(ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 2 ـ ماجىلىسىندە 2024 ـ جىلى 2 ـ ايدىڭ 1 ـ كۇنى ماقۇلداندى)
جۇڭگو حالىق ساياسي ٴماسليحات كەڭەسى شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 2 ـ ٴماجىلىسى 2024 ـ جىلى 1 ـ ايدىڭ 29 ـ كۇنىنەن 2 ـ ايدىڭ 1 ـ كۇنىنە دەيىن ۇرىمجىدە وتكىزىلدى.
اۆتونوميالى رايوندىق پارتكومنىڭ شۋجيى ما شيڭرۇي قاتارلى اۆتونوميالى رايونداعى باسشى جولداستار ماجىلىسكە قاتىناسىپ، ماجىلىستەگى سوزدەردى تىڭداپ، بىرلەسكەن گرۋپپالاردىڭ تالقىسىنا قاتىناسىپ، مۇشەلەرمەن ىشكەرىلەي پىكىر اۋىستىرىپ، كورىكتى شينجياڭ قۇرىلىسىنىڭ ۇلى جوسپارىن بىرگە اقىلداسىپ، وسىزاماندانعان دامۋدىڭ تاماشا شارالارىن بىرگە قاراستىردى. ٴماجىلىس ٴتوراعا نۇرلان ٴابىلماجىننىڭ شينجياڭ ۇيعۇر اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ورىنباسار ٴتوراعا كۇڭ شيڭلۇڭنىڭ ۇسىنىس جوبا قىزمەت جاعدايىنان جاساعان بايانداماسىن قاراپ بەكىتتى، كادرلارعا قاتىستى ىستەردى قاراپ ماقۇلداپ، سايلاۋ مىندەتىن تابىسپەن ورىندادى. مۇشەلەر اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىنە سىرتتاي قاتىناسىپ، ٴتوراعا ەركىن تۇنياز جاساعان ۇكىمەت قىزمەتىنەن باياندامانى تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى كەڭەسىپ تالقىلادى، قۇپتايتىندىقتارىن ٴبىلدىردى ٴارى ۇسىنىس ـ پىكىر بەردى. بارلىق مۇشەلەر وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن مىندەت جاۋاپكەرشىلىگىن مۇقيات اتقارىپ، ۇسىنىس جوبا، ماجىلىستە لەبىز ٴبىلدىرۋ، گرۋپپالار تالقىسى، قوعام جاعدايى مەن حالىق رايى ينفورماتسياسىن اڭىس ەتۋ سياقتى فورمالار ارقىلى بەلسەنە ۇسىنىس قويىپ، كەڭەس بەرىپ، ورتاق تانىمدى كەڭىنەن ۇيىستىرىپ، ماڭىزدى جەتىستىكتەرگە قول جەتكىزدى. ٴماجىلىس ناقتى، جوعارى ٴونىمدى، ستيلى پاك، سالتى دۇرىس، تولىق تابىستى بولدى، تۋدى بيىك ۇستاعان، دەموكراتيانى ساۋلەلەندىرگەن، شىندىققا جۇگىنىپ ناقتى ٴىس ىستەگەن، ٴورىس اشا ەكپىندەي ىلگەرىلەگەن ٴبىر رەتكى ٴماجىلىس بولدى.
