اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ 5 ـ ٴماجىلىسى وتكىزىلدى
اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسىن 1 ـ ايدىڭ 29 ـ كۇنى ۇرىمجىدە اشۋ ۇيعارىلدى
انار بۇلت \ شينجياڭ گازەتىنىڭ ٴتىلشىسى جاڭ يۇنمەي 1 ـ ايدىڭ 27 ـ كۇنى ۇرىمجىدەن حابارلايدى. 1 ـ ايدىڭ 27 ـ كۇنى اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ تۇراقتى كوميتەتى 5 ـ ٴماجىلىسىن وتكىزىپ، اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسىن 1 ـ ايدىڭ 29 ـ كۇنى ۇرىمجىدە اشۋدى ۇيعاردى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ماجىلىسكە قاتىناستى ٴارى ٴسوز سويلەدى.
ءماجىلىس اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ رۋحىن ۇيرەندى، دايەكتىلەندىردى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەتتىڭ اۆتونوميالى رايوندىق حالىق ۇكىمەتىنىڭ اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 1 ـ ماجىلىسىنەن بەرگى ۇسىنىس جوبالاردى ٴبىتىرۋ جاعدايى جونىندەگى حابارلاندىرۋىن تىڭدادى؛ اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسىن اشۋ جونىندەگى قاۋلىسىن قاراپ ماقۇلدادى؛ اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 1 ـ ماجىلىسىنەن بەرگى ۇسىنىس جوبا قىزمەتى جاعدايى جونىندەگى باياندامانى قاراپ ماقۇلدادى؛ اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ كەڭەستىك تارتىپتەرىن (جوبا نۇسقا)، كۇن تارتىپتەرىن قاراپ ماقۇلدادى؛ اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ ماجىلىسكە شاقىرۋ كولەمىن، سىرتتاي قاتىناسۋ كولەمىن، گرۋپپالارعا ٴبولۋ ٴادىسىن جانە شاعىن گرۋپپالاردىڭ ۇيىمداستىرۋشىلارىنىڭ ەسىمدىگىن، ٴار رەتكى ٴماجىلىستىڭ اتقارۋشى ٴتوراعاسىنىڭ جانە باسقارۋشىسىنىڭ ەسىمدىگىن، تۇراقتى كوميتەتتىڭ قىزمەت بايانداماسىن، ۇسىنىس جوبا قىزمەتى جاعدايى جونىندەگى باياندامانىڭ بايانداما جاساۋشىلارىنىڭ ەسىمدىگىن، ٴماجىلىستىڭ باس حاتشىسىنىڭ، ورىنباسار حاتىشىلارىنىڭ ەسىمدىگىن قاراپ ماقۇلدادى؛ كادرلارعا قاتىستى ىستەردى قاراپ ماقۇلدادى؛ اۆتونوميالى رايوندىق ساياسي كەڭەستىڭ ارناۋلى كوميتەتتەرىنىڭ قىزمەت مالىمەتىن تىڭدادى ٴارى باعالادى.
ٴماجىلىس بىلاي دەپ قارادى: پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن ەڭ جوعارى ساياسي پرينسيىپ ەتۋگە تاباندى بولىپ، پارتيانىڭ باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى ۇشتاسۋىنا تاباندى بولىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، شينجياڭ قىزمەتىنىڭ باس نىساناسىن مىقتاپ ۇستاپ، ۇسىنىس قويۋ، كەڭەس بەرۋ جانە ورتاق تانىمدى ۇيىستىرۋ بويىنشا قوس باعىتتا كۇش سالۋ ورەسىن ۇزدىكسىز جوعارىلاتىپ، ”تياناقتاندىرۋ، ۇيىستىرۋ“ ساياسي جاۋاپكەرشىلىگىن شىن مانىندە ارقالاۋ كەرەك.
ٴماجىلىس بىلاي دەپ باسا دارىپتەدى: اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى جاقىندا اشىلادى، تۇراقتى كوميتەت مۇشەلەرى باستاماشىلدىقپەن مىندەتىن اتقارىپ، جاۋاپكەرشىلىگىن ادا ەتىپ، دۇرىس ساياسي بەتالىستى مىقتاپ يگەرىپ، يدەيا مەن ارەكەتتى شىن مانىندە باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، اۆتونوميالى رايوندىق پارتكومنىڭ تالابى بويىنشا، ”ەكىنى تۇراقتاندىرۋدىڭ“ ساياسي ورتاق تانىمىن شىن مانىندە ”ەكىنى قورعاۋدىڭ“ ٴىس جۇزىندىك ارەكەتىنە اينالدىرۋ كەرەك. ۇسىنىس قويۋ، كەڭەس بەرۋ ساپاسىن جوعارىلاتىپ، ٴار ۇلت، ٴار سالا مۇشەلەردى اۆتونوميالى رايوننىڭ رەفورما، دامۋ، ورنىقتىلىق كەلەلى جاعدايى توڭىرەگىندە كەڭەس بەرۋگە، جاقسى شارا ۇسىنۋعا، ناقتى شارا كورسەتۋگە جەتەكتەپ، ىشكەرىلەي كەڭەسۋ، ىقپالداسۋ، پىكىردى تولىق جەتكىزۋ، ورتاق تانىمدى كەڭىنەن ۇيىستىرۋ دەڭگەيىن ۇزدىكسىز جوعارىلاتۋ كەرەك. يدەيالىق، ساياسي جاقتاعى جەتەكتەۋدى كۇشەيتىپ، ٴبىر تۇتاس جوسپارلاپ سايكەستىرۋدى ويداعىداي ۇستاپ، ٴماجىلىس سالتىن، ٴماجىلىس ٴتارتىبىن قاتايتىپ، ٴماجىلىستىڭ ناقتى، جوعارى ٴونىمدى، تولىق تابىستى بولۋىنا شىنايى كەپىلدىك ەتۋ كەرەك.
جاروللا يسامدين، كۇڭ شيڭلۇڭ، دوۋ ۋانگۇي، ياڭ يۇڭ، ابدۇرىقىپ ٴتومۇرنياز، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، شۇي شيان ـ ي، اسەنجان احمەت، جين جىجىن، گاۋ جياڭحۋاي ماجىلىسكە قاتىناستى.
