تيانشان تورى - شينجياڭ گازەتىنىڭ تىلشىلەرى
12 - ايدىڭ 13 - كۇنى «سۋىق اعىس كەزىندەگى جان جىلتار جىلۋلىق − شينجياڭ گازەتى مەكەمەسىنىڭ (توبى) 3 ٴتۇرلى ۇندەۋى» انار بۇلت كليەنتىندە جاريالانىسىمەن، بۇكىل شينجياڭنىڭ جەر - جەرىندەگى ٴارقايسى ورىندار، كاسىپورىندار جانە بۇقارا اراسىندا ”قولايلى كولىك“ ۇندەۋىنە ات سالىسۋ ورلەۋى كوتەرىلدى. ۇندەۋ جاريالانعان 10 ساعاتتىڭ وزىندە 5000عا جۋىق اۆتوكولىك ”قولايلى كولىك“ ارەكەتىنە قاتىناستى.
”قولايلى كولىك“ ارەكەتىنە قاتىناسقان ۋاڭ يۇڭچياڭ داشۋە وقۋشىلارىن ماشينامەن مەكتەپكە اپارىپ تاستادى. سۋرەتتى ۋاڭ يۇڭچياڭ بەرگەن
اۆتونوميالى رايوندىق قاتىناس ـ تاسىمال جالپىلىق اكىمشىلىك زاڭ اتقارۋ مەكەمەسى ۇندەۋگە بەلسەنە ٴۇن قوستى. بۇل مەكەمەنىڭ ايماق، وبلىستاردا تۇراتىن 492 زاڭ اتقارۋ اۆتوكولىگى، 1400 جۇمىسشى - قىزمەتكەرلەردىڭ جەكە اۆتوكولىگى ”قولايلى كولىك“ ارەكەتىنە قاتىناستى.
ٴۇرىمجى قالالىق جاستار ەرىكتى قىزمەت وتەۋ قوعامى ۇندەۋگە ٴۇن قوستى!
شينجياڭ بيڭتۋان سۋ يگىلىگى، سۋ، ەلەكتر ينجەنەرياسى توبى شەكتى سەرىكتەستىگى ۇندەۋگە ٴۇن قوستى!
سانجى قالالىق وركەنيەت كەڭسەسى ۇندەۋگە ٴۇن قوستى!
……
2023 - جىلعى قىس كىرگەننەن بەرگى ەڭ قاتتى سۋىق اعىستا تىنمسىز تەلەفون قوڭىراۋى، قۋاتتى ٴۇن قوسۋلار انار بۇلت \ شينجياڭ گازەتىنىڭ ىستىق لەنيالى تەلەفونى 3532278-0991 ، 13999828849 نومىرلەرىندە قاۋىرت ورلەۋ كوتەردى.
”قولايلى كولىك“ ۇندەۋىنە ٴۇن قوسقان جەكە كولىك يەسى لي بو بىلاي دەدى: ەگەر جول بويىندا كولىك كۇتىپ تۇرعان ادامدى كورسەم، قولايلى بولسا الا كەتەمىن، ٴبىراز اينالىپ وتسەك تە وقاسى جوق. قانشا دەگەنمەن، كۇن سۋىتقاندا جۇرت كوڭىلى سۋىماسىن، قاجەتى بار ادامدارعا كومەكتەسۋ ەڭ ماڭىزدى ٴارى ەڭ كوڭىلدى ٴىس.
شينجياڭ داشۋەسىنىڭ وقۋشىسى ارزىگۇل ٴامىر ٴۇرىمجى قالاسىنىڭ دوستىق جولىنان كىتاپ ساتىپ الىپ، اۋىر سومكانى كوتەرىپ جول شەتىندە اۆتوكولىك كۇتىپ، توڭعانىنان دىرىلدەپ - قالشىلداپ تۇرعاندا، جاسىل لەنتاسى جەلبىرەگەن ”قولايلى كولىك“ ونىڭ الدىنا كەلىپ توقتادى. ”قولايلى اۆتوكولىك“ قيمىلىنا ەندى عانا قاتىناسقان ٴۇرىمجى قالالىق جاستار ەرىكتى قىزمەت وتەۋ قوعامىنىڭ ورىنباسار باستىعى ۋاڭ يۇڭچياڭ اۆتوكولىكپەن ونى مەكتەپكە جەتكىزىپ قويدى.
ۋاڭ يۇڭچياڭ بىلاي دەدى: قوعامىمىز 12 - ايدىڭ 13 ـ كۇنى شينجياڭ گازەتى مەكەمەسىنەن (توبى) 200 جاسىل لەنتا الىپ كەلىپ، ەرىكتىلەردىڭ ۋيشين شوعىرىندا ”قولايلى كولىك“ ۇندەۋىن جاريالاعاننان كەيىن، جاسىل لەنتا ”بىردەمدە تاراتىلىپ كەتتى“. جاسىل لەنتا بايلاعاننان كەيىن، ەرىكتىلەر دەرەۋ اۆتوكولىكپەن جولعا شىعىپ، قاجەتى تۇسكەن ادامداردى جول قولايلىلىعىنا قاراي تاسىمالدادى. 2 ساعاتقا جەتپەيتىن ۋاقىتتا 13 ەرىكتى 21 بۇقاراعا ”قولايلى كولىك“ قىزمەتىن وتەدى. ۋاڭ يۇڭچياڭ بىلاي دەدى: ”ءار ءبىرىمىز وسى لەنتا ارقىلى، جۇرەكتەردى جىلىتىپ، قالانى وركەنيەتكە باستاۋدى ٴۇمىت ەتەمىز!“.
شينجياڭ گازەتى مەكەمەسى (توبى) باسىپ شىعارعان تۇڭعىش توپتاعى 2000 جاسىل لەنتا ۇندەۋ جاريالانعان 4 ساعاتتا ـ اق تاراتىلىپ بولدى. 12 - ايدىڭ 13 - كۇنى ساعات 20عا دەيىن، 15 ورىن، كاسىپورىن جانە 100 گە جۋىق جەكە اۆتوكولىك يەسى ”قولايلى كولىك“ قيمىلىنا قاتىناستى.
”اۆتونوميالى رايوندىق حالىق پروكۋراتۋراسى 150 جاسىل لەنتاعا الدىن الا زاكاز بەرەدى“، ”اۆتونوميالى رايوندىق جوعارى حالىق سوتى مەكەمەسى 200 تال جاسىل لەنتا الدى“... ىمىرت ۇيىرىلگەننەن كەيىن دە انار بۇلت \ شينجياڭ گازەتىنىڭ ىستىق لەنيالى تەلەفونى ”قاربالاس“ بولدى، جاسىل لەنتادان تۋىنداعان مەيىرگە تولى حيكايالار، ٴسوز جوق، ٴاربىر قالاعا جان جىلتار جىلۋلىق سيلايدى. (ءتىلشى فان چيۇڭيان، قاتىناسقان تىلشىلەر مەيىرگۇل عوپۇر، لي جياني، يان شياۋتيان)
