جاڭ جۋ التاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ كەرەك
انار بۇلت\شينجياڭ گازەتىنىڭ ٴتىلشىسى ليۋ ي 1 ـ ايدىڭ 30 ـ كۇنى ۇرىمجىدەن حابارلايدى. 1 ـ ايدىڭ 30 ـ كۇنى اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى جاڭ جۋ ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندەگى التاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: ۇكىمەت قىزمەتىنەن بايانداما ناتيجەلەردى شىندىقتى ٴىس جۇزىنەن ىزدەي وتىرىپ قورىتىندىلاعان، ماسەلەلەرگە ايقىن، ەگجەي ـ تەگجەيلى تالداۋ جاساعان، دامۋدى عىلمي، ناقتى جوسپارلاعان، ورتاعا قويىلعان نىسانالار ادامدى ەكپىندەي ىلگەرىلەۋگە شابىتتاندىرادى، بۇل تۇرعىسى بيىك، مازمۇنى باي، نەگىزگى تاقىرىبى ايقىن تاماشا بايانداما بولىپ، جاڭا ٴبىر جىلداعى قىزمەتتەردى ويداعىداي ىستەۋ جونىنەن ماڭىزدى دا تەرەڭ جەتەكشىلىك مانگە يە. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ۇكىمەت قىزمەتىنەن باياندامادا ورتاعا قويىلعان ٴتۇرلى شەشىمدەر مەن ورنالاستىرۋلاردى جانە قىزمەت ورنالاستىرۋلارىن ارقاۋ ەتىپ، مىندەت اتقارىپ، جاۋاپكەرشىلىكتى ادا ەتىپ، جاۋاپكەرشىلىك ارقالاپ، ىسكەرلىك كورسەتىپ، ٴتۇرلى قىزمەتتەردە جاڭا جاعداي اشۋدى قۇلشىنا ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ كەرەك.
جاڭ جۋ بىلاي دەپ اتاپ كورسەتتى: ۇكىمەت قىزمەتىنەن بايانداما ناتيجەلەردى تۇراقتاندىرۋ جانە ٴدوپ كەلگەن جاعدايعا ىشكەرىلەي تالداۋ جاساۋ، ونى يگەرۋ نەگىزىندە، تۇتاس رايونىمىزدىڭ بيىلعى ەكونوميكالىق، قوعامدىق دامۋىنداعى باستى مەجەلى نىسانالاردى زەرتتەپ العا قويدى ٴارى جالپى جاعدايدى كوزدە ۇستاپ، ٴبىر تۇتاس جوسپارلاپ تەڭ ٴمان بەرىپ، باسا يگەرۋگە ٴتيىستى 12 جاقتاعى ناقتى قىزمەتتى ورنالاستىردى، ”قالاي قاراۋدى“ ايقىن تۇسىندىرۋمەن بىرگە، ”قالاي ىستەۋگە“ دە جەتەكشىلىك ەتتى، بۇل بيىلعى ۇكىمەت قىزمەتىن جاقسى ىستەۋدىڭ جول كارتاسى، قۇرىلىس جۇرگىزۋ كارتاسى بولىپ، جاڭا جورىقتا شينجياڭنىڭ رەفورما، دامۋ، ورنىقتىلىق ىستەرىن ىلگەرىلەتۋگە ايقىن باعدار كورسەتىپ، يدەيانى بىرلىككە كەلتىرىپ، رۋحتى سەرپىلتىپ، كۇش ـ قۋاتتى ۇيىستىردى.
جاڭ جۋ بىلاي دەپ باسا دارىپتەدى: التاي ايماعىنىڭ كەن بايلىعى قورى مول، سۋ، توپىراق، جەل، جارىق بايلىعىنىڭ كومەسكى كۇشى اسا زور، ساياحات بايلىعى دۇنيە ٴجۇزى بويىنشا ماڭداي الدى ورىندا، جاعراپيالىق وڭىرلىك ورىن باسىمدىعى كورنەكتى، ەكونوميكالىق، قوعامدىق دامۋىنىڭ كومەسكى كۇشى اسا زور. تۋى ايقىن تۇردە ساياسيدى دارىپتەپ، ٴىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، باستان ـ اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن بۇلجىماي زەيىن ـ زەردەنى ۇيىستىرىپ، رۋحتى سومداپ، قىزمەتكە جەتەكشىلىك ەتۋ كەرەك. بايلىق قاينارى ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، اۆتونوميالى رايوننىڭ تۇتاس تۇلعالىق ورنالاستىرۋى بويىنشا التاي ايماعىنىڭ ٴىس جۇزىندىك جاعدايىمەن ۇشتاستىرىپ، وزىندىك باسىمدىقتى شىنايى ساۋلەلەندىرىپ، تۇتاس رايوننىڭ جوعارى ساپالى دامۋىنىڭ ستراتەگيالىق تىرەك ٴتۇيىنىن كۇش سالا قالىپتاستىرىپ، باتىسقا ەسىك اشۋدىڭ ويداعىداي كوش باسشىسى بولۋ كەرەك. اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋگە تاباندى بولىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋدى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ باس تۇتقاسى ەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق قۇرۋعا قۇلشىنۋ كەرەك. قىزمەت ستيلىنە بۇرىلىس جاساۋعا تاباندى بولىپ، دەن قويا، سۇيىسپەنشىلىكپەن بۇقارا ٴۇشىن ناقتى ٴىس ىستەپ، قيىن ماسەلەلەردى شەشىپ، بۇكىل ايماقتا جوعارىدان تومەنگە دەيىن ناقتى ٴىس ىستەۋگە ٴمان بەرەتىن، باتىلدىقپەن جاۋاپكەرشىلىك ارقالايتىن، شەبەرلىكپەن ٴىس تىندىراتىن جاڭا راي، دۇرىس سالت قالىپتاستىرۋدى ىلگەرىلەتىپ، شينجياڭنىڭ جوعارى ساپالى دامۋىن ىلگەرىلەتۋگە التاي ۇلەسىن قوسۋ كەرەك.
