_ اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ اشىلۋىنان ەستەلىك
□ انار بۇلت \ شينجياڭ گازەتىنىڭ ٴتىلشىسى ليۋ شياڭ
قاقاعان قىس تا اياقتايدى، قىس سۋىق بولسا دا كوكتەمگە تالپىنساق جىلۋلىقتى سەزىنە الامىز.
1 ـ ايدىڭ 30 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ٴماجىلىسى اشىلدى. بۇكىل رايونىمىزداعى ٴار ۇلت حالقىنىڭ ماڭىزدى تاپسىرماسىن ارقالاپ، تيانشان الابىنداعى ٴار سالا، ٴار كاسىپتەن كەلگەن اۆتونوميالى رايوندىق حالىق قۇرىلتايى ۋاكىلدەرى ”حالىق ٴۇنىن“ الىپ، ”حالىق تىلەگىن“ ارقالاپ، شينجياڭ حالىق سارايىندا باس قوسىپ، دامۋ ۇلى ٴىسىن بىرگە جوسپارلاپ، ەكپىندەي ىلگەرىلەۋدىڭ جاڭا تاراۋىن بىرگە جازدى.
ٴماجىلىس زالى ايبىندى دا دۋماندى بەينەگە شومدى. ٴتوراعالار مىنبەسىندەگى پەردەنىڭ ورتاسىندا مەملەكەت گەربى شۇعىلا شاشىپ، نارت قىزىل تۋلار كوز تارتتى. ساعات 10نان 30 مينۋت مولشەرىندە جينالىس ايبىندى مەملەكەت انىمەن باستالدى.
اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.
قۇلاققا جاعىمدى ٴۇن مەن ٴسوز ـ سويلەمدەر جۇرەككە ۇيالادى. ۋاكىلدەر بار زەيىنىن سالىپ، دەن قويا تىڭداپ، ەستەلىك الىپ، نەگىزگى زاڭ مەن زاڭداردا جۇكتەلگەن قاسيەتتى بورىشتارىن مۇقيات اتقاردى.
”تۇتاس رايونىمىزدىڭ وڭىرلىك ٴوندىرىس جالپى قۇنى %6.8 ارتتى، كولەمنەن جوعارى ونەركاسىپتىڭ ارتقان قۇنى %6.4 ارتتى، ادەتتەگى الەۋمەتتىك مەجە ەسەپ كىرىسى %15.3 ارتتى، تۇراقتى مۇلىككە قوسىلعان قارجى %12.4 ارتتى...“ 2023 ـ جىلى شينجياڭنىڭ باسىم كوپ ساندى ەكونوميكالىق كورسەتكىشتەرىنىڭ ارتۋ جىلدامدىعى بۇكىل ەل بويىنشا الدىڭعى قاتاردا تۇردى، بۇل سوڭعى جىلداردان بەرگى ەكونوميكالىق، قوعامدىق دامۋدىڭ ساپاسى مەن ونىمدىلىگى ەڭ جاقسى ٴبىر جىل بولدى.
ٴتۇرلى كورسەتكىشتەر، سان ـ سيفرلار تىكە تاراتۋ سيگنالى ارقىلى سان مىڭداعان وتباسىلارىنا جەتىپ، دۇنيەنىڭ جەر ـ جەرىنە تارالىپ، سانسىز ادامنىڭ شينجياڭداعى كادرلار مەن بۇقارانىڭ يدەيانى ازات ەتىپ، قايراتتانا العا ۇمتىلىپ، سەنىمدى بەكەمدەپ، ەرلىكپەن العا باسقان كۇرەس بارىسىنا بىرگە كۋا بولىپ، شينجياڭنىڭ اناعۇرلىم اشىق، سەنىمدى شىت جاڭا وبرازىن ٴوز كوزىمەن كورۋىنە مۇمكىندىك جاسادى.
”وتكەن ٴبىر جىلدا شينجياڭنىڭ كەلەلى ساياساتتارى اسقاق ارىنمەن اتقارىلىپ، تياناقتانىپ، ونىمدىلىك كورسەتتى، حالىق تۇرمىسىنداعى ناقتى ىستەر حالىق بۇقاراسىنىڭ باقىت سەزىمىن ۇزدىكسىز جوعارىلاتتى، دامۋ وزگەرىستەرى ٴبىزدىڭ بولاشاققا سەنىمىمىزدى ونان ارى كۇشەيتتى“. اۆتونوميالى رايوندىق حالىق قۇرىلتايىنىڭ ۋاكىلى احات ۇسەيىن بىلاي دەپ قارادى: باياندامانىڭ ٴاربىر ٴسوزى حالىق تۇرمىسىن بارىنشا ايگىلەدى، بارلىق جەردەن باقىت مەن مۇندالايدى، ۇكىمەتتىڭ حالىقتىڭ اسىققانىنا اسىعىپ، حالىقتىڭ ويلاعانىن ويلاپ، حالىقتىڭ تىلەگەنىن تىلەگەندىگىن تەرەڭ سەزىندىم. نەگىزگى ساتى حالىق قۇرىلتايىنىڭ ۋاكىلى رەتىندە، ەكى ٴماجىلىستىڭ رۋحىن قىزمەت امالياتىممەن توعىستىرىپ، بۇقارانىڭ جاقسى ”جارشىسى“ بولىپ، حالىق ٴۇشىن ”كوڭىلدەن شىعاتىن ىستەردى“ ويداعىداي ىستەيمىن.
2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. رەفورما، دامۋ، ورنىقتىلىق ىستەرىنىڭ جاپالى دا اۋىر مىندەتتەرى الدىندا قالاي ىستەۋ كەرەك؟
_ اۋىل شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ؛
_ نازاردى ”8 ٴىرى كاسىپ سالاسى شوعىرىنا“ شوعىرلاندىرىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن بەلسەنە قۇرۋ؛
_ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جوعارى ساپالى دامۋعا عىلىم ـ تەحنيكا، وقۋ ـ اعارتۋ، دارىندىلار تىرەگىن ازىرلەۋ؛
_ قىزمەت وتەۋ كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى كۇش سالا جەبەپ، تۇتىنۋدىڭ جاڭا كاسىپ كۇيى مەن ارتۋ ٴتۇيىنىن جەتىلدىرۋ؛
...
ۇكىمەت قىزمەتىنەن بايانداماداعى كىندىك سوزدەردەن ماجىلىسكە قاتىناسقان ۋاكىلدەر بيىلعى كۇرەس نىساناسىن، قۇلشىنۋ بەتالىسىن، جۇزەگە اسىرۋ جولىن كوردى.
”مەنىڭ ەڭ كوڭىل بولەتىن تاقىرىبىم _ اۋىل ـ قىستاقتى گۇلدەندىرۋ، شارۋالاردىڭ كىرىسىن ارتتىرۋ جانە اۋىل ـ قىستاق قۇرىلىسى“. اۆتونوميالى رايوندىق حالىق قۇرىلتايىنىڭ ۋاكىلى ٴىليار ٴانۋار _ قىستاق كادرى، ول بىلاي دەدى: ”بايانداماداعى اۋىل شارۋاشىلىعى، اۋىل ـ قىستاق قىزمەتى جونىندەگى ورنالاستىرۋ ادامدى جەلپىندىرەدى، بيىل ٴبىز اناعۇرلىم كوپ كاسىپ سالاسى نىساندارىنا بەلسەنە قول جەتكىزىپ، قىستاقتىڭ كوللەكتيۆ شارۋاشىلىعىن ونان ارى زورايتىپ، ’قان جاساۋ‘ يقۋاتىمىزدى جوعارىلاتامىز“.
باياندامادا مىنالار العا قويىلدى: وقۋ ـ اعارتۋدا قۋاتتى رايون قۇرۋدى جەدەل ىلگەرىلەتۋدىڭ 3 جىلدىق ارەكەت جوباسىن جاپپاي تياناقتاندىرىپ، جوعارى ساپالى وقۋ ـ اعارتۋ جۇيەسى قۇرىلىسىن كۇشەيتىپ، وقۋ ـ اعارتۋدىڭ جوعارى ساپالى دامۋعا تىرەك بولۋ قۋاتى مەن ۇلەس قوسۋ دەڭگەيىن جوعارىلاتۋ كەرەك. اۆتونوميالى رايوندىق حالىق قۇرىلتايىنىڭ ۋاكىلى ليۋ حۇڭشيان ٴوزى تۇرعان جۇڭگو مۇناي داشۋەسى (بەيجيڭ) قارامايلى مەكتەپ رايونى مۇناي شۋەيۋانىنىڭ شينجياڭنىڭ ”8 ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ٴبىر توپ جاڭاشىل دارىندىلاردى جەدەل جەتىلدىرىپ، كاسىپ سالاسىنىڭ جوعارى ساپالى دامۋىن ىلگەرىلەتۋگە دارىندىلار ارقىلى قۋات ۇستەيتىندىگىن ٴبىلدىردى.
”كۇش ىنتىماقتان كەلەدى، ىسكەرلىك شۇعىلالى ناتيجە جاراتادى“. بايانداماداعى وسى ٴسوز اۆتونوميالى رايوندىق حالىق قۇرىلتايىنىڭ ۋاكىلى ياڭ لەيياعا زور شابىت بەردى. ”جوعارى ساپالى دامۋ ناقتى ىستەۋدى قاجەت ەتەدى. تەك ٴاربىر ادام ٴوز قىزمەت ورنىندا قۇلشىنا ىستەپ، ىسكەرلىك كورسەتىپ، باياندامادا العا قويىلعان كۇرەس نىساناسىن جۇزەگە اسىرۋعا بار كۇشىن سارقا جۇمساسا بولعانى، شينجياڭنىڭ بيىلعى ٴتۇرلى نىسانا ـ مىندەتتەرى، ٴسوز جوق، جۇزەگە اسادى!“
الىس ساپارعا ارشىندى قادام تاستالدى، اۋىر مىندەتتى ارقالاپ تاعى دا قامشى باسىلدى. اشىلۋ ٴماجىلىسى دۋ قول شاپالاق ٴۇنى ىشىندە اياقتادى.
بايىپتى دا بايسالدى بەينەمەن ٴماجىلىس الاڭىنان شىققان ۋاكىلدەردىڭ جىگەرى تاسقىنداي ٴتۇستى.
وسى شاقتا ٴۇرىمجى كۇننىڭ ارايلى شۋاعىنا شومىپ تۇردى. جۇڭگو ۇلگىسىندەگى وسىزامانداندىرۋدىڭ ۇلى جوباسى مەن شينجياڭداعى ٴار ۇلت حالقىنىڭ باقىت ارمانى توعىسقان ساتتە، ەكپىندەي ىلگەرىلەۋ جاڭا جورىعىنىڭ دابىل ٴۇنى بارىنشا اسقاقتادى.