ٴماجىلىس بىلاي دەپ قارادى: 2023 ـ جىل _ جۇڭگو كوممۋنيستىك پارتياسى 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، شينجياڭنىڭ دامۋى بارىسىنداعى بەلەستىك، سيمۆولدىق مانگە يە ٴبىر جىل. باس شۋجي شي جينپيڭ اراعا ٴبىر جىل سالىپ شينجياڭعا تاعى كەلىپ، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداپ ٴارى ماڭىزدى ٴسوز سويلەپ، كورىكتى شينجياڭ قۇرۋدىڭ ايبىندى جوباسىن عىلمي كەسكىندەپ، شينجياڭ قىزمەتىن قىم ـ قۋىت كۇردەلى جاعدايدا تۋراشىلدىقتان اينىماي جاڭالىق اشۋعا، قايشىلىقتار مەن حاۋىپ ـ قاتەرلەر بارىسىندا جەڭىسپەن العا باسۋعا جەتەكتەدى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۇڭگو (شينجياڭ) ەركىن ساۋدا سىناق رايونىن قۇرۋدى بەكىتتى، حالىق تۇرمىسىنا تىعىز جاناسىپ، جۇرت تىلەگىن ۇيىستىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتەتىن اناعۇرلىم جاقسى ساياساتتىق حۇجاتتاردى جاساپ شىعارىپ، شينجياڭعا ”وزگەشە“ قامقورلىق، سۇيىسپەنشىلىك سيلاپ جانە ٴۇمىت ارتىپ، ماڭىزدى تاپسىرما بەرىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ جۇزەگە اسىرۋىنا بۇرىن بولماعان تاريحي وراي ازىرلەدى. اۆتونوميالى رايوندىق پارتكوم تاپسىرمانى باستان ـ اياق ەستە بەرىك ساقتاپ، العىس ايتىپ، ۇدەرە العا تارتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ٴبىر نيەتپەن ىنتىماقتاسىپ العا قاراپ، اسقاق جىگەرمەن بولاشاققا قايراتتانا ۇمتىلىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كۇش سالا ويداعىداي ىستەپ، تيانشان الابىندا قوعام تىنىش، جاراسىمدى، ەكونوميكا ورنىقتى، اقاۋسىز دامىعان، حالىق تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى ساقتادى.
ٴماجىلىس مىنالاردى اتاپ كورسەتتى: 2023 ـ جىل تاعى 13 ـ كەزەكتى اۆتونوميالى رايوندىق ساياسي كەڭەس باستاما اشىپ قادام تاستاعان، ىلگەرىلەۋ بارىسىندا ساپاسىن جوعارىلاتقان ٴبىر جىل. شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە، ساياسي كەڭەس شينجياڭ ۇيعۇر اۆتونوميالى رايوندىق كوميتەتى جانە ونىڭ تۇراقتى كوميتەتى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ارناۋلى كەڭەس قۇرىلىمى قۇرىلىسىن ۇزدىكسىز تەرەڭدەتىپ، جالپى بارىستىق حالىق دەموكراتياسىن سانالىلىقپەن امالياتتا ايگىلەپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا جانە شينجياڭ قىزمەتىنىڭ باس نىساناسىنا شوعىرلاندىرىپ، مىندەت اتقارىپ، جاۋاپكەرشىلىكتى ادا ەتىپ، اۆتونوميالى رايوندىق پارتكومنىڭ ٴتۇرلى ورنالاستىرۋلارىنىڭ دايەكتىلەنۋىن، تياناقتانۋىن ”ناقتى“ سوزىمەن تىعىز بايلانىستىرىپ ويداعىداي يگەرىپ، تۋراشىلدىقتان اينىماي جاڭالىق اشىپ، ىنتىماقتاسا ەكپىندەي ىلگەرىلەپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋعا اقىل ـ پاراسات، كۇش ـ قۋات ارنادى.
