شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2024 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ۇقتىرۋدى» باسىپ تاراتتى. تولىعى تومەندەگىدەي:
2024 - جىلى − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، جاڭا جىل، كوكتەم مەرەكەسى كەزىندەگى ءتۇرلى قىزمەتتى ءبىر تۇتاس جوسپارلاپ ويداعىداي ىستەپ، حالىق بۇقاراسىنىڭ مەرەكەنى كوڭىلدى دە بەرەكەلى وتكىزۋىنە شىنايى كەپىلدىك ەتۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەر جونىندە مىنانى ۇقتىرامىز:
ءبىرىنشى، قيىنشىلىعى بار بۇقاراعا قامقورلىق جاساپ، كوڭىل ءبولىپ، قۇتقارۋ، كومەكتەسۋ - سۇيەمەلدەۋ قىزمەتىن ويداعىداي ىستەۋ كەرەك. ءار دارەجەلى باسشى كادرلار شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدىڭ تابىستارىن حالىق تۇرمىسىن قامتاماسىز ەتۋدىڭ، جاقسارتۋدىڭ جاندى امالياتىنا شىن مانىندە اينالدىرىپ، جاپالى وڭىرلەردى، نەگىزگى ساتى ءبىرىنشى شەبىن، اسىرەسە، جۋىقتا جاڭبىر - قار، جەر سىلكىنىسى سياقتى اپاتتارعا ۇشىراعان وڭىرلەردى ىشكەرىلەي ارالاپ، قالا - اۋىلدارداعى قيىنشىلىعى بار بۇقارانىڭ ءوندىرىس، تۇرمىس ماسەلەسىن ويداعىداي شەشۋگە قۇلشىنىپ، پارتيا مەن ۇكىمەتتىڭ قامقورلىعىن، مەيىرىن قيىنشىلىعى بار بۇقارانىڭ كوڭىل تۇكپىرىنە جەتكىزۋ كەرەك. قوعامدىق ءتۇرلى قۇتقارۋ - كومەكتەسۋ ساياساتىن جاپپاي تياناقتاندىرىپ، ءتۇرلى قۇتقارۋ - كومەك قاراجاتىن دەر كەزىندە، تولىعىمەن تاراتۋ كەرەك، شارت - جاعدايى بار جەرلەر ”ەكى مەرەكە“ كەزىندەگى قۇتقارۋ - كومەك قاراجاتىن كۇنى بۇرىن تاراتۋىنا بولادى. ۋاقىتشا قۇتقارۋ - كومەكتەسۋ سەرپىنىن ارتتىرىپ، قالا - اۋىلداعى بۇقارا ۇشىراعان توسىن، شۇعىل نەگىزگى تۇرمىس قيىنشىلىقتارىن دەر كەزىندە شەشۋ كەرەك. تۇرمىستا سۇيەنىشى جوق سەرگەلدەڭ تىلەنشىلەر، مۇگەدەكتەر، ەرەكشە قيىنشىلىعى بار قارتتار، ءتۇرلى قيىنشىلىقتا قالعان بالالار سياقتى قاۋىمعا قامقورلىق جاساۋدى، كومەكتەسۋ - سۇيەمەلدەۋدى كۇشەيتىپ، اپاتقا ۇشىراعان وڭىرلەرگە اپاتتان قۇتقارۋ بويىنشا قۇتقارۋ - كومەكتەسۋدى جانە سولتۇستىك ءوڭىردى جىلۋمەن قامداۋ بويىنشا قۇتقارۋ - كومەكتەسۋدى ويداعىداي ىستەپ، نەگىزگى حالىق تۇرمىسى تومەنگى شەگىن ويداعىداي ساقتاۋى كەرەك. ەڭبەكاقىنى بەرە الماۋدى تۇبىرىنەن وڭاۋدىڭ قىسقى ارناۋلى ارەكەتىن تىڭعىلىقتى ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ زاڭعا قايشى ارەكەتتەرىن زاڭ بويىنشا ءبىر جاقتى ەتىپ، شارۋا جۇمىسكەرلەردىڭ زاڭدى ۇقىق - مۇددەسىن ويداعىداي قامتاماسىز ەتۋ كەرەك. شارت - جاعدايى جاپالى وڭىردە جانە شۇعىل، قيىن، قاتەرلى، اۋىر مىندەتتىڭ ءبىرىنشى شەبىندە قىزمەت ىستەپ جاتقان جولداستارعا كوڭىل ءبولىپ، قامقورلىق جاساپ، قىزمەت ۇستىندە قايتىس بولعان نەگىزگى ساتى كادرلارىنىڭ ءۇي ىشىندەگىلەرگە قارايلاسۋ - كومەكتەسۋ جانە كومەكتەسۋ - سۇيەمەلدەۋ قىزمەتىن ويداعىداي ىستەپ، تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلاردان جانە ارميادان دەمالىسقا، زەينەتكە شىققان كادرلاردان، قىزىل ارميا ساقا جاۋىنگەرلەرىنەن، اسكەردەن بوساعان ساقا اسكەريلەردەن، جارالانىپ مۇگەدەك بولعان اسكەريلەردەن، قۇربان بولعان اسكەريلەردىڭ ءۇي ىشىندەگىلەرىنەن، ت.ب ىشكەرىلەي جاعداي ۇعىسىپ، حال سۇراۋ كەرەك.
ەكىنشى، مەرەكە كەزىندە بازاردىڭ قامداۋىن قامتاماسىز ەتىپ، بۇقارانىڭ تۇتىنۋ قاجەتىن قاناعاتتاندىرۋ كەرەك. كومىرمەن، ەلەكترمەن، جانار مايمەن، وتىندىق گازبەن قامداۋدى قامتاماسىز ەتۋ، باعانى ورنىقتىرۋ قىزمەتىن بار كۇشپەن ويداعىداي ىستەۋ، اسىرەسە، سۇركەيلى، اپاتتى اۋا رايى كەزىندە قۇرىلعىلاردى شارلاپ تەكسەرۋدى كۇشەيتىپ، توسىن جاعدايلارعا دەر كەزىندە توتەپ بەرىپ، ەلەكترمەن قامداۋدىڭ، جىلۋمەن قامداۋدىڭ، گازبەن قامداۋدىڭ ورنىقتى بولۋىنا شىنايى كەپىلدىك ەتىپ، بۇقارانىڭ قىستان جىلى ءوتۋىن قامتاماسىز ەتۋ كەرەك. استىق حاۋىپسىزدىگىندە پارتيا، ۇكىمەت تەڭ جاۋاپكەرشىلىك ارقالاۋ جانە ”كوجە - قاتىققا“ قالا باستىعى جاۋاپتى بولۋ ءتۇزىمىن تياناقتاندىرىپ، استىق، ازىقتىق ماي، ەت، جۇمىرتقا، ءسۇت، جەمىس - جيدەك، كوكونىس، ازىقتىق ساڭىراۋقۇلاق سياقتى ماڭىزدى حالىق تۇرمىسى تاۋارلارىن ءوندىرۋ - ساتۋدى، قامداۋدى قامتاماسىز ەتۋدى كۇشەيتىپ، زات اينالىمىنىڭ اشىق، ىركىلىسسىز بولۋىنا كەپىلدىك ەتۋ قىزمەت مەحانيزمىنىڭ رولىن ويداعىداي ساۋلەلەندىرىپ، تاسىمال قامتاماسىزدىعىن ويداعىداي ىستەپ، زات اينالىمى بويىنشا جەتكىزۋدى ىركىلىسسىزدەندىرىپ، سانى جەتكىلىكتى، ءتۇرى مول، ساپاسى الاڭسىز، باعاسى ورنىقتى بولۋعا شىنايى كەپىلدىك ەتۋ كەرەك. اۋىل - قىستاقتاعى وڭىرلەر، قالا مەن اۋىلدىڭ تۇيىلىسكەن جەرى سياقتى ءتۇيىندى وڭىرلەردىڭ ازىق - تۇلىك جانە ءونىم ساپاسى حاۋىپسىزدىگىن باقىلاۋ - باسقارۋدى كۇشەيتىپ، جالعان، جارامسىز ونىمدەر سياقتىلارعا قاتىستى زاڭعا قايشى ارەكەتتەرگە قاتاڭ سوققى بەرۋ كەرەك. ساياحات بازارىنىڭ قامداۋىن مولايتىپ، دەمالىس كەزىندەگى تۇتىنۋدىڭ ومىرشەڭدىك كۇشىن قاۋلاتىپ، ساياحاتتىق تۇتىنۋ ورتاسىن ساپالىلاندىرىپ، اس - سۋ، جاتىن ورىن، كورىنىس ءوڭىرى ەسىك بەلەتى، اۆتوتۇراق اقىسى سياقتى حالىق تۇرمىسىنداعى ءتۇيىندى سالالاردىڭ باعاسىن باقىلاۋ - باسقارۋ سەرپىنىن ارتتىرىپ، باعانى قىمباتتاتۋ، استاسىپ باعانى ءوسىرۋ، باعا الدامشىلىعى سياقتى زاڭعا قايشى ارەكەتتەردى دەر كەزىندە تەكسەرىپ ءبىر جاقتى ەتۋ كەرەك. ساتۋدى جەبەۋ قيمىلىن ارناعا ءتۇسىرىپ، ينتەرنەت ساۋدا تۇعىرىن تۇلعالىق جاۋاپكەرشىلىگىن تياناقتاندىرۋعا قۋزاپ، ينتەرنەت ساۋداسى مەن قىزمەت وتەۋدى باقىلاۋ - باسقارۋدى كۇشەيتىپ، ارىز ايتۋ - اشكەرەلەۋ ارناسىن ىركىلىسسىزدەندىرىپ، تۇتىنۋشىلاردىڭ زاڭدى ۇقىق - مۇددەسىن قورعاۋ كەرەك.
