اۆتونوميالى رايوندىق ساياسي كەڭەس مۇشەلەرى تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتى جونىندەگى باياندامانى گرۋپپالارعا ٴبولىنىپ قارادى
تىنباي كۇرەس جاساپ، كورىكتى شينجياڭدى اناعۇرلىم ويداعىداي قۇرامىز
انار بۇلت \ شينجياڭ گازەتىنىڭ تىلشىلەرى
1 ـ ايدىڭ 29 ـ كۇنى تۇستەن كەيىن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنە قاتىناسقان مۇشەلەر وزدەرى تۇرعان گرۋپپادا اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى مۇقيات قارادى، اۆتونوميالى رايوندىق ساياسي كەڭەستىڭ 2024 ـ جىلعى كەڭەس جوسپارىمەن ۇشتاستىرا وتىرىپ ساياسي كەڭەس قىزمەتىن تالقىلادى، سونداي ـ اق سالالار قويعان ۇسىنىس جوباسى جونىندە تالقى ورىستەتىپ، پىكىر اۋىستىردى.
قاراۋ بارىسىندا مۇشەلەر وسكەلەڭ ساياسي جاۋاپكەرشىلىك سەزىممەن جانە تاسقىنداعان مىندەت اتقارۋ ىنتاسىمەن اقتارىلا سويلەپ، اركىم ٴوز كوزقاراسىن ايتىپ، الاڭ دۋماندى رايعا بولەندى.
كوپشىلىك ٴبىر اۋىزدان بىلاي دەپ قارادى: باياندامانىڭ مازمۇنى باي، ٴتۇيىنى كورنەكتى بولىپ، باستان ـ اياق شي جينپيڭ جاڭا ٴداۋىر جۇڭگوشا سوتسياليزم يدەياسىمەن ساباقتاسىپ، اۆتونوميالى رايوندىق ساياسي كەڭەستىڭ ”ەكىنى تۇراقتاندىرۋدى“ باتىل قولدايتىن، ”ەكىنى قورعاۋدى“ تاباندىلىقپەن ورىندايتىن يدەيالىق سانالىلىعىن، ساياسي سانالىلىعىن، ارەكەت سانالىلىعىن ايگىلەپ، اۆتونوميالى رايوندىق ساياسي كەڭەستىڭ وتكەن ٴبىر جىلدان بەرى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ٴىسىن كەڭەسۋ سياقتى جاقتارداعى تىڭعىلىقتى قىزمەتىن ايگىلەپ، بيىلعى قىزمەت مىندەتىن ايقىن ورنالاستىردى، تۋى ايقىن، شىندىقتى ٴىس جۇزىنەن ىزدەگەن، ىنتىماقتاسا ۇمتىلۋعا جىگەرلەندىرگەن تاماشا بايانداما بولدى. الداعى جەردە تىنباي كۇرەس جاساپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە، كورىكتى شينجياڭدى اناعۇرلىم ويداعىداي قۇرۋعا تىڭ دا زور ۇلەس قوسامىز.
”تۇراقتى كوميتەتتىڭ قىزمەت بايانداماسى وبيەكتيۆ، جان ـ جاقتى بولىپ، جۇرت جۇرەگىن جەلپىندىرىپ، ساياسي كەڭەستىڭ وزەكتى ارقاۋ ەتىپ كەلەلى جاعدايعا قىزمەت وتەۋ جاۋاپكەرشىلىگىن ارقالاعاندىعىن ايگىلەپ، ٴبىزدىڭ كەزەكتەگى جانە مۇنان بىلايعى قىزمەتتەردى ويداعىداي ىستەۋىمىزگە العا باسۋ بەتالىسىن ايقىن كورسەتتى“. مۇشە ٴنابيجان يبىرايىم بىلاي دەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە، ٴسوز جوق، تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، وزەكتى ارقاۋ ەتىپ كەلەلى جاعدايعا قىزمەت وتەۋدى قىزمەتتىڭ نەگىزگى جەلىسى ەتۋگە تاباندى بولىپ، يدەيا ـ ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا اقىل ـ پاراسات جانە كۇش ـ قۋات ارناۋىمىز كەرەك.
”تۇراقتى كوميتەتتىڭ قىزمەت بايانداماسىنىڭ ەرەكشەلىگى ايقىن، ناتيجەسى كورنەكتى بولىپ، جۇرتتى جىگەرلەندىردى“. مۇشە شياۋ ۋىنجياۋ بىلاي دەدى: تۇراقتى كوميتەت قىزمەت بايانداماسىنىڭ تالابى بويىنشا، ٴوز قىزمەت ورنىمىزدى تياناق ەتىپ، جۇڭگو عىلىم اكادەمياسى شينجياڭ بولىمشەسىنىڭ رولىن ويداعىداي ساۋلەلەندىرىپ، نازاردى جىبەك جولى ەكونوميكالىق بەلدەۋى وزەكتى رايونى قۇرىلىسىنا، شينجياڭ ەركىن ساۋدا سىناق رايونى قۇرىلىسىنا شوعىرلاندىرىپ، شينجياڭنىڭ ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، مۇشەلىك فۋنكتسيانى مۇقيات اتقارىپ، بەلسەنە سىندارلى اقىل ـ كەڭەس بەرىپ، جاڭا داۋىردەگى جاڭالىق اشۋ قىزمەتىن جاقسى ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا جاڭا جاۋاپكەرشىلىك ارقالاپ، جاڭا ىسكەرلىك كورسەتەمىن.