ٴماجىلىس مىنالاردى باسا دارىپتەدى: 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل. بۇكىل رايونىمىزداعى ٴار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ٴار ۇلت، ٴار سالا مۇشەلەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدا قىزمەت تەكسەرگەندە، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، جۇڭگو كوممۋنيستىك پارتياسى اۆتونوميالى رايوندىق 10 ـ كەزەكتى كوميتەتىنىڭ ٴار رەتكى جالپى ماجىلىستەرىنىڭ قىزمەت ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ەڭ ۇلكەن ساياسيدى مىقتاپ ارقاۋ ەتىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيانىڭ باسشىلىعىنا تاباندى بولۋدى جانە ونى كۇشەيتۋدى ٴتۇبىرلى ساياسي پرينسيپ جانە كەلەلى ساياسي جاۋاپكەرشىلىك ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتەردىڭ نەگىزگى جەلىسى ەتىپ، قوس باعىتتا كۇش سالۋدى ”3 ماڭىزدى رولدى“ ساۋلەلەندىرۋمەن ساباقتاستىرىپ، ورنىقتىلىقتى ماڭداي الدى ورىنعا قويۋعا تاباندى بولىپ، ٴار سالاداعى حاۋىپ ـ قاتەرلەر مەن كومەسكى كىناراتتاردان ساقتانۋدى جانە ونى جويۋدى، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى ىلگەرىلەتۋ سياقتى قىزمەتتەردى ارقاۋ ەتىپ، ىشكەرىلەي كەڭەسىپ، بەلسەنە ۇسىنىس بەرىپ، ناقتى باقىلاۋ جۇرگىزىپ، وڭاي ـ وسپاق كەلمەگەن قوعام ورنىقتىلىعى جاعدايىن بىرگە قورعاۋى؛ ۇنامدى جاقتان ۇگىتتەۋگە تاباندى بولىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، امەريكا مەن باتىستىڭ جالا جابۋىنا، كۇيە جاعۋىنا جانە شينجياڭعا ساياتىن ”جازالاۋىنا“ باتىل قارسى تۇرىپ، شىندىققا جاناسپايتىن قوعامدىق پىكىردى، ۇنامسىز قوعامدىق پىكىردى، زياندى سوزدەردى باعىتتامالى تۇردە سىن تەزىنە الىپ جانە وعان تويتارىس بەرىپ، شينجياڭنىڭ اشىق، سەنىمدى جاڭا بەت ـ بەينەسىن، جاڭا كۇيىن ايگىلەۋى؛ قىزمەتتىڭ نەگىزگى جەلىسىن يگەرىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ٴبىر تۇلعالى ارناسىن زەرتتەۋگە، تۇسىندىرۋگە، تاراتۋعا بەلسەنە ات سالىسىپ، شينجياڭنىڭ ٴىشى ـ سىرتىنداعى ۇلتتاردىڭ ارالاسۋىن، ىشتەسۋىن، توعىسۋىن جاسامپازدىقپەن كەڭەيتۋ، جۇڭحۋا ۇلتى ورتاق تۇلعا قۇرىلىسىن جەبەۋ، جۇڭحۋا ۇلتىنىڭ ورتاق رۋحاني مەكەنىن قۇرۋ، مەملەكەتتە ٴبىر تۇتاس قولدانىلاتىن ٴتىل ـ جازۋدى جاپپاي جالپىلاستىرۋ، كەڭەيتۋ سياقتى ٴتۇيىندى قىزمەتتەرمەن تىعىز بايلانىستىرىپ، دەن قويا تەكسەرۋ ـ زەرتتەۋ جۇرگىزىپ، دالمە ـ ٴدال اقىل ـ كەڭەس بەرىپ، ناقتى، جاندى، ٴونىمدى تۇردە جۇڭحۋا ۇلتى ورتاق تۇلعا تانىمىن بەرىك ورناتۋ بارىسىندا ”ساياسي كەڭەستىڭ جاۋاپكەرشىلىك ارقالاۋىن“ ايگىلەۋى؛ شينجياڭدى مادەنيەتپەن نارلەندىرۋگە تاباندى بولىپ، مادەنيەت پەن ساياحاتتى