_ اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ اشىلۋىنان ەستەلىك
انار بۇلت \ شينجياڭ گازەتىنىڭ ٴتىلشىسى جاڭ لەي
ٴبىر جىلداعى تاعى ٴبىر سالتاناتتى ٴماجىلىس ٴساتى.
1 ـ ايدىڭ 29 ـ كۇنى تۇستەن بۇرىن شينجياڭ حالىق سارايى ىستىق ىقىلاس پەن ايبىندى بەينەگە شومدى، اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى وسى ارادا اشىلدى. تيانشان الابىنداعى ٴار ۇلت پەرزەنتتەرىنىڭ ٴۇمىتى مەن ماڭىزدى تاپسىرماسىن ارقالاعان ٴار ۇلت، ٴار سالا، ٴارقايسى پارتيا ـ توپتار، ۇيىمداردان كەلگەن اۆتونوميالى رايوندىق ساياسي كەڭەستىڭ 492 مۇشەسى وسى ارادا باس قوسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ٴۇشىن سىندارلى اقىل ـ كەڭەس بەرىپ، ناقتى ىستەۋ شارالارىن ۇسىندى.
ساعات 10نان 30 مينۋت وتكەندە ٴماجىلىس اشىلدى. بۇكىل زالداعىلار ورىندارىنان تۇردى، ايبىندى مەملەكەت ٴانى ٴماجىلىس زالىن جاڭعىرتتى.
اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
_ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، سۋ بايلىعىن ۇنەمدى، شوعىرلى پايدالانۋدى كۇشەيتۋ، نەگىزگى ساتىنىڭ اۋىرتپالىعىن جەڭىلدەتۋدى ىلگەرىلەتۋ جانە بۇقارا كوڭىل ٴبولىپ وتىرعان وقۋعا ٴتۇسۋ، ەمدەلۋ، جۇمىستانۋ، قونىستانۋ سياقتى 27 ٴتۇرلى حالىق تۇرمىسىنداعى ناقتى ٴىس تىعىز كوزدەلدى؛
_ ۇسىنىس جوبانىڭ ”كوپ بولۋى ەمەس، قايتا ٴنارلى بولۋىنا“ تاباندى بولدىق، 898 ۇسىنىس جوبا قابىلدانىپ، 624ى ەستەلىككە الىندى، ٴبىتىرۋ، جاۋاپ قايتارۋ مولشەرى %100 بولدى؛
”شينجياڭ كاسىپورىندارى . ٴتوراعالار بەتپە ـ بەت“ كەڭەسۋ اڭگىمە ٴماجىلىسى 2 رەت وتكىزىلىپ، ”8 ٴىرى كاسىپ سالاسى شوعىرى“ قۇرىلىسى مەن حالىقتىق شارۋاشىلىقتىڭ دامۋى جونىندە اقىل ـ كەڭەس بەرىلدى، سالالاپ شىعىلعان 14 تۇردەگى 192 پىكىر ـ ۇسىنىستى قاتىستى تاراۋلار تىڭعىلىقتى ىلگەرىلەتىپ، كورنەكتى ونىمدىلىككە قول جەتكىزدى؛
...
بايانداما جاندى دا تارتىمدى بولىپ، ادامدى جەلپىندىردى؛ قىزمەتتەر ايتارلىقتاي بولىپ، جارقىن تۇيىندەر كوپ بولدى. مۇشەلەر بىردە زەر سالا تىڭداپ، بىردە قالام تەربەپ ەستەلىككە الىپ، ٴالسىن ـ ٴالى دۋ قول شاپالاق سوقتى. وسى شاپالاق ٴۇنى مۇشەلەردىڭ وتكەن ٴبىر جىلداعى شينجياڭنىڭ ساياسي كەڭەس قىزمەتىنە تولىق ريزا بولعاندىعىنا، سونداي ـ اق شينجياڭنىڭ جوعارى ساپالى دامۋىنا دەگەن بەرىك سەنىمى مەن بەكىمىنە ۋاكىلدىك ەتتى.
وسىدان كەيىن ساياسي كەڭەستىڭ 8 مۇشەسى ىلگەرىندى ـ كەيىندى ماجىلىستە ٴسوز سويلەدى. ولار نازاردى عىلىم ـ تەحنيكا ارقىلى مال شارۋاشىلىعىن دامىتۋعا قۋات ۇستەۋ، حالىقتىق شارۋاشىلىقتىڭ اقاۋسىز دامۋى، اۋىل ـ قىستاقتى گۇلدەندىرۋ، سۋ ۇنەمدەۋ، سۋ ساقتاۋ، سۋ جەتكىزۋ، سۋ مولايتۋ قىزمەتىن ٴبىر تۇتاس جوسپارلاپ ويداعىداي ىستەۋ سياقتى قولامتالى تاقىرىپتارعا شوعىرلاندىرىپ، سىندارلى اقىل ـ كەڭەس بەردى.
_ جوعارى ساپالى مادەنيەت پەن ساياحاتتى توعىستىرۋ ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن اناعۇرلىم بەكەمدەۋ؛
_ شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، حالىقتىق شارۋاشىلىقتىڭ اقاۋسىز دامۋىن جەبەۋ؛
_ سىرتقا ەسىك اشۋ تۇعىرىنىڭ رولىن ساۋلەلەندىرىپ، جۇڭگو (شينجياڭ) ەركىن ساۋدا سىناق رايونى قۇرىلىسىنا دەم بەرۋ؛
...