ءۇشىنشى، بۇقارانىڭ رۋحاني مادەنيەت تۇرمىسىن بايىتىپ، مەرەكە رايىن بەلسەنە قالىپتاستىرۋ كەرەك. سەنىمدى كۇشەيتۋدى ءتۇيىن ەتە وتىرىپ ۇگىتتى، جەتەكشىلىك ەتۋدى كۇشەيتىپ، جاڭا داۋىردە ەكپىندەي ىلگەرىلەۋ سىندى نەگىزگى اعىمدىق يدەيا قوعامدىق پىكىرىن بەكەمدەپ، زورايتىپ، نەگىزگى اۋەندى اسقاقتاتىپ، تۇتاس قوعامنىڭ ىنتىماقتاسا ەكپىندەي ىلگەرىلەۋىنىڭ قۋاتتى كۇشىن قاۋلاتۋ كەرەك. مادەنيەت، عىلىم - تەحنيكا، دەنساۋلىق ساقتاۋ سىندى ”ءۇشتى اۋىل - قىستاققا جەتكىزۋ“ قيمىلى مەن ”ءبىزدىڭ جۇڭگو ارمانىمىز − مادەنيەتتى 10 مىڭ وتباسىنا جەتكىزۋ“ قيمىلىن ويداعىداي ۇيىمداستىرىپ، اۋىل شارۋاشىلىق تەحنيكاسى بىلىمدەرىن، مادەنيەت قىزمەت وتەۋىن، عىلىم جالپىلاستىرۋ ۇگىتى، سالاماتتىق تەكسەرۋ، زاڭنان كەڭەس بەرۋ سياقتىلاردى نەگىزگى ساتىعا جەتكىزىپ، قالىڭ ادەبيەت - كوركەمونەر قىزمەتكەرلەرىن اۋىل - قىستاقتاردى، الەۋمەتتىك اۋماقتاردى، ت.ب ىشكەرىلەي ارالاپ، فورماسى الۋان ءتۇرلى، مازمۇنى باي مادەنيەت، ادەبيەت - كوركەمونەر قيمىلدارىن ورىستەتۋگە ۇيىمداستىرۋ كەرەك. تاڭداۋلى كينولاردى، تەلە فيلمدەردى، تەلەديدار تۇرىندەگى باعدارلامالاردى قويۋدى ورنالاستىرىپ، ”قىستاق ساۋىق كەشى“ سىندى ۇلگى كورسەتۋ، كورمەلەۋ قيمىلىن ۇزدىكسىز ىلگەرىلەتىپ، بۇقارالىق ادەبيەت - كوركەمونەر كونسەرتتەرىنىڭ ساپاسىن جوعارىلاتىپ، بەيزاتتىق مادەنيەت مۇرالارى نىسانىنىڭ ءداستۇرلى مەرەكەمەن تەرەڭدەي توعىسۋىن جەبەپ، شات - شادىمان، يگى، مەيىرلى مەرەكە رايىن قالىپتاستىرۋ كەرەك. سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە امالياتتا ايگىلەپ، جاسامپازدىققا جەتەكشىلىك ەتۋدى كۇشەيتىپ، بادىك، تۇرپايى، انايى قۇبىلىستاردى باتىل تيىپ، مەرەكە كەزىندەگى مادەنيەت بازارىن تازارتۋ كەرەك.
