اۆتونوميالى رايون ورتالىق كاسىپورىندارىنىڭ شينجياڭعا كومەكتەسۋىنە قىزمەت وتەۋ باسشىلىق گرۋپپاسىنىڭءماجىلىسىن اشتى
ورتالىق كاسىپورىندارىنىڭ شينجياڭعا كومەكتەسۋ باسىمدىعىن جوعارى ساپالى دامۋدىڭ ناقتى ونىمدىلىگىنە اينالدىرۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 24 - كۇنى ۇرىمجىدەن حابارلايدى. جۋىقتا اۆتونوميالى رايون ورتالىق كاسىپورىندارىنىڭ شينجياڭعا كومەكتەسۋىنە قىزمەت وتەۋ باسشىلىق گرۋپپاسىنىڭ ءماجىلىسىن اشىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ تالاپتارى بويىنشا، بيىل جىل باسىنان بەرگى ورتالىق كاسىپورىندارىنىڭ شينجياڭعا كومەكتەسۋىنە قىزمەت وتەۋدىڭ ورىستەتىلۋ جاعدايىنا تالداۋ جاسادى، قورىتىندىلادى، الداعى ءبىر كەزەڭدەگى ءتۇيىندى مىندەتتەردى اقىلداستى، ورنالاستىردى، نەگىزگى تۇلعالىق جاۋاپكەرشىلىكتى اناعۇرلىم كۇشەيتىپ، قىزمەت وتەۋ ساپاسى مەن ونىمدىلىگىن جوعارىلاتىپ، ورتالىق كاسىپورىندارىنىڭ شينجياڭعا كومەكتەسۋ باسىمدىعىن رايونىمىزدىڭ جوعارى ساپالى دامۋىنىڭ ناقتى ونىمدىلىگىنە اناعۇرلىم ويداعىداي اينالدىرۋعا قۇلشىنۋدى تالاپ ەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: ورتالىق كاسىپورىندارىنىڭ كاسىپ سالاسى ارقىلى شينجياڭعا كومەكتەسۋى شينجياڭنىڭ وزگەشە باسىمدىعى. ورتالىق كاسىپورىندارىنىڭ شينجياڭدا دامۋىنا قىزمەت وتەۋ وزىندىك دامۋدى، زورايۋدى جۇزەگە اسىرۋ بولماق. ساياسي دەڭگەيدى شىن مانىندە جوعارىلاتىپ، ورتالىق كاسىپورىندارىنا قىزمەت وتەۋ قىزمەتىنە باسا ءمان بەرىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋلارى بويىنشا، كەزەكتەگى ورتالىق كاسىپورىندارىمەن تەرەڭ سەلبەستىك جاساسقان تاماشا وراي مەن دامۋ ارىنىن يگەرىپ، ۇيىمداستىرۋ، ساۋداگەر شاقىرىپ قارجى ەنگىزۋ، سەلبەستىك جاساۋ، قىزمەت وتەۋ سياقتى قىزمەتتەردى كۇشەيتىپ، ءتۇرلى فاكتورلار قامتاماسىزدىعىن ويداعىداي ىستەپ، شينجياڭنىڭ ورتالىق كاسىپورىندارىمەن ءوزارا پايدا جەتكىزىپ تەڭ يگىلىككە كەنەلۋىن، بىرگە دامۋىن اناعۇرلىم ويداعىداي ىلگەرىلەتۋ كەرەك.
ءماجىلىس مىنالاردى باسا دارىپتەدى: شينجياڭنىڭ وزىندىك دامۋىن ورتالىق كاسىپورىندارىنىڭ دامۋ نىساناسىمەن شىن مانىندە تىعىز ۇشتاستىرىپ، ءتۇيىندى سالالاردى ارقاۋ ەتە وتىرىپ ورتالىق كاسىپورىندارىمەن ستراتەگيالىق سەلبەستىكتى جانە نىسانداردى ءتۇيىلىستىرۋدى ونان ارى تەرەڭدەتىپ، ورتالىق كاسىپورىندارى مەن جەرگىلىكتى ورىننىڭ سەلبەستىك ءىرى ءىسىن ناقتى، ويداعىداي ىستەۋ كەرەك. ەنەرگيا حاۋىپسىزدىگىنە، بايلىق حاۋىپسىزدىگىنە، كاسىپ سالاسى حاۋىپسىزدىگىنە كەپىلدىك ەتۋدى، ت.