، باستاماشىلدىق رولىن ساۋلەلەندىرۋ كەرەك. دامۋعا جاڭالىق اشۋ ارقىلى دەم بەرۋدى ءۇرتىس كۇشەيتىپ، نازاردى شينجياڭنىڭ كەلەلى ستراتەگيالىق قاجەتىنە جانە كاسىپ سالاسىنىڭ دارەجەسىن جوعارىلاتۋ قاجەتىنە شوعىرلاندىرىپ، دامۋعا جاڭالىق اشۋ ارقىلى دەم بەرۋ جولىنا بەلسەنە ىزدەنىس جاساپ، جاڭالىق اشۋ بايلىعىن ءبىر تۇتاس جوسپارلاۋدى كۇشەيتىپ، جاڭالىق اشۋ تۇعىرىن ورناتىپ، ىشكى - سىرتقى جاقتا جاڭالىق اشۋدى سايكەستىرۋدى تەرەڭدەتىپ، شەشۋشى، وزەكتى تەحنيكالاردان قامال الۋ قابىلەتىن جانە جەتىستىكتى كادەگە جاراتۋ ونىمدىلىگىن جوعارىلاتىپ، جوعارى ساپالى دامۋدىڭ تەبىندى قوزعالىس قۋاتىن جەتىلدىرۋ كەرەك. رەفورمانى تەرەڭدەتىپ، دامۋ قوزعاۋشى كۇشىن كۇشەيتىپ، پارتيا قۇرىلىسى جەتەكشىلىگىن كۇشەيتىپ، كاسىپورىنداردىڭ دامۋ تاكتيكاسىن ساپالىلاندىرۋ، كاسىپورىنداردىڭ باسقارۋ ۇلگىسىن كەمەلدەندىرۋ جاعىنا ءۇرتىس كۇش سالۋعا ۇمتىلىپ، وسى زامانعى كاسىپورىن ءتۇزىمىن قۇرىپ، كەمەلدەندىرىپ، باسقارۋ دارەجەسىن جوعارىلاتۋدى جەدەل ىلگەرىلەتىپ، باسشىلىق القا قۇرىلىسىن ساپالىلاندىرىپ، ۇزدىك دارىندىلاردى بار كۇشپەن ەنگىزىپ - باۋلىپ، بازارلاندىرۋ مەحانيزمى بويىنشا جۇمىس جۇرگىزەتىن، ومىرشەڭدىك كۇشكە تولى، اناعۇرلىم ونىمدىلىككە يە مەملەكەت مەنشىگىندەگى كاسىپورىنداردى قۇلشىنا تۇلعالاۋ كەرەك. ەلەۋلى حاۋىپ - قاتەرلەردەن باتىل ساقتانىپ جانە ونى جويىپ، ارنايىلانعان، جۇيەلىلەنگەن، زاڭمەن باسقارىلاتىن باقىلاۋ - باسقارۋدى كۇشەيتىپ، حاۋىپ - قاتەردى قاداعالاۋ، ساقتانۋ - تىزگىندەۋ قىزمەت جۇيەسىن جەدەل اقاۋسىزداندىرىپ، قارىز، فينانس، قارجى قوسۋ، حاۋىپسىزدىك، ورتانى قورعاۋ سياقتى سالالاردىڭ ەلەۋلى حاۋىپ - قاتەرلەردەن ساقتانۋ - تىزگىندەۋ قىزمەتىن بەلسەندى، ۇيلەسىمدى ويداعىداي ىستەپ، جۇيەلىك حاۋىپ - قاتەر تۋىلماۋىنىڭ تومەنگى شەگىن مىقتاپ ساقتاپ، مەملەكەت مەنشىگىندەگى مال - مۇلىك حاۋىپسىزدىگىن شىنايى قورعاۋ كەرەك.
چىن ۋيجۇن، قادەن كابەن، ۋاڭ گاڭ قاتىستى قيمىلدارعا قاتىناستى.