ىشكەرىلەي توعىستىرا دامىتۋ، مادەنيەت مۇرالارىن قورعاۋ، پايدالانۋ، جۇڭحۋانىڭ تاڭداۋلى ٴداستۇرلى مادەنيەتىن جاسامپازدىقپەن كادەگە جاراتۋ جانە جاسامپازدىقپەن دامىتۋ سياقتى بىرەۋى ارقىلى بارلىعىنا ىقپال جاسايتىن ٴتۇيىندى ماسەلەلەرگە قاداعالاي نازار اۋدارىپ، كوپتىڭ اقىل ـ پاراساتىن توپتاپ، كوپتىڭ كۇش ـ قۋاتىن ۇيىستىرىپ، ٴتۇيىندى تۇردە قامال الىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ يدەيالىق، مادەنيەت نەگىزىن ۇزدىكسىز بەكەمدەۋى؛ ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، ٴدىن قىزمەتىندەگى ”ٴۇش قوسىندى“ ويداعىداي قۇرۋ، ينتەرنەتتەگى ٴدىن ىستەرىن باسقارۋدى كۇشەيتۋ، دىنگە سەنەتىن بۇقارانىڭ قالىپتى ٴدىني قاجەتىن قامتاماسىزداندىرۋ سياقتى ماڭىزدى ماسەلەلەردى ارقاۋ ەتە وتىرىپ ۇزدىكسىز كۇش سالىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەۋى؛ دامۋدى ماڭىزدى ورىنعا قويۋعا تاباندى بولىپ، نازاردى ”ٴبىر بەلدەۋ، ٴبىر جول“ وزەكتى رايونى قۇرىلىسىنا شوعىرلاندىرۋ، ”8 ٴىرى كاسىپ سالاسى شوعىرىن“ تىرەك ەتكەن وسى زامانعى كاسىپ سالاسى جۇيەسىن قۇرۋ، رەفورمانى جاپپاي تەرەڭدەتۋدى ىشكەرىلەي ىلگەرىلەتۋ، جوعارى دەڭگەيدە ىشكە، سىرتقا ەسىك اشۋدى كەڭەيتۋ، وڭتۇستىك شينجياڭ ”شاحمات كوزىن“ جانداندىرۋ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋ سياقتى كەلەلى ورنالاستىرۋلارعا اقىل ـ كەڭەس بەرىپ، شينجياڭنىڭ جوعارى ساپالى دامۋ ارناسىنا تۇسۋىنە دەم بەرۋى؛ حالىقتى بارىنەن جوعارى قويۋعا تاباندى بولىپ، جۇمىستاندىرۋ، وقۋعا ٴتۇسۋ، ەمدەۋ ـ دەنساۋلىق ساقتاۋ، زەينەتكەرلىك، بالانى اماناتتاپ باعۋ، مۇگەدەكتەرگە كومەكتەسۋ، قوعامدىق قامتاماسىزداندىرۋ، الەۋمەتتىك قىزمەت وتەۋ ورەسى سياقتى حالىق ٴجىتى قاداعالاپ وتىرعان ىستەردىڭ دەڭگەيىن كوتەرۋ جونىندە كەڭەسۋدى ماڭىزدى كەڭەس تاقىرىبى ەتىپ، حالىقتىڭ جاعدايىن سۇيىسپەنشىلىكپەن ۇعىنىپ، حالىقتىڭ مۇڭ ـ مۇقتاجىن پاراساتتىلىقپەن شەشىپ، جاۋاپكەرشىلىك ارقالاپ، حالىقتىڭ قيىنشىلىعىنا كومەكتەسىپ، ٴار ۇلت بۇقاراسىنا ساياسي كەڭەس مۇشەلەرىنىڭ جانىندا ەكەندىگىن، ساياسي كەڭەستىڭ باستان ـ اياق حالىقپەن بىرگە جۇرگەندىگىن سەزىندىرۋى كەرەك.
ٴماجىلىس مىناداي ۇندەۋ شىعاردى: بۇكىل رايونىمىزداعى ٴار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ٴار ۇلت، ٴار سالاداعى مۇشەلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، ىنتىماق ارقىلى كۇش ـ قۋات ۇيىستىرىپ، كۇرەس ارقىلى ۇلى ٴىس تىندىرىپ، جۇڭگو ۇلگىسىندەگى وسىزامانداندىرۋ ۇردىسىندە ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات ـ شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋ جولىندا ىنتىماقتاسا كۇرەس جۇرگىزەيىك!
