− 17 - كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2023 - جىلعى شينجياڭ دۋماندى قار مەرەكەسى اشىلۋ ساتىندە
□ انار بۇلت \ شينجياڭ گازەتىنىڭ ءتىلشىسى رىن جياڭ
12 - ايدىڭ 21 - كۇنى تۇستەن كەيىن ۇرىمجىدە قار تولاستاپ، كۇننىڭ كوزى كورىنە باستادى. شينجياڭ حالىقارالىق ءماجىلىس - كورمە ورتالىعىنىڭ ءىشى كوكتەم كۇنىندەي جىلى، كورمە زالىندا قىزمەتكەرلەر ۋاقىتتى مىقتى ۇستاپ كورمە تەكشەسىن ورنالاستىرىپ، كورمە بۇيىمدارىن جايعاستىرۋدا. 12 - ايدىڭ 22 - كۇنى تۇستەن بۇرىن 17 - كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2023 - جىلعى شينجياڭ دۋماندى قار مەرەكەسى وسى ارادا باستالادى. شينجياڭ قار - مۇز كاسىبىنىڭ وسى ەڭ ماڭىزدى ساحناسىندا كورمەگە قاتىناسۋشى ەلدەر جانە كورمەگە قاتىناسۋشى ولكە، اۆتونوميالى رايون، قالالار جانە كاسىپورىندار، اسىرەسە، شينجياڭنىڭ ايماق، وبلىس، قالالارى تۇگەلدەي ەڭ جاقسى كۇيمەن، ەڭ تاماشا قار - مۇز ونىمدەرىن ورتاعا سالىپ، وزدەرىن سان قىرىنان تولىق ايگىلەۋگە قۇلشىندى.
جالپى كورمە اۋدانى 44 مىڭ شارشى مەتر كەلەتىن 17 - كەزەكتى شينجياڭ قىسقى ساياحات كاسىپ سالاسى ساۋدا كورمەسى الاڭىنان شىعىپ، ءبىر ميلليون 660 مىڭ شارشى كيلومەتر كەلەتىن شينجياڭنىڭ بايتاق دالاسىنا كوز جىبەرگەندە، تاۋ بەينە كۇمىس جىلان ءبي بيلەگەن، جون - جوتا بالاۋىز ءپىل جوسىپ جۇرگەن دەگەندەي قار - مۇز كاسىبىندە قاردىڭ قىزىعىنا باتقان، ونىمدەرىنىڭ دەڭگەيى ۇزدىكسىز جوعارىلاپ، ونىمدەرى جاڭالانعان، كاسىپ سالاسى قارىشتاپ دامىپ ەكپىندەي ىلگەرىلەگەن كارتيناعا كوز ايدىن بولاسىز. شينجياڭنىڭ قار - مۇز ىستەرى كەشەۋىلدەپ باستالعانىمەن، قارىشتاي دامىپ، جۇڭگونىڭ قار - مۇز كارتاسىنىڭ ماڭىزدى ءبىر بولەگىنە اينالىپ ۇلگىردى.
قار ۇشقىندارى جەربەتىن كۇمىستەي جارقىراتتى
وسى كۇندەرى شينجياڭ التاي ساياحاتتى دامىتۋ توبى شەكتى سەرىكتەستىگىنىڭ ورىنباسار باس ديرەكتورى، شينجياڭ التاي تاۋى قار - مۇز ساياحاتى شەكتى جاۋاپكەرشىلىك سەرىكتەستىگىنىڭ باس ديرەكتورى شى جىچياڭ وتە قاربالاس بولدى، ول جاۋاپتى بولعان التاي گەنەرال تاۋى حالىقارالىق قار شاڭعى دەمالىس اۋماعى ءبىر جىلداعى ەڭ قاربالاس كەزگە ءوتتى، ”قازىر ەلىمىزدىڭ جەر - جەرىندەگى شاڭعى اۋەسكەرلەرى شاڭعى تەبۋگە كەلدى، راسىندا، قاربالاستىقتان مۇرنىما سۋ جەتپەي ءجۇر“. وسى ءبىر مەزگىلدە، ءار كۇنى گەنەرال تاۋىنا كەلگەن ساياحاتشىلار 5000 ادام (رەت) اينالاسىندا، شاڭعى تەبەتىندەر 3700 ادامعا (رەت) جەتىپ، شاڭعى تەبەتىن ادام (رەت) سانى بۇكىل ەلدەگى ۇلكەن قار شاڭعى الاڭدارىنىڭ الدى بولىپ كەلەدى.