وسى تالداۋلار، ۇسىنىستار اۆتونوميالى رايوندىق پارتكوم مەن ۇكىمەتتىڭ قىزمەت تۇيىنىمەن، ەكونوميكالىق، قوعامدىق دامۋداعى قيىن تۇيىندەرمەن جانە بۇقارا جاپپاي نازار اۋدارىپ وتىرعان قولامتالى تۇيىندەرمەن تىعىز ۇشتاسىپ، كورىكتى شينجياڭنىڭ كوركەم بولاشاعىن كەسكىندەدى.
مىنبەدە، مىنبە استىندا جۇرەكتەر ۇندەستىك تاپتى؛ ٴماجىلىس الاڭىندا، ٴماجىلىس سىرتىندا كوڭىلدەر كولدەي تولقىدى.
”باياندامانى تىڭداعاننان كەيىن ەرەكشە جەلپىندىم، بايانداما ساياسي كەڭەس مۇشەلەرىنىڭ جاۋاپكەرشىلىك ارقالاۋىن ايگىلەدى“. مۇشە حانزات ابليكىم تولىق سەنىممەن مىنالاردى ٴبىلدىردى: سۇيىسپەنشىلىكپەن حالىقتىڭ جاعدايىن جەتكىزىپ، حالىقتىڭ اقىل ـ پاراساتىنا سۇيەنىپ حالىقتى ۋايىمنان ارىلتىپ، ٴار ۇلت بۇقاراسىنا ساياسي كەڭەس مۇشەلەرىنىڭ قاستارىندا ەكەندىگىن قاي ـ قاشان دا سەزىندىرەمىز.
تۇراقتى كوميتەتتىڭ قىزمەت بايانداماسىندا ازيا _ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن سەلبەسىپ قۇرىپ، جاڭا دامۋ ارناسىن قالىپتاستىرۋدىڭ ستراتەگيالىق تىرەگىن كۇش سالا قالىپتاستىرۋ تىلگە تيەك ەتىلدى. مۇشە قۇربانقۇل كاماس بىلاي دەپ تانىستىردى: تاشقورعان حونچيراپ اۋەجايىندا تۇڭعىش رەت ۇشاق ٴساتتى قاتىناپ، تاشقورعان تاجىك اۆتونوميالى اۋدانىنىڭ اۋە ارناسىن كەڭەيتتى، سونداي ـ اق جەرگىلىكتى ورىننىڭ ەكونوميكالىق، قوعامدىق دامۋىنا اۋە كوپىرىن سالدى. ”جوعارى ساپالى جول تورى قۇرىلىسى ارقىلى جوعارى ساپالى دامۋعا دەم بەرۋ ٴۇشىن، بيىل مەن مەملەكەت تاس جولى 314 ـ لەنياسىنىڭ قاشقاردان تاشقورعان حونچيراپ جول بولىگىنىڭ ساپاسىن جوعارىلاتۋ، جاڭالاۋ جونىندەگى ۇسىنىس جوبانى تاپسىرامىن“، ـ دەدى ول.
ٴماجىلىس زالىندا وتىرعان ادامداردىڭ اراسىندا تاعى كەيبىر جاڭا بەينەلەر بار. ٴبىر ٴبولىم شەتەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ ۋاكىلدەرى، شەتەلدەگى چياۋباۋ جانە شياڭگاڭدىق، اۋمىندىق قايراتكەرلەر، ت. ب ۇسىنىس بويىنشا اشىلۋ ماجىلىسىنە قاتىناستى، كوپتەگەن شەتەل مەديالارى مەن شياڭگاڭ، اۋمىن مەديالارىنىڭ تىلشىلەرى ٴماجىلىستى حابارلاۋعا قاتىناستى.
ولاردىڭ كەلۋى شينجياڭنىڭ اشىلعان ەسىگىنىڭ بارعان سايىن ايقارا اشىلعاندىعىن، سەنىمىنىڭ بارعان سايىن نىعايعاندىعىن، دامۋ بولاشاعىنىڭ بارعان سايىن جاقسارعاندىعىن بەينەلەدى.
”وسى رەتكى ماجىلىستە مەنىڭ ەڭ كوڭىل بولەتىن ماسەلەم قايتكەندە مادەنيەت ارقىلى كوپىر سالىپ، ەكونوميكانى جانداندىرىپ، ’ٴبىر بەلدەۋ، ٴبىر جولدى‘ بىرگە قۇراتىن ەلدەردىڭ سەلبەسىپ تەڭ يگىلىككە كەنەلۋىن جەبەۋ“، ـ دەدى وزبەكستاندىق حۋاچياۋ ٴماريا عوپۇر.
اشىلۋ ٴماجىلىسى اياقتاعاننان كەيىن، كوپشىلىك جيىن زالىنان شىقتى. ٴاربىر ادامنىڭ جۇزىنەن تاسقىنداعان كوڭىل كۇي ٴبىلىنىپ، سەنىمنىڭ جايدارى لەبى ەسىپ تۇرعان ەدى، ولار قىسقى كۇن شۋاعىندا جاڭا نىساناعا قاراي ۇدەرە العا تارتتى.
