ءبولىسۋشى: انار بۇلت \ شينجياڭ گازەتىنىڭ ءتىلشىسى ءرايدا
بۇگىن كوپشىلىكپەن بولىسەيىن دەگەنىم اقپاراتتىڭ الدىڭعى شەبىندەگى تىلشىلىك بارىسىندا تىڭداعان باقىت حيكايالارى، كەزدەيسوق ۇشىراتقان باقىتتى جايدارى جۇزدەر.
بيىل 3 - ايدىڭ باسىندا حوتان اۋدانىنا ءىسساپارمەن بارعاندا، ميھىراي احمەتپەن تانىستىم. 2021 - جىلى 1 - ايدا تارىم داشۋەسى قۇرىلعىلى اۋىل شارۋاشىلىعى عىلىمى جانە ينجەنەرياسى ماماندىعىن وقىعان ميھىراي حوتان اۋدانىنداعى ءبىر كوكونىس بازاسىنا پراكتيكاعا كەلەدى. بۇرىن تەك وقۋلىقتا عانا كەزدەسەتىن جاڭاشا ءوسىرۋ ۇلگىسىن، جاڭاشا عىلىم - تەحنيكالىق جابدىقتاردى كورگەندە وندا وسى ارادا قىزمەت ىستەۋ ويى تۋادى. وقۋ بىتىرگەننەن كەيىن، ميھىرايدىڭ ويى ورىندالىپ، وسى بازاعا قىزمەتكە تۇرادى دا ءبىر جىل ىشىندە قاراپايىم قىزمەتكەردەن سەرىكتەستىكتىڭ اگرونومى دەڭگەيىنە دەيىن كوتەرىلىپ، جالاقىسى باستاپقى 3300 يۋاننان 10 مىڭ يۋاننان استامعا دەيىن ءوسىپتى.
بيىل جۇڭچيۋ مەرەكەسىن ءدوربىلجىن اۋدانى ءدوربىلجىن قالاشىعى تاسىرقاي قىستاعىنىڭ يۇيليۋشياڭ دەگەن جەرىندە وتكىزدىم. يۇيليۋشياڭ نە بارى 640 مەتر بولسا دا، 9 ۇلتتان قۇرالعان 32 وتباسى تۇرادى. وزگەشە ەرەكشەلىككە يە تورتتار دوڭگەلەك ۇستەلدىڭ ورتاسىنا ءتىزىلىپ، شينجياڭداعى ءار ۇلت ەرەكشەلىگىنە يە قۋىرماشتار شىقتى، ويناقى دا دۋماندى مۋزيكا اۋەنى ىشىندە ءار ۇلت بۇقاراسى جۇڭحۋا ۇلتىنىڭ ءداستۇرلى مەرەكەسى جۇڭچيۋ مەرەكەسىن قۋانىشتى تويلادى. وسى ءبىر ۇستەل ءدامى اۋىزدان كەتپەيتىن ”ارالاس تاعامدار“ يۇيليۋشياڭداعى ۇلتتار ىنتىماعى بەرەكەلى شاڭىراعىنىڭ جاندى بەينەسىندەي كورىندى.
2017 - جىلى بارات وسمان مەن اۋاگۇل قۇربان ەرلى - زايىپتىلار دوستارىنىڭ ۇسىنىسىمەن شي - ان قالاسىنا بارىپ، جەرگىلىكتى بۇقاراعا شينجياڭ ءبيىن ۇيرەتەدى. بۇگىنگى تاڭدا شي - ان قالاسىنىڭ ساياباقتارىنان، الاڭدارىنان شينجياڭ بيىنە باسقان تۇرعىنداردى ۇنەمى كورۋگە بولادى. تاياۋدا، ءدىلرابانىڭ حورۆاتياداعى ءبي كورسەتىلىمى شينجياڭ ءبيىن ەل ءىشى - سىرتىنداعى بارلىق جەرگە تانىمال ەتتى.
شينجياڭدا ميھىراي سياقتى ءوزى ۇناتقان ءىستى تاڭداپ، تاماشا تۇرمىسقا كەنەلگەن ايەلدەر بارلىق جەردە بار؛ يۇيليۋشياڭ سياقتى ۇلتتار ارالاسقان، ىشتەسكەن، توعىسقان كوشەلەر، الەۋمەتتىك اۋماقتار تيانشان الابىنا كەڭىنەن تارالعان؛ بارات ەرلى - زايىپتىلار سەكىلدى، سونداي - اق ءدىلرابا سياقتى شينجياڭنىڭ ءبيى مەن مادەنيەتىن جانە شينجياڭدىقتاردىڭ قۋانىشىن، باقىتىن ەل ىشىندەگى باسقا ولكەلەرگە تاراتىپ، دۇنيە جۇزىنە تانىستىرعاندار دا وتە كوپ.
بۇگىنگى تاڭداعى شينجياڭدا تيانشان ۇلاندارى بايتاق ورىستە ارمان قۋىپ جانە باقىتقا كەنەلىپ، كورىكتى شينجياڭ قۇرۋ جولىندا كوكىرەك كەرنەگەن سەنىممەن، نىق قاداممەن العا تارتۋدا. كۋاگەر جانە باستان كەشىرۋشى رەتىندە، مەن الداعى جەردە اناعۇرلىم كوپ باقىت حيكايالارىن ەستەلىككە الاتىن بولامىن.
(انار بۇلت \ شينجياڭ گازەتىنىڭ ءتىلشىسى لي جياني رەتتەگەن)