ءتورتىنشى، كوكتەم مەرەكەسى كەزىندەگى تاسىمال قىزمەتىن ويداعىداي ىستەپ، بۇقارانىڭ ءجۇرىس - تۇرىسىنا ەگجەي - تەگجەيلى قىزمەت وتەۋ، قامتاماسىز ەتۋ كەرەك. ءتۇيىندى ۋاقىت كەزەڭىندەگى، ءتۇيىندى جول جەلىسىندەگى تاسىمال قۋاتىن زاپاس ساقتاۋدى جانە قامداۋدى كۇشەيتىپ، بۇقارانىڭ ءجۇرىس - تۇرىس قاجەتىن مۇمكىندىگىنشە قاناعاتتاندىرۋ كەرەك. ءتۇرلى تاسىمال تاسىلدەرىنىڭ ءتۇيىلىسۋىن ساپالىلاندىرىپ، جولاۋشىلاردىڭ ۇلاسپالى ارالىقتى تاسىمالىنا جانە جولاۋشىلاردىڭ ورتا جولدا كولىك اۋىسۋىنا قولايلىلىق جاساۋ كەرەك. جوعارى جىلدامدىقتى تاس جول قىزمەت وتەۋ اۋماعىنىڭ جۇمىس جۇرگىزۋىن باسقارۋدى كۇشەيتىپ، ەلەكتر زارياتتاۋ، تاماقتانۋ، دارەتكە وتىرۋ سياقتى قىزمەت وتەۋ قۋاتى مەن ساپاسىن جوعارىلاتۋ كەرەك. اسكەريلەر، ءورت ءسوندىرۋ - ورتتەن ساقتانۋ، قۇتقارۋشى - كومەك بەرۋشى قىزمەتكەرلەر، قاھارمان قۇربانداردىڭ ءۇي ىشىندەگىلەر، قارتتار، سابيلەر، ناۋقاستار، مۇگەدەكتەر، جۇكتى ايەلدەر قاتارلى ءتۇيىندى قاۋىمعا كولىككە وتىرۋ بويىنشا قىزمەت وتەۋ ساياساتىن قاتاڭ تياناقتاندىرىپ، شارۋا جۇمىسكەر، وقۋشى، اۋىل - قىستاق وڭىرىندەگى بۇقارا قاتارلى ءتۇيىندى قاۋىمنىڭ ءجۇرىس - تۇرىسىنا قىزمەت وتەۋدى، ونى قامتاماسىز ەتۋدى كۇشەيتۋ كەرەك. مەكەمە - ورىنداردى ەڭبەكاقىلى جىلدىق دەمالىس سياقتى تۇزىمدەردى تياناقتاندىرۋمەن ۇشتاستىرىپ، جۇمىسشى - قىزمەتكەرلەردى كوكتەم مەرەكەسىنە قاراعان كۇنى دەمالۋعا ورنالاستىرۋعا شابىتتاندىرۋ كەرەك. جۇرتتى ساپار جوسپارىن ۇيلەسىمدى ورنالاستىرۋعا، شوعىرلى مەزگىلدى سوقپاي ساپارعا شىعۋعا جەتەكتەۋ كەرەك. كوكتەم مەرەكەسى دەمالىسى كەزىندە شاعىن جولاۋشىلار كولىگى تەگىن قاتىناۋ ساياساتىن قاتاڭ تياناقتاندىرىپ، كەپتەلىس بولعان جول بولىكتەرىن اشۋدى باسقارۋدى كۇشەيتىپ، جوعارى جىلدامدىقتى تاس جولدىڭ جوعارى اعىندى جول بولىكتەرىنىڭ قاتىناس قىسىمىن ءونىمدى باسەڭدەتۋ كەرەك. شۇعىل جاعدايعا توتەپ بەرۋدىڭ دايىندىق جوباسىن ساپالىلاندىرىپ، كەمەلدەندىرىپ، تاسىمال بوگەلۋ، ساياحاتشىلار بوگەلۋ، قاتەرلى شىرعالاڭ سياقتى توسىن جاعدايلارعا ۇيلەسىمدى توتەپ بەرۋ كەرەك. تەمىر جول، تاس جول، سۋ قاتىناسى جانە حالىقتىق اۆياتسيا حاۋىپسىزدىگىن باسقارۋدى كۇشەيتىپ، زاڭ اتقارۋدى باقىلاۋ - باسقارۋدى كۇشەيتىپ، شەكتەن تىس تيەۋ، جىلدامدىق ولشەمىنەن اسا ءجۇرۋ، زاڭسىز قاتىناۋ، اۋىل شارۋاشىلىق كولىكتەرى مەن جۇك كولىكتەرىنىڭ زاڭعا قايشى ادام الىپ ءجۇرۋى سياقتى ارەكەتتەرگە قاتاڭ سوققى بەرىپ، ەلەۋلى، ەرەكشە، اۋىر قاتىناس شىرعالاڭدارىنان قاتاڭ ساقتانىپ، بۇقارانىڭ ءجۇرىس - تۇرىس حاۋىپسىزدىگىن قامتاماسىز ەتۋ كەرەك.
