شي جينپيڭ كوكتەم مەرەكەسى قارساڭىندا تيانجينگە بارىپ، نەگىزگى ساتىداعى كادرلارعا، بۇقاراعا امانداستى، ولاردان حال سۇرادى
بۇكىل ەلدەگى ٴار ۇلت حالقىنا كوكتەم مەرەكەسى بايلانىسىمەن ىزگى تىلەك جولدادى
ٴار ۇلت حالقىنا باقىت، سالاماتتىق تىلەدى، ۇلى وتاننىڭ گۇلدەنىپ ـ قۇدىرەتتەنۋىن تىلەدى
ساي چي تەكسەرۋدە بىرگە بولدى
![](http://xjrbkazakh.ts.cn/xjrbhwb/2024/02/03/bf9b2344-4033-439f-882f-febd32f9d949.jpg)
2 ـ ايدىڭ 1 ـ كۇنىنەن 2 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تيانجينگە بارىپ، نەگىزگى ساتىداعى كادرلارعا، بۇقاراعا امانداستى، ولاردان حال سۇرادى. سۋرەتتە: 2 ـ ايدىڭ 1 ـ كۇنى تۇستەن كەيىن شي جينپيڭ تيانجين بايىرعى مادەنيەت كوشەسىندە قىزمەت تەكسەرگەندە، بۇكىل ەلدەگى ٴار ۇلت حالقىنا جانە شياڭگاڭدىق، اۋمىندىق، تايۋاندىق باۋىرلاستارعا، شەتەلدەگى چياۋمين باۋىرلاستارعا كوكتەم مەرەكەسى بايلانىسىمەن ىزگى تىلەك جولدادى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
![](http://xjrbkazakh.ts.cn/xjrbhwb/2024/02/03/10515bb2-3d5a-462a-9c7b-7c10bf5a54f5.jpg)
2 ـ ايدىڭ 1 ـ كۇنىنەن 2 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تيانجينگە بارىپ، نەگىزگى ساتىداعى كادرلارعا، بۇقاراعا امانداستى، ولاردان حال سۇرادى. سۋرەتتە: 2 ـ ايدىڭ 1 ـ كۇنى تۇستەن بۇرىن شي جينپيڭ شيچيڭ رايونى شينكوۋ قالاشىعى ديليۋبۋ قىستاعىندا قىزمەت تەكسەرگەندە، قىستاق تۇرعىندارىنا قول بۇلعاپ قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 2 ـ ايدىڭ 2 ـ كۇنى تيانجيننەن بەرگەن حابارى. جۇڭحۋا ۇلتىنىڭ ٴداستۇرلى مەرەكەسى كوكتەم مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تيانجينگە بارىپ، نەگىزگى ساتىداعى كادرلارعا، بۇقاراعا امانداستى، ولاردان حال سۇرادى، بۇكىل ەلدەگى ٴار ۇلت حالقىنىڭ جانە شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ مەرەكەسىن قۇتتىقتادى! ەل ٴىشى ـ سىرتىنداعى جۇڭحۋا پەرزەنتتەرىنىڭ دەندەرىنىڭ ساۋ، وتباسىلارىنىڭ باقىتتى بولۋىن، ويعا العان ىستەرىنىڭ ورىندالۋىن، ۇلۋ (ايداعار) جىلىنىڭ قۇتتى بولۋىن تىلەدى! ۇلى وتاننىڭ مولشىلىققا كەنەلۋىن، ەل امان، جۇرت تىنىش بولۋىن، گۇلدەنىپ ـ قۇدىرەتتەنۋىن تىلەدى!
2 ـ ايدىڭ 1 ـ كۇنىنەن 2 ـ كۇنىنە دەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، تيانجين قالالىق پارتكومنىڭ شۋجيى چىن مين ـ ىردىڭ جانە قالا باستىعى جاڭ گۇڭنىڭ سەرىك بولۋىندا، اۋىل ـ قىستاقتارعا، تاريحي مادەنيەت كوشە اۋماقتارىنا، توڭكەرىستىك ەسكەرتكىش سارايلارىنا بارىپ قىزمەت تەكسەرىپ، تەكسەرۋ ـ زەرتتەۋ جۇرگىزىپ، نەگىزگى ساتىداعى كادرلار مەن بۇقاراعا پارتيا ورتالىق كوميتەتىنىڭ قامقورلىعى مەن تىلەگىن جەتكىزدى.
