قازاقستاننىڭ الماتى قالاسىندا شيان شيڭحاي داڭعىلى دەپ اتالاتىن ءبىر جول بار.
بۇل جۇڭگونىڭ ايگىلى كومپوزيتورى شيان شيڭحايدىڭ اتىمەن اتالعان. تاعى ءبىر بايقاداموۆ داڭعىلى بار، ول قازاقستاننىڭ ايگىلى كومپوزيتورى بايقاداموۆتىڭ اتىمەن اتالعان.
80 قانشا جىلدىڭ الدىندا، وسى ەكى كومپوزيتور سوعىس ءورتى بۇرقىراپ تۇرعان كەزدە تەرەڭ دوستىق ورناتقان بولاتىن، ولاردىڭ جازعان مۋزيكالارى ءار ەل حالقىنىڭ فاشيزمگە قارسى كۇرەسىنە شابىت بەردى. ولاردىڭ دوستىعى جۇرت اراسىندا جاپپاي تارالدى، ءارى جۇڭگو مەن قازاقستان ەكى ەل دوستىعىنىڭ سيموۆلىنا اينالدى.
”ءبىر بەلدەۋ، ءبىر جولدى“ بىرگە قۇرۋ جۇلگەسىندە جۇڭگو مەن قازاقستان ەكى ەل بىرلەسىپ تۇسىرگەن «كومپوزيتور» فيلمى ول ەكەۋىنىڭ حيكاياسىن ەكرانعا كوتەردى.
9 - ايدىڭ 14 - كۇنى اۆتونوميالى رايوندىق پارتكومنىڭ ۇگىت ءبولىمى ۇيىمداستىرعان ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى نەگىزگى تاقىرىپتىق شەكارا سىرتىندا تىلشىلىك جاساۋ قيمىلىن حابارلاۋ ۇيىرمەسى قازاقستاننىڭ الماتىسىنا جەتتى، شيان شيڭحاي داڭعىلى مەن بايقاداموۆ داڭعىلىندا انار بۇلت \ شينجياڭ گازەتىنىڭ ءتىلشىسى قازاقستان ءتىلشىسى اليبەك بەكاليوۆتى ەرەكشە ۇسىنىس ەتىپ «كومپوزيتور» فيلمىنىڭ كلاسسيكالىق ديالوگتارىن جاتقا وقىپ، ەكى كومپوزيتوردىڭ حيكاياسىن باياندادى. تىلشىلىك شاعىن اترەتى «كومپوزيتور» فيلمىنىڭ رەجيسسەرى شەريزات ياقۇپقا ارناۋلى تىلشىلىك جاساپ، كوپشىلىكپەن فيلم جانە شيان شيڭحاي داڭعىلىنىڭ حيكاياسىمەن ءبولىستى.
«كومپوزيتوردىڭ» ديالوگتارىنىڭ ىشىندەگى ”كۇندەردىڭ كۇنىندە جۇڭگو مەن الماتىنىڭ اراسىنا كولىك قاتىنايدى“ دەگەنى الدەقاشان رەالدىققا اينالىپ ۇلگەردى. ”ءبىر بەلدەۋ، ءبىر جولدى“ بىرگە قۇراتىن ەلدەر مەن حالىق وسىناۋ نۇرلى جولدا ۇدەرە العا تارتىپ بارادى.