شينجياڭ − جۇڭگونىڭ قار - مۇز ساياحات بايلىعى مول، شوعىرلانعان ءوڭىرى، سولتۇستىك ەندىك 47 گرادۋستىق ”التىن قار جەلىسىنەن“ وتەدى، التاي تاۋى، تيانشان تاۋى، كۇنلۇن تاۋى سياقتىلاردىڭ بارلىعى قار - مۇز بايلىعى شوعىرلانعان ىرىستى جەرلەر. شينجياڭدا قار مولشەرى كوپ، قار مەزگىلى ۇزاق، قارلى القاپ كەڭ، مۇز قاباتى قالىڭ، شاڭعى تەپكەندە دەنە تەمپەراتۋراسىن جايلى سەزىنۋدەي كوپتەگەن باسىمدىقتار بار. ءار جىلى 11 - ايدان باستاپ سولتۇستىك شينجياڭدا قار مەزگىلى ورتا ەسەپپەن 5 اي مولشەرىندە، ەڭ ۇزاق بولعاندا 10 ايعا دەيىن جالعاسادى.
سوڭعى جىلدارى شينجياڭ قار - مۇز كاسىپ سالاسىن زور كۇشپەن دامىتتى، اسىرەسە، بەيجيڭ قىسقى وليمپيادا سپورت جارىسىنىڭ شىعىس جەلىنەن پايدالانىپ، شينجياڭنىڭ قار - مۇز كاسىپ سالاسى ارىنداي ىلگەرىلەگەن دامۋ كەزەڭىنە ءوتتى. قازىر جۇڭگونىڭ قار - مۇز كاسىپ سالاسىندا شىعىس سولتۇستىك، سولتۇستىك جۇڭگو، باتىس سولتۇستىك ”ءۇش بىردەي تىرەك بولۋ“ جاعدايى جارىققا شىقتى، شينجياڭ − باتىس سولتۇستىك قار - مۇز كاسىپ سالاسىندا تىرەك بولدى.
اۆتونوميالى رايوندىق مادەنيەت جانە ساياحات مەڭگەرمەسى بايلىقتى اشۋ باسقارماسىنىڭ ورىنباسار باستىعى جيا رۇي بىلاي دەپ تانىستىردى: قازىر شينجياڭدا 188 ءتۇرلى قار - مۇز الاڭى سالىندى، مۇنىڭ ىشىندە 101 شاڭعى الاڭى بار، 5S دارەجەلى 6 شاڭعى الاڭى، 4S دارەجەلى 10 شاڭعى الاڭى بار. ءۇرىمجى نانشان شاڭعى ساياحات دەمالىس اۋماعى، التاي شاڭعى ساياحات دەمالىس اۋماعى، كوكتوعاي اۋدانى كوكتوعاي شاڭعى ساياحات دەمالىس اۋماعى مەملەكەت دارەجەلى شاڭعى تەبۋ ساياحات دەمالىس اۋماعى قاتارىنان ورىن الدى، شينجياڭدا التاي تاۋى، تيانشان قار - مۇز ساياحات بەلدەۋى، ءۇرىمجى قار - مۇز ساياحاتى جيناۋ - جونەلتۋ ورتالىعى، جوڭعار باتىس بولىك تاۋلى ءوڭىر قار - مۇز ساياحات ۇيىرمەسى، پامير ءۇستىرتى قار - مۇز ەرەكشە ساياحات ۇجىمى، كۇنلۇن تاۋ سىلەمى قار - مۇز ساياحات ۇجىمى، قاشقار قار - مۇز ساياحات ۇجىمى سىندى ”N+1+2“ جاعدايى العاشقى ادىمدا قالىپتاستى. شينجياڭنىڭ قار - مۇز كاسىبىنىڭ ىقپالدى ۇجىمى العاشقى قادامدا قالىپتاستى.
تەز قارقىنمەن دامىدى، تۇتاس شينجياڭدا اقشا قار ۇشقىندادى
بىرنەشە كۇننەن بەرى سايرام كولى حالىقارالىق قار شاڭعى دەمالىس وڭىرىندەگى قىزمەتكەرلەر قار جاساپ، قاردى باتتاپ، 12 - ايدىڭ 23 - كۇنى ساۋدا باستاماقشى بولدى. وسى دەمالىس ءوڭىرىن شينجياڭ اۋدى قارجى قوسۋ شەكتى جاۋاپكەرشىلىك سەرىكتەستىگى قارجى قوسىپ سالعان، جوسپارداعى جالپى اۋماعى 1.40 شارشى كيلومەتر، مەجەمەن جالپى 3 ميلليارد يۋان قارجى قوسىلىپ، 15 تارماق جوعارى دارەجەلى قار جولىن سالۋ جوسپارلانعان.
سوڭعى جىلدارى مۇنداي مول قارجى قوسۋلار شينجياڭنىڭ قار - مۇز كاسىبىنەن تىنباي كورىندى. شينجياڭنىڭ قار - مۇز كاسىپ سالاسىنداعى ءتۇيىندى ءوڭىر − التاي ايماعى كاپيتال قاتتى ۇناتاتىن قارجى قوسۋدىڭ بيىگى، 14 - كەزەكتى شينجياڭ قىسقى ساياحات كاسىپ سالاسى ساۋدا كورمەسىندە وسى ايماق 16 نىسان بويىنشا كەلىسىم جاساسىپ، كەلىسىم سوماسى 18 ميلليارد 30 ميلليون يۋان بولدى؛ 15 - كەزەكتى شينجياڭ قىسقى ساياحات كاسىپ سالاسى ساۋدا كورمەسىندە 5 ءتۇيىندى مادەنيەت - ساياحات نىسانى بويىنشا كەلىسىم جاسالىپ، جالپى قوسىلعان قارجى سوماسى 17 ميلليارد 150 ميلليون يۋان بولدى. ءۇرىمجى قالاسى، سانجى حۇيزۋ اۆتونوميالى وبلىسى قاتارلى ءداستۇرلى قار - مۇز كاسىپ سالاسى ايماق، وبلىس، قالالارى قاشاندا تەبىندى دامۋ ارىنىنان جازبادى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى قاتارلى جەرلەردە جاي باستالعانىمەن، قارىشتاپ دامۋ بەتالىسى ساقتالدى.
قازىر شينجياڭداعى 14 ايماق، وبلىس، قالانىڭ بارلىعىندا قار - مۇز الاڭدارىمەن تولىق قامتۋ تۇگەلدەي جۇزەگە استى. وڭتۇستىك شينجياڭنىڭ ايماق، وبلىستارى قار - مۇز الاڭى جاعىنداعى اقتاڭداقتى تولتىرۋمەن بىرگە، ءۇشتۇرپان اۋدانىندا چۋانيۇي شيڭكۇڭ حالىقارالىق شاڭعى الاڭى، تيانشان تەمىر كورىنىس ءوڭىرى. تاعلاق قىستاعى تەمىر شىڭى شاڭعى الاڭى سياقتى ءبىر توپ شاڭعى الاڭدارىنىڭ قۇرىلۋى باياۋ كوتەرىلگەن ”جارىق جۇلدىزعا“ اينالدى.