بەسىنشى، جۇقپالى اۋرۋدان ساقتانۋ - تىزگىندەۋ قىزمەتىن ويداعىداي ىستەپ، بۇقارانىڭ دەنساۋلىعىن قورعاۋ كەرەك. جاڭا تيپتى ايدارشا ۆيرۋس، جۇقپالى تۇماۋ سياقتى تىنىس جولى جۇقپالى اۋرۋلارىنان ساقتانۋ - تىزگىندەۋدى ءبىر تۇتاس جوسپارلاپ ويداعىداي ىستەپ، عىلمي ساقتانۋ - تىزگىندەۋگە، دالمە - ءدال شارا قولدانۋعا تاباندى بولىپ، ”ءتورت جاقتىڭ جاۋاپكەرشىلىگىن“ تياناقتاندىرىپ، قارتتاردى كۇتىمدەۋ، بالالاردى باعۋ - تاربيەلەۋگە اماناتتاۋ، مەكتەپ، قوعامدىق يگىلىك سياقتى قۇرىلىمداردىڭ، سونداي - اق ورتاسى جابىق ورىنداردىڭ ساقتانۋ - تىزگىندەۋىن كۇشەيتىپ، توپتالۋ سيپاتتى ىندەتتىڭ تۋىلۋىنان قاتاڭ ساقتانۋ كەرەك. ەمدەۋ بايلىعىن، اسىرەسە، بالالار اۋرۋلارى ءبولىمى، تىنىس جولى اۋرۋلارى ءبولىمى سياقتى ەمدەۋ بايلىعىن ءبىر تۇتاس جوسپارلاۋ سەرپىنىن ارتتىرىپ، ەمدەۋ قۇرىلىمدارىنىڭ امبولاتوريا، شۇعىل ەمدەۋ، بالالار اۋرۋلارى ءبولىمى، تىنىس جولى اۋرۋلارى ءبولىمى، سالماقتى اۋرۋلار ءبولىمى سياقتى ءتۇيىندى بولىمدەردىڭ ەمدەۋ كۇشتەرىن تولىقتىرىپ، ەمدەۋ قۇرىلىمدارىنىڭ ۇنەمى قولدانىلاتىن ءدارى - دارمەك، تەكسەرۋ سىناعىشى، ەمدەۋ جابدىقتارى، قابىلداپ ەمدەۋ توسەك ورنى سياقتى دايىندىقتارىن كۇشەيتۋ كەرەك. ىندەتتى قاداعالاۋ - ساقتاندىرۋدى جانە حاۋىپ - قاتەرىن مولشەرلەۋدى ويداعىداي ىستەپ، ىندەت جاعدايىن مالىمدەۋدى كۇشەيتىپ، ينفورماتسيانى دەر كەزىندە جاريالاپ، جۇرتتى كۇدىك - كۇمانىنان ارىلتۋ كەرەك. شۇعىل حاراكتەرلى تىنىس جولى جۇقپالى اۋرۋلارىنان ساقتانۋ جانە ونى ەمدەۋ بىلىمدەرىن عىلمي ۇگىتتەپ، ۆاكسينا ەگۋگە جەتەكتەپ، ماسكى تاعۋ، قولدى ۇنەمى جۋۋ، ۇنەمى اۋا الماستىرۋ، الەۋمەتتىك قارىم - قاتىناس قاشىقتىعىن ساقتاۋ سياقتى جەكە ساقتانۋ - قورعانۋ شارالارىن باستاماشىلدىقپەن دارىپتەۋ كەرەك.
