ٴزۇمىرات وبۇل بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
ٴتۇرلى قىزمەتتەردى اناعۇرلىم كۇشتى جاۋاپكەرشىلىك سەزىممەن، بورىشتىلىق سەزىممەن كۇش سالا ويداعىداي ىستەۋ كەرەك
انار بۇلت \ شينجياڭ گازەتىنىڭ ٴتىلشىسى كاڭ حاۋيان 1 ـ ايدىڭ 30 ـ كۇنى ۇرىمجىدەن حابارلايدى. 1 ـ ايدىڭ 30 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندەگى بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ٴتۇرلى قىزمەتتەردى اناعۇرلىم كۇشتى جاۋاپكەرشىلىك سەزىممەن، بورىشتىلىق سەزىممەن كۇش سالا ويداعىداي ىستەۋ كەرەك، ـ دەپ اتاپ كورسەتتى.
ۋاكىلدەردىڭ ٴسوزىن مۇقيات تىڭداعاننان كەيىن ٴزۇمىرات وبۇل بىلاي دەدى: ۇكىمەت قىزمەتىنەن باياندامانىڭ ساياسي دەڭگەيى جوعارى، كەلەلى جاعداي كوزقاراسى كۇشتى، قىزمەت شارالارى ناقتى، حالىق تۇرمىسى بوياۋى قانىق بولىپ، اۆتونوميالى رايوندىق حالىق ۇكىمەتىنىڭ ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ باتىل ورىنداۋ يدەيالىق سانالىلىعى، ساياسي سانالىلىعى، ارەكەت سانالىلىعى تولىق ايگىلەنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدەگى بەرىك سەنىمى مەن بەكىمى تولىق بەينەلەنگەن، بۇل جۇڭگو ۇلگىسىندەگى وسىزامانداندىرۋدىڭ شينجياڭ امالياتى مەن جوعارى ساپالى دامۋدى ىلگەرىلەتۋ تالابىنا ۇيلەسەتىن، بۇكىل رايونىمىزداعى ٴار ۇلت حالىق بۇقاراسىنىڭ تاماشا تۇرمىس جونىندەگى تىلەگىنە ۇيلەسەتىن جاقسى بايانداما، مەن بۇكىلدەي قۇپتايمىن.
ٴزۇمىرات وبۇل بىلاي دەپ اتاپ كورسەتتى: وتكەن ٴبىر جىلدا اۆتونوميالى رايوندىق حالىق ۇكىمەتى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنان كوز جازباي، پارتيا 20 ـ قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن مۇقيات دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ٴماجىلىسىنىڭ رۋحىن جاپپاي تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى مىقتاپ ارقاۋ ەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى بار كۇشپەن ويداعىداي ىستەپ، قوعامدىق كەلەلى جاعداي ورنىقتى، ەكونوميكا ورنىقتى اقاۋسىز دامىعان، حالىق تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى جۇزەگە اسىردى.
ٴزۇمىرات وبۇل بىلاي دەپ باسا دارىپتەدى: 2024 ـ جىلى _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى ٴارى ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى ٴبىر جىل. 2024 ـ جىلعى قىزمەتتەردى ويداعىداي ىستەۋدىڭ ماڭىزى زور. شينجياڭ قىزمەتى كوپتەگەن ٴتيىمدى فاكتورلار مەن ورايلارعا ٴدوپ كەلىپ وتىر، جاڭا دامۋ كەزەڭىندە دە تىڭ قيىنشىلىقتار مەن سايىستار جارىققا شىعادى، ۇزدىكسىز جاڭا ماسەلەلەردى زەرتتەۋ، جاڭا ماسەلەلەردى شەشۋ كەرەك. بۇراتالا وبلىسى مەملەكەتتىڭ ەنەرگيا بايلىعىنىڭ ستراتەگيالىق ارناسى، جاعراپيالىق ورنى جاقسى، بايلىعى مول، دامۋ بولاشاعى كەڭ. مەملەكەت ەنەرگيا بايلىعىنىڭ، حالىقارالىق ساۋدا حاۋىپسىزدىگىن ىركىلىسسىزدەندىرۋدىڭ باتىسقا ەسىك اشۋداعى الدىڭعى شەبىن تۇلعالاۋدى كوزدەپ، ورايدى مىقتى يگەرىپ، جوعارى ساپالى دامۋدى ىلگەرىلەتۋگە ۇزدىكسىز كۇش سالۋ كەرەك. شەكارا وتكەلى قۇرىلىسىن جەتەكشى ەتىپ، سىرتقا باعىتتالعان ەكونوميكانى زورايتۋ، كۇشەيتۋ؛ ەرەكشەلىككە يە كاسىپ سالالارىن قوزعاۋشى كۇش ەتىپ، وسى زامانعى كاسىپ جۇيەسى قۇرىلىسىن ىلگەرىلەتۋ؛ ساياحات ماركاسىن اشۋدى تانىسقى ەتىپ، كۇتىنۋ ساياحاتىنىڭ سارا ونىمدەرىن جاراتۋ؛ جاسىل دامۋدى ىلگەرىلەتۋدى قوزعاۋشى كۇش ەتىپ، ەكولوگياسى تاماشا، كوركەم، جاڭا بۇراتالا وبلىسىن قالىپتاستىرۋ كەرەك.
