انار بۇلت \ شينجياڭ گازەتىنىڭ حابارى (ءتىلشى حي حۇڭۋي حابارلايدى). بيىل شينجياڭ نازاردى ”ساۋدا - ساتتىق، ساياحات، مادەنيەت، سەيىلدەۋ، زات ساتىپ الۋ، كوڭىل اشۋ“ سىندى 6 ءىرى فاكتورعا شوعىرلاندىرىپ، كوپ سالالى، كوپ ساتىلى تۇتاس جىلعا ساباقتاسقان ينتەرنەت جەلىسىنەن تىسقارى تۇتىنۋدى جەبەۋ قيمىلدارىن وتكىزۋ ارقىلى ”اپتا سايىن كورىنىس بولۋدى، اي سايىن قيمىل وتكىزۋدى، ماۋسىم سايىن نەگىزگى تاقىرىپ بولۋدى“ جۇزەگە اسىرىپ، كوپ لەكتى تۇتىنۋ ورلەۋىن قالىپتاستىردى. ناقتى ونىمدىلىگى كىرىستەن بەينەلەندى، 1 - ايدان 10 - ايعا دەيىن، شينجياڭنىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 316 ميلليارد 23 ميلليون يۋانعا جەتىپ، سايكەس مەزگىلدەگىدەن %18 ارتىپ، ارتۋ جىلدامدىعى 1 - ايدان 9 - ايعا دەيىنگى مەزگىلدەگىدەن 5.1 پايىز تەزدەگەن.
جىبەك جولى شاندي دەمالىس ءوڭىرى كوپتەگەن قار شاڭعى اۋەسكەرلەرىن باۋرادى. سۋرەتتى جىبەك جولى شاندي دەمالىس ءوڭىرى بەرگەن
قازىر ”قار - مۇز التىن ەندىك بەلدەۋىنە ورنالاسقان شينجياڭ شاڭعى تەبۋدىڭ قاۋىرت مەزگىلىن قارسى الدى، كوپتەگەن شاڭعى اۋەسكەرلەرى اتاعىن ەستىپ كەلىپ، قار - مۇز ساياحاتى قىزا ءتۇستى. بيىل بۇكىل شينجياڭدا جوعارىدان تومەنگە دەيىن ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساۋدا - ساتتىق، ساياحات، مادەنيەت ىستەرىنىڭ ىشكەرىلەي توعىسۋىن ىلگەرىلەتىپ، كاسىپ كۇيىندەگى ونىمدەردى ۇزدىكسىز مولايتىپ، ساياحات كاسىبىندە جالپى جاقتان تەز قالپىنا كەلگەن، قارىشتاپ دامىعان تاماشا جاعداي جارىققا شىعىپ، بۇقارانىڭ مادەنيەت، ساياحات تۇتىنۋ ىنتاسى ۇزدىكسىز جوعارىلادى.
ەندى عانا اياقتاعان شينجياڭنىڭ 15 - كەزەكتى قىسقى اۆتوكولىك كورمەسى جالپى 157 مىڭ كورەرمەندى (رەت) تاماشالاۋعا باۋرادى، سول جەردىڭ وزىندە تاپسىرىس مولشەرى 8562گە جەتىپ، سول جەردىڭ وزىندەگى جالپى ساتىلىم سوماسى ءبىر ميلليارد 284 ميلليون يۋانعا جەتىپ، شينجياڭنىڭ اۆتوكولىك تۇتىنۋ بازارىن جانداندىرا ءتۇستى.
”زاريادتاۋ قۇرىلعىلارىنىڭ ۇزدىكسىز كەمەلدەنۋىنە ىلەسە ، جاڭا ەنەرگيالى اۆتوكولىكتىڭ اۆتوكولىك كورمەسىندەگى سالىستىرماسى %40 كە جوعارىلادى“، ـ دەدى. 15 ـ كەزەكتى شينجياڭ قىسقى اۆتوكولىك كورمەسىن ۇيىمداستىرۋ كوميسسياسىنىڭ جاۋاپتىسى، حۋاشيا رۇي ـ ي مادەنيەت مەديا شەكتى سەرىكتەستىگىنىڭ باس ديرەكتورى شى چينچين.
