جاقىنعى بىرنەشە كۇندەگى قارلى بوراندى سۋىق اعىستىڭ اسەرىنەن ٴدوربىلجىن اۋدانىندا كۇن ەرەكشە سۋىق بولدى. ٴدوربىلجىن اۋدانىنىڭ ٴارقايسى قىستاق، اترەتتەرى جابال اتتانىسقا كەلىپ، كومىر تاراتىپ، قار تازالاپ، قارتتارعا مەيىر باعىشتادى.
12 - ايدىڭ 12 - كۇنى، ٴدوربىلجىن اۋداندىق قوعام حاۋىپسىزدىگى مەكەمەسىنىڭ ٴدوربىلجىن قالاشىعى چياۋنان قىستاعىندا تۇراتىن قىزمەت اترەتى ەرىكتىلەر قاتارىنا قوسىلىپ، قاراستى رايونداعى ٴجۇرىس - تۇرىسى قولايسىز قارتتاردىڭ ۇيىنە بارىپ، اۋلا مەن جولداعى قاسات قاردى تازالاپ، قارتتاردىڭ ٴجۇرىس - تۇرىسىنا قولايلىلىق جاسادى. ەسىك الدىنداعى قاسات قاردى كورگەن قىستاقتا تۇراتىن قىزمەت اترەتىنىڭ كادرلارى 2 ساعات ىشىندە تازالاپ بولدى، ٴدوربىلجىن قالاشىعى چياۋنان قىستاعىنداعى نۇرمامەت اجى كاريا تەبىرەنە بىلاي دەدى: ”راقىمەت، سەندەر بولماساڭدار، وسى اۋلاداعى قاردى مەن قانشا ۋاقىتتا تازالاپ بولاتىنىمدى بىلمەيمىن! قاردىڭ تازالانۋى سىرتقا شىققانىما دا قولايلى بولدى، راقىمەت سىزدەرگە!“.
12 - ايدىڭ 12 - كۇنى، ٴدوربىلجىن اۋدانى قارا ەمىل قالاشىعى تاسبەيىت قىستاعىنا قاراستى رايونداعى 76 جاستاعى ەڭ تومەنگى تۇرمىسى قامتاماسىزداندىرىلاتىن داردان قارياعا 3 توننا مەيىر جەتكىزۋ كومىرىن تاراتتى. قاريانىڭ جاسى ۇلكەن، ٴجۇرىس - تۇرىسى قولايسىز ەكەنىن ەسكەرە وتىرىپ، قىستاق ارناۋلى ادام ورنالاستىرىپ، كومىردى داردان قاريانىڭ ۇيىنە تىكە جەتكىزىپ بەردى. سونىمەن بىرگە، قىستاق كادرلارى قارياعا كۇن سۋىتقاندا كيىمدى قالىڭ كيىپ، جىلى جۇرۋگە كوڭىل ٴبولۋدى، كومىر جاعىپ جىلىنعاندا حاۋىپسىزدىككە كوڭىل ٴبولىپ، قىستان حاۋىپسىز، جىلى ٴوتۋدى تاپسىردى.
ٴدوربىلجىن اۋدانى قارا ەمىل قالاشىعى تاسبەيىت قىستاعىنىڭ تۇرعىنى داردان بىلاي دەدى: ”قىستاق جان ـ جاقتى ويلاستىرىپتى، قىستا كومىردى تەگىن تاراتتى، قىستاق كادرلارى مەنىڭ كومىردى تاسي الماۋىمنان الاڭداپ، ارناۋلى اۆتوكولىك ورنالاستىرىپ ۇيگە جەتكىزىپ بەردى. شىن جۇرەكتەن راقىمەت، كوپشىلىكتىڭ ماعان كوڭىل بولگەندىگىنە العىس ايتامىن!“. (ەرىكتى تىلشىلەر ليۋ ليانحى، نۇربول مۇناي)