2 ـ ايدىڭ 1 ـ كۇنى تۇستەن بۇرىن شي جينپيڭ پويەزدەن تۇسە سالا شيچيڭ رايونى شينكوۋ قالاشىعى ديليۋبۋ قىستاعىنا باردى. بىلتىر 7 ـ ايدىڭ سوڭى مەن 8 ـ ايدىڭ باس شەنىندە حۋابەي وڭىرىندە قاتتى نوسەر جاۋىپ، حايحى وزەنى الابىندا ەرەكشە اۋىر تاسقىن اپاتى تۋىلىپ، تيانجين دۇڭديان تاسقىن ىركۋ رايونىنىڭ باسىم كوپ اۋماعىن سۋ باسىپ كەتتى. شي جينپيڭ تيانجين قالاسى مەن شيچيڭ رايونىنىڭ اپاتقا ۇشىراۋ جاعدايى جونىندەگى تانىستىرۋدى سول جەردىڭ وزىندە تىڭداپ، جىلىجايعا كىرىپ، كوكونىستىڭ ٴوسۋ جاعدايىن تەكسەرىپ كورىپ، كوكونىس وسىرۋشىلەردەن جىلىجايدى قالپىنا كەلتىرۋ جانە كوكونىستى تولىقتاپ ەگۋ، ساتۋ سياقتى جاعدايلاردى ەگجەي ـ تەگجەيلى ۇعىستى. ول جەرگىلىكتى ورىننىڭ ٴوندىرىس ارقىلى ٴوزىن قۇتقارۋعا بەلسەنە ۇيىمداستىرىپ، ورايدى مىقتى يگەرە وتىرىپ سۋ قايتقاننان كەيىن جۇمىستى قالپىنا كەلتىرۋ، ەگۋگە بولاتىن جەرلەرگە مۇمكىندىكتىڭ بارىنشا ەگۋ سىندى كۇتىپ وتىرمايتىن، يەك سۇيەمەيتىن ىرىقتىلىق رۋحىن تۇراقتاندىردى، اۋىلداستاردىڭ ماشاقاتتى ەڭبەگىنە، قالانىڭ ”كوجە ـ قاتىعىن“ مولايتۋ ٴۇشىن قوسقان ۇلەسىنە العىس ايتتى.
شي جينپيڭ 4 ۇرپاق بىرگە تۇرمىس كەشىرىپ جاتقان قىستاق تۇرعىنى دۋ حۇڭگاڭنىڭ ۇيىنە بارىپ، ٴبىر ٴۇيلى جانمەن ىقىلاستى اڭگىمەلەسىپ، اپات زيانىن جانە اپاتتان كەيىنگى ٴوندىرىستى دامىتۋ، جۇمىسقا ورنالاستىرۋ ارقىلى كىرىستى ارتتىرۋ ەسەبىن ٴبىر ـ بىرلەپ ەسەپتەدى. دۋ حۇڭگاڭ باس شۋجيگە تاسقىن اپاتىندا وتباسىنىڭ 10 نەشە مۋ جەردەگى جۇگەرىسى، كوكونىسى اپاتقا ۇشىراعاندىعىن، پارتيا مەن ۇكىمەتتىڭ كومەگىندە قيىن وتكەلدەن تەز وتكەندىگىن، اسىرەسە، كوكونىس جىلىجايىنىڭ تەز ارادا قالپىنا كەلتىرىلگەندىگىن، ماۋسىمدىق كوكونىستەردىڭ جاقسى ٴونىم بەرگەندىگىن ايتتى. كوكتەم مەرەكەسى تاياپ قالدى، وتباسىمىزدىڭ مەرەكەلىك بۇيىمدارى تولىق، قىستاقتا مادەنيەت قيمىلدارى دا ورنالاستىرىلدى، قىستاق تۇرعىندارىنىڭ قۋانىشىندا شەك جوق. شي جينپيڭ بىلاي دەدى: ەل امان، جۇرت تىنىش بولۋدا، جۇرت تىنىش بولعاندا عانا ەل امان بولادى، پارتيا ورتالىق كوميتەتى جانە ٴار دارەجەلى پارتكوم مەن ۇكىمەت كوپشىلىكتىڭ اماندىعىن، مۇڭ ـ مۇقتاجىن قاي ـ قاشان دا ەستەرىنەن شىعارمايدى، اۋىلداستاردىڭ قوس قولىنا سۇيەنىپ كورىكتى مەكەندى قايتا قۇرىپ، باقىتتى تۇرمىس جاراتۋىن دا ٴۇمىت ەتەمىن.
