ءبولىسۋشى: ىلە توعىسپالى مەديا ورتالىعىنىڭ ءتىلشىسى لي جيان
بۇگىن مەن كوپشىلىكپەن تانتىرەكتەگەن قىزدىڭ جارىق نۇر بولىپ ءومىر سۇرگەن اڭگىمەسىمەن بولىسبەكشىمىن.
ما يانيان قازىر ىلە قازاق اۆتونوميالى وبلىسى شاپشال سىبە اۆتونوميالى اۋدانى كەن اۋىلى چىعىلىق قىستاعىنىڭ قىستاق كادرى. تۋىلعان كەزدە وتتەگى جەتىسپەگەندىكتەن، ميشىعىنىڭ جەتىلۋى جاقسى بولماي، 8 جاسقا كەلگەنگە دەيىن جۇرە الماعان. وقۋعا ءتۇسۋ ءۇشىن اكەسى وعان ءبىر جاياۋ اربا جاساپ بەرەدى، سان رەت جىعىلعان سوڭ، اقىرىندا ول اقىرىن - اقىرىن تەڭسەلە باسىپ جۇرەتىن بولدى.
تىلشىلىك ىستەگەن كەزدە، ما يانيانعا ىلەسىپ مەكتەپكە باراتىن جولدى قايتا باستىم. ول ماعان بىلاي دەيدى: ول كەزدە جول شاڭ توپىراق بولاتىن، جاڭبىر جاۋعان كۇنى، ۇنەمى جىعىلىپ - ءسۇرىنىپ جۇرەتىنمىن، مەكتەپكە بارعانىمدا ءۇستى - باسىم لاي - باتپاق بولىپ كەتەتىن. بىراق مەيلى جەل سوعىپ، جاڭبىر جاۋسا دا، ما يانيان ءبىر كۇن رۇقسات الىپ كورمەپتى.
ما يانيان وسى جولدى بويلاپ ءجۇرىپ باستاۋىشقا، ورتالاۋعا، تولىق ورتاعا، داشۋەگە ءتۇسىپ، قىستاقتاعى تۇڭعىش رەت داشۋەگە وتكەن حۇيزۋ قىز بالاعا اينالدى.
داشۋەنى بىتىرگەننەن كەيىن، ول قىستاق كادرى بولدى. قىزمەتكە قاتىناسقاننان قازىرگە دەيىن 5 جىل ۋاقىت ىشىندە ما يانيان ءبىر توپ داڭق كۋالىگىن الدى.
ما يانيان ماعان ونىڭ تاعى ءبىر ارمانى ءوز اڭگىمەسىن ءتىپتى دە كوپ اداممەن ءبولىسىپ، مۇگەدەكتىك سەبەپتى ءوزىن قور سانايتىن، ءتىپتى ۇيدەن اتتاپ شىعۋعا باتىلى بارمايتىن ادامداردى ءوزىن جەڭىپ، باقىتقا تالپىناتىن باتىلدىق پەن كۇش - قۋاتقا يە بولۋعا، باتىلدىقپەن نۇر شاشىپ، جوعارىعا تالپىنۋعا، ءومىردىڭ قۇنى مەن ءمانىن جۇزەگە اسىرۋعا شابىتتاندىرعىسى كەلەتىنىن ايتتى.
تىلشىلىك قابىلداعان كەزدە، ونىڭ جۇزىنەن قاناعاتقا تولى كۇلكى ەسىپ تۇردى. ول بىلاي دەدى: ءوز قۇنىڭدى جۇزەگە اسىرۋ، مويىنداتۋ قانداي باقىتتى ءىس دەسەڭىزشى! الدا كەسكىن ءتۇسىرۋدى، قۇراستىرۋدى ۇيرەنىپ قىستاقتىڭ دوۋيىن ءنومىرىن اشىپ، ەرەكشە ونىمدەردى سىرتقا تانىستىرىپ، اۋىلداستارعا اناعۇرلىم كوپ پايدا جەتكىزبەكشىمىن.
”بارلىعىمىز بىردەيمىز!“، ما يانيان ءومىر قۇنىن جۇزەگە اسىرۋ ءۇشىن ءوزىن وسىلايشا شابىتتاندىرادى، بۇل سونىمەن بىرگە، ءاربىر ادام اڭساعان قوعامدىق ورتاق تانىم. ءاربىر ادام قوعامنىڭ دامۋ جەتىستىكتەرىنەن بىرگە يگىلىكتەنىپ، ءادىل، ادىلەتتى ۇيرەنۋ، كاسىپتەنۋ، ءومىر قۇنىن جۇزەگە اسىرۋ ورايىنا يە بولۋى كەرەك؛ ءاربىر ادام ءبىر شوق جارىق ىسپەتتى ءوزىن دە، وزگەنى دە نۇرلاندىرا السا، مىنە بۇل ەڭ كورىكتى ادامدىق ۇقىق حيكاياسى سانالماق.
(انار بۇلت \ شينجياڭ گازەتىنىڭ ءتىلشىسى لي جياني رەتتەگەن)