التىنشى، حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەپ تەكسەرىپ، ءوندىرىس حاۋىپسىزدىگىن شىن مانىندە ويداعىداي يگەرۋ كەرەك. حاۋىپسىز دامۋ ۇستانىمىن بەرىك ورناتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ءاردايىم قام جەپ تۇراتىن“ جاۋاپكەرشىلىك سەزىمدى باستان - اياق ساقتاپ، ءوندىرىس حاۋىپسىزدىگى قىزمەتىن شىن مانىندە كۇشەيتىپ، ءار ءتۇرلى حاۋىپ - قاتەرلەردى، كومەسكى كىناراتتاردى قاتاڭ تەكسەرىپ، ءجيى ساقتانىپ، حاۋىپسىزدىكتى باسقارۋ - مەڭگەرۋ شارالارىن قاتاڭ تياناقتاندىرۋ كەرەك. كەن، قاتەرلى حيميالىق بۇيىمدار، حالىقتىق قۇرىلىسقا پايدانىلاتىن قوپارعىش بۇيىمدار، جارقىلداق - تورسىلداق، قۇرىلىس جۇرگىزۋ، سۋ، ەلەكتر، گاز، جىلۋ، قاتىناس - تاسىمال، مادەنيەت - ساياحات، ارنايى جابدىقتار سياقتى ءتۇيىندى كاسىپتەردىڭ، سالالاردىڭ حاۋىپسىزدىگىن باسقارۋ مەن باقىلاۋدى كۇشەيتىپ، ادامدار تىعىز توپتاسقان ورىندار، جانعىش، جارىلعىش ورىندار، ەڭبەك شوعىرلانعان كاسىپورىندار سياقتى ءتۇيىندى وڭىرلەردىڭ حاۋىپسىزدىك بويىنشا ساقتانۋ شارالارىن قاتاڭ تياناقتاندىرىپ، ءتۇرلى ءوندىرىس حاۋىپسىزدىگى شىرعالاڭدارىنان قاتاڭ ساقتانۋ كەرەك. بۇكىل ەلدەگى قالا - قالاشىقتاردا وتىندىق گاز حاۋىپسىزدىگى بويىنشا ارناۋلى رەتتەۋ - وڭاۋدى ۇزدىكسىز تەرەڭدەتىپ، بيىك قاباتتى قۇرىلىستار، ءىرى ۋنيۆەرسال تۇلعالار، ساۋدا سارايى، بازار، اس - سۋ، كوڭىل اشۋ، قوناق ءۇي، حالىقتىق تۇسەلحانا، شيپاحانا، قارتتاردى كۇتىمدەۋ قۇرىلىمى سياقتى ادامدار تىعىز توپتاسقان ورىنداردى، سونداي - اق ”زاۆود ىشىندەگى زاۆود“، قامبادا ساقتاۋ، زات اينالىمى، ماي قۇيۋ (گاز قۇيۋ) پۋنكتى سياقتى ءتۇيىندى ورىنداردا ءورت اپاتى تۋىلۋ كومەسكى كىناراتىن ءبىر - بىرلەپ تەكسەرىپ، وڭاۋدى ويداعىداي يگەرۋ كەرەك. تومەن تەمپەراتۋرا، جاڭبىر، قار، مۇز، ۇسىك سياقتى سۇركەيلى، اپاتتى اۋا رايى جانە ورمان ءورت قاتەرى سياقتىلار بويىنشا قاداعالاۋدى، ساقتاندىرۋدى كۇشەيتىپ، شۇعىل جاعدايعا توتەپ بەرۋ شاراسىن كەمەلدەندىرىپ، ەگجەي - تەگجەيلىلەندىرىپ، شۇعىل جاعدايعا توتەپ بەرۋ بويىنشا ءبىر جاقتى ەتۋ دايىندىعىن ويداعىداي ىستەۋ كەرەك.
جەتىنشى، قايشىلىقتاردى، ماسەلەلەردى ىرىقتىلىقپەن ءبىر جاقتى ەتىپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىن كۇش سالا ويداعىداي ىستەپ، ءتۇيىندى سالالاردى ارقاۋ ەتە وتىرىپ قايشىلىقتاردى، داۋ - شارلاردى ءبىر - بىرلەپ تەكسەرۋدى، جويۋدى ىشكەرىلەي ورىستەتۋ كەرەك. ”ۇرلاۋ، توناۋ، الداپ الۋ“، ”سارى الاپات، قۇمار ويناۋ، ەسىرتكى تۇتىنۋ“ جانە تەلەگراف، ينتەرنەت الدامكوستىگى، قارا كۇشتەرگە ساياتىن ىستەر، سۇرقيا كۇشتەرگە ساياتىن ىستەر، ازىق - تۇلىك، ءدارى - دارمەك، قورشاعان ورتا سالاسىنداعى، ت.