ٴوز حابارىمىز. 1 ـ ايدىڭ 11 ـ كۇنى نەگىزگى تاقىرىپتىق تاربيە ورتالىق 15 ـ ارالاپ جەتەكشىلىك ەتۋ گرۋپپاسى التاي ايماعىنا بارىپ، التاي ايماقتىق پارتكوم باسشىلىق القاسىنىڭ نەگىزگى تاقىرىپتىق تاربيە بويىنشا ارناۋلى تاقىرىپتىق دەموكراتيالىق تۇرمىس جيىنىنا سىرتتاي قاتىناستى جانە جەتەكشىلىك ەتتى. نەگىزگى تاقىرىپتىق تاربيە ورتالىق 15 ـ ارالاپ جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە قاتىناسىپ جەتەكشىلىك ەتتى ٴارى باعا بەردى. نەگىزگى تاقىرىپتىق تاربيە ورتالىق 15 ـ ارالاپ جەتەكشىلىك ەتۋ گرۋپپاسىنىڭ ورىنباسار باستىعى شاۋ لين جانە باسقا مۇشەلەر، اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى جاڭ جۋ قاتارلىلار ماجىلىسكە قاتىناسىپ جەتەكشىلىك ەتتى.
التاي ايماقتىق پارتكومداعى نەگىزگى جاۋاپتى جولداس وتكەن جىلعى دەموكراتيالىق تۇرمىس جيىنىندا ورتاعا قويىلعان ماسەلەلەردى رەتتەۋ ـ تۇزەتۋ جاعدايىن حابارلاندىردى، ايماقتىق پارتكوم باسشىلىق القاسىنىڭ ارناۋلى تاقىرىپتىق دەموكراتيالىق تۇرمىس جيىنىنىڭ دايىندىق جاعدايىن مالىمدەدى، ايماقتىق پارتكوم باسشىلىق القاسى اتىنان سالىستىرىپ تەكسەرۋ جاسادى ٴارى باستاماشىلدىقپەن سىن جانە ٴوز ـ وزىنە سىن ورىستەتتى، باسقا القا مۇشەلەرى رەتىمەن سىن جانە ٴوز ـ وزىنە سىن ورىستەتتى، القا مۇشەلەرى ٴىس جۇزىندىك جاعدايمەن تىعىز ۇشتاستىرىپ، قايشىلىقتار مەن ماسەلەلەرگە بەتپە ـ بەت كەلىپ، جەتەرسىزدىكتەردى ىشكەرىلەي تەكسەرىپ، ورتاعا قويىپ، يدەيالىق قاينارىن ٴداپ باسىپ تاۋىپ، جاقسارتۋ شارالارىن العا قويدى.
ۋاڭ گوشىڭ بىلاي دەپ اتاپ كورسەتتى: التاي ايماقتىق پارتكوم شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ تالاپتارىن مۇقيات دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى پارمەندى ىلگەرىلەتىپ، كورنەكتى ونىمدىلىككە قول جەتكىزدى. ارناۋلى تاقىرىپتىق دەموكراتيالىق تۇرمىس جيىنىنىڭ دايىندىعى تىڭعىلىقتى، تولىق بولدى، ماسەلەلەردى تەكسەرىپ ورتاعا قويۋى جانە سەبەبىنە تالداۋ جاساۋى وبيەكتيۆ، ىشكەرىلەي بولىپ، سىن جانە ٴوز ـ وزىنە سىندى ورىستەتۋدە شىنداپ كىرىسىپ، قيىندىقتان تايسالماي، تىلدەسىپ، اۋىس ـ كۇيىس جاساۋ، يدەيانى بىرلىككە كەلتىرۋ، ىنتىماقتى كۇشەيتۋ، دەڭگەيىن بىرگە جوعارىلاتۋ ماقساتىنا جەتتى. كەلەسى قادامدا ارناۋلى تاقىرىپتىق دەموكراتيالىق تۇرمىس جيىنىندا تەكسەرىپ ورتاعا قويىلعان ماسەلەلەردى ٴبىر ـ بىرلەپ زەرتتەپ، وزىنە ـ ٴوزى توڭكەرىس جاساۋ رۋحىمەن رەتتەۋ ـ تۇزەتۋدى مۇقيات يگەرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋگە، تەرەڭدەتۋگە، 2024 ـ جىلعى قىزمەتتەردى ويداعىداي ىستەۋگە بەرىك نەگىز قالاۋ كەرەك.
