تيانشان تورى - شينجياڭ گازەتىنىڭ ءتىلشىسى تاڭ كاندۇڭ
12 - ايدىڭ 5 - كۇنى ”انار گۇلى اشىلدى“ ەرىكتىلەر قىزمەت وتەۋ اترەتىندەگى جاۋ يۇن وقۋشىلارعا گيمناستيكا ويناۋدى ۇيرەتۋدە. سۋرەتتى زۇلپيام تۇرسىن تۇسىرگەن
12 - ايدىڭ 5 - كۇنى ”انار گۇلى اشىلدى“ ەرىكتىلەر قىزمەت وتەۋ اترەتىندەگى حۋاڭ يۋە وقۋشىلارعا تايجي جۇدىرىعىن ۇيرەتتى. سۋرەتتى زۇلپيام تۇرسىن تۇسىرگەن
”قۇلاشتارىڭدى جوعارى قاراي اشىڭدار، دەنەلەرىڭدى بۇرعاندا قولدارىڭدى ايقاستىرىپ، بىلەكتەرىڭدى سەرمەڭدەر، ءبىر، ەكى، ءۇش، ءتورت...“، ”ەكى الاقاندى ٴبىر - بىرىنە قاراتىپ، ەكى قولدى تەڭ ٴبولۋ، سول اياقتارىڭدى العا سۇيرەتە باسىڭدار، جۇدىرىقتارىڭدى ءتۇيىپ تومەن تۇسىرىڭدەر“. 12 - ايدىڭ 5 - كۇنى مارالباسى اۋداندىق ورتا دارەجەلى كاسىپتىك - تەحنيكالىق مەكتەبىنىڭ ماشىق بولمەسىندە 100دەن استام ورتا مەكتەپ 1 - جىلدىعىنىڭ وقۋشىلارى ەكى كلاسقا ءبولىنىپ، ساپ تۇزەپ، كاسىپتىك جاتتىقتىرۋشىنىڭ نۇسقاۋىمەن تايجي جۇدىرىعى جانە گيمناستيكا سياقتى سپورت تۇرلەرىنىڭ ارەكەتىن ۇيرەندى.
12 - ايدىڭ 5 - كۇنى − حالىقارالىق ەرىكتىلەر كۇنى، سول كۇنى ”انار گۇلى اشىلدى“ ەرىكتىلەر قىزمەت وتەۋ اترەتى وسىندا كەلىپ، دەنەنى عىلمي شىنىقتىرۋعا جەتەكشىلىك ەتۋ بويىنشا ەرىكتى قىزمەت وتەۋ قيمىلىن ورىستەتتى. وسى رەتكى قيمىل ”اۋىل - قىستاقتى گۇلدەندىرۋ“ بۇكىل مەملەكەتتىك قوعامدىق دەنە تاربيە جەتەكشىلەرىنىڭ ەرىكتى قىزمەت وتەۋ قيمىلىنىڭ (شينجياڭ بەكەتى) ءبىر تاراۋى، اۆتونوميالى رايون مەملەكەت دارەجەلى قوعامدىق دەنە تاربيە جەتەكشىلەرىن قاشقار ايماعىنا تاڭداپ جىبەرىپ، ءارقايسى الەۋمەتتىك اۋماقتىڭ مادەنيەت، دەنە تاربيە قىزمەتكەرلەرى سونداي - اق مەكتەپتەگى وقىتۋشى - وقۋشىلارعا دەنە تاربيە باۋلۋىن ورىستەتتى.
مەكتەپ وقۋشىسى سۇبينۇر ءالي بىلاي دەدى: ”تايجي جۇدىرىعىنا وتە قىزىعامىن، ويتكەنى ول توزىمدىلىكتى شىڭاپ، دەنەنىڭ سايكەسىمدىلىگىن ارتتىرۋمەن قاتار ونەر ارقىلى دوس تابۋىما مۇمكىندىك جاراتادى“.
”بۇل تايجي جۇدىرىعىنىڭ مارالباسى مەكتەپ اۋلاسىنا تۇڭعىش رەت ەنۋى“. مەملەكەت دارەجەلى قوعامدىق دەنە تاربيە جاتتىقتىرۋشىسى، مەملەكەتتىك 1 - دارەجەلى سايىسكەرلىك جيناق ونەرى تورەشىسى حۋاڭ يۋە بىلاي دەدى: ”وقۋشىلاردىڭ جايشىلىقتاعى ۇيرەنۋ قىسىمى ءبىرشاما زور، تايجي جۇدىرىعى ولاردىڭ سەرگۋىنە مۇمكىندىك جاساپ، تاماشا جاتتىعۋ رولىن اتقارادى“.
”قوعامدىق دەنە تاربيە جاتتىقتىرۋشىلارىنىڭ مەكتەپ اۋلاسىنا كەلۋى مەكتەپ اۋلاسى مادەنيەتىن بايىتىپ، مەكتەپتىڭ وقۋ - اعارتۋ قىزمەتىندەگى ولقى تۇستارىن تولىقتادى، وقۋشىلاردىڭ ۇيرەنۋ، دەنە شىنىقتىرۋ قابىلەتىن ارتتىرۋىنا، جۇڭحۋانىڭ تاڭداۋلى ءداستۇرلى مادەنيەتىنىڭ كەرەمەتىن سەزىنۋىنە كومەكتەستى“، - دەدى مارالباسى اۋداندىق ورتا دارەجەلى كاسىپتىك - تەحنيكالىق مەكتەبىنىڭ ورىنباسار باستىعى لو يوۋميڭ.
مەملەكەت دارەجەلى قوعامدىق دەنە تاربيە جاتتىقتىرۋشىسى جاۋ يۇن بىلاي دەدى: ”مەملەكەت دارەجەلى قوعامدىق دەنە تاربيە جاتتىقتىرۋشىسى رەتىندە عىلمي دەنە شىنىقتىرۋ تانىمى مەن ءادىسىن مەكتەپ اۋلاسىنا جەتكىزىپ، جاستار مەن ورەندەردىڭ وقۋ وقۋى مەن دەنە تاربيەلىك جاتتىعۋىنىڭ سايكەسە دامۋىن ىلگەرىلەتۋگە كۇش ۇستەۋ مەنىڭ بورىشىم مەن جاۋاپكەرشىلىگىم“.