مۇشە لي يۇيحۇڭ بىلاي دەپ قارادى: تۇراقتى كوميتەتتىڭ قىزمەت بايانداماسىنىڭ دەڭگەيى جوعارى، سۇيىسپەنشىلىككە تولى، تەرەڭدىگى بار، حالىققا ەتەنە جاقىن. جوعارى مەكتەپتە مىندەت وتەيتىن ساياسي كەڭەس مۇشەسى رەتىندە، اۆتونوميالى رايوننىڭ جوعارى ساپالى دامۋىنا قىزمەت وتەۋ بارىسىندا رولىمىزدى ساۋلەلەندىرۋىمىز كەرەك. سونىمەن بىرگە جوعارى مەكتەپتەردىڭ ەرەكشەلىگىمەن ۇشتاستىرىپ، جۇڭحۋانىڭ تاڭداۋلى ٴداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتىن، ونەركاسىپ مادەنيەتىن توعىستىرىپ، وزىندىك ەرەكشەلىككە يە مەكتەپ مادەنيەتىن قالىپتاستىرىپ، ٴار ۇلت وقۋشىلارىن جۇڭحۋا ۇلتى ورتاق تۇلعا تانىمىن بەرىك ورناتۋعا ناقتى، شىنايى، ٴونىمدى تۇردە جەتەكتەۋىمىز كەرەك.
مۇشە لۋ چىن مىنالاردى ٴبىلدىردى: تۇراقتى كوميتەتتىڭ قىزمەت بايانداماسى 2023 ـ جىلعى قىزمەتتەردى 5 جاقتان جان ـ جاقتى، وبيەكتيۆ قورىتىندىلادى، جاڭا جىلداعى قىزمەت ورنالاستىرۋىنىڭ نىساناسى ايقىن بولدى. ەمدەۋ، ٴدارى ـ دارمەك، دەنساۋلىق ساقتاۋ سالاسىنداعى ساياسي كەڭەس مۇشەسى رەتىندە، مىندەتىمدى مۇقيات اتقارىپ، جاۋاپكەرشىلىگىمدى ادا ەتىپ، قازىرگى كەزەڭدەگى شينجياڭنىڭ ەمدەۋ ـ دەنساۋلىق ساقتاۋ ىستەرىنىڭ دامۋىندا ورىن تەۋىپ وتىرعان ماسەلەلەردى ىشكەرىلەي اڭىس ەتىپ، عىلىم ـ تەحنيكادا جاڭالىق اشۋ، نەگىزگى ساتىنىڭ ەمدەۋ ـ دەنساۋلىق ساقتاۋ قابىلەتىن جوعارىلاتۋ، دارىندىلاردى باۋلۋ، ٴپان قۇرىلىسى، وقۋ ـ اعارتۋ، وقىتۋ سياقتى جاقتاردا شىنايى اتقارۋعا بولاتىن پىكىر ـ ۇسىنىستاردى ورتاعا قويىپ، شينجياڭنىڭ ەمدەۋ ىستەرىنىڭ دامۋىنا كۇش قوسامىن.
”ەندى عانا وتكەن ٴبىر جىلدا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭنىڭ رەفورما، دامۋ، ورنىقتىلىق ىستەرىندە تىڭ ىلگەرىلەۋشىلىكتەرگە قول جەتتى، بۇل ناتيجەلەر وڭاي ـ وسپاق كەلگەن جوق“. مۇشە يوۋ جياڭبين مىنالاردى ٴبىلدىردى: جاڭا جىلدا ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ٴىسىن كەڭەسۋ دەڭگەيىن اناعۇرلىم جوعارىلاتىپ، جۇڭگو دەموكراتيالىق وداعىنىڭ اقىل ـ پاراسات باسىمدىعىن بەلسەنە ساۋلەلەندىرىپ، نازاردى باستان ـ اياق جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرا وتىرىپ قىزمەت مىندەتىمدى وتەپ، جاۋاپكەرشىلىگىمدى ادا ەتەمىن.
مۇشە ايزۇلپار ٴمامتىمىن حوتان ايماقتىق توعىسپالى مەديا ورتالىعىنىڭ ديكتورى، ناقتى بايانداما ونىڭ بۇدان كەيىنگى مىندەتىن وتەۋىنە ايقىن باعدار كورسەتتى، ”مەن ۇگىت قىزمەتىن ۇزدىكسىز ويداعىداي ىستەپ، نەگىزگى ساتىعا ىشكەرىلەي بارىپ، حالىقتىڭ جاعدايىن ۇعىسىپ، نەگىزگى ساتىداعى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋگە كوبىرەك سىندارلى پىكىر ـ ۇسىنىس بەرەمىن“، ـ دەدى ول.
(ٴتىلشى جاڭ يۇنمەي، قاتىناسقان تىلشىلەر شيە حۇيبيان، جيا چۇنشيا، سۋ لۋپيڭ، ميھىرگۇل عوپۇر، گۋان مىڭيىڭ)
