ءبولىسۋشى: حوتان قالاسى نارباق ءمالىسى ءجاما مەشىتىنىڭ حاتيبى وبۇلاسەن تۇرسىننياز
مەن مىندەت وتەپ جاتقان ءجاما مەشىتى 1848 - جىلى سالىنعان. بۇرىن مەشىتتىڭ قابىرعالارى بالشىقپەن سىلانعان بولىپ، بوران سوقسا، نامازحانانى شاڭ - توزاڭ باساتىن. مەشىتتەگى تازالىق ءۇيى مەن دارەتحانا وتە جۇپىنى بولعاندىقتان، دىنگە سەنەتىن بۇقارا مەشىتتىڭ جانىنداعى كولشىكتەن سۋ الىپ، اتىزدىڭ تاسالاۋ جەرىنە بارىپ تازالاناتىن، نامازدى تەك نەشە ون شارشى مەترلىك نامازحانادا قىسىلىپ تۇرىپ وقيتىن.
1997 - جىلى ۇكىمەت 3 ميلليون يۋان قارجى جۇمساپ، ءجاما مەشىتىن كەڭ كولەمدە جوندەدى (قايتا سالدى)، مەشىتتىڭ بەت - بەينەسىندە وراسان زور وزگەرىستەر بولىپ، نامازحانانىڭ اۋماعى مىڭ شارشى مەتردەن استى، سونداي - اق سۋ، ەلەكتر، جول، راديو - تەلەۆيزور جەتكىزىلدى.
2019 ـ جىلى، ۇكىمەت ءجاما مەشىتىن تاعى جوندەدى. مەشىتكە تابيعي گاز جەتكىزىلىپ، جاڭادان تازالانۋ بولمەسى، سۋمەن شايىلاتىن دارەتحانا سالىندى، اۋا رەتتەگىش جانە گازبەن جاناتىن قابىرعا پەشى ورناتىلدى، سونداي ـ اق سۋ قايناتقىش، اياق كيىم قاپتاۋىش ماشينا، شكاب، ءدارى ـ دارمەك ساندىعى، ءورت ءسوندىرۋ ـ ورتتەن ساقتانۋ قۇرىلعىلارى ورناتىلدى. ءجاما مەشىتىندە تاعى مادەنيەت كىتاپ ءۇيى سالىندى، دىنگە سەنەتىن بۇقارا بوس ۋاقىتتارىنان پايدالانىپ مەشىتتە ءدىن، عىلىم ـ تەحنيكا تۋرالى كىتاپتاردى وقىپ، وزىندىك مادەنيەت ساپاسىن جوعارىلاتتى.
دىنگە سەنەتىن بۇقارانىڭ ءدىني سەنىمى زاڭ بويىنشا تولىق قۇرمەتتەلىپ جانە قورعالىپ كەلەدى. مۇسىلمانداردىڭ ناماز وقۋ، تىلەك تىلەۋ، شاريعات سويلەۋ، ورازا ۇستاۋ، ءىسلام ءدىنى مەرەكەلەرىن وتكىزۋ سياقتى قالىپتى ءدىني قيمىلدارى بۇكىلدەي اركىمنىڭ ءوز ەركىندە، زاڭنىڭ قورعاۋىندا بولدى، وعان ەشكىم دە ارالاسپادى. اۆتونوميالى رايون ءار جىلى ءبىزدى شينجياڭ ءىسلام ءدىنى شۋەيۋانى نەمەسە ءىسلام ءدىنى شۋەيۋانىنىڭ حوتان بولىمشە شۋەيۋانىنا بارۋعا ۇيىمداستىرىپ كاسىپتىك قابىلەتىمىزدى جوعارىلاتتى ءارى ۇيرەنۋگە قاتىناسقان كەزىمىزدە جۇمىستان قالۋ قوسىمشا قاراجاتىن تاراتىپ تۇردى. مەن بەيجيڭ، ءۇرىمجى سياقتى جەرلەرگە تالاي رەت بارىپ، ءدىن سالاسىنداعى قايراتكەرلەردىڭ كاسىپتىك قابىلەت كۋرسىنا قاتىناستىم.
ءبىز تۇرمىستا دا پارتيا مەن ۇكىمەتتىڭ قالتقىسىز قامقورلىعىنا يە بولدىق. ءدىني قىزمەتكەرلەردىڭ تۇرمىستىق قوسىمشا قاراجات ولشەمى جوعارىلادى، ءبىز ءۇشىن توسىن زاقىمدالۋ قامسىزداندىرۋ قاراجاتىن، ەمدەۋ قامسىزداندىرۋ قاراجاتىن، زەينەتكەرلىك قامسىزداندىرۋ قاراجاتىن، سالماقتى اۋرۋ قامسىزداندىرۋ قاراجاتىن تاپسىردى، ءار جىلى ءبىر رەت دەنساۋلىعىمىزدى تەگىن تەكسەرتىپ تۇردى.
(انار بۇلت شينجياڭ گازەتىنىڭ ءتىلشىسى ۋاڭ نا رەتتەگەن)
