(ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 2 ـ ماجىلىسىندە 2024 ـ جىلى 2 ـ ايدىڭ 1 ـ كۇنى ماقۇلداندى)
اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار جانە ٴارقايسى ارناۋلى كوميتەتتەر شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ٴماجىلىسىنىڭ رۋحىن مۇقيات دايەكتىلەندىرىپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، ىشكەرىلەي وي جۇگىرتىپ، دەن قويا تاقىرىپ تاڭداپ، ۇسىنىس جوبا ٴتاسىلىن بەلسەنە قولدانۋ ارقىلى ۇسىنىس قويىپ، كەڭەس بەرىپ، مۇشەلەردىڭ مىندەت اتقارۋ جەتىستىكتەرىن تولىق ايگىلەدى.
1 ـ ايدىڭ 30 ـ كۇنى ساعات 16عا دەيىن، جيىنى 948 ۇسىنىس جوبا تاپسىرىپ الىندى. «اۆتونوميالى رايوندىق ساياسي كەڭەس ۇسىنىس جوبا قىزمەت ەرەجەسىنە» جانە ۇسىنىس جوبالاردى تەكسەرۋ قىزمەتىنىڭ ەگجەي ـ تەگجەيلى ەرەجەسىنە نەگىزدەلىپ، تەكسەرۋ ارقىلى 575ى ەستەلىككە الىنىپ، 300ى پىكىر جانە ۇسىنىسقا اينالدى، 73ى ەستەلىككە الىنبادى. ەستەلىككە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 371 بولىپ، %64.5ىن يەلەدى؛ ٴارقايسى دەموكراتيالىق پارتيا ـ توپتار، حالىقتىق ۇيىمدار جانە ساياسي كەڭەستىڭ ٴارقايسى ارناۋلى كوميتەتتەرى قويعان ۇسىنىس جوبا 204 بولىپ، %35.5ىن يەلەدى. مۇنىڭ ىشىندە، ەكونوميكالىق قۇرىلىس جاعىنداعىسى 278 بولىپ، %48ىن يەلەدى، ساياسي قۇرىلىس جاعىنداعىسى 18 بولىپ، %3ىن يەلەدى، مادەنيەت قۇرىلىسى جاعىنداعىسى 68 بولىپ، %12ىن يەلەدى، قوعامدىق قۇرىلىس جاعىنداعىسى 175 بولىپ، %31ىن يەلەدى، ەكولوگيالىق وركەنيەت قۇرىلىسى جاعىنداعىسى 36 بولىپ، %6ىن يەلەدى.
وسى رەتكى ٴماجىلىستىڭ ۇسىنىس جوبا قىزمەتى جاڭا داۋىردەگى جاڭا بورىشتى تياناق ەتىپ، وزەككە، كەلەلى جاعدايعا قىزمەت وتەۋدى ارقاۋ ەتىپ، قىزمەت مەحانيزمىندە جاڭالىق اشىپ، كەمەلدەندىرىپ، ”ۇشكە بۇرىلىس جاساۋعا“ تاباندى بولىپ، ”پارتيا، ۇكىمەت نەگىزگى باسشىلارىنىڭ ٴتۇيىندى ۇسىنىس جوبالاردى باستاماشىلدىقپەن قۋزاپ ٴبىتىرۋى“ سىندى مىندەت اتقارۋ ماركاسىن ۇزدىكسىز تۇلعالاپ، مۇشەلەر ۇسىنىس جوبا ارقىلى ۇكىمەت ىسىنە قاتىناسىپ، ۇكىمەت ىسىنە اقىل ـ كەڭەس بەرىپ، مىندەت اتقارۋ، ۇسىنىس بەرۋ ىرىقتىلىعى كۇشتى بولىپ، مەملەكەت ٴۇشىن مىندەت اتقاراتىن، حالىق ٴۇشىن جاۋاپكەرشىلىكتى ادا ەتەتىن جاۋاپكەرشىلىك ارقالاۋ رۋحىن تولىق ايگىلەپ، مىناداي 3 ٴتۇرلى ەرەكشەلىكتى جارىققا شىعاردى. ٴبىرىنشى، ٴماجىلىستىڭ ۇسىنىس جوبالارىن دايىنداۋ، جيناۋ، قابىلداۋ، العاشقى تەكسەرۋ ۋاقىتى جالپى بەتتىك ىلگەرىلەتىلىپ، ۇسىنىس جوبالارعا ەرتە وي جۇگىرتۋ، ەرتە دايىندالۋ، ەرتە تاپسىرۋ مۇشەلەردىڭ مىندەت اتقارۋداعى ۇدايى كۇيىنە اينالۋدا. ەكىنشى، ۇسىنىس جوبانىڭ مازمۇنى كەڭ بولىپ، ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى سياقتى ٴارقايسى جاقتارعا سايىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋدى ارقاۋ ەتىپ سىندارلى ۇسىنىس ـ كەڭەس بەرىپ، ٴار ۇلت، ٴار سالا ساياسي كەڭەس مۇشەلەرىنىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە، كورىكتى شينجياڭ قۇرۋعا جالپى بەتتىك نازار اۋدارعانىن بەينەلەدى. ٴۇشىنشى، ماسەلەنى باعدار ەتۋگە تاباندى بولىپ، ساپانى كورنەكتى جوعارىلاتتى. ٴارقايسى دەموكراتيالىق پارتيا ـ توپتار، حالىقتىق ۇيىمدار جانە ٴارقايسى ارناۋلى كوميتەتتەر ۇسىنىس جوبا جونىندە تولىق دايىندالىپ، نازاردى ۇسىنىس جوبا تاقىرىبىن تاڭداۋعا اناعۇرلىم شوعىرلاندىرىپ، ۇسىنىستاردىڭ باعىتتامالىلىعى مەن مەڭگەرىمدىلىگى ونان ارى كۇشەيىپ، پارتيا ـ توپتاردىڭ، ۇيىمداردىڭ ۇسىنىس جوبا قىزمەتىنە وسكەلەڭ ٴمان بەرگەندىگىن ايگىلەدى.
ٴماجىلىس جابىلعاننان كەيىن، ۇسىنىس جوبالار ٴبىر جاقتى ەتۋدى مىندەتىنە العان ورىنداردىڭ بىتىرۋىنە شوعىرلى تاپسىرىلادى. وسى رەتكى ٴماجىلىستىڭ ۇسىنىس جوبالاردى قابىلداۋ ۋاقىت شەگىنەن كەيىن تاپسىرىپ الىنعان ۇسىنىس جوبالار جايشىلىقتاعى ۇسىنىس جوبا رەتىندە دەر كەزىندە تەكسەرىپ ٴبىر جاقتى ەتۋگە تاپسىرىلادى.
