ءبولىسۋشى: ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبىنىڭ باستىعى قۇربان نياز
مەن كىشكەنتايىمنان اقسۋ ايماعى ءۇشتۇرپان اۋدانى يماملىرىم قالاشىعىندا ەسەيىپ - ەرجەتتىم. 1982 - جىلى شينجياڭ داشۋەسىنە قابىلدانىپ، قالاشىقتاعى ءۇشتۇرپان اۋدانىنان شىققان تۇڭعىش جوعارى مەكتەپ وقۋشىسى بولدىم. مەكتەپ بىتىرگەننەن كەيىن، وقىتۋشى بولدىم، كەيىن ساۋدامەن شۇعىلدانىپ، جارتى جۇڭگونى ارالاپ شىقتىم. بۇرىن قاتىناس قازىرگىدەي قولايلى ەمەس ەدى. شينجياڭدىقتار جونىنەن العاندا، شيڭشيڭشيا شينجياڭنىڭ شىعىس قاقپاسى، شيڭشيڭشيادان شىقسا، شينجياڭنان شىققان ەسەپتەلەدى.
تەڭىز جاعالاۋى رايوندارىنداعى بىرنەشە جىلعى كەشىرمەم مەنىڭ كوز ايامدى كەڭەيتتى، وقۋ - اعارتۋعا دا اناعۇرلىم ءمان بەرەتىن بولدىم. 2003 - جىلى بارلىق جيعان - تەرگەنىمدى الىپ شىعىپ، اۋىلىمنان مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبىن قۇرۋعا بەكىدىم.
پارتيانىڭ 18 ـ قۇرىلتايىنان بەرى، شينجياڭ كوپ ءتۇرلى شارانى قاتار قولدانىپ، وقۋ ـ اعارتۋ ىستەرىن زور كۇشپەن دامىتىپ، وقۋ ـ اعارتۋدىڭ دامۋ جەتىستىكتەرىنەن ءار ۇلت بۇقاراسىن اناعۇرلىم كوپ، اناعۇرلىم ءادىل يگىلىكتەندىرۋدى ۇزدىكسىز جەبەدى. ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ٴتىل - جازۋ باستاۋىش مەكتەبىندە ەڭ العاشىندا 2 وقىتۋشى، 87 وقۋشى بولسا، بۇگىنگى تاڭدا دامىپ 45 وقىتۋشى، جۇمىسشى - قىزمەتشى، 681 وقۋشىعا جەتتى. 2016 ـ جىلى، مەكتەبىمىزدەن وقۋ تاۋىسقان مۇسا تۇرعۇن 701 نومىرلىك ۇزدىك ناتيجەمەن ءۇشتۇرپان اۋدانىنان چيڭحۋا داشۋەسىنە وتكەن تۇڭعىش وقۋشىعا اينالدى. جاستار مەن ورەندەردىڭ ەسەيىپ ـ ەرجەتىپ، ارمانعا قانات قاعۋى حيكاياسىنىڭ استارىندا شينجياڭنىڭ وقۋ ـ اعارتۋدىڭ دامۋ جەتىستىكتەرىنەن ءار ۇلت بۇقاراسىن اناعۇرلىم كوپ، اناعۇرلىم ءادىل يگىلىكتەندىرۋدى ۇزدىكسىز جەبەۋىنىڭ جاندى امالياتى جاتىر.
قازىر يماملىرىم قالاشىعى مەملەكەتتە ءبىر تۇتاس قولدانىلاتىن ءتىل - جازۋ باستاۋىش مەكتەبى جەرگىلىكتى ورىنداعى ەڭ قارسى الىناتىن باستاۋىش مەكتەپتەردىڭ بىرىنە اينالدى. ەڭ قۋانتارلىعى، كوپتەگەن وقۋشىلار مەملەكەتتە ءبىر تۇتاس قولدانىلاتىن ٴتىل ـ جازۋدى يگەرگەننەن كەيىن، اكە ـ شەشەسىنىڭ ”كىشكەنتاي اۋدارماشىسىنا“، ” كىشكەنتاي كومەكشىسىنە“ اينالدى.
”تيانشان الابىنداعى ەڭ كوركەم قۇرىلىس — مەكتەپ“. بۇل شينجياڭداعى ءار ۇلت حالقىنىڭ جالپى بەتتىك ورتاق تانىمى. شينجياڭ دا ەل ىشىندەگى باسقا ولكەلەر سياقتى، ءاربىر ازامات زاڭ بويىنشا ءبىلىم الۋ ورايىنان تەڭ يگىلىكتەنەدى. پارتيا مەن ۇكىمەتتىڭ ءمان بەرۋى مەن قولداۋىندا، شينجياڭدا ءتىپتى دە كوپ جاستار، وسپىرىمدەر مەن بالالار ”وقيتىن مەكتەبى بولۋدان“ ”جاقسى مەكتەپتە وقي الۋدى“ جۇزەگە اسىردى.
(انار بۇلت ╲ شينجياڭ گازەتىنىڭ ٴتىلشىسى ميھىرگۇل وبۇل رەتتەگەن)