قىستاقتان اتتاناردا قىستاق تۇرعىندارى قاۋمالاي كەلىپ باس شۋجيگە امانداستى. شي جينپيڭ كوپشىلىككە ٴالسىن ـ ٴالى قول بۇلعاپ قۇرمەت ٴبىلدىرىپ، اۋىلداستارعا شىن ىقىلاسپەن بىلاي دەدى: كوپشىلىكتىڭ ٴوندىرىسى مەن تۇرمىسىنىڭ نەگىزىنەن قالپىنا كەلگەندىگىن، قىستان توڭباي جىلى ٴوتۋى قامتاماسىز ەتىلگەندىگىن كورىپ قاتتى قۋاندىم. بىلتىر جىل باسىنان بەرى ەلىمىزدىڭ باسقا ٴىشىنارا جەرلەرى دە تاسقىن، تايفىڭ داۋىلى، جەر سىلكىنىسى، تاۋ كوشكىنى، تومەن تەمپەراتۋرا، جاڭبىر، قار، مۇز، ۇسىك سياقتى جاراتىلىستىق اپاتتارعا ۇشىرادى، مەن بۇلارعا قاي ـ قاشان دا نازار اۋدارىپ كەلەمىن. ٴار دارەجەلى پارتكوم مەن ۇكىمەت حالىقتى وزەك ەتۋگە تاباندى بولىپ، قالىڭ كادرلار مەن بۇقارا ەل بىرلىگىنەن بەرىك قامال تۇرعىزىپ، ىنتىماقتاسا كۇرەس جۇرگىزىپ، اپاتقا قارسى تۇرىپ، اپاتتان قۇتقارۋدىڭ كەلەلى جەڭىسىنە قول جەتكىزدى. كوكتەم مەرەكەسى تاياپ قالدى، مەن پارتيا ورتالىق كوميتەتى اتىنان اپاتقا ۇشىراعان بۇقارادان جانە اپاتتان كەيىنگى قالپىنا كەلتىرۋ، قايتا قۇرۋدىڭ الدىڭعى شەبىندە كۇرەس جاساپ جاتقان قالىڭ كادرلار مەن بۇقارادان شىنايى حال سۇرايمىن! ٴار دارەجەلى پارتكوم مەن ۇكىمەت قىزمەتتى ونان ارى ەگجەي ـ تەگجەيلى، ناقتى ىستەپ، اپات رايونىنداعى بۇقارانىڭ ٴوندىرىسى مەن تۇرمىسىن ويداعىداي ورنالاستىرۋى كەرەك.
سول كۇنى تۇستەن كەيىن شي جينپيڭ تيانجين بايىرعى مادەنيەت كوشەسىنە باردى. كوشە بايىرعى تۇسكە ەنگەن، شي جينپيڭ كوشەنى جاياۋ بويلاپ، ىلگەرىندى ـ كەيىندى گۇي فاشياڭ 18 ـ كوشەسىندەگى ماحۋا، گورىنجاڭ، نيرىنجاڭ، ياڭ ليۋ جاستار سۋرەتى سياقتى ەرەكشەلىككە يە دۇكەندەرگە كىرىپ، ونىمدەردىڭ ٴتۇرى، ساتىلۋى جانە ٴداستۇرلى مادەنيەتتى جالعاستىرۋ، دامىتۋ سياقتى جاعدايلاردى ۇعىسىپ، دۇكەن قوجايىندارىمەن، قىزمەتكەرلەرىمەن جانە سول اراداعى بۇقارامەن اڭگىمەلەسىپ پىكىر اۋىستىردى. ول بىلاي دەدى: ٴار دارەجەلى پارتكوم مەن ۇكىمەت مەرەكە كەزىندە حالىق تۇرمىسىنا قاتىستى تاۋارلاردى ٴوندىرۋ ـ ساتۋدى جانە ونىمەن قامداۋدى قامتاماسىزداندىرۋدى كۇشەيتىپ، سانىنىڭ جەتكىلىكتى، ٴتۇرىنىڭ مول، ساپاسىنىڭ سەنىمدى بولۋىنا شىنايى كەپىلدىك ەتىپ، قالىڭ بۇقارانىڭ الاڭسىز تۇتىنۋىنