8 مۇشە اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىندە ءسوز سويلەدى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە اقىل ـ كەڭەس بەردى
انار بۇلت\شينجياڭ گازەتىنىڭ تىلشىلەرى لي ياڭ، جاڭ يۇنمەي 1 ـ ايدىڭ 29 ـ كۇنى ۇرىمجىدەن حابارلايدى. 1 ـ ايدىڭ 29 ـ كۇنى اۆتونوميالى رايوندىق ساياسي كەڭەستىڭ 8 مۇشەسى اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىندە ٴسوز سويلەدى. مۇشەلەر مادەنيەت پەن ساياحاتتى توعىستىرۋ ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ، شينجياڭ مال شارۋاشىلىعىنىڭ ساپالى تۇقىم بايلىعى باسىمدىعىن ساۋلەلەندىرۋ، شينجياڭ ەرەكشەلىگىنە يە جۇڭي دارىگەرلىگى كاسىپ سالاسىنىڭ جوعارى ساپالى دامۋىن ىلگەرىلەتۋ، سورتاڭ جەرلەردى كەشەندى وزگەرتىپ پايدالانۋدى جەبەۋ، شينجياڭدا ٴىسلام ٴدىنىن جۇڭگوشالاندىرۋدى ىلگەرىلەتۋ، شارۋاشىلىق ـ ساۋدا ورتاسىن ساپالىلاندىرۋ، سۋ ۇنەمدەۋ، سۋ ساقتاۋ، سۋ جەتكىزۋ، سۋ مولايتۋ قىزمەتىن ٴبىر تۇتاس جوسپارلاپ ويداعىداي ىستەۋ، جۇڭگو (شينجياڭ) ەركىن ساۋدا سىناق رايونى قۇرىلىسىن جەدەلدەتۋ سياقتى جاقتاردى ارقاۋ ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە، كورىكتى شينجياڭدى اناعۇرلىم ويداعىداي قۇرۋعا اقىل ـ كەڭەس بەردى.
مۇشە مۇيەسسەر توحتى مىناداي ۇسىنىس بەردى: جۇڭحۋا ۇلتى ورتاق تۇلعا تانىمىن بەرىك ورناتۋدى شينجياڭ ساياحاتىنىڭ جوعارى ساپالى دامۋىنىڭ جالپى بارىسىمەن توعىستىرىپ، تاڭداۋلى مادەنيەت ـ ساياحات ونىمدەرىن جاراتىپ، ”ٴبىر بەلدەۋ، ٴبىر جول“ ساياحات سەلبەستىگىن تەرەڭدەتىپ، ساياحات كاسىبىنىڭ وسىزاماندانۋ، زەردەلىلەنۋ، سيفرلانۋ دەڭگەيىن جوعارىلاتىپ، مادەنيەت پەن ساياحاتتى توعىستىرۋ ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك.
مۇشە ليۋ ۋجۇن مىنالاردى العا قويدى: عىلىم ـ تەحنيكادا جاڭالىق اشۋ ارقىلى مال شارۋاشىلىعى تۇقىم كاسىبىندەگى تەحنيكالىق قيىن ماسەلەلەردى شەشىپ، جاڭاشا ساپالى تۇقىم جەتىلدىرۋ جۇيەسىن ورناتىپ، وسىزاماندانعان ساپالى تۇقىم جەتىلدىرۋدەگى باستاماشى كاسىپورىنداردى قۇرىپ، شينجياڭنىڭ مال شارۋاشىلىعىنىڭ ساپالى تۇقىم بايلىعى باسىمدىعىن كاسىپ سالاسىنىڭ دامۋ باسىمدىعىنا اينالدىرۋ كەرەك.
مۇشە ٴميرا قاۋان مىناداي ۇسىنىس بەردى: تۇتاس كاسىپ سالاسى تىزبەگىندەگى ەرەكشەلىككە يە جۇڭي دارىگەرلىگى كاسىپ سالاسى جۇيەسىن ورناتىپ، ٴبىر توپ جوعارى ولشەمدى ەرەكشە جۇڭي ٴدارى ماتەريالدارىنىڭ ساپالى تۇقىمىن جەتىلدىرۋ بازاسىن جانە ەگىمشىلىكتەن ۇلگى كورسەتۋ بازاسىن ٴتۇيىندى تۇردە قۇرىپ، ساياساتتىق سۇيەمەلدەۋ سەرپىنىن ارتتىرىپ، دارىندىلار تىرەگىن كۇشەيتىپ، ەرەكشە ماركا جاراتىپ، شينجياڭ ەرەكشەلىگىنە يە جۇڭي دارىگەرلىگى كاسىپ سالاسىنىڭ جوعارى ساپالى دامۋىن جەبەۋ كەرەك.