”شينجياڭنىڭ جەر - جەرى قار - مۇز ساياحاتى نەگىزدىك قۇرىلعىلار قۇرىلىسى سەرپىنىن ۇزدىكسىز ارتتىردى، اسىرەسە، بيىل قار - مۇز كاسىپ سالاسىنا تىرەك بولعان قاتتى بولشەك قۇرىلىسىنىڭ جىلدامدىعى بارىنشا ارتتى“. اۆتونوميالى رايوندىق ساياحات قوعامىنىڭ ورىنباسار باستىعى، شينجياڭ مادەنيەت - ساياحات قارجى قوسۋ توبى شينجياڭ شينلۇي مادەنيەت - كوركەمونەر كاسىپ سالاسىن دامىتۋ شەكتى سەرىكتەستىگىنىڭ باس ديرەكتورى جاڭ شياۋيۇي: ”شينجياڭنىڭ جەر - جەرىندەگى شاڭعى الاڭىن قۇرۋ شارت - جاعدايى بار جەرلەر جەرگىلىكتى جاعدايعا قاراي ىستەپ، شاڭعى الاڭدارىن سالدى نەمەسە سالىپ جاتىر، مۇنداي دامۋ ارىنى بۇكىل ەل بويىنشا الدا“، - دەدى.
بولاشاقتى بەتكە الىپ، قاردىڭ قىزىعىنا باتتى
”بيىل ’ءبىر بەلدەۋ، ءبىر جولدى‘ بىرگە قۇرۋ باستاماسى العا قويىلعاندىعىنىڭ 10 جىلدىعى، شينجياڭ جىبەك جولى ەكونوميكالىق بەلدەۋى وزەكتى رايونى جانە جۇڭگو سولتۇستىك قار - مۇز بايلىعى ەرەكشەلىگى توتەنشە ايقىن ولكە رەتىندە ءبىزدىڭ شەتەلدەرگە ءتۇيىندى تانىستىراتىن كوركەم تانىسقىمىز“. 12 - ايدىڭ 8 - كۇنى ۇرىمجىدە وتكىزىلگەن 2024 - جىلعى جۇڭگو سولتۇستىك قار - مۇز ساياحاتىن شەتەلدەرگە تانىستىرۋ ماۋسىمىنىڭ باستالۋ سالتىندا مادەنيەت جانە ساياحات مينيسترلىگى جۇڭگو - شەتەل مادەنيەت اۋىس - كۇيىس ورتالىعىنىڭ ورىنباسار مەڭگەرۋشىسى ۋان تيڭ وسىلاي دەدى.
9 - ايدا بەيجيڭدە وتكىزىلگەن 5 - كەزەكتى شاڭعى كاسىپ سالاسى جينالىسىندا جانە 8 - كەزەكتى جۇڭگو شاڭعى كاسىپ سالاسىن دامىتۋ تالقى مىنبەرىندە جۇڭگونىڭ شاڭعى كاسىبى سالاسىنداعى ”بىلىكتىلەر“ شينجياڭنىڭ شاڭعى كاسىپ سالاسىنا جوعارى باعا بەرىپ، شينجياڭ بولاشاقتا جۇڭگونىڭ شاڭعى كاسىبىندە ونەگە - ۇلگى بولادى دەپ قارادى.
بازار ساندى مالىمەتى دە شينجياڭنىڭ قار - مۇز كاسىپ سالاسىنىڭ دامۋىنا تولىق سەنىم بەردى. مەيتۋان ساندى مالىمەتىندە كورسەتىلۋىنشە، 12 - ايدىڭ 11 - كۇنىنە دەيىن شينجياڭنىڭ 12 - ايداعى ساياحات تۇتىنۋىنا الدىن الا تاپسىرىس بەرۋ مولشەرى سايكەس مەزگىلدەگىدەن ％214 ارتقان. بيىل 11 - ايدان بەرى مەيتۋان، داجۇڭ باعالاۋىندا ”شينجياڭدا شاڭعى تەبۋگە قاتىستى كىندىك سوزدەردىڭ ءتۇرتىلۋ مولشەرى سايكەس مەزگىلدەگىدەن ％285 ارتقان، ”التاي ايماعىندا شاڭعى تەبۋدىڭ“ ءتۇرتىلۋ مولشەرى سايكەس مەزگىلدەگىدەن 12 ەسەدەن استام ارتتى.
