انار بۇلت \ شينجياڭ گازەتىنىڭ ءتىلشىسى شيە حۇيبيان 12 - ايدىڭ 27 - كۇنى ۇرىمجىدەن حابارلايدى. «شينجياڭ ۇيعۇر اۆتونوميالى رايونىنىڭ اۋا رايى اپاتىنان ساقتانۋ ەرەجەسى» (تومەندە قىسقارتىلىپ «ەرەجە» دەلىنەدى) 2024 - جىلى 1 - ايدىڭ 1 - كۇنىنەن باستاپ اتقارىلادى. بۇل شينجياڭنىڭ اۋا رايى جاعىندا اپاتتان ساقتانۋ، اپات زيانىن ازايتۋ جونىندەگى تۇڭعىش جەرگىلىكتى زاڭ ەرەجەسى، رايونىمىزدىڭ اۋا رايى جاعىندا اپاتتان ساقتانۋ قىزمەتىن زاڭمەن باسقارۋ، جۇيەلىلەندىرۋ دەڭگەيىن جوعارىلاتۋىنا ءتيىمدى، اۋا رايى جاعىندا اپاتتان ساقتانۋ، اپات زيانىن ازايتۋ ءبىرىنشى قورعانىس شەبى رولىن ساۋلەلەندىرۋدە ماڭىزدى جەتەكشى مانگە يە.
12 - ايدىڭ 27 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اقپار جاريالاۋ ءماجىلىسىن اشىپ، «ەرەجەنىڭ» جاسالۋ ارتقى كورىنىسىن جانە قاتىستى مازمۇندارىن تانىستىردى. «ەرەجە» 11 - ايدىڭ 23 - كۇنى اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 6 - رەتكى ماجىلىسىندە قاراپ ماقۇلدانعان، جيىنى 6 تاراۋ، 40 تارماق، جالپى ەرەجە، ساقتانۋ - الدىن الۋ، باقىلاۋ - ولشەۋ، الدىن الا مالىمەت بەرۋ جانە ساقتاندىرۋ، شۇعىل جاعدايدى ءبىر جاقتى ەتۋ، زاڭدىق جاۋاپكەرشىلىك، قوسىمشا ەرەجە سىندى جاقتارداعى مازمۇنداردى قامتيدى.
شينجياڭ اۋا رايى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ يۇڭگاڭ تانىستىرىپ بىلاي دەدى: شينجياڭدا اۋا رايى جاعىندا اپات ءجيى، كوپ، قايتالاي تۋىلىپ، ىقپال كولەمى كەڭ بولىپ، ۇزاق ۋاقىتقا جالعاسىپ، تۋىلاتىن زيان دا اۋىر بولادى. سوندىقتان شينجياڭ دەرەۋ زاڭ ەرەجە شىعارۋ ارقىلى اۋا رايى جاعىندا اپاتتان ساقتانۋ - الدىن الۋ، الدىن الا مالىمەت بەرۋ جانە ساقتاندىرۋ، شۇعىل جاعدايدى ءبىر جاقتى ەتۋ، كومەسكى كىناراتتاردى وڭاۋ سىندى جاقتارداعى زاڭ - ءتۇزىم قۇرىلىسىن كۇشەيتىپ، اۋا رايى جاعىندا اپاتتان ساقتانۋ قابىلەتىن جوعارىلاتۋ كەرەك.
«ەرەجەدە» ساقتاندىرۋ ينفورماتسياسىن نىسانالى جاريالاۋ جانە ”اڭىس قايتارۋ“ ءتۇزىمىن بەلگىلەپ، جوعارى دارەجەلى ساقتاندىرۋ سيگنالى بويىنشا ”بەستى توقتاتۋ“ (ساباق توقتاتۋ، ءوندىرىستى توقتاتۋ، جۇمىستى توقتاتۋ، ساۋدانى توقتاتۋ، قاتىناستى توقتاتۋ) مەحانيزمى، اۋىر اپات سيپاتتى اۋا رايى اياقتاعاننان كەيىن ۇكىمەت ”قايتالاي“ قورىتىندىلاۋدى ۇيىمداستىرۋ سىندى شارالاردى كەمەلدەندىردى؛ سونىمەن بىرگە اۋا رايى جاعىنداعى اپاتتىڭ ءوندىرىس حاۋىپسىزدىگىنە جاسايتىن ىقپالىن كاسىپورىنداردىڭ ءوندىرىس حاۋىپسىزدىگىن باعالاۋ جۇيەسىنە ەنگىزىپ، حاۋىپ - قاتەردەن ساقتانۋ قابىلەتىن جوعارىلاتتى.