ب كورنەكتى زاڭعا قايشى قىلمىستارعا قاتاڭ سوققى بەرىپ، ەلەۋلى، ورەسكەل قىلمىستىق ءىس دەلولارىنىڭ جانە جەكە ۇشقارى زورلىقتى كۇش وقيعالارىنىڭ تۋىلۋىنان قاتاڭ ساقتانۋ كەرەك. قوعامدىق جاعداي بويىنشا شارلاپ ساقتانۋدى، شارلاپ تىزگىندەۋدى كۇشەيتىپ، قالا مەن اۋىلدىڭ تۇيىلىسكەن جەرى سياقتى قوعام اماندىعىنداعى ءتۇيىندى وڭىرلەردى ءبىر - بىرلەپ تەكسەرۋدى، رەتتەۋ - وڭاۋدى كۇشەيتىپ، ادامدار تىعىز توپتاسقان ورىنداردىڭ حاۋىپسىزدىك ساقتانۋىن كۇشەيتىپ، حالىق بۇقاراسىنىڭ حاۋىپسىزدىك سەزىمىن كۇشەيتۋ كەرەك. ءتۇيىندى وڭىرلەردە، ءتۇيىندى جەرلەردە اماندىق بويىنشا باسقارۋ - تىزگىندەۋدى كۇشەيتىپ، ادام كۇشى، زات كۇشى، تەحنيكالىق كۇش ارقىلى ساقتانۋ شاراسىن جاپپاي تياناقتاندىرىپ، زورلىقتى كۇش، لاڭكەستىك ارەكەتتەرىنەن باتىل ساقتانۋ جانە سوققى بەرۋ كەرەك. كولەمدى بۇقارالىق مەرەكە شاتتىعى قيمىلدارىنىڭ حاۋىپسىزدىك بويىنشا ساقتانۋ شارالارىن قاتاڭ تياناقتاندىرىپ، اۋىر، ەرەكشە اۋىر الەۋمەتتىك حاۋىپسىزدىك شىرعالاڭدارىنىڭ تۋىلۋىنان ساقتانۋ كەرەك.
سەگىزىنشى، ۇقىپتى دا ۇنەمشىل تۇردە وركەنيەتتى مەرەكە تويلاۋدى باستاماشىلدىقپەن دارىپتەپ، ”ءتورت ءتۇرلى بۇرىس ستيل“ ماسەلەسىنىڭ قايتا بەلەڭ بەرۋىنەن ساقتانۋ كەرەك. جۇڭحۋا ۇلتىنىڭ تاڭداۋلى ءداستۇرلى ستيلىنە تاباندى بولىپ جانە ونى اسقاقتاتىپ، ”ءبىزدىڭ مەرەكەمىز“ سياقتى وركەنيەتتى امالياتتا ايگىلەۋ قيمىلدارىن ورىستەتىپ، ەسكى سالت - سانانى وزگەرتۋدى تىڭعىلىقتى ىلگەرىلەتىپ، وتباسى تاربيەسىن، وتباسى سالتىن قاتايتىپ، ءسان - سالتاناتقا بەرىلىپ، باردامدىعىن ايگىلەۋ، قاراتالاسىپ، بايلىعىمەن ماقتانۋ، توگىپ - شاشىپ، سىراپشىلدىققا سالىنۋ سياقتى ناشار قىلىقتارعا قارسى تۇرىپ، تاماشا قوعامدىق سالتتى باستاماشىلدىقپەن دارىپتەۋ كەرەك. ءتارتىپتى، تالاپتى قاتايتىپ، ەرەكشە ۇقىق يدەياسى مەن ەرەكشە ۇقىق ارەكەتىنە قارسى تۇرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن تالىقپاي تياناقتاندىرىپ، مەرەكە كەزىندە وڭاي تۋىلاتىن، كوپ تۋىلاتىن بەلگىلەمەگە قايشىلىق جاساپ ءىشىپ - جەۋ، بەلگىلەمەگە قايشىلىق جاساپ تارتۋ - تارالعى، سي الۋ - بەرۋ، بەلگىلەمەگە قايشىلىق جاساپ ۇستەمە قاراجات، قوسىمشا قاراجات تاراتۋ، بەلگىلەمەگە قايشىلىق جاساپ ءولىم - ءجىتىم جانە توي - تومالاق وتكىزۋ، ۇكىمەت كولىگىن جەكە جۇمىسىنا پايدالانۋ سياقتى ماسەلەلەردى قاتاڭ تەكسەرىپ ءبىر