ساندى مالىمەتتەر قار - مۇز كاسىپورىندارىندا، ناقتاپ ايتقاندا، جولاۋشى اعىنى مولشەرىندە ايگىلەندى. 2023 − 2024 - جىلعى قار ماۋسىمى ساۋداسى باستالعاننان بەرى، ءار اپتانىڭ سوڭىندا شينجياڭ جىبەك جولى تاۋلى ءوڭىر دەمالىس اۋماعىندا شاڭعى اۋەسكەرلەرىنىڭ اياعى ۇزىلمەدى. شاڭعىنىڭ قىزىعىنا باتاتىن ەڭ دۋماندى مەزگىل كەلمەي جاتىپ، وسى دەمالىس اۋماعىنداعى 600 قوناق بولمەسىندەگى قونالقى مولشەرى تەڭ جارىمىنان استى.
16 كەزەك شينجياڭ قىسقى ساياحات كاسىپ سالاسى ساۋدا كورمەسى تابىستى وتكىزىلدى، بۇل شينجياڭنىڭ قار - مۇز كاسىپ سالاسىنىڭ دامىعاندىعىنىڭ ارقاسى، مۇنان دا ماڭىزدىسى، شينجياڭنىڭ قار - مۇز كاسىپ سالاسى دامۋىنىڭ تەرەزەسى. وسى كەزەكتى شينجياڭ قىسقى ساياحات كاسىپ سالاسى ساۋدا كورمەسى جانە 2023 - جىلعى شينجياڭ دۋماندى قار مەرەكەسى قازاقستان قاتارلى 8 ەلدى جانە اۆستريا، يتاليا، فرانسيا قاتارلى ەلدەردەگى 7 كاسىپورىندى كورمەگە قاتىناسۋعا ۇسىنىس ەتتى، ەل ىشىنەن كورمەگە قاتىناسقان ولكە، رايون، قالا 27گە جەتىپ، اۋىس - كۇيىس جاساۋ، سەلبەستىك شوعىرى كۇشتى بولدى؛ 14 ايماق، وبلىس، قالادان جانە شينجياڭ ءوندىرىس - قۇرىلىس بيڭتۋانىنىڭ شى - قالالارىنان قۇرالعان شينجياڭ قار - مۇز كاسىپ سالاسى ماتريتساسى شينجياڭنىڭ قار - مۇز كاسىپ سالاسىنىڭ تەرەڭ مايەگىن جانە نۇرلى بولاشاعىن تولىق ايگىلەدى.
تيانشان الابىندا قار - مۇز دۋمانى باستالۋدا. شينجياڭنىڭ قار - مۇز كاسىپ سالاسى الەمدىك دەڭگەيدەگى قار - مۇز ساياحاتى نىسانالى جەرىن قۇرۋدى نىسانا ەتىپ، قار - مۇز ساياحاتى، قار - مۇز سپورتى، قار - مۇز مادەنيەتى، قار - مۇز جابدىعى، قار - مۇز ساۋداسى، قار - مۇز فينانسى، قار - مۇز تيجارات - ساۋداسى سياقتىلاردى ارقاۋ ەتە وتىرىپ قار - مۇز كاسىپ سالاسىنىڭ قۇرىلعىلار دەڭگەيىن، قىزمەت وتەۋ دەڭگەيىن جوعارىلاتىپ، جاڭا كاسىپ كۇيىن تۇلعالاپ، جاڭا ونىمدەردە جاڭالىق اشىپ، جاڭا جەلىلەردى شىعارىپ، جاڭا سەزىنۋلەر ازىرلەدى.
قازىردەن باستاپ كەلەر جىلى 4 - ايعا دەيىن بۇكىل شينجياڭنىڭ ايماق، وبلىس، قالالارى 1000 نان استام قار - مۇز مادەنيەت - ساياحات قيمىلىن وتكىزىپ، تيانشان الابى قاردىڭ قىزىعىنا باتاتىن بولادى.