ۋاڭ گوشىڭ بىلاي دەپ باسا دارىپتەدى: ”يدەيانى ۇيرەنۋدە” “ۇيرەن“ دەۋدەن ”مەن ۇيرەنەمىن“ دەگەنگە بۇرىلىس جاساۋ كەرەك. كۇندەلىكتى ۇيرەنۋ سانالىلىعى، ۇدايى ۇيرەنۋ مەحانيزمى، ماڭىزدى ٴتۇيىندى ۇيرەنەتىن سەزگىرلىك، ۇيرەنگەندى قولدانا بىلەتىن قابىلەت بولۋ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ٴتۇسىنىپ، باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن تەرەڭ ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداۋ كەرەك. تەكسەرۋ ـ زەرتتەۋدە تاجىريبە توپتاۋدان نەگىزگى قابىلەتكە قاراي ويىسۋ كەرەك. ”ٴتورتتى نەگىزگى ساتىعا جەتكىزۋ“ قىزمەت ٴتۇزىمىن ىشكەرىلەي امالياتتا ايگىلەۋ ٴارى ورناتىلعان باسشى كادرلاردىڭ بايلانىس جاساۋ ٴتۇيىنى ٴتۇزىمى، كومەكتەسۋ ـ سۇيەمەلدەۋ قىزمەت ٴتۇزىمى، تۇيىندە تۇرىپ قىزمەت ىستەۋ ٴتۇزىمى سياقتىلارمەن ۇشتاستىرىپ، پارتيالى كادرلاردىڭ ”ٴتورتتى نەگىزگى ساتىعا جەتكىزۋ“ بارىسىندا بۇقارانىڭ تالاپ ـ تىلەگىن كەڭ كولەمدە تۇسىنۋىنە مۇمكىندىك جاساپ، حالىق تۇرمىسىنا قاتىستى ناقتى ىستەردى شىن مانىندە ويداعىداي ىستەۋ كەرەك. نەگىزگى ساتىنى بەتكە الىپ، بۇقارامەن ارالاسۋدا ”بەتپە ـ بەت“ كەلۋدەن ”شىن جۇرەكپەن سىرلاسۋعا“ قاراي ويىسۋ كەرەك. نەگىزگى تاقىرىپتىق تاربيەدەگى بۇقارالىق قىزمەتتىڭ جاقسى مەحانيزمىن، جاقسى ادىستەرىن قورىتىندىلاپ، حالىق تىلەگىن جەتكىزۋ مەحانيزمىن، حالىق تۇرمىسىنا قىزمەت وتەۋ مەحانيزمىن، بۇقارانىڭ ۇقىق ـ مۇددەسىن قورعاۋ مەحانيزمىن اقاۋسىزداندىرىپ، حالىقتىڭ حال ـ جايىن، قۋانىش ـ جۇبانىشىن، قۇت ـ ىرىسىن كوكەيدە ساقتاپ، بۇكىل ىنتا ـ پەيىلىمەن حالىقتى باقىتقا كەنەلتۋ جاعىندا جاقسى باستاماشى بولۋ، ونەگە كورسەتۋ كەرەك. ناقتى ٴىس ىستەگەندە ۇنەمى باسقالارعا ايتۋدان ٴوزى باستاماشىلدىقپەن ىستەۋگە قاراي ويىسۋ كەرەك. ناقتى ٴىس ىستەۋگە ٴمان بەرەتىن، ناقتى ونىمدىلىككە ٴمان بەرەتىن ٴىس ىستەۋ ورتاسىن قالىپتاستىرىپ، جاۋاپكەرشىلىكتى ارقالاۋعا پەيىل بولۋدى، جاۋاپكەرشىلىكتى باتىلدىقپەن ارقالاۋدى، جاۋاپكەرشىلىكتى شەبەرلىكپەن ارقالاۋدى سالتقا اينالدىرىپ، جوعارى ساپالى دامۋدى ىلگەرىلەتەتىن تيپتەردى، نەگىزگى ساتىنىڭ نەگىزىن بەكەمدەيتىن تيپتەردى، حالىق ٴۇشىن قىزمەت ىستەيتىن تيپتەردى كۇش سالا سارالاپ، تۇلعالاپ، ناقتى ٴىس تىندىراتىن، امالياتتىق ناقتى ونىمدىلىككە قول جەتكىزەتىن ورتا رايىن قالىپتاستىرۋ كەرەك.
جاڭ جۋ باعا بەرگەن كەزدە بىلاي دەپ اتاپ كورسەتتى: التاي ايماعى ارناۋلى تاقىرىپتىق دەموكراتيالىق تۇرمىس جيىنىن وراي ەتىپ، قايتكەندە نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، ۇلتتار ىنتىماعى، ەنەرگيا، كەن ونىمدەرى، سۋ، توپىراق، جارىق، جىلۋ، ەرەكشە ساياحات، ٴتيىمدى جەر سياقتى جاقتارداعى ارتىقشىلىقتارىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ، جاسىل كەن كاسىبىن، تازا ەنەرگيا كاسىپ سالاسىن دامىتۋ، وسىزاماندانعان ەگىن، مال شارۋاشىلىعىن زورايتۋ، دۇنيە جۇزىلىك دەڭگەيدەگى ساياحات نىسانالى جەرىن قۇرۋ، باتىسقا ەسىك اشۋدىڭ الدىڭعى شەبىن قالىپتاستىرۋ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جاعىندا بىرەگەي ناتيجەلەر شىعارۋعا قۇلشىنۋ جونىندە وي جۇگىرتىپ، جوبا ـ جوسپار جاساۋى كەرەك.
ورتالىق 15 ـ ارالاپ جەتەكشىلىك ەتۋ گرۋپپاسى تاعى بۋىرشىن اۋداندىق پارتكوم باسشىلىق القاسىنىڭ نەگىزگى تاقىرىپتىق تاربيە بويىنشا ارناۋلى تاقىرىپتىق دەموكراتيالىق تۇرمىس جيىنىنا سىرتتاي قاتىناستى جانە جەتەكشىلىك ەتتى.
