نۇرلان ٴابىلماجىن ٴۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
كورىكتى شينجياڭدى اناعۇرلىم ويداعىداي قۇرۋعا ورتالىق قالا ۇلەسىن قوسۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يۇنمەي 1 ـ ايدىڭ 30 ـ كۇنى ۇرىمجىدەن حابارلايدى. 1 ـ ايدىڭ 30 ـ كۇنى تۇستەن كەيىن اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندەگى ٴۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناستى.
نۇرلان ٴابىلماجىن بىلاي دەپ قارادى: ۇكىمەت قىزمەتىنەن باياندامادا شي جينپيڭ جاڭا ٴداۋىر جۇڭگوشا سوتسياليزم يدەياسى جانە پارتيا 20 ـ قۇرىلتايىنىڭ رۋحى باستان ـ اياق ساباقتاستىرىلعان، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرگەن، اۆتونوميالى رايوندىق پارتكومنىڭ ەڭ جاڭا ورنالاستىرۋلارىن، تالاپتارىن جانە 10 ـ كەزەكتى پارتكومنىڭ ٴار رەتكى جالپى ماجىلىستەرىنىڭ رۋحىن ايگىلەگەن، ساياسي دەڭگەيى جوعارى، قىزمەتتەردى ناقتى قورىتىندىلاعان، زاڭدىلىق جونىندەگى اسەرى تەرەڭ، جەتەكشىلىك ٴمانى كۇشتى، ٴارى تاتىمدى، جىگەر بەرەتىن ناتيجە كورسەتكىشى، ٴارى بورىشتى باتىلدىقپەن ارقالايتىن جاۋاپكەرلىك حاتى. مەن باياندامانى بۇكىلدەي قۇپتايمىن.
نۇرلان ٴابىلماجىن بىلاي دەپ اتاپ كورسەتتى: وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم ٴار ۇلت كادرلارى مەن بۇقاراسىن ىنتىماقتاستىرىپ جانە باستاپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نەگىزگى تاقىرىپتىق تاربيەنى تىڭعىلىقتى ورىستەتىپ، ٴبىر قىدىرۋ ناقتى شارالاردى قولدانىپ، ەكونوميكالىق، قوعامدىق دامۋدى ىلگەرىلەتۋدە تىڭ ىلگەرىلەۋشىلىككە، تىڭ تابىسقا قول جەتكىزدى. وتكەن ٴبىر جىلدا ٴۇرىمجى قالاسى وڭايلىقپەن كەلمەيتىن ناتيجەلەرگە قول جەتكىزدى. بيىل ورتالىق قالا رەتىندە، ٴۇرىمجى ٴوز ـ وزىنە قىسىم ٴتۇسىرىپ، جاۋاپكەرشىلىكتى باتىلدىقپەن ارقالاۋى، ونان دا ماڭىزدىسى، بۇكىل شينجياڭ بويىنشا الدىڭعى لەكتە ٴجۇرۋى، جاقسى ونەگە كورسەتۋى كەرەك.
نۇرلان ٴابىلماجىن بىلاي دەپ باسا دارىپتەدى: ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، دەڭگەيدى جوعارىلاتۋدا باستان ـ اياق دايەكتىلىكتى ساقتاپ، اناعۇرلىم جاقسى ىستەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاۋ؛ شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، زەيىن ـ زەردەنى ۇيىستىرىپ، رۋحتى سومداۋدا باستان ـ اياق دايەكتىلىكتى ساقتاپ، اناعۇرلىم جاقسى ىستەپ، نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ، كەڭەيتىپ، ”التىعا، ٴسوز جوق، تاباندى بولۋ“ سىندى تۇرعى، كوزقاراس، ٴادىستى قولدانىپ، وي ـ سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ؛ بىرەۋى ارقىلى ٴبارىن اتتانىسقا كەلتىرەتىن شەشۋشى ماسەلەلەردى مىقتى يگەرىپ، ىشكەرىلەي تەكسەرۋ ـ زەرتتەۋ جۇرگىزىپ، قيىن ماسەلەلەردى شەشۋدە باستان ـ اياق دايەكتىلىكتى ساقتاپ، اناعۇرلىم جاقسى ىستەپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ؛ قوعام ورنىقتىلىعىن ۇزدىكسىز بەكەمدەپ، جۇڭحۋا ۇلتى ورتاق تۇلعا تانىمىن بەرىك ورناتۋ، ەكونوميكانىڭ جوعارى ساپالى دامۋى، كورىكتى ٴۇرىمجى قۇرىلىسى سياقتى جەتىستىكتەردى ۇزدىكسىز بەكەمدەپ، كەلەلى جاعدايعا قىزمەت وتەۋدە باستان ـ اياق دايەكتىلىكتى ساقتاپ، اناعۇرلىم جاقسى ىستەپ، كورىكتى شينجياڭ قۇرۋ بارىسىندا ورتالىق قالانىڭ ۇلگىلىك، جەتەكشىلىك رولىن اناعۇرلىم ويداعىداي ساۋلەلەندىرۋ؛ جاڭا داۋىردەگى پارتيا قۇرىلىسىنىڭ باس تالابىن ويداعىداي تياناقتاندىرىپ، ستيلدى شىڭاۋدا باستان ـ اياق دايەكتىلىكتى ساقتاپ، اناعۇرلىم جاقسى ىستەپ، ٴار ۇلت بۇقاراسىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، جاڭا ساپاردا كورىكتى شينجياڭدى اناعۇرلىم ويداعىداي قۇرۋعا ورتالىق قالا ۇلەسىن قوسۋ كەرەك.