بيىل جىل باسىنان بەرى، شينجياڭ تۇتىنۋدى قالپىنا كەلتىرۋ مەن كەڭەيتۋدى ماڭداي الدى ورىنعا قويىپ، اۆتوموبيل، ءۇي ەلەكتر جابدىقتارى، وڭدەلگەن مۇناي، اس - سۋ، ەلەكتروندى ساۋدا، سەيىل - سەرۋەن، كوڭىل اشۋ سياقتىلاردى ارقاۋ ەتىپ، كوكتەم مەرەكەسى، مەملەكەت مەرەكەسى، قىستىق - جازدىق دەمالىس سياقتى ءتۇيىندى مەرەكە - دەمالىس كۇندەرىندەگى تۇتىنۋدىڭ قاۋىرت مەزگىلى، ساياحاتتىڭ قاۋىرت مەزگىلى جانە جەر - جەردىڭ ەرەكشە مادەنيەت - ساياحات مەرەكە - مەيرام قيمىلدارىنان پايدالانىپ، ازىق - تۇلىك، كيىم - كەشەك، تۇرعىن ءۇي، ساياحات، زات ساتىپ الۋ، كوڭىل اشۋ سياقتى تۇتاس سالاداعى حالىققا تيىمدىلىك جاساۋ، ساتۋدى جەبەۋ قيمىلدارىن وتكىزىپ، تۇتىنۋدىڭ قىزۋ تۇيىندەرىن جەتىلدىردى.
«2023 - جىلعى اۆتونوميالى رايوننىڭ تۇتىنۋدى قالپىنا كەلتىرۋ، كەڭەيتۋ قىزمەتىن اتقارۋ جوباسى»، «شينجياڭ ۇيعۇر اۆتونوميالى رايونىنىڭ جاسىل، زەردەلى ءۇي ەلەكتر جابدىقتارىن تۇتىنۋدى جەبەۋدى اتقارۋ جوباسى» سياقتى ءبىرقانشا ساياسات - شارالاردىڭ تياناقتانىپ ونىمدىلىك كورسەتۋىنە ىلەسە، ”ساۋدا - ساتتىق، ساياحات، مادەنيەت، سەيىلدەۋ، زات ساتىپ الۋ، كوڭىل اشۋ“ سياقتى سۇرانىستار جەدەل جارىققا شىعىپ، بۇلدىرگەن مۋزيكا مەرەكەسى، جياڭگو مۋزيكا مەرەكەسى، ميدي مۋزيكا مەرەكەسى سياقتى جەلىلەس قيمىلدار تۇرعىنداردىڭ تۇتىنۋ سەنىمىن پارمەندى سەرپىلتىپ، تۇتىنۋ بازارىنىڭ ومىرشەڭدىك كۇشى اناعۇرلىم ارتتى.
12 - ايدىڭ 13 - كۇنى سانجىنىڭ جەڭىل تاعامدار كوشەسىندە ادامدى باۋرايتىن ٴدامدى تاعامدار عانا ەمەس، تاعى كوپتەگەن ەرەكشە مادەنيەت تاۋارلارى دا بار بولىپ، كوپتەگەن قالا تۇرعىندارى مەن ساياحاتشىلاردى باۋرادى. سۋرەتتى باي كى تۇسىرگەن
ءارقايسى ايماق، وبلىس، قالالار ءىس جۇزىندىكپەن ۇشتاستىرىپ، تۇتىنۋدى جەبەيتىن ءتۇرلى ساياسات - شارالاردى شىعارىپ، ۇكىمەتتىڭ تۇتىنۋ بەلەتىن تاراتۋ، ساۋدا - اينالىم كاسىپورىندارىنا سيلىق، قوسىمشا قاراجات بەرۋ سياقتى فورمالار ارقىلى تۇتىنۋ بازارىنىڭ سەنىمىن بار كۇشپەن سەرپىلتتى. ماسەلەن، سانجى حۇيزۋ اۆتونوميالى وبلىسى ”تۇتىنۋدان ءلاززات الۋ · باقىتتى سانجى“ 2023 - جىلى كۇز، قىس ماۋسىمدارىندا اۆتوكولىك تۇتىنۋ قوسىمشا قاراجاتى قيمىلىن وتكىزدى؛ اقسۋ ايماعى ”جالپى حالىقتىق ساتىپ الۋ · دابىرالى تيىمدىلىكتەن ەمىن - ەركىن يگىلىكتەنۋ“ اتىنداعى 2023 - جىلعى اقسۋ ايماعىنىڭ حالىققا تيىمدىلىك جەتكىزۋ تۇتىنۋ ماۋسىمى قيمىلىن ورىستەتتى؛ شاۋەشەك قالاسى بۇكىل قالاداعى ساۋدا كاسىپورىندارىندا ”كورىكتى شاۋەشەك، سالتاناتتى مەرەكەدەن ءلاززاتتانۋ“ اتىنداعى تۇتىنۋدى جەبەۋ قيمىلى سياقتىلاردى ورىستەتتى.
جەلىدەن تىسقارى قيمىل دۋماندى بولدى، جەلىدەگى تۇتىنۋ دا ”قاۋىرت جوعارىلادى“. ”2023 شينجياڭ ينتەرنەت جەلىسىندەگى مەرەكەلىك بۇيىمدار مەرەكەسى“، 4 - كەزەكتى شينجياڭ تىكە تاراتۋ ەلەكتروندى ساۋدا مەرەكەسى سياقتى قيمىلدار ينتەرنەت جەلىسىندەگى تۇتىنۋدى جەبەۋمەن بىرگە، شينجياڭنىڭ اۋىل شارۋاشىلىق ونىمدەرىنىڭ سىرتقا شىعۋ اياق الىسىن جەدەلدەتىپ، تۇتىنۋدا جاڭالىق اشۋعا دەم بەرۋگە، جاڭا قامداۋ جاراتۋعا ومىرشەڭدىك كۇش ۇستەدى.
دۋماندى تۇتىنۋ بازارى ەكونوميكالىق دامۋدىڭ ومىرشەڭدىك كۇشى مەن كومەسكى كۇشىن ايگىلەدى. ءتىلشىنىڭ اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، كەلەسى قادامدا اۆتونوميالى رايون قامداۋدى كۇش سالا ساپالىلاندىرىپ، جاعدايدى جاڭالاپ، ورتانى جاقسارتىپ، ءتۇيىندى سالالارداعى تۇتىنۋدى بەكەمدەپ، جوعارىلاتىپ، اۋىل - قىستاق ەلەكتروندى ساۋداسىنىڭ دامۋىن تەرەڭدەتىپ، اۋدان كولەمىندەگى ساۋدا جۇيەسى قۇرىلىسىن ىلگەرىلەتىپ، تۇتىنۋدىڭ جاڭا ارتۋ تۇيىندەرىن بەلسەنە اشىپ، تۇتىنۋدىڭ كولەمىن كەڭەيتىپ، ساپاسىن جوعارىلاتۋدى جەبەپ، تۇتىنۋدىڭ جاقسارۋ جاعدايىن قالپىنا كەلتىرۋدى ىلگەرىلەتىپ، بەكەمدەپ، تۇتىنۋدىڭ ەكونوميكانىڭ ارتۋىن جەبەۋدەگى نەگىزدىك رولىن اناعۇرلىم ويداعىداي ساۋلەلەندىرەدى ەكەن.
