انار بۇلت \ شينجياڭ گازەتىنىڭ ٴتىلشىسى جاڭ يۇنمەي 1 ـ ايدىڭ 27 ـ كۇنى ۇرىمجىدەن حابارلايدى. 1 ـ ايدىڭ 27 ـ كۇنى اشىلعان اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ 5 ـ ماجىلىسىنەن ۇعىسۋىمىزشا، اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 1 ـ ماجىلىسىنەن بەرى اۆتونوميالى رايوندىق حالىق ۇكىمەتىنىڭ بىتىرۋىنە تاپسىرىلعان 541 ۇسىنىس جوبا تۇگەلدەي بىتىرىلگەن جانە جاۋاپ قايتارىلعان.
بىتىرۋگە العان 541 ۇسىنىس جوبانىڭ 257سى ەكونوميكالىق قۇرىلىس تۇرىنە، 176سى قوعامدىق قۇرىلىس تۇرىنە، 38ى ەكولوگيالىق وركەنيەت قۇرىلىس تۇرىنە، 48ى مادەنيەت قۇرىلىسى تۇرىنە، 22سى ساياسي قۇرىلىس تۇرىنە سايادى. 541 ۇسىنىس جوبانى ٴبىتىرۋ مىندەتى اۆتونوميالى رايوندىق حالىق ۇكىمەتىندەگى 62 ورىنعا جانە 14 ايماق، وبلىس، قالاعا سايادى، كەڭەسۋ مولشەرى، ٴبىر جاقتى ەتۋ مولشەرى، رازىلىق دارەجەسى تۇگەلدەي %100 بولىپ، ٴبىتىرىلۋ مولشەرى %91.5كە جەتتى.
ۇسىنىس جوبالاردى ٴبىتىرۋ ناتيجەسىندە شەشىلگەن نەمەسە قابىلدانعانى 315 بولىپ، %58.23تى يەلەپ، سايكەس مەزگىلدەگىدەن %5.5 ارتقان؛ ىلگەرىلەتۋ جوسپارىنا ەنگىزىلىپ شەشىلمەكشى بولعانى 180 بولىپ، %33.27تى يەلەپ، سايكەس مەزگىلدەگىدەن %.3.6 تومەندەگەن؛ ورتاعا قويىلعان ۇسىنىستىڭ ۋاقىتشا شەشىلمەي، بۇدان بىلايعى شەشىم جاساۋدا پايدالانۋعا قالدىرىلعانى 46 بولىپ، %8.5تى يەلەپ، سايكەس مەزگىلدەگىدەن %1.9 تومەندەگەن.
اۆتونوميالى رايوندىق حالىق ۇكىمەتى ۇسىنىس جوبالاردى ٴبىتىرۋ قىزمەتىنە ايرىقشا ٴمان بەرىپ، ۇسىنىس جوبالاردى ٴبىتىرۋ قىزمەتىن اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن تياناقتاندىرۋمەن بىرگە اقىلداسۋعا، بىرگە ىلگەرىلەتۋگە، بىرگە تياناقتاندىرۋعا تاباندى بولىپ، ٴبىتىرۋدى ۇستىنە العان تاراۋلاردىڭ (ورىنداردىڭ) ۇسىنىس جوبالاردى ٴبىتىرۋ قىزمەتىن مۇقيات ويداعىداي ىستەۋىن پارمەندى ىلگەرىلەتتى. اۆتونوميالى رايوننىڭ ٴتوراعاسى، ورىنباسار ٴتوراعالارى 6 ٴتۇيىندى ۇسىنىس جوبانى باستاماشىلدىقپەن قۋزاپ ٴبىتىرىپ، ٴبىتىرۋ تەكسەرۋ ـ زەرتتەۋىنە باستاماشىلدىقپەن ات سالىسۋعا، ٴبىتىرۋ جوباسىنا تۇجىرىم جاساۋعا، ارناۋلى تاقىرىپتىق ٴماجىلىس اشۋعا، ٴبىتىرۋ قىزمەتىن سايكەستىرۋگە، ۇيىمداستىرۋعا، جاۋاپ قايتارۋ پىكىرىن تەكسەرىپ بەكىتۋگە تاباندى بولدى. 6 ۇسىنىس جوبا ٴبىتىرىلدى ٴارى مۇشەلەرگە جاۋاپ قايتارىلدى. جەر ـ جەر، تاراۋلار قاتاڭ تۇردە ”مازمۇنى جوعارى ساپالى، ٴبىتىرىلۋى جوعارى ساپالى“ بولۋ پرينسيبى بويىنشا، مۇقيات ۇيىمداستىرىپ، زەرتتەپ، ٴبىتىرۋ جوباسىن جاساپ، قىزمەت جاۋاپكەرشىلىگىن ايقىنداپ، ٴبىر دارەجە ٴبىر دارەجەنى يگەرەتىن، ساتىلار بويىنشا تياناقتاندىرۋدى يگەرەتىن جاۋاپكەرشىلىك جۇيەسىن قالىپتاستىرىپ، ٴاربىر ۇسىنىس جوبانىڭ دەر كەزىندە، جوعارى ساپالى بىتىرىلۋىنە شىنايى كەپىلدىك ەتىپ، ”ٴبىر ـ بىرلەپ جاۋاپ بەرۋدى، ٴاربىر ٴىستى تياناقتاندىرۋدى“ ورىندادى.
ٴبىر جىلدان بەرى ۇسىنىس جوبالاردى ٴبىتىرۋ جەتىستىكتەرى رايونىمىزدىڭ ەكونوميكالىق، قوعامدىق دامۋىنىڭ ٴار جاعىندا ايگىلەندى. مەتال جاڭا ماتەريالدارى كاسىپ سالاسىنىڭ دامۋىن ىلگەرىلەتۋ ت. ب جونىندەگى ۇسىنىس جوبالار اۆتونوميالى رايوننىڭ ٴىس جۇزىندىك جاعدايىنا ۇيلەسىپ، قاتىستى تاراۋلار اقىلداسىپ قابىلدادى؛ جەرگىلىكتى ورىننىڭ فينانس جاعىنداعى باستاماشى كاسىپورىندارىن تۇلعالاۋ، جەرگىلىكتى زاڭدىق تۇلعالار فينانس قۇرىلىمدارىنىڭ حاۋىپ ـ قاتەرىن جويۋ جونىندەگى ۇسىنىس جوبالار جەرگىلىكتى ورىننىڭ فينانسىن ساپالىلاندىرۋعا، زورايتۋعا، كۇشەيتۋگە، فينانس قۇرىلىمدارىن شينجياڭنىڭ ” 8 ٴىرى كاسىپ سالاسى شوعىرىنىڭ“ دامۋىن قولداۋعا جەتەكشىلىك ەتۋدى شەشىم جاساۋ پايدالانۋ ماتەريالىمەن قامدادى. ساياسي كەڭەس مۇشەلەرىنىڭ العا قويعان ٴبىر توپ ۇسىنىس جوباسى تولىق قابىلدانىپ، تياناقتاندىرىلىپ، بۇقارانىڭ ٴتول مۇددەسىمەن تىعىز قاتىستى ٴبىر توپ ٴتۇيىندى، قيىن ماسەلەلەر قۇلشىنا ىلگەرىلەتىلىپ جانە شەشىلىپ، ٴار ۇلت حالىق بۇقاراسىنىڭ ٴتول مۇددەسىنە قاتىستى ٴىرى، ماڭىزدى ىستەر ناقتى ىستەلدى.
