تيانشان تورى - شينجياڭ گازەتىنىڭ حابارى (ءتىلشى ياڭ بين حابارلايدى) حوتان قالاسى شورباق اۋىلى ايدىڭكول قىستاعىندا ءبىر عىلىم جالپىلاستىرۋ سارايى بار، بۇل حوتان ايماعىنداعى تۇڭعىش اۋىل - قىستاق عىلىم جالپىلاستىرۋ سارايى، قازىرگە دەيىن ون مىڭنان استام ادام (رەت) قابىلداپ، وسىزامان عىلىم، مادەنيەتىن جۇرت كوڭىلىنە ۇيالاتتى.
2023 - جىلى 12 - ايدىڭ 29 - كۇنى اۆتونوميالى رايوندىق پارتكوم ۇگىت ءبولىمىنىڭ حوتان قالاسى شورباق اۋىلى ايدىڭكول قىستاعىندا تۇراتىن 1 - شۋجي، قىزمەت اترەتىنىڭ باستىعى فان ۋىنچىڭ (ورتادا) ”اۋىل - قىستاق عىلىم جالپىلاستىرۋ سارايىندا“ بالالارعا تەلەسكوپ جايلى بىلىمدەردى تۇسىندىرۋدە. سۋرەتتى تيانشان تورى - شينجياڭ گازەتىنىڭ ءتىلشىسى ياڭ بين تۇسىرگەن
ايدىڭكول قىستاعى حوتان قالا ورتالىعىنان 4 كيلومەتر جەردە، قىستاق ىلگەرىندى - كەيىندى 6 ميلليون يۋاننان استام قارجى قوسىپ، قىستاق تۇرعىندار كوميتەتى، جاڭا ءداۋىر وركەنيەتىن امالياتتا ايگىلەۋ پۋنكتى، مادەني قيمىلدار ورتالىعىن ارقاۋ ەتە وتىرىپ، وسىزامان وركەنيەتىن امالياتتا ايگىلەۋ داڭعىلى، قاھارمان ۇلگىلەر داڭعىلى سىندى ەكى كوشەنى شارپىعان، باسكەتبول الاڭى، مۋزيكا اسپابى، شاحمات، كوركەم جازۋ، سۋرەت، شارۋالار كىتاپ ءۇيى سياقتى 27 يقۋاتتىق بولمەنى (رايون) تۇتاستىرعان مادەنيەت شەبىن قۇرىپ، قىستاق تۇرعىندارى مادەني قيمىلدارى شەڭبەرىن قالىپتاستىردى.
كوپتەگەن ادامداردى بارىپ تاماشالاۋعا باۋراعان عىلىم جالپىلاستىرۋ سارايى 200 شارشى مەتر جەردى يەلەپ جاتىر، قىستاق تۇرعىندارى مەن وقۋشىلار ءۇشىن عىلىم جالپىلاستىرۋ، ۇلگى كورسەتۋ، كوڭىل اشۋدى ءبىر تۇلعالاندىرعان تۇعىر سانالادى.
عىلىم جالپىلاستىرۋ سارايى VR كينوسىن سەزىنۋ رايونى، عىلمي تاجىريبە رايونى، عىلىم جالپىلاستىرۋ كىتاپحاناسى، لىگاۋ ويىنشىقتارىن قۇراستىرۋ رايونى، اۋىرلىق كۇش اسەرىن سەزىنۋ رايونى، عىلىم جالپىلاستىرۋ تاربيەسى ءدالىزى سياقتى 6 بولىكتەن قۇرالعان. قىزمەت اترەتىنىڭ مۇشەلەرى، قىستاق كادرلارى ءتۇسىندىرۋشى مىندەتىن اتقارادى، بەلگىلى مەرزىمدە قىستاقتاعى وسپىرىمدەردى ەكسكۋرسيالاپ ۇيرەنۋگە ۇيىمداستىرادى، سۋرەت، جازۋ، كورمە جابدىقتارى، VR سەزىنۋ، كوزىلدىرىكسىز 3D سياقتى تاسىلدەر ارقىلى بالالاردىڭ كورۋ تۇيسىگى ارقىلى عىلىم جالپىلاستىرۋ ءبىلىمىن تىكەلەي سەزىنۋىنە، ىقپالداستىق سەزىنۋ بارىسىندا عىلىم - تەحنيكانىڭ كەرەمەتىن تۇيسىنۋىنە مۇمكىندىك جاراتادى.
قىزمەت اترەتى ارنايى تۇردە مانەرلەپ وقۋ جانە جۇرگىزۋشىلىك جاعىندا ەرەكشەلىگى بار 20 ءوسپىرىمدى تاربيەلەپ، عىلىم جالپىلاستىرۋ سارايىنىڭ ءتۇسىندىرۋشى مىندەتىن ارقالاتتى.
2023 - جىلى 12 - ايدىڭ 29 - كۇنى اۆتونوميالى رايوندىق پارتكوم ۇگىت ءبولىمىنىڭ حوتان قالاسى شورباق اۋىلى ايدىڭكول قىستاعىندا تۇراتىن 1 - شۋجي، قىزمەت اترەتىنىڭ باستىعى فان ۋىنچىڭ (سولدان 2 -) ”اۋىل - قىستاق عىلىم جالپىلاستىرۋ سارايىندا“ بالالارعا VR تاعۋدى تۇسىندىرۋدە. سۋرەتتى تيانشان تورى - شينجياڭ گازەتىنىڭ ءتىلشىسى ياڭ بين تۇسىرگەن
اۋىل - قىستاق عىلىم جالپىلاستىرۋ سارايى قىستىق، جازدىق دەمالىس كەزىندە وسى قىستاقتىڭ بالالارىن، قىستاق تۇرعىندارىن كۇنى بويى ەكسكۋرسيالاۋ، ۇيرەنۋمەن قامدايدى، سىرتقا قاراتا ەگەر تەكسەرىپ - زەرتتەۋ، تاماشالاۋ ياكي كورشى قىستاقتىڭ بالالارى، قىستاق تۇرعىندارى كەلىپ ەكسكۋرسيالاۋى كەرەك بولسا الدىن الا ۋادەلەسۋى كەرەك.
2023 - جىلى 12 - ايدىڭ 29 - كۇنى اۆتونوميالى رايوندىق پارتكوم ۇگىت ءبولىمىنىڭ حوتان قالاسى شورباق اۋىلى ايدىڭكول قىستاعىندا تۇراتىن قىزمەت اترەتىنىڭ مۇشەسى چىڭ جيە (سولدان 3 -) بالالارعا قىل قالاممەن جازۋ جازعاندى ۇيرەتۋدە. سۋرەتتى تيانشان تورى - شينجياڭ گازەتىنىڭ ءتىلشىسى ياڭ بين تۇسىرگەن
6 - جىلدىق وقۋشىسى مۇحامەت ءالي دە تۇسىندىرۋشىلەردىڭ ءبىرى. ول ايتادى: ”قىستاقتىڭ عىلىم جالپىلاستىرۋ سارايىن وتە ۇناتامىن، مۇنداعى كوپتەگەن جابدىقتار مەن بىلىمدەردى بۇرىن بىلمەيتىن ەدىم، بۇل ارادا ءوز قولىممەن وسى جابدىقتاردى ىسكە قوسا الامىن، ءارى بىلىمدەردى ۇيرەنىپ، تانىمىم ارتتى“.
اۆتونوميالى رايوندىق پارتكوم ۇگىت ءبولىمىنىڭ حوتان قالاسى شورباق اۋىلى ايدىڭكول قىستاعىندا تۇراتىن 1 - شۋجي، قىزمەت اترەتىنىڭ باستىعى فان ۋىنچىڭ بىلاي دەدى: ”بۇل عىلىم جالپىلاستىرۋ سارايىنا 500 مىڭ يۋان قارجى قوسىلدى، 2023 - جىلى 3 - ايدا پايدالانۋعا بەرىلدى. بۇل حوتان ايماعىنداعى تۇڭعىش اۋىل - قىستاق عىلىم جالپىلاستىرۋ سارايى، قازىرگە دەيىن قىستاق تۇرعىندارى، وقۋشىلاردان 10 مىڭنان استام ادام (رەت) قابىلداپ، وسىزامان عىلىم، مادەنيەتىن جۇرت كوڭىلىنە ۇيالاتتى.
2023 - جىلى 12 - ايدىڭ 29 - كۇنى اۆتونوميالى رايوندىق پارتكوم ۇگىت ءبولىمىنىڭ حوتان قالاسى شورباق اۋىلى ايدىڭكول قىستاعىندا تۇراتىن قىزمەت اترەتىنىڭ مۇشەسى ۋاڭ الۇڭ (وڭنان 2 -) بالالارعا پيانينو ويناۋدى ۇيرەتۋدە. سۋرەتتى تيانشان تورى - شينجياڭ گازەتىنىڭ ءتىلشىسى ياڭ بين تۇسىرگەن
كەزەكتە ايدىڭكول قىستاعى 850 مىڭ يۋان نىسان قارجىسىنا قول جەتكىزىپ، اۋىل - قىستاق عىلىم جالپىلاستىرۋ سارايىن كەڭەيتىپ سالۋدا، مەجەمەن بيىل تۇتاسىمەن سالىنىپ بولىپ، قولدانۋعا بەرىلەدى.
