شينحۋا اگەنتتىگىنىڭ 12 - ايدىڭ 27 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» باسىپ تاراتتى ءارى حابارلاندىرۋ جاريالاپ، ءارقايسى وڭىردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: پارتيانىڭ 20 - قۇرىلتايى پارتيانىڭ ءتارتىپ قۇرىلىسىن جاپپاي كۇشەيتۋ جونىندە ستراتەگيالىق ورنالاستىرۋ جاسادى. پارتيا ورتالىق كوميتەتى ءىرى پارتياعا عانا ءتان قيىن ماسەلەلەردى شەشۋدى، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى كوزدە ۇستاپ، «ەرەجەگە» وزگەرىس ەنگىزدى. «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، پارتيا ۋستاۆى سىندى وسى باس قاينار كوزدەن باستاپ كىرىسىپ، قاتاڭدىق سىندى نەگىزگى اۋەنگە تاباندى بولىپ، ماسەلەنى باعدار ەتۋ مەن نىسانانى باعدار ەتۋدى ءوزارا ۇشتاستىرۋعا تاباندى بولىپ، ءتارتىپ ولشەمىن داۋىرمەن تەڭ ىلگەرىلەپ كەمەلدەندىرىپ، ساياسي ءتارتىپ پەن ساياسي قاعيدانى ونان ارى قاتايتىپ، ءتۇرلى ءتارتىپتى جاپپاي قاتايتۋعا جەتەكشىلىك ەتىپ، نەعۇرلىم سوڭىنا بارعان سايىن ءتارتىپ اتقارۋدى سولعۇرلىم قاتايتۋدىڭ كۇشتى سيگنالىن تاراتىپ، ءتارتىپ قۇرىلىسىنىڭ ۇستىنەن وڭاۋ جانە تۇبىرىنەن وڭاۋ رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن پارمەندى ءتارتىپ قامتاماسىزدىعىن ازىرلەدى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) پارتيانى جاپپاي قاتاڭ باسقارۋ ساياسي جاۋاپكەرشىلىگىن ارقالاپ، «ەرەجەنىڭ» دايەكتى اتقارىلۋىن مۇقيات ويداعىداي يگەرىپ، پارتيا تارتىبىنە قايشىلىق جاساۋ ماسەلەلەرىن بايقالعان زامان باتىل تەكسەرىپ ءبىر جايلى ەتىپ، ءتارتىپتىڭ بەرىكتىگىن، قاتاڭدىعىن شىن مانىندە قورعاۋ كەرەك. پارتيالىلىقتى، پارتيا ستيلىن، پارتيا ءتارتىبىن تەڭ يگەرۋگە تاباندى بولىپ، «ەرەجەنى» پارتيا مۇشەلەرىن، كادرلاردى باۋلۋدىڭ مىندەتتى ساباعىنا ەنگىزىپ، ەرەجەگە، تارتىپكە بويسۇنۋ سانالىلىعىن كۇشەيتۋ كەرەك. ءتارتىپتى الدىڭعى ورىنعا قويۋعا تاباندى بولىپ، ءتارتىپ اتقارۋ مەن زاڭ اتقارۋدى ساباقتاستىرۋدى جەبەپ، ”ءتورت ءتۇرلى فورماتسيانى“ دالمە - ءدال قولدانىپ، ”ءۇشتى ايىرۋدى“ تياناقتاندىرىپ، قاتاڭ باسقارۋ، باقىلاۋ مەن جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋدى بارىنشا بىرلىككە كەلتىرۋ كەرەك. ءار دارەجەلى ءتارتىپ تەكسەرۋ كوميتەتتەرى (ءتارتىپ تەكسەرۋ گرۋپپاسى) پارتيا ۋستاۆى جۇكتەگەن مىندەتىن مۇقيات اتقارىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، باتىلدىقپەن، شەبەرلىكپەن كۇرەس جۇرگىزىپ، ءتارتىپتى قاتاڭ اتقارىپ، ءتارتىپتى دالمە - ءدال اتقارىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ۇزدىكسىز ىلگەرىلەتۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى احۋالدار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.
«ەرەجە» 2024 - جىلى 1 - ايدىڭ 1 - كۇنىنەن باستاپ اتقارىلادى.
