تيانشان تورى - شينجياڭ گازەتىنىڭ حابارى (ٴتىلشى كاڭ حاۋيان حابارلايدى). 12 - ايدىڭ 5 - كۇنى ٴۇرىمجى قالالىق اكىمشىلىك قىزمەت وتەۋدى باسقارۋ مەكەمەسى مەن شينجياڭ ٴوندىرىس - قۇرىلىس بيڭتۋانىنىڭ اكىمشىلىك قىزمەت وتەۋ ورتالىعى سايكەستىرۋ ٴماجىلىسىن اشىپ، 196 ءتۇرلى اكىمشىلىك قىزمەت وتەۋدى ”بيڭتۋان مەن جەرگىلىكتى ورىندا ءبىر تۇتاس ءبىتىرۋدى“ رەسمي ىسكە قوستى.
وسى رەت ىسكە قوسىلعان 196 ٴتۇرلى اكىمشىلىك قىزمەت وتەۋ ٴىسى نەگىزىنەن جەكەلەر مەن كاسىپورىنداردىڭ ۇنەمى بىتىرەتىن ەتەتىن 31 ٴتۇرلى قوعامدىق قامسىزداندىرۋ، جۇمىستاندىرۋ ىستەرى، 14 ٴتۇرلى ەمدەۋ قامسىزداندىرۋ ىستەرى، جان سانى، اۆتوكولىك باسقارۋ، نوپوس سياقتىلارعا ساياتىن 128 ءتۇرلى ىستەر مەن 23 ٴتۇرلى الەۋمەتتىك جيناق قور ىستەرىن قامتيدى. تۇتاس بارىستى ينتەرنەتتە ٴبىتىرۋ، ٴبىر تەرەزەدەن ٴبىر تۇتاس ٴبىتىرۋ، ٴبىر تۇلعالانعان ماشينامەن ٴوزى ٴبىتىرۋ سياقتى تاسىلدەردەن پايدالانىپ، كاسىپورىن، بۇقارا جاقىن ماڭدا زەينەتكەرلىك قامسىزداندىرۋ قاتىناسىن جوتكەۋ، باسقا جەرگە جوتكەلىپ دياگنوز قويدىرۋدى ەستەلىككە الۋ، شوفەرلىك كۋالىگىن اۋىستىرۋ، نوپوس كوشىرۋ، الەۋمەتتىك جيناق قوردى شىعارىپ الۋ سياقتى كوپ ٴتۇرلى ”بيڭتۋان مەن جەرگىلىكتى ورىندا ٴبىر تۇتاس ٴبىتىرۋ“ ۇكىمەتتىك قىزمەت وتەۋ كاسىبىن بىتىرە الادى.
12 - ايدىڭ 5 - كۇنى قالا تۇرعىندارى شينجياڭ ٴوندىرىس - قۇرىلىس بيڭتۋانىنىڭ اكىمشىلىك قىزمەت وتەۋ ورتالىعىندا ”بيڭتۋان مەن جەرگىلىكتى ورىندا ٴبىر تۇتاس ٴبىتىرۋ“ كاسىبى جونىندە كەڭەس سۇرادى. سۋرەتتى تيانشان تورى - شينجياڭ گازەتىنىڭ ٴتىلشىسى كاڭ حاۋيان تۇسىرگەن
”قىزمەتتەن بوساعاننان كەيىن الەۋمەتتىك جيناق قور الۋ راسمياتىن ءبىتىرۋ ءۇشىن يمين سارايى سياقتى جەرلەرگە باراتىنبىز، وسى رەت ٴۇيىمىزدىڭ ىرگەسىندە جۇمىس ٴبىتىرىپ، سول كۇنى ەسەپكە كىردى، جوعارى ٴونىمدى، قولايلى بولدى“. تيانشان رايونىندا تۇراتىن قالا تۇرعىنى لي حانىمنىڭ ايتۋىنشا ول بيڭتۋاننىڭ اكىمشىلىك قىزمەت وتەۋ ورتالىعىندا ەڭبەك قاتىناسىن كۇشىنەن قالدىرىپ، الەۋمەتتىك جيناق قوردى شىعارىپ الۋ كاسىبىن بىتىرگەندە كىرە جالداپ سابىلماپتى؛ ينتەرنەتتە ٴوتىنىش بەرگەندە ارتقى تەكشەدە تەكسەرىپ انىقتاۋعا 3 تە 5 قىزمەت كۇنى قاجەت، الايدا ”بيڭتۋان مەن جەرگىلىكتى ورىندا ٴبىر تۇتاس ٴبىتىرۋ“ ارناۋلى تەرەزەسىندە ۇستىندە تەكسەرىلىپ انىقتالىپ، ٴبىر قىزمەت كۇنى ىشىندە بىتىرۋگە بولادى، الاڭسىز بولاسىز، ۋاقىت ۇنەمدەلەدى.
”كاسىپورىن، بۇقارانىڭ جاقىن ماڭدا بىتىرۋىنە، ٴوڭىر اتتاپ بىتىرۋىنە، ولكە اتتاپ بىتىرۋىنە، بيڭتۋان مەن جەرگىلىكتى ورىندا ٴبىر تۇتاس بىتىرۋىنە مۇمكىندىك جاساۋ − ٴبىزدىڭ قىزمەت وتەۋدەگى باستى ماقساتىمىز“. بيڭتۋان اكىمشىلىك قىزمەت وتەۋ ورتالىعى باسقارۋ ٴبولىمىنىڭ جاۋاپتىسى ما جيڭجيڭ بىلاي دەپ تانىستىردى: بيڭتۋان اكىمشىلىك قىزمەت وتەۋ ورتالىعى 11 ـ شىنىڭ ، 12 ـ شىنىڭ جانە بيڭتۋانعا توتە قاراستى كاسىپورىنداردىڭ قالىڭ بۇقاراسىن قامتيدى. وسىدان بۇرىن بيڭتۋان اكىمشىلىك قىزمەت وتەۋ ورتالىعى، باستىسى، بيڭتۋاننىڭ ٴوز دارەجەسىندەگى جانە ٴبىر ٴبولىم شى (قالا) دارەجەلى اكىمشىلىك قىزمەت وتەۋ كاسىبىن بىتىرەتىن، بيڭتۋان مەن جەرگىلىكتى ورىننىڭ گاز، پار، ەلەكتر اقىسىن تاپسىرۋ، كاسىپورىن CA كۋالاندىرۋ سياقتى ٴبىر تۇتاس ٴبىتىرۋ كاسىبىن جۇزەگە اسىرعان. ٴۇرىمجى قالاسى، بيڭتۋان ٴوزارا ”بيڭتۋان مەن جەرگىلىكتى ورىندا ٴبىر تۇتاس ٴبىتىرۋ“ ارناۋلى تەرەزەسىن اشقاننان كەيىن، ينتەرنەت جەلىسىندە، ينتەرنەت جەلىسىنەن تىس تاسىلمەن بىتىرۋگە بولاتىن ىستەر 196 عا جەتتى، مۇنىڭ ىشىندە ينتەرنەت جەلىسىنەن تىس ارناۋلى تەرەزەدەن بىتىرۋگە بولاتىن ىستەر 51گە جەتتى. جەرگىلىكتى ورىنداردىڭ قىزمەت وتەۋ تۇرلەرى كوبەيتىلگەننەن كەيىن، بيڭتۋاننىڭ اكىمشىلىك قىزمەت وتەۋ ورتالىعىندا ٴىس بىتىرەتىن ادام سانى مەجەمەن ەسەلەپ ارتادى.
12 ـ ايدىڭ 5 ـ كۇنى حالىق ساقشىلارى شينجياڭ ٴوندىرىس ـ قۇرىلىس بيڭتۋانىنىڭ اكىمشىلىك قىزمەت وتەۋ ورتالىعىنىڭ تەرەزەسىندە تۇرعىنداردىڭ ازاماتتىق كۋالىككە قاتىستى كاسىپتەرىن ٴبىتىردى. سۋرەتتى تيانشان تورى - شينجياڭ گازەتىنىڭ ٴتىلشىسى كاڭ حاۋيان تۇسىرگەن
بيڭتۋاننىڭ اكىمشىلىك قىزمەت وتەۋ ورتالىعىندا ٴتىلشى 1 - قاباتتاعى ۇلكەن زالدىڭ تەرەزەسىندە ازاماتتىق كۋالىكتى سۋرەتكە الۋ جابدىعى بار ەكەنىن كوردى. حالىق ساقشىلارىنىڭ جەتەكشىلىگىندە، ٴىس بىتىرەتىن بۇقارا ”شينجياڭ قوعام حاۋىپسىزدىگى ميكرو ساقشى ىستەرى“ جەلىدەگى ارنادا جالپى بارىستىق ينتەرنەتتە بىتىرىلەتىن 38 ٴتۇرلى نوپوس، سالاۋات كاسىبىن بىتىرە الادى؛ سونداي - اق سول جەردىڭ وزىندە بيڭتۋان مەن جەرگىلىكتى ورىننىڭ جاڭا تۋعان نارەستەلەردىڭ نوپوسىن قوندىرۋ، 16 جاستان بۇرىن تۇڭعىش رەت ازاماتتىق كۋالىگىن ءوتىنىش ەتىپ الۋ، وسى قالانىڭ نوپوسىن كوشىرۋ سياقتى 16 ٴتۇرلى جەلىدەن تىس تەرەزەلىك كاسىپتى بىتىرۋىنە بولادى.
ٴۇرىمجى قالالىق اكىمشىلىك قىزمەت وتەۋدى باسقارۋ مەكەمەسى تەكسەرىپ - بەكىتۋ ىستەرىن باسقارۋ ٴبولىمىنىڭ باستىعى چىڭ يان بىلاي دەدى: بيڭتۋان مەن جەرگىلىكتى ورىننىڭ ىشكەرىلەي توعىسا دامۋىن ىلگەرىلەتۋ ٴۇشىن، بيىل وسى مەكەمە ۇكىمەت ىستەرى قىزمەت وتەۋىن ”بيڭتۋان مەن جەرگىلىكتى ورىندا ءبىر تۇتاس ءبىتىرۋدى“ ينتەرنەت جەلىسىندە، ينتەرنەت جەلىسىنەن تىس ٴبىر تۇتاس ىلگەرىلەتۋگە تاباندى بولىپ، بيڭتۋان مەن جەرگىلىكتى ورىن ەكى جاقتىڭ ادام كۇشى بايلىعى جانە قوعامدىق قامتاماسىزداندىرۋ، ەمدەۋ قامسىزداندىرۋى، قوعام حاۋىپسىزدىگى، تۇرعىن ٴۇي الەۋمەتتىك جيناق قورى سياقتى باسقارۋ تاراۋلارىنىڭ بىرلەسۋىنە ىرىقتى تۇردە جەتەكشىلىك ەتىپ، ۇشتاستىراتىن ىستەر ءتىزىمىن سارالاپ تاڭداپ، قىزمەتشىلەردى الماستىرۋ، ينتەرنەت جەلىسىندە ءوزارا بايلانىسۋ، تاجىريبە ارقىلى ٴوزارا ۇلگى الۋ، ءوزارا پىكىر الماستىرۋ، قىزمەتتى ٴوزارا جەبەۋ ۇلگىسى ارقىلى اكىمشىلىك باسقارۋداعى بوگەتتى بۇزىپ، بيڭتۋان مەن جەرگىلىكتى ورىننىڭ ناقتى كاسىپتەردى ٴوزارا ٴبىتىرۋىن ىلگەرىلەتتى. بۇدان بىلاي بۇل مەكەمە ”بيڭتۋان مەن جەرگىلىكتى ورىندا ٴبىر تۇتاس ٴبىتىرۋ“ ىستەرىنىڭ كولەمى مەن سانىن بىرتىندەپ ارتتىرىپ، بيڭتۋان مەن جەرگىلىكتى ورىنداعى كاسىپورىنداردىڭ، بۇقارانىڭ ٴىس بىتىرۋدەگى قولايلىلىعى مەن رازىلىعىن اناعۇرلىم جوعارىلاتادى.
