انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 1 ـ كۇنى ۇرىمجىدەن حابارلايدى. اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى 2 ـ ايدىڭ 1 ـ كۇنى تۇستەن بۇرىن 3 ـ جيىنىن وتكىزدى.
ٴماجىلىس ٴتوراعالار القاسىنىڭ تۇراقتى ٴتوراعالارى ما شيڭرۇي، لي يفي، حى جۇڭيوۋ، جاڭ جوۋ، لي نيڭپيڭ، توحتى ياقۇپ، مۇقيات جارمۇقامەت، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، جاۋ تيانجيە، ٴمۇتالىپ روزى جيىنعا قاتىناستى.ٴماجىلىس ٴتوراعالار القاسىنىڭ تۇراقتى ٴتوراعاسى ٴزۇمىرات وبۇل جيىندى باسقاردى.
جيىن ٴماجىلىس حاتشىلار باسقارماسىنىڭ ۇكىمەت قىزمەتىنەن باياندامانى قاراۋ جاعدايى جونىندەگى مالىمەتىن تىڭداپ، ۇكىمەت قىزمەتىنەن بايانداما جونىندەگى قارار جوباسىن ٴارقايسى ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى؛ اۆتونوميالى رايوندىق 14 ـ كەزەكتى حالىق قۇرىلتايى قازىنا ـ ەكونوميكا كوميتەتىنىڭ جوسپار جوباسىن، مەجە ەسەپ جوباسىن تەكسەرۋ ناتيجەسى جونىندەگى بايانداماسىن تىڭداپ، جوسپار، مەجە ەسەپ جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى.
جيىن اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى جاڭ جۋدىڭ سايلاۋ ىستەرى جونىندەگى تۇسىندىرمەسىن تىڭداپ، كانديداتتىققا ۇسىنىلعاندار ەسىمدىگىن ۋاكىلدەر ۇيىرمەلەرىنىڭ اقىلداسۋىنا تاپسىرۋدى ۇيعاردى.
جيىن ۋاكىلدەردىڭ بىرلەسىپ كانديدات كورسەتۋ ۋاقىتى 2024 ـ جىلى 2 ـ ايدىڭ 1 ـ كۇنى ساعات 24كە دەيىن بولادى دەپ ۇيعاردى.
