12 - ايدىڭ 20 - كۇنى كورەرمەندەر شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسىن تاماشالاۋدا. سۋرەتتى ءتىلشى شيە لۇڭ تۇسىرگەن
تيانشان تورى - شينجياڭ گازەتىنىڭ حابارى (ءتىلشى جاڭ يانفاڭ حابارلايدى) 12 - ايدىڭ 20 - كۇنى، ”جۇڭگو ۇلگىسىندەگى وسىزامانداندىرۋ بارىسىندا شينجياڭنىڭ ادامدىق ۇقىق ىستەرىنىڭ جوعارى ساپالى دامۋىن ىلگەرىلەتۋ“ اتىنداعى 2023 - جىلعى نازاريا زەرتتەۋ - تالقى ءماجىلىسى جانە حيكايالاردى ءبولىسۋ ءماجىلىس قيمىلى كەزىندە، شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسى وتكىزىلدى.
12 - ايدىڭ 20 - كۇنى شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسى ۇرىمجىدە وتكىزىلدى. سۋرەتتە ماجىلىسكە قاتىناسۋشىلار سۋرەتتەردى تاماشالاۋدا. سۋرەتتى ءتىلشى جاڭ يانفاڭ تۇسىرگەن
پارتيا ورتالىق كوميتەتى شينجياڭ قىزمەتىنە باستان - اياق وسكەلەڭ ءمان بەرىپ، شينجياڭنىڭ دامۋىنا، العا باسۋىنا ەرەكشە كوڭىل ءبولىپ، بۇكىل ەلدىڭ كۇشىن جۇمىلدىرىپ شينجياڭدى دامىتىپ، شىنايى دا پارمەندى شارالار قولدانىپ ەكونوميكانى دامىتتى، حالىق تۇرمىسىن جاقسارتتى، حالىقتىڭ قۇت - ىرىسىن ارتتىردى، ۇلتتار ىنتىماعى، العاباسارلىعىن جەبەدى، ءار ۇلت حالقىنىڭ نەگىزگى ۇقىعىن قامتاماسىز ەتتى. جاڭا جۇڭگو قۇرىلعان 70 نەشە جىلدان بەرى، اسىرەسە، پارتيا 18 - قۇرىلتايىنان بەرى، شينجياڭنىڭ ادامدىق ۇقىق ىستەرى قارىشتاپ دامىپ، تاريحي جەتىستىككە قول جەتكىزدى.
وسى رەتكى سۋرەت كورمەسى ازاماتتىق ۇقىق جانە ساياسي ۇقىق، ەكونوميكالىق ۇقىق، قوعامدىق ۇقىق، مادەنيەت ۇقىعى، ورتا ۇقىعى، ارنايى قاۋىمنىڭ ۇقىعى سىندى 6 بولىكتەن قۇرالادى. كورمەگە قويىلعان 100 سۋرەت كوپ تۇرعى، كوپ ساتىدان سوڭعى جىلدارداعى شينجياڭنىڭ ادامدىق ۇقىق ىستەرىندەگى العاباسارلىقتى تىكە ايگىلەيدى.
كوپ نەگىزدى داۋ - شاردى جاراستىرۋ بولمەسىندە داۋگەرلەردىڭ جايدارى قول ۇستاسىپ، ىمىراعا كەلگەنى، شيپاحانانىڭ ”ينتەرنەت + ەمدەۋ“ قىزمەت وتەۋىنىڭ نەگىزگى ساتىداعى بۇقاراعا تانىمال شيپاگەرلەردىڭ ءوز ماڭىندا جۇرگەندەي - اق سەزىم سيلاۋى، وقۋ - اعارتۋ ارقىلى حالىققا تيىمدىلىك جاساۋ ينجەنەرياسىنىڭ ءار ۇلت جاس وسپىرىمدەرىنىڭ ءبىلىم الۋ ۇقىعىن زاڭ بويىنشا قامتاماسىز ەتۋى، بالالاردىڭ وسىزاماندانعان مەكتەپ اۋلاسىندا قۋانىشپەن وقۋعا ءتۇسۋى، شينجياڭداعى ءار ۇلت ايەلدەرى، بالالارى، قارتتارىنىڭ قامقورلىققا، مەيىرىمگە كەنەلۋى، مۇگەدەكتەردىڭ قۇرمەتكە يە بولۋى، ومىرلىك ارمانىن جۇزەگە اسىرۋى سياقتى اسەرلى ساتتەر سۋرەتتەردە جاندى بەينەلەنگەن.