ەكونوميكانىڭ، قوعامنىڭ دامۋىنا ىلەسە، جاراتىلىستىق اپاتتاردىڭ ەكونوميكاعا، قوعامعا كورسەتەتىن حاۋپى مەن ءبۇلدىرۋ دارەجەسى دە ۇزدىكسىز جوعارىلاۋدا، توسىن تۋىلاتىن جاراتىلىستىق اپاتتار تۋدىراتىن زيان اۋىر بولىپ، حالىق بۇقاراسىنىڭ وندىرىسىنە، تۇرمىسىنا اۋىر ىقپال كورسەتۋدە. سوندىقتان «ەرەجە» اۋا رايى جاعىندا اپاتتان ساقتانۋ، قامسىزداندىرۋ ونىمدەرىن دامىتۋدى شابىتتاندىرىپ، قوعامدىق كاپيتالدى اۋا رايى ينفورماتسياسى كاسىپ سالاسىن دامىتۋعا قولداۋ كورسەتۋگە جەتەكتەدى جانە باۋرادى.
«ەرەجەدە» تاعى مىنالار اتاپ كورسەتىلدى: اۋدان دارەجەلىدەن جوعارى حالىق ۇكىمەتتەرى كەمىندە ءار 10 جىلدا ءبىر رەت اۋا رايى باسقارۋ قۇرىلىمدارىندا جانە قاتىستى تاراۋلاردا اۋا رايى جاعىنداعى اپات جاپپاي تەكسەرۋىن ورىستەتىپ، اۋا رايى جاعىنداعى اپات تۇرلەرىنە قاراي اۋا رايى جاعىنداعى اپات حاۋىپ - قاتەرىنە ساراپتاۋ جۇرگىزۋى ءارى اۋا رايى جاعىنداعى اپات ساندى مالىمەت قويماسىن قۇرىپ، اۋا رايى جاعىنداعى اپاتتىڭ ورنالاسۋ جاعدايى، حاۋىپ - قاتەر ءتۇيىنى، وڭاي تۋىلاتىن ءوڭىر، اپات تۋدىراتىن باستى سەبەپ قاتارلى فاكتورلارعا نەگىزدەلىپ، اۋا رايى جاعىنداعى اپات حاۋىپ - قاتەرى ءوڭىرىن بەلگىلەۋى ءارى دەر كەزىندە قوعامعا جاريالاۋى كەرەك.
قوعامدىق باسقارۋ امالياتى نەگىزىندە، «ەرەجەنىڭ» زاڭدىق جاۋاپكەرشىلىك بولىگىندە ”قوعامعا اۋا رايى جاعىندا اپاتتان ساقتاندىرۋ سيگنالىن بىلىقتىراتىن قارايلاس سيگنالداردى تاراتۋ“، ”جالعان جانە جۇرتشىلىقتى الجاستىراتىن وزگە اۋا رايى جاعىندا اپاتتان ساقتاندىرۋ ينفورماتسيالارىن تاراتۋ“ سياقتى ارەكەتتەرگە اكىمشىلىك جازا بەرۋ بەلگىلەمەسى ايقىندالدى.
جاڭ يۇڭگاڭ مىنالاردى ءبىلدىردى: الدا شينجياڭ اۋا رايى مەكەمەسى نازاردى اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، جەرگىلىكتى ەكونوميكالىق، قوعامدىق دامۋدىڭ اۋا رايى جاعىندا اپاتتان ساقتانۋ، اپات زيانىن ازايتۋ جاقتارىنداعى قىزمەت وتەۋ قاجەتىن ارقاۋ ەتە وتىرىپ، ىرىقتىلىقپەن كىرىسىپ، اۋا رايىنا قىزمەت وتەۋ سالاسىن بەلسەنە كەڭەيتىپ، ەنەرگيا، قاتىناس، ساياحات، اۋىل شارۋاشىلىعى، سۋ بايلىعى سياقتى جاقتاردا قىزمەت وتەۋدى ءتۇيىندى تۇردە كۇشەيتىپ، اۋا رايى جاعىندا اپاتتان ساقتانۋ، اپات زيانىن ازايتۋدىڭ ءبىرىنشى قورعانىس شەبى رولىن تولىق ساۋلەلەندىرەدى.
