قىستىڭ قاقاعان سۋىعى تاياپ قالدى، قىستاق تۇرعىندارىنىڭ قىسقى كۇنگى جىلىنۋ ماسەلەسىن شىنايى شەشۋ ٴۇشىن، 11 - ايدىڭ 29 - كۇنى تولى اۋداندىق حالىق سوتى مەكەمەسىنىڭ قاتۋ قىستاعىندا تۇراتىن قىزمەت اترەتى جىبەرگەن ورىنمەن بەلسەنە بايلانىس جاساپ، 20 مىڭ يۋاننان استام قاراجات ءوتىنىش ەتىپ، قىستاقتاعى ەڭ تومەنگى تۇرمىسى قامتاماسىز ەتىلەتىن 25 وتباسى، مۇگەدەكتەر سياقتى قيىنشىلىعى بار وتباسىلارىنا 50 توننادان استام كومىر جەتكىزىپ بەرىپ، قىستاق تۇرعىندارىنىڭ كومىر جاعۋداعى قيىنشىلىعىن شەشتى.
كومىر تاراتۋ بارىسىندا، قىستاقتا تۇراتىن قىزمەت اترەتى مەن قىستاق كادرلارى قازۋ ماشيناسىمەن تيەۋ، سول جەردىڭ وزىندە سالماقتاۋ، وتباسىلارىنا جەتكىزۋ، ناق مايداندا ەستەلىككە الۋعا دەيىنگى بارلىق بارىستا جۇمىستىڭ باسى - قاسىندا بولدى. ءار وتباسىنا بارعان سايىن قىزمەت اترەتى مەن قىستاق كادرلارى قىستاق تۇرعىندارىنا حاۋىپسىز جىلىنۋ، ەلەكتردەن پايدالانۋ جانە كومىر گازىنەن ۋلانۋدىڭ الدىن الۋ سياقتى بىلىمدەردى ٴتۇسىندىرىپ، ولارعا قاي قاشان دا كومىرتەگى شالا توتىعىن مالىمدەۋ اسپابىنىڭ ىستەتىلۋ جاعدايىنا نازار اۋدارۋدى جانە تەكسەرۋدى، قىستا جىلۋمەن قامداۋ شىرعالاڭىنىڭ تۋىلىن باتىل تيۋ جانە ودان ساقتانۋدى قايتا - قايتا تاپسىردى.
”قىزمەت اترەتى مەن قىستاق ’ەكى كوميتەتى‘ قيىنشىلىق كەزىندە قول ۇشىن بەردى، بيىل قىستا كومىر ساتىپ الىپ قىستان ٴوتۋ ٴۇشىن الاڭدامايتىن بولدىق“. قاتۋ قىستاعىنىڭ تۇرعىنى قوقىرباي وتاي ۇلى سويلەي ٴجۇرىپ، باس بارماعىن شىعارىپ، قىزمەت اترەتى مەن قىستاق كادرلارىن القادى.
”مەيىر كومىرىنىڭ“ تاراتىلۋى ”جۇرتشىلىققا جىلۋ“ سيلادى، ونان دا ماڭىزدىسى، ”جۇرت جۇرەگىن“ جىلىتتى، تولى اۋداندىق حالىق سوتى مەكەمەسى مەن قىزمەت اترەتىنىڭ، قىستاق كادرلارىنىڭ شىن جۇرەكتەن بۇقارانى ۋايىمنان ارىلتاتىن، ناقتى ٴىس تىندىراتىن تاباندى رۋحىن تولىق ايگىلەپ، ٴار ۇلت بۇقاراسىنا پارتيا ۇيىمىنىڭ قامقورلىعى مەن مەيىرىن تولىق سەزىندىردى.
تولى اۋداندىق حالىق سوتى مەكەمەسىنىڭ قاتۋ قىستاعىندا تۇراتىن قىزمەت اترەتىنىڭ 1 - شۋجيى، اترەت باستىعى ەرجان جالەل بىلاي دەدى: ”كەلەسى قادامدا، قىستاقتا تۇراتىن قىزمەت اترەتى مەن قىستاق كادرلارى قىستاق تۇرعىندارىنىڭ قىستان امان - ەسەن ءوتۋ ماسەلەسىنە ۇزدىكسىز ويداعىداي نازار اۋدارىپ، ۇساق ىستەردەن باستاپ ىستەپ، بار ىنتا ـ پەيىلىمەن ولارعا ويداعىداي قىزمەت وتەپ، ٴار ۇلت بۇقاراسىنىڭ باقىت سەزىمىن، تابىس سەزىمىن، حاۋىپسىزدىك سەزىمىن كورنەكتى جوعارىلاتادى“. (تولى اۋداندىق توعىسپالى مەديا ورتالىعىنىڭ ۇسىنىس ەتىلگەن ٴتىلشىسى ۋاڭ زىرۇڭ، ەرىكتى ٴتىلشى دۋ شينلياڭ)