12 - ايدىڭ 20 - كۇنى شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسى ۇرىمجىدە وتكىزىلدى. سۋرەتتى ءتىلشى جاڭ يانفاڭ تۇسىرگەن
”قاراشى، مىناۋ كوكيار جاسىلداندىرۋ ينجەنەرياسىنىڭ وزگەرىسى ەكەن“. اقسۋ ايماقتىق ورمان شارۋاشىلىعى جانە جايلىم مەكەمەسى ورمان قورعاۋ ورتالىعىنىڭ ورىنباسار مەڭگەرۋشىسى، جوعارى دارەجەلى ينجەنەر جاڭ جىجۇن ”كوكيار جاسىلداندىرۋ ينجەنەرياسىنىڭ ءبىر بۇرىشىنا كەڭىستىكتەن كوز جىبەرگەندە“ دەگەن سۋرەتتى نۇسقاي تەبىرەنە ءتىل قاتتى. كوكيار جاسىلداندىرۋ ينجەنەرياسى ونسۋ اۋدانىندا، تاكلاماكان قۇمدى ءشولىنىڭ سولتۇستىك جيەگىنە ورنالاسقان. نەشە ونداعان جىلدار بويى جەرگىلىكتى ورىن ءۇرتىس جالپى حالىقتىق اعاش ەگىپ، ورمان وتىرعىزۋ ارەكەتىن ورىستەتىپ، ۇرپاقتان - ۇرپاققا جالعاسقان جاسىلداندىرۋ حيكىمەتىن جاراتتى. ”بۇگىندە، كوكياردىڭ ءبىر شوكىم جاسىلى ەندىگىدە اقسۋدىڭ تۇتاسقان جاسىلدىعىنا اينالىپ، كوپشىلىكتىڭ تۇرمىس ورتاسى ءتىپتى دە حاۋىپسىز، جايلى، كورىكتى بولدى“. جاڭ جىجۇن: بۇل شينجياڭنىڭ زور قۇلشىنىسپەن ءار ۇلت بۇقاراسىنىڭ قورشاعان ورتا ۇقىعىن قامتاماسىز ەتكەنىنىڭ جاندى بەينەسى دەدى.
سۋرەت كورمەسىن تاماشالاۋ ارقىلى كوپشىلىك كەزەكتە شينجياڭدا ءار ۇلت حالقى ءتىپتى دە حاۋىپسىز قوعامدىق ورتاعا، ءتىپتى دە كەمەلدى وقۋ - اعارتۋعا، ءتىپتى دە ورنىقتى قىزمەتكە، ءتىپتى دە ريزا بولارلىق كىرىسكە، ءتىپتى دە سەنىمدى قوعامدىق قامتاماسىزداندىرۋعا، ءتىپتى دە جوعارى ورەدەگى مەديتسينالىق، دەنساۋلىق ساقتاۋ قىزمەت وتەۋىنە، ءتىپتى دە جايلى قونىستانۋ شارت - جاعدايىنا، ءتىپتى دە كوركەم تۇرمىس ورتاسىنا يە بولعانىن، ادامنىڭ جان - جاقتى دامۋىنىڭ تولىق جۇزەگە اسىرىلعاندىعىن تىكەلەي سەزىنە الادى. تاماشالاۋشىلار جاپپاي القاۋ ءبىلدىرىستى: بۇل زامانىمىزداعى جۇڭگونىڭ ادامدىق ۇقىق كوزقاراسىنىڭ پارمەندى امالياتى جانە جاندى تۇسىندىرمەسى، بولاشاقتا شينجياڭ ادامدىق ۇقىق ىستەرى ءسوزسىز ءتىپتى دە سۇبەلى جەتىستىكتەرگە قول جەتكىزەدى.
12 - ايدىڭ 20 - كۇنى شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسى ۇرىمجىدە وتكىزىلدى. سۋرەتتى ءتىلشى جاڭ يانفاڭ تۇسىرگەن
12 - ايدىڭ 20 - كۇنى شينجياڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ سۋرەت كورمەسى ۇرىمجىدە وتكىزىلدى. سۋرەتتە ءبىر ءبولىم كورمەگە قاتىناسقان سۋرەتتەر. سۋرەتتى ءتىلشى جاڭ يانفاڭ تۇسىرگەن