ب مىقتاپ ارقاۋ ەتىپ، ورتالىق كاسىپورىنداردى شينجياڭنىڭ ”8 ءىرى كاسىپ سالاسى شوعىرى“ قۇرىلىسىنا بار كۇشپەن قولداۋ كورسەتۋگە باستاپ، مۇناي - تابيعي گاز ءوندىرۋ - وڭدەۋ، كومىر، كومىر ەلەكتر، كومىر حيميا ونەركاسىبى، جاسىل كەن شارۋاشىلىعى سياقتىلاردى ءجىتى قاداعالاي وتىرىپ تۇتاس كاسىپ سالاسى تىزبەگىنىڭ سەلبەستىگىن كۇشەيتىپ، رايونىمىزدىڭ وسىزاماندانعان كاسىپ سالاسى جۇيەسىن جەدەل ورناتۋ كەرەك. ”ءبىر بەلدەۋ، ءبىر جول“ وزەكتى رايونى قۇرىلىسىن تىڭعىلىقتى ىلگەرىلەتىپ، ورتالىق كاسىپورىندارىنىڭ ”ءبىر پورت“، ”ەكى رايون“، ”بەس ۇلكەن ورتالىق“ جانە ”شەكارا وتكەلى ەكونوميكالىق بەلدەۋى“ قۇرىلىسىنا ات سالىسۋىنا، شينجياڭ ەركىن ساۋدا سىناق رايونىنىڭ 3 اۋماق قۇرىلىسىنا تەرەڭ ات سالىسۋىنا قولداۋ كورسەتىپ، باستاپ، استىق يمپورت - ەكسپورتى، ساياحات، ساۋدا، زات اينالىمى سياقتى جاقتاردا ورتالىق كاسىپورىندارى مەن جەرگىلىكتى ورىننىڭ سەلبەستىك جاساسۋ، ءوزارا پايدا جەتكىزىپ تەڭ يگىلىككە كەنەلۋ باسىمدىعىن ساۋلەلەندىرىپ، اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا جوعارى دەڭگەيدەگى ەسىك اشۋ ارناسىن جەدەل قالىپتاستىرۋ كەرەك. عىلىم - تەحنيكادا جاڭالىق اشۋدى كۇش سالا ىلگەرىلەتىپ، دارىندىلاردى باۋلۋدى كۇشەيتىپ، ورتالىق كاسىپورىندارىنىڭ تەحنيكا، دارىندى جاعىنان شينجياڭعا كومەكتەسۋ سەرپىنىن ارتتىرۋىنا قول جەتكىزىپ، ءتىپتى دە كوپ شەشۋشى، وزەكتى تەحنيكالاردان قامال الىپ، اناعۇرلىم كوپ جوعارى دەڭگەيدەگى كادر - دارىندىلاردى باۋلىپ، شينجياڭنىڭ جوعارى ساپالى دامۋىنا اقىل - پاراساتتىق قولداۋ ازىرلەۋ كەرەك.
ءماجىلىس مىنالاردى تالاپ ەتتى: ءارقايسى مۇشە ورىندار نەگىزگى تۇلعالىق جاۋاپكەرشىلىگىن دەن قويا اتقارىپ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىمەن، ورتالىق كاسىپورىندارىمەن، شينجياڭعا باعىتتامالى كومەكتەسەتىن ولكە، قالالاردىڭ مەملەكەت مەنشىگىندەگى كاسىپورىندارىمەن بايلانىستى، اۋىس - كۇيىستى، بىرگە قارجى قوسۋ سەلبەستىگىن ىرىقتى تۇردە كۇشەيتىپ، تۇتاس پەريودتى قىزمەت وتەۋدى قامتاماسىز ەتۋ جۇيەسىن قالىپتاستىرىپ، ورتالىق كاسىپورىندارىنىڭ شينجياڭدا دامۋىنا قىزمەت وتەۋدى قامتاماسىزداندىرۋدى جوعارى ساپالى ويداعىداي ىستەۋ كەرەك. ورتالىقتىڭ شينجياڭعا قولداۋ كورسەتكەن ءتيىمدى ساياساتتارىنان جانە اۆتونوميالى رايوننىڭ قاتىستى ساياساتتارىنان جەتكىلىكتى، ويداعىداي پايدالانىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋدى كۇش سالۋ ءتۇيىنى ەتىپ، ورتالىق كاسىپورىندارىنىڭ شينجياڭدا قارجى قوسۋ بەتالىسى مەن جوسپارىنا، ورنالاستىرۋىنا دەر كەزىندە ءجىتى ىلەسىپ، بوگەتتەردى، قيىن تۇيىندەردى ىركىلىسسىزدەندىرىپ، قيىنشىلىقتاردى، تىلەك - تالاپتاردى شىن مانىندە شەشۋ كەرەك. اۆتونوميالى رايوندىق حالىق ۇكىمەتى مەن ورتالىق كاسىپورىندارى قول قويعان ءتۇرلى سەلبەستىك كەلىسىمدەرىنىڭ اتقارىلۋىن جانە تياناقتانۋىن دەر كەزىندە ىلگەرىلەتىپ، تاراۋلاردىڭ بىرلەسە قيمىلداۋىن كۇشەيتىپ، قىزمەت بىرىككەن كۇشىن قالىپتاستىرىپ، كەلەر جىلعى قىزمەتتەردى ويداعىداي جوسپارلاپ، ورتالىق كاسىپورىندارى مەن جەرگىلىكتى ورىن سەلبەستىگىنىڭ اناعۇرلىم كوپ ماۋەلى جەمىس بەرۋىنە دەم بەرۋ كەرەك.
ءماجىلىس بيىل جىل باسىنان بەرى ورتالىق كاسىپورىندارىنىڭ شينجياڭعا كومەكتەسۋ قىزمەتىنە قىزمەت وتەۋدىڭ ورىستەتىلۋ جاعدايىن حابارلاندىرىپ، قاتىستى حۇجاتتاردى قارادى.
چىن ۋيجۇن، ۋاڭ گاڭ، جين جىجىن ماجىلىسكە قاتىناستى.
