”كوكتەم مەرەكەسىندە نەگىزگى ساتىنى ارالاۋ“ اتىنداعى جالپىلىق مەديالاردىڭ كولەمدى حابارلاۋ قيمىلى باستالدى

　　انار بۇلت \ شينجياڭ گازەتىنىڭ ٴتىلشىسى جاڭ تيڭ 1 ـ ايدىڭ 23 ـ كۇنى ۇرىمجىدەن حابارلايدى. ”ٴتورت قابىلەتتى“ شىڭداپ، امالياتتا ايگىلەپ، شينجياڭ حيكاياسىن ويداعىداي بايانداپ، ٴداۋىر تىنىسىن سەزىنەيىك. 1 ـ ايدىڭ 25 ـ كۇنى شينجياڭ گازەتى مەكەمەسىنىڭ (توبى) ”كوكتەم مەرەكەسىندە نەگىزگى ساتىنى ارالاۋ“ اتىنداعى جالپىلىق مەديالاردىڭ كولەمدى حابارلاۋ قيمىلى باستالدى، قيمىل 2 ـ ايدىڭ 24 ـ كۇنىنە دەيىن جالعاسادى.

　　بيىل جاڭا جۇڭگو قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن ورىنداۋداعى شەشۋشى ٴبىر جىل. شينجياڭ گازەتى مەكەمەسى (توبى) ”كوكتەم مەرەكەسىندە نەگىزگى ساتىنى ارالاۋ“ قيمىلىن دەن قويا ورىستەتىپ، جالپىلىق مەديانىڭ 100 ٴتىلشىسى مەن رەداكتورىن شينجياڭنىڭ جەر ـ جەرىنە بارىپ، نەگىزگى ساتىنىڭ ٴبىرىنشى شەبىن ارالاپ، ٴار سالا، ٴار كاسىپكە ىشكەرىلەي ارالاسىپ، ساپار ۇلگىسىندە حابارلاپ، بۇقارانىڭ ٴجىتى قاداعالاپ وتىرعان ىستەرىمەن ۇشتاستىرىپ، تارتىمدى اڭگىمەلەر، اسەرلى مازمۇندار جانە جاندى كورىنىستەر ارقىلى جەر ـ جەردىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن دايەكتىلەندىرگەن، تياناقتاندىرعان جاندى امالياتىن جان ـ جاقتى بەينەلەپ، رايونىمىز ەكونوميكاسىنىڭ، قوعامىنىڭ جوعارى ساپالى دامۋىنىڭ ونىمدىلىگى مەن جارقىن تۇيىندەرىن تولىق كورسەتىپ، تيانشان الابىنداعى ٴار ۇلت حالىق بۇقاراسىنىڭ كوكتەم مەرەكەسىن شات ـ شادىمان وتكىزگەن قۋانارلىق جاعدايىن جان ـ جاقتى ەستەلىككە الادى.

　　شينجياڭ گازەتى مەكەمەسى (توبى) گازەت ـ جۋرنال، سايت، كليەنت، ۋيشين سىندى جالپىلىق مەديالار تاراتۋ شەبىنىڭ باسىمدىعىن تولىق ساۋلەلەندىرىپ، ”ٴتىلشى vlog: انار بۇلتىمەن بىرگە نەگىزگى ساتىنى ارالاۋ“، ”ٴبىرىنشى شەپتە تۇيىندە تۇرۋ“، ”مەن شينجياڭدا كوكتەم مەرەكەسىن وتكىزەمىن“، ”اۋىل ـ قىستاقتان ايداعار ىزدەۋ“، ”ادىمى جەتكەنشە شينجياڭدى ارالاۋ “، ”شينجياڭدا ’قىستاق كوكتەم مەرەكەسى ساۋىق كەشى‘ قىسقا بەينەجازبا كورمەلىك قويىلىمىن ٴۇرتىس كورۋ“ سياقتى جارياناما، H5، قىسقا بەينەجازباسى، ۇزىن سۋرەت سياقتى جاڭا مەديالىق ونىمدەردى ۇسىنادى؛ ”كوكتەم مەرەكەسىندە اۋىلعا قايتۋ جولىن تىكە تاراتۋ“، ”بايتاق شينجياڭدى باياۋ تاماشالاپ، جاڭا جىلدى بۇلتتا وتكىزۋ“ سياقتى بەينەجازبا ارقىلى تىكە تاراتىپ، ”شينجياڭ · كوكتەم مەرەكەسى لەبىن“ ينتەرنەتتە جيناۋ قيمىلى سياقتىلاردى ورىستەتەدى.

　　1 ـ ايدىڭ 25 ـ كۇنىنەن باستاپ شينجياڭ گازەتى، انار بۇلت كليەنتى، تيانشان سايتى، ۇيرەنۋدە قۋاتتى ەل شينجياڭ ۇيرەنۋ تۇعىرى سياقتىلار كليەنتتەردىڭ باس ەكرانىندا، ماڭىزدى بەتتەرىندە، ماڭىزدى ۋاقىت كەزەڭدەرىندە، سايتتىڭ باس بەتىندە ”كوكتەم مەرەكەسىندە نەگىزگى ساتىنى ارالاۋ“ ارناۋلى ستونىن ٴبىر تۇتاس اشىپ، جالپىلىق مەديالاردىڭ حابارلارىن جاريالايدى.