ءۇرىمجى كەشكى گازەتىنىڭ حابارى (جالپىلىق مەديا ءتىلشىسى جيا مىڭيان حابارلايدى). دەر كەزىندە جولداعى قاردى تازالاپ، تايعاناۋدان ساقتايتىن جابدىقتاردى الدىن الا توسەدى ... 12 - ايدىڭ 9 - كۇنى ”جاۋا سالا تازالاپ ۇلگىرۋ، قار توقتاعاندا جول مۇنتازداي بولۋ“ جالپى تالابى بويىنشا ءۇرىمجى قورشاعان ورتانى تازالاۋ تاراۋى جۇمىسكەرلەر مەن ماشينالاردى ورنالاستىرۋدى ءبىر تۇتاس جوسپارلاپ، اپتا اياعىندا قالا تۇرعىندارىنىڭ ىركىلىسسىز قاتىناۋىن قامتاماسىز ەتتى.
تەز قارقىندى تاس جولدا قار تازالاۋ ماشينالارى جۇمىس جۇرگىزۋدە. سۋرەتتى ءتىلشى جيا مىڭيان تۇسىرگەن
ءۇرىمجى قالا باسقارۋ مەكەمەسى (اكىمشىلىك زاڭ اتقارۋ مەكەمەسى) قالا الەۋمەتتىك قۇرىلعىلارى شۇعىل جاعدايعا توتەپ بەرۋ، قاتەردەن قۇتقارۋ ورتالىعىندا (قورشاعان ورتانى تازالاۋ تۇرىندەگى جۇمىستار ورتالىعى) قىزمەتكەرلەر تۇسكى ۋاقىتتان پايدالانىپ 365 الدىڭعى بولىك قار تازالاۋ، كۇرەۋ ماشيناسى، شاعىن تۇرپاتتى سىرعىمالى قار كۇرەۋ ماشيناسى، جىلجىمالى قار تازالاۋ ماشيناسى سياقتى جابدىقتارعا قايتالاي تەكسەرۋ جۇرگىزىپ، جانار مايىن سونداي - اق تايعاناۋدان ساقتانۋ ماتەريالدارىن تولىقتادى.
ۇعىسۋعا قاراعاندا، بۇل ورتالىق ءۇرىمجى قالاسى حىتان تەز قارقىندى جولى، اۋەجاي جوعارى قارقىندى تاس جولى، شىعىس، باتىس اينالما اسپالى جولدى قامتىعان 7 قالا تەز قارقىندى تاس جولدىڭ قارىن تازالاۋ جۇمىسىن اتقارادى، كەزەكتە 559 قار تازالاۋ قىزمەتكەرى تۇگەلدەي جولعا شىعىپ جۇمىس جۇرگىزۋدە.
تەز قارقىندى تاس جولدا قار تازالاۋ ماشيناسى جۇمىس جۇرگىزۋدە. سۋرەتتى ءتىلشى جيا مىڭيان تۇسىرگەن
ءۇرىمجى قالا باسقارۋ مەكەمەسى (اكىمشىلىك زاڭ اتقارۋ مەكەمەسى) قالا الەۋمەتتىك قۇرىلعىلارى شۇعىل جاعدايعا توتەپ بەرۋ، قاتەردەن قۇتقارۋ ورتالىعىنىڭ (قورشاعان ورتانى تازالاۋ تۇرىندەگى جۇمىستار ورتالىعى) جالپىلىق كاسىپ ءبولىمىنىڭ ورىنباسار ءبولىم باستىعى لي جيانشي بىلاي دەدى: وسى جولى قار ءبىرشاما قالىڭ جاۋدى، ونىڭ ۇستىنە اسپالى جولدىڭ بەتى وڭاي كوكتايعاق بولاتىندىقتان ورتالىعىمىز ارناۋلى كولىك شىعارىپ، جولدى ءجىتى شارلادى، شارلاۋ بارىسىندا كوكتايعاق جەردى بايقاسا دەر كەزىندە تازالاپ ءبىر جاقتى ەتەدى.
شۇيموگوۋ رايونى قورشاعان ورتانى تازالاۋ جۇمىسى بازاسى 27 قار تازالاۋ قۇراما گرۋپپاسىن ءبىر تۇتاس جوسپارلاپ قۇردى، ءار قۇراما گرۋپپا 4 - 8 ۇقساماعان تيپتەگى قار تازالاۋ ماشيناسى جانە 15 شاماسىندا قىزمەتكەرمەن جاساقتالدى. سول كۇنى تۇتاس گرۋپپا تۇگەل جۇمىسقا كىرىسەدى ءارى قاردىڭ ءتۇسۋ احۋالىنا قاراي كەز - كەلگەن ۋاقىتتا ورنالاستىرۋعا رەتتەۋ جۇرگىزىلەدى.
تازالاۋ - تاسۋ اترەتىنىڭ قىزمەتكەرى ماشينانى تەكسەرۋدە. سۋرەتتى ءتىلشى جيا مىڭيان تۇسىرگەن
ءۇرىمجى چۋاڭبو قورشاعان ورتانى تازالاۋ شەكتى سەرىكتەستىگىنىڭ ورىنباسار ديرەكتورى ياڭ جيانشين بىلاي دەدى: جول بەتىنىڭ جاعدايى كۇردەلى كوشە، مالىلەرگە قاراتا ”جالقى باعىتتا جۇمىس جۇرگىزىپ، قوس باعىتتا اينالىم جاساۋ“ سىندى جۇمىس فورماسىن قولدانىپ، قاردى جىلدام، جوعارى ءونىمدى تازالادى.
وسى قىستا ءۇرىمجى قالاسىنىڭ قار تازالاۋ اۋماعى مەجەمەن 80 ميلليون شارشى مەتردەن اسادى ەكەن، ونىڭ ىشىندە قالا تەز قارقىندى تاس جولى 5 ميلليون 600 شارشى مەتردەن اسادى، ءارقايسى رايون، اۋدان جولى بولەگى 75 ميلليون شارشى مەتردەن اسادى، سونىمەن قاتار 183 قايقاڭ جول سونداي - اق كوكتايعاق جول بولەگىن قامتيدى. ءۇرىمجى قالاسىنىڭ ىسكە قوسا الاتىن قار - مۇز تازالاۋ ماشينا - جابدىقتارىنىڭ جالپى سانى 1800دەن اسادى، 14 مىڭنان استام قار تازالاۋ قىزمەتكەرى سايكەسە جۇمىس جۇرگىزىپ، قار جاۋعان كۇندەرى قالا تۇرعىندارىنىڭ ءجۇرىس - تۇرىسىنىڭ حاۋىپسىز، ىركىلىسسىز بولۋىنا كەپىلدىك ەتەدى.
