پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاۋ كەرەك

　　_ باس شۋجي شي جينپيڭنىڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴۇشىنشى جالپى ماجىلىسىندە سويلەگەن ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

　　”ٴتارتىپ تەكسەرۋ، باقىلاۋ ـ تەكسەرۋ ورگاندارى _ پارتيانىڭ وزىنە ـ ٴوزى توڭكەرىس جاساۋىن ىلگەرىلەتەتىن ماڭىزدى كۇش، ەرەكشە ساياسي جاۋاپكەرشىلىك پەن داڭقتى بورىش، مىندەت ارقالايدى“. 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴۇشىنشى جالپى ماجىلىسىندە باس شۋجي شي جينپيڭ ٴتارتىپ تەكسەرۋ، باقىلاۋ ـ تەكسەرۋ كادرلارى قوسىنىنا شىنايى ٴۇمىت ارتىپ، ايقىن تالاپ قويىپ، بىلاي دەپ باسا دارىپتەدى: ”وزىنە ـ ٴوزى توڭكەرىس جاساۋدىڭ ۇلگىسى، ەرەجەگە، تارتىپكە بويسۇنۋدىڭ ونەگەسى بولۋعا قۇلشىنىپ، پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاۋ كەرەك“.

　　پارتيا 20 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جانە ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى باس شۋجي شي جينپيڭنىڭ ”جاڭا القا، جاڭا بەينە، جاڭا جاعداي، جاڭا ىسكەرلىك“ جونىندەگى تىلەگى مەن تالابىن ەستە بەرىك ساقتاپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدى نەگىزگى جەلى، بۇكىل پارتيانىڭ ”ەكىنى تۇراقتاندىرۋدى“ باتىل قورعاۋىن، ”ەكىنى قورعاۋدى“ باتىل ورىنداۋىن ىلگەرىلەتۋدى بورىش ـ جاۋاپكەرشىلىك، ٴىرى پارتيانىڭ وزىنە عانا ٴتان قيىن ماسەلەلەرىن شەشۋىن ىلگەرىلەتۋدى، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى نىسانا ـ بەتالىس، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى جانە بۇكىل ەلدەگى ٴتارتىپ تەكسەرۋ، باقىلاۋ ـ تەكسەرۋ كادرلارى قوسىنىن تاربيەلەۋدى، رەتتەۋدى ٴتۇيىن ەتىپ، ۇيرەنۋدى تەرەڭدەتىپ، تەكسەرۋ ـ زەرتتەۋدى ناقتىلاندىرىپ، تياناقتاندىرۋدى يگەرىپ، قاتاڭ نەگىزگى اۋەن، قاتاڭ شارا، قاتاڭ راي ارقىلى باستان ـ اياق ساياسي باقىلاۋدى كۇشەيتىپ، ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، ٴتارتىپ تەكسەرۋ، باقىلاۋ ـ تەكسەرۋ قىزمەتىن جوعارى ساپالى دامىتۋدا تىڭ دامۋشىلىقتارعا، تىڭ تابىسقا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى قامتاماسىزدىق ازىرلەدى.

　　جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ پارتيانى جاپپاي قاتاڭ باسقارۋدى، پارتيانىڭ وزىنە ـ ٴوزى توڭكەرىس جاساۋىن ىشكەرىلەي ىلگەرىلەتۋگە تىڭ دا اناعۇرلىم جوعارى تالاپتار قويدى. باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسى _ جاڭا داۋىردەگى جاڭا جورىقتا پارتيانى جاپپاي قاتاڭ باسقارۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتۋدىڭ ٴتۇبىرلى بويسۇنۋ ولشەمى، جاڭا جورىقتا ٴتارتىپ تەكسەرۋ، باقىلاۋ ـ تەكسەرۋ قىزمەتىن ويداعىداي ىستەۋگە قۋاتتى يدەيالىق قارۋ جانە عىلمي ارەكەت باعدارناماسىن ازىرلەدى. كەزەكتە، ەڭ ماڭىزدىسى، وسى ماڭىزدى يدەيانى ىشكەرىلەي ۇيرەنىپ، دايەكتىلەندىرىپ، تەرەڭ سۇيىسپەنشىلىكپەن، بەرىك نانىممەن، كۇشتى بورىش ارقالاۋمەن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، وسى ٴبىر ماڭىزدى يدەيانىڭ وزەكتى ٴتۇيىنىن، امالياتتىق تالابىن دالمە ـ ٴدال يگەرىپ، ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جالپى بارىسىندا، بارلىق جاعىندا سانالى تۇردە دايەكتىلەندىرۋ كەرەك. 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتىن جۇزەگە اسىرۋداعى شەشۋشى ٴبىر جىل. پارتيانى جاپپاي قاتاڭ باسقارۋ ستراتەگيالىق باعىتىن باتىل تياناقتاندىرىپ، ورنىقتىلىق بارىسىندا العا ىلگەرىلەۋ قىزمەت جالپى ارناسىنان جازباي، پارتيا ۋستاۆىندا جانە نەگىزگى زاڭدا جۇكتەلگەن قىزمەت جاۋاپكەرشىلىگىن ادالدىقپەن اتقارىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ىلگەرىلەتىپ، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ىشكەرىلەي ىلگەرىلەتىپ، جاڭا جورىقتاعى ٴتارتىپ تەكسەرۋ، باقىلاۋ ـ تەكسەرۋ قىزمەتىن جوعارى ساپالى دامىتۋدى ىشكەرىلەي ىلگەرىلەتۋ كەرەك.

　　”ٴسوز جوق، باستان ـ اياق شارتسىز ادال، شارتسىز سەنىمدى، شارتسىز پاك بولۋى كەرەك“، بۇل باس شۋجي شي جينپيڭنىڭ ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ ساياسي جاۋاپكەرشىلىكتى جانە بورىش، مىندەتتى اناعۇرلىم ويداعىداي ارقالاۋىن كوزدە ۇستاي وتىرىپ العا قويعان ايقىن تالابى. ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ ساياسي ورگان ەكەندىگىن، ەڭ اۋەلى، ٴسوز جوق، ساياسيدا ىسىلۋ كەرەكتىگىن، ادالدىقتىڭ ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ تۋادا بىتكەن ساياسي گەنى ەكەندىگىن تەرەڭ تانۋ كەرەك. تاربيەلەۋ، وڭاۋ جەتىستىكتەرىن بەكەمدەپ، كەڭەيتىپ، ساياسي ادالدىقتى ونان ارى بەكەمدەپ، ٴارقانداي ۋاقىتتا، ٴارقانداي جاعدايدا پارتيا ورتالىق كوميتەتىمەن ٴبىر نيەت، ٴبىر تىلەكتە بولىپ، ”ٴتورت تانىمدى“ كۇشەيتۋدى، ”ٴتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى پارتيانىڭ قولباسشىلىعىنا قۇلاق اسۋداعى، پارتيا ٴۇشىن جاۋاپكەرشىلىكتى ادا ەتۋدەگى ٴىس جۇزىندىك ارەكەتكە اينالدىرۋ كەرەك. ٴتارتىپ تەكسەرۋ، باقىلاۋ ـ تەكسەرۋ ورگاندارى پارتيا ٴۇشىن دۇنيەگە كەلگەن، پارتيا ٴۇشىن شايقاس جاسايدى، كۇرەس _ تابيعي قاسيەت، قىزمەتتىڭ قالىپتى جاعدايى. پرينسيپكە تاباندى بولىپ، باتىلدىقپەن ايقىن پوزيتسيا ٴبىلدىرىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، جاۋاپكەرشىلىكتى ارقالاپ، جاۋاپكەرشىلىكتى ادا ەتىپ، تاباندىلىقپەن ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋى كەرەك. تەمىر سوقساڭ قۇرىش بول، قۇرىش بولۋ ٴۇشىن الدىمەن پاك بول. ٴتارتىپ تەكسەرۋ، باقىلاۋ ـ تەكسەرۋ كادرلارى قوسىنى قۇرىلىسىن كۇشەيتىپ، شىرىق بۇزۋشىلاردى ۇدايىلاندىرا الاستاپ، ”شامنىڭ ٴتۇبى قاراڭعى“ بولۋدان باتىل ساقتانىپ جانە ونى جونگە سالىپ، وزىنە ـ ٴوزى تۇبەگەيلى توڭكەرىس جاساۋ رۋحىن ساۋلەلەندىرىپ، ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ وزىندىك قۇرىلىسىن تەرەڭدەتىپ، ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاپ، شىن مانىندە پارتيا ورتالىق كوميتەتىن الاڭسىز ەتۋ، حالىق بۇقاراسىن ريزا ەتۋ كەرەك.

　　پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە ـ ٴوزى توڭكەرىس جاساۋى ماڭگى جالعاسادى، ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ مىندەتى اۋىر، جولى الىس. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر جاعادان باس، ٴبىر جەڭنەن قول شىعارىپ، مىندەتتى ادالدىقپەن اتقارىپ، العان بەتىنەن قايتپايتىن كۇرەسكەرلىك بەينەمەن، ماڭگى بويكۇيەزدىككە سالىنبايتىن رۋحاني كۇيمەن جاڭا جورىقتاعى ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، ماڭگى جالعاستىراتىن توزىمدىلىكپەن جانە تاباندىلىقپەن پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جالعاستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە، ٴسوز جوق، پارمەندى قامتاماسىزدىق ازىرلەي الامىز.(شينحۋا اگەنتتىگىنىڭ 1 ـ ايدىڭ 13 ـ كۇنى بەيجيڭنەن بەرگەن حابارى)