حى جۇڭيوۋ ٴۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن ۇزدىك ناتيجەلەرمەن قارسى الۋ كەرەك
انار بۇلت \ شينجياڭ گازەتىنىڭ ٴتىلشىسى گو ليڭ 1 ـ ايدىڭ 30 ـ كۇنى ۇرىمجىدەن حابارلايدى. 1 ـ ايدىڭ 30 ـ كۇنى اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندەگى ٴۇرىمجى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: باس شۋجي شي جينپيڭنىڭ شينجياڭ جونىندەگى ايرىقشا قامقورلىعى مەن سۇيىسپەنشىلىگىن تەرەڭ ٴتۇسىنىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن مىقتاپ كوزدەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ويداعىداي ىستەپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ كەرەك.
حى جۇڭيوۋ بىلاي دەپ باسا دارىپتەدى: ۇكىمەت قىزمەتىنەن بايانداما شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرگەن، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرگەن، ساياسي دەڭگەيى جوعارى، ناتيجەلەردى جان ـ جاقتى قورىتىندىلاعان، مىندەتتەردى ايقىن، ناقتى ورنالاستىرعان، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا بۇكىلدەي ۇيلەسەدى، سەنىمدى سەرپىلتەتىن، ادامدى ەكپىندەي ىلگەرىلەۋگە شابىتتاندىراتىن جاقسى بايانداما، بۇل باياندامانى بۇكىلدەي قۇپتايمىن.
حى جۇڭيوۋ بىلاي دەپ اتاپ كورسەتتى: ٴۇرىمجى شينجياڭ ۇيعۇر اۆتونوميالى رايونىنىڭ ورتالىق قالاسى رەتىندە، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا ماڭىزدى بورىش ارقالاپ وتىر. شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا تاباندى بولىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭنىڭ ٴتۇرلى قىزمەتتەرى جونىندەگى تالابىن تولىق ٴتۇسىنىپ، تولىق تياناقتاندىرىپ، ٴتۇرلى ىستەردە باستان ـ اياق باس شۋجي شي جينپيڭ نۇسقاعان بەتالىسپەن ەرلىكپەن العا باسۋعا شىنايى كەپىلدىك ەتۋ كەرەك. جۇڭگو (شينجياڭ) ەركىن ساۋدا سىناق رايونىنىڭ ٴۇرىمجى اۋماعىن جوعارى ولشەممەن، جوعارى ساپامەن جوبالاپ قۇرىپ، تۇزىمدە جاڭالىق اشۋ ارقىلى كەدەرگىلەردى بۇزىپ، جول اشۋعا تاباندى بولىپ، زاڭمەن باسقارىلاتىن، قولايلىلانعان، حالىقارالانعان ساۋدا، قارجى قوسۋ ورتاسىن قالىپتاستىرىپ، ەلىمىزدىڭ باتىسقا ەسىك اشۋداعى الدىڭعى شەبىن قالىپتاستىرۋعا ۇلەس قوسۋ كەرەك. جوعارى ساپالى دامۋدى جاڭا داۋىردەگى بۇلجىماس قاعيدا ەتىپ، اۆتونوميالى رايوننىڭ ”8 ٴىرى كاسىپ سالاسى شوعىرى“ قۇرىلىسىمەن بەلسەنە توعىسىپ، جاڭا ەنەرگيا، جاڭا ماتەريال، حيميا ونەركاسىبى سياقتى كاسىپ سالالارىن زور كۇشپەن دامىتىپ، وسى زامانعى قىزمەت وتەۋ كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، وسىزاماندانعان كاسىپ سالاسى جۇيەسىن ورناتۋ كەرەك. وسىزاماندانعان حالىقارالىق قالانى جوعارى ولشەممەن جوبالاپ قۇرىپ، ٴار ۇلت بۇقاراسىنىڭ اناعۇرلىم قولايلى، اناعۇرلىم جايلى، اناعۇرلىم تاماشا تۇرمىس كەشىرۋىنە مۇمكىندىك جاساۋ كەرەك. ”ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا “ تاباندى بولىپ، ٴتۇيىندى سالالارداعى حاۋىپ ـ قاتەرلەر مەن كومەسكى كىناراتتاردان بەلسەنە ساقتانىپ جانە ونى جويىپ، جوعارى ساپالى دامۋدىڭ حاۋىپسىزدىك قالتقىسىن بەكەمدەۋ كەرەك. حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، حالىق تۇرمىسىنا قاتىستى ناقتى ىستەردى ويداعىداي ىستەپ، قىزمەتتى بۇقارانىڭ جۇرەگىنە ۇيالاتا ىستەۋ كەرەك. دۇرىس ناتيجە كوزقاراسىن ورناتىپ جانە امالياتتا ايگىلەپ، شىنايى يگەرىپ، ناقتى ىستەپ، قامال الىپ، قيىندىقتاردى جەڭىپ، جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن ۇزدىك ناتيجەلەرمەن قارسى الۋ كەرەك.
