شي جينپيڭ 10 - رەتكى مەملەكەت نەگىزگى زاڭ كۇنى قارساڭىندا ماڭىزدى نۇسقاۋ بەرىپ، بىلاي دەپ باسا دارىپتەدى
نەگىزگى زاڭنىڭ بەدەلى مەن ابىرويىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك
جاۋ لىجي مەملەكەت نەگىزگى زاڭ كۇنى اڭگىمە ماجىلىسىنە قاتىناستى ءارى ءسوز سويلەدى
شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى. 10 - رەتكى مەملەكەت نەگىزگى زاڭ كۇنى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، بىلاي دەپ اتاپ كورسەتتى: نەگىزگى زاڭ − مەملەكەتتى باسقارىپ، ەلدى تىنىشتاندىرۋدىڭ باس ەرەجەسى، پارتيامىزدىڭ ەل باسقارۋداعى ءتۇبىرلى زاڭدىق نەگىزى، مەملەكەتتىڭ ساياسي جانە قوعامدىق ومىرىندەگى ەڭ جوعارى زاڭدىق ولشەم. پارتيا 18 - قۇرىلتايىنان بەرى پارتيا نەگىزگى زاڭ قىزمەتىنە جالپى بەتتىك باسشىلىقتى كۇشەيتىپ، جۇڭگوشا سوتسياليستىك نەگىزگى زاڭ نازارياسى مەن نەگىزگى زاڭ امالياتىن بايىتىپ جانە دامىتىپ، ەلىمىزدىڭ نەگىزگى زاڭ ءتۇزىم قۇرىلىسى مەن نەگىزگى زاڭنىڭ اتقارىلۋىن ىلگەرىلەتۋدە تاريحي تابىسقا قول جەتكىزدى.
شي جينپيڭ بىلاي دەپ باسا دارىپتەدى: جاڭا جورىقتا نەگىزگى زاڭنىڭ بەدەلى مەن ابىرويىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە بەرىك قامتاماسىزدىق ازىرلەۋ كەرەك. ساياسي ءتۇزىم سەنىمىن بەكەمدەپ، نەگىزگى زاڭدا بەلگىلەنگەن جۇڭگو كوممۋنيستىك پارتياسىنىڭ باسشىلىق ورنىنا تاباندى بولۋدان اۋىتقىماۋ، نەگىزگى زاڭدا بەلگىلەنگەن حالىق دەموكراتياسى ديكتاتۋراسى سىندى مەملەكەت قۇرىلىمى مەن حالىق قۇرىلتايى ءتۇزىمى سىندى بيلىك قۇرىلىمىنا تاباندى بولۋدان اۋىتقىماۋ كەرەك. جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن دايەكتىلەندىرىپ، نەگىزگى زاڭ بەلگىلەمەسىن، نەگىزگى زاڭ پرينسيبىن، نەگىزگى زاڭ رۋحىن جاپپاي دايەكتىلەندىرۋگە تاباندى بولىپ، نەگىزگى زاڭنىڭ اتقارىلۋىن، نەگىزگى زاڭدى ءتۇسىندىرۋدى، نەگىزگى زاڭدىق باقىلاۋدى جۇيەلى ىلگەرىلەتۋگە تاباندى بولىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، نەگىزگى زاڭنىڭ اتقارىلۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. نەگىزگى زاڭ نازارياسى جونىندەگى زەرتتەۋلەردى جانە ۇگىت - تاربيەنى كۇشەيتىپ، ءبىلىم جالپىلاستىرۋعا، نازاريانى شەشىپ تۇسىندىرۋگە، كوزقاراس ارقىلى جەتەكشىلىك ەتۋگە جان - جاقتى كۇش سالۋعا تاباندى بولىپ، تۇتاس قوعامدا نەگىزگى زاڭ رۋحىن، سوتسياليستىك زاڭمەن باسقارۋ رۋحىن بار كۇشپەن اسقاقتاتىپ، نەگىزگى زاڭدى اتقارۋدىڭ جالپى حالىقتىڭ سانالى ارەكەتىنە اينالۋىن ىلگەرىلەتۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى 12 - ايدىڭ 4 - كۇنى ورتالىق كوميتەت ۇگىت بولىمىمەن، ءادىليا مينيسترلىگىمەن بىرلەسىپ بەيجيڭدە ”نەگىزگى زاڭ رۋحىن اسقاقتاتىپ، نەگىزگى زاڭنىڭ اتقارىلۋىن كۇشەيتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە نەگىزگى زاڭ قامتاماسىزدىعىن ازىرلەيىك“ دەگەن تاقىرىپتا اڭگىمە ءماجىلىسىن وتكىزدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي اڭگىمە ماجىلىسىنە قاتىناستى ءارى ءسوز سويلەدى.
جاۋ لىجي سوزىندە بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، نەگىزگى زاڭدى اتقارۋ جانە ۇگىت - تاربيە قىزمەتىن جاپپاي ىلگەرىلەتىپ، مەملەكەت ءتۇبىرلى زاڭىنىڭ باسىمدىعى مەن ونىمدىلىگىن تولىق ساۋلەلەندىرۋ كەرەك.
جاۋ لىجي بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭ نەگىزگى زاڭ جانە نەگىزگى زاڭنىڭ اتقارىلۋى جونىندە ءبىر قىدىرۋ ماڭىزدى ءسوز جانە ماقالا جاريالاپ، ءبىرسىپىرا ماڭىزدى نۇسقاۋ بەرىپ، جۇڭگوشا سوتسياليستىك نەگىزگى زاڭ نازارياسىن بايىتتى جانە دامىتتى، جاڭا داۋىردەگى جۇڭگونىڭ نەگىزگى زاڭ امالياتى جاڭا تاراۋىن جازۋعا ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. جۇڭگو كوممۋنيستىك پارتياسىنىڭ باسشىلىعىنا تاباندى بولۋ ەلىمىز نەگىزگى زاڭىنىڭ ەڭ ايقىن ەرەكشەلىگى، ەڭ ءتۇبىرلى تالابى ەكەندىگىن جەتە تانىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ ورىنداپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار جاعىندا، جالپى بارىسىندا جان - جاقتى، جۇيەلى، تۇتاس تۇلعالى تياناقتاندىرۋعا كەپىلدىك ەتۋ كەرەك. ەلىمىزدىڭ نەگىزگى زاڭى ايقىن سوتسياليستىك سيپاتقا يە نەگىزگى زاڭ، ناعىز ماندەگى حالىق نەگىزگى زاڭى ەكەندىگىن جەتە تانىپ، جۇڭگو ۇلگىسىندەگى وسىزامانداندىرۋدىڭ ماندىك تالابىن مىقتاپ يگەرىپ، نەگىزگى زاڭ ارقىلى ورتاق تانىم ۇيىستىرىپ، ىنتىماقتاسا كۇرەس جاساۋ كۇشىن توپتاۋ كەرەك. ەلىمىز نەگىزگى زاڭىنىڭ بارىنەن جوعارى تۇراتىن زاڭ - ءتۇزىم مارتەبەسىنە جانە قۇدىرەتتى زاڭ - ءتۇزىم كۇشىنە يە ەكەندىگىن، نەگىزگى زاڭدى جاپپاي دايەكتىلەندىرۋ، اتقارۋدىڭ مەملەكەتتى جاپپاي زاڭمەن باسقارۋدىڭ ماڭداي الدى مىندەتى ەكەندىگىن جەتە تانىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك.
جاۋ لىجي بىلاي دەپ باسا دارىپتەدى: جاڭا جورىقتا، جۇڭگوشا سوتسياليستىك نەگىزگى زاڭ نازارياسىن ىشكەرىلەي ۇيرەنىپ، دايەكتىلەندىرىپ، نەگىزگى زاڭدى جاپپاي دايەكتىلەندىرۋدى، اتقارۋدى ۇزدىكسىز ىشكەرىلەي ىلگەرىلەتۋ كەرەك. جۇڭگوشا سوتسياليستىك زاڭ جۇيەسىن كەمەلدەندىرىپ، نەگىزگى زاڭنىڭ قاتىستى بەلگىلەمەلەرىن اتقارۋ مەحانيزمىن كەمەلدەندىرىپ، نەگىزگى زاڭدىق باقىلاۋ ءتۇزىمىن كەمەلدەندىرىپ، عىلمي دا ءونىمدى، جۇيەلى دە كەمەلدى تۇزىمدىك جۇيە ارقىلى نەگىزگى زاڭنىڭ اتقارىلۋىنا كەپىلدىك ەتۋ كەرەك. جۇڭگونىڭ نەگىزگى زاڭ حيكاياسىن ويداعىداي بايانداپ، نەگىزگى زاڭ رۋحىن اسقاقتاتىپ، نەگىزگى زاڭ نازارياسى جونىندەگى زەرتتەۋلەردى كۇشەيتىپ، جالپى حالىقتىڭ نەگىزگى زاڭنىڭ ادال ارداقتاۋشىسى، سانالى بويسۇنۋشىسى، تاباندى قورعاۋشىسى بولۋىنا مۇمكىندىك جاساۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭ اڭگىمە ءماجىلىسىن باسقاردى.
ورتالىق كوميتەت ۇگىت بولىمىندەگى، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىندەگى، ءادىليا مينيسترلىگىندەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، وقۋ - اعارتۋ مينيسترلىگىندەگى، جۇڭگو زاڭ ءىلىمى قوعامىنداعى قاتىستى جاۋاپتى جولداستار جانە مەملەكەتتىك حالىق قۇرىلتايىنىڭ ۋاكىلدەرى اڭگىمە ماجىلىسىندە ءسوز سويلەدى.
شياۋ جيە، حاۋ ميڭجين، جاڭ چيڭۋي اڭگىمە ماجىلىسىنە قاتىناستى.
مەملەكەتتىك حالىق قۇرىلتايىنىڭ ءارقايسى ارناۋلى كوميتەتىندەگى، مەملەكەتتىك حالىق قۇرىلتايى تۇراقتى كوميتەتى قىزمەت كوميتەتىندەگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، بەيجيڭدەگى ءبىر ءبولىم جوعارى مەكتەپتەردەگى جانە عىلمي زەرتتەۋ اكادەميا - ورىندارىنداعى ماماندار، وقىمىستىلار، ت . ب اڭگىمە ماجىلىسىنە قاتىناستى.