مۇشە جياڭ پيڭ ـ ان سورتاڭ جەرلەردى كەشەندى جونگە سالۋ ٴتۇزىلىس ـ مەحانيزمىن ونان ارى كەمەلدەندىرىپ، سورتاڭ جەرلەردى جونگە سالۋ تەحنيكاسىن زەرتتەۋدى، جالپىلاستىرۋدى كۇشەيتىپ، سورتاڭ جەر ەرەكشە كاسىپ سالاسىن اشۋدى جانە ودان پايدالانۋدى جەبەپ، اۋىل شارۋاشىلىعىنىڭ جالپىلىق ٴوندىرىس قۋاتىن جوعارىلاتۋدى العا قويدى.
مۇشە ابدۋالي ابلەميت مىناداي ۇسىنىس بەردى: ٴدىن سالاسىنداعىلاردىڭ شينجياڭدا ٴىسلام ٴدىنىن جۇڭگوشالاندىرۋدى ىلگەرىلەتۋدەگى تۇلعالىق رولىن شىنايى ساۋلەلەندىرىپ، سوتسياليستىك وزەكتى قۇن كوزقاراسىن باستاماشىلدىقپەن امالياتتا ايگىلەپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
مۇشە حان جيانگاڭ مىناداي ۇسىنىس بەردى: ٴادىل، تۋراشىل بازار اينالىمى مەحانيزمىن اقاۋسىزداندىرىپ، ”جۇمىس بولماسا مازالاماۋ“ سىندى باقىلاۋ ـ باسقارۋ، تەكسەرۋ ٴتۇزىمىن اتقارىپ، اكىمشىلىك قىزمەت وتەۋدى ساپالىلاندىرىپ، ساياساتتىق سۇيەمەلدەۋدى كۇشەيتىپ، شارۋاشىلىق تۇلعالارىنىڭ ومىرشەڭدىك كۇشىن ٴونىمدى قاۋلاتۋ كەرەك.
مۇشە باي يۇنگاڭ مىناداي ۇسىنىس بەردى: شينجياڭنىڭ سۋ تورىن جەدەل قۇرىپ، سۋ بايلىعىن زاپاس ساقتاۋ، ۇلەستىرۋ، سۋ ساقتاۋ ارقىلى رەتتەۋ قابىلەتىن ۇزدىكسىز جوعارىلاتىپ، سۋ بايلىعىنان پايدالانۋ ونىمدىلىگىن مۇمكىندىكتىڭ بارىنشا جوعارىلاتىپ، وسىزاماندانعان سۋ ۇنەمدەۋ، سۋ تىزگىندەۋ ۇلگىسىن قالىپتاستىرىپ، جوعارى ساپالى دامۋدى سۋ تىرەگىمەن قامتاماسىز ەتۋ كەرەك.
مۇشە ما حۋادۇڭ جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى اتىنان مىناداي ۇسىنىس بەردى: شينجياڭ ەركىن ساۋدا سىناق رايونىن باسقارۋ ٴتۇزىلىسىن اقاۋسىزداندىرىپ، ”ٴبىر پورتتىڭ“ دەڭگەيىن ٴوسىرىپ، دارەجەسىن جوعارىلاتۋدى جەبەپ، ”ەكى رايوننىڭ“ جوعارى ساپالى دامۋىن جەدەلدەتىپ، شەكارا وتكەلى ەكونوميكالىق بەلدەۋىنىڭ بىرلەسىپ قيمىلداپ دامۋىن ىلگەرىلەتىپ، سىرتقا باعىتتالعان ەكونوميكانىڭ كولەمىن كەڭەيتىپ، ساپاسىن جوعارىلاتۋدى ىلگەرىلەتۋ كەرەك.