جايلى ەتىپ، كومەسكىلەنگەن، ءتۇرى وزگەرگەن جايتتەردەن قاتاڭ ساقتانۋ، قاتاڭ وڭاۋ، تيپتىك دەلولاردى دەر كەزىندە حابارلاندىرىپ، اشكەرەلەۋ كەرەك. جوعارى سورتتى تەمەكى، اراق، شاي، ”استا - توك جاڭا جىل قارساڭىنداعى ءتۇن تاماعى“، مەرەكەلىك تارتۋدى شەكتەن تىس قوراپتاۋ سياقتى جايتتەردىڭ استارىنداعى راقاتقۇمارلىق، ىسىراپشىلدىق ماسەلەسىن زور كۇشپەن تۇزەتىپ، وڭاپ، جىل سوڭىندا تۇتقيىل اقشا جۇمساۋ جايتتەرىنەن دەر كەزىندە ساقتانىپ - تىزگىندەپ، ەرتە باستان، كىشكەنە كەزىنەن باستاپ يگەرىپ، بايقالعان زامان تيىم سالۋ كەرەك. نەگىزگى ساتىنىڭ اۋىرتپالىعىن ارتتىراتىن فورماشىلدىق، تورەشىلدىك ماسەلەسىن قاتاڭ قاداعالاپ، قىزمەتتى قورىتىندىلاۋ جانە ىلگەرىلەتۋ دەگەن اتپەن قالاعانىنشا نەگىزگى ساتىعا مىندەت بەرىپ، ماتەريال جولداۋدى، كەستە تولتىرۋدى كوپ جاقتان، قايتالاپ تالاپ ەتۋ، قۋزاپ تەكسەرۋ، تەكسەرۋ، باعالاۋ تىم كوپ، تىم ءجيى بولۋ، قالىپتان تىس ءىز قالدىرۋ، ”ساۋساق ۇشىنداعى فورماشىلدىقپەن“ اينالىسۋ سياقتى ارەكەتتەردى باتىل تۇزەتۋ، وڭاۋ كەرەك.
توعىزىنشى، كەزەكشىلىك ىستەپ كۇزەتۋدى كۇشەيتىپ، قىزمەتتەردىڭ ءتارتىپتى جۇرىلۋىنە كەپىلدىك ەتۋ كەرەك. 24 ساعات ارنايى ادام كەزەكشى بولۋ جانە باسشى كادرلار قىزمەت ورنىندا جۇمىسقا جەتەكشىلىك ەتۋ، سىرتقا شىققاندا مالىمدەۋ ءتۇزىمىن قاتاڭ اتقارۋ كەرەك. كەزەكشىلىك كۇشتەرىن تولىقتاپ، كۇشەيتىپ، شۇعىل جاعدايعا توتەپ بەرۋ بويىنشا دايىندالۋ شارالارىن ەگجەي - تەگجەيلى، ناقتى تياناقتاندىرۋ كەرەك. نۇسقاۋ سۇراۋ، مالىمدەۋ ءتۇزىمىن قاتاڭ تياناقتاندىرىپ، ماڭىزدى احۋالدار بويىنشا دەر كەزىندە نۇسقاۋ سۇراۋ، مالىمدەۋ ءارى ءدال ۋاعىندا ءونىمدى توتەپ بەرۋ، كەشىگىپ مالىمدەۋدى، مالىمدەمەي قالۋدى، جالعان مالىمدەۋدى، مالىمدەمەي جاسىرىپ قالۋدى باتىلدىقپەن ادا - كۇدە جويۋ كەرەك. شۇعىل جاعدايعا توتەپ بەرۋ بويىنشا قۇتقارۋ - كومەكتەسۋ اترەتى قاي - قاشان دا شۇعىل جاعدايعا توتەپ بەرۋ كۇيىن ساقتاپ، كۇشتەر مەن جابدىقتاردى ۇيىمداستىرۋدى ساپالىلاندىرىپ، توسىن تۋىلعان وقيعالارعا جولىققاندا دەر كەزىندە اتتانىسقا كەلۋگە شىنايى كەپىلدىك ەتۋ كەرەك. بۇقاراعا تىكەلەي قىزمەت كورسەتەتىن ورىندار مەرەكە كەزىندەگى كەزەكشىلىك ىستەپ قىزمەت اتقارۋدى ۇيلەسىمدى ورنالاستىرىپ، قىزمەت وتەۋ ساپاسىنا كەپىلدىك ەتۋ كەرەك.
جەر - جەر، تاراۋلار بارىنشا ءمان بەرىپ، ۇيىمدىق باسشىلىقتى كۇشەيتىپ، مەرەكە كەزىندەگى قاتىستى قىزمەتتەردى مۇقيات ورنالاستىرىپ، تياناقتاندىرىپ، وسى ۇقتىرۋدىڭ رۋحىنىڭ ناقتى تياناقتانۋىنا شىنايى كەپىلدىك ەتۋى كەرەك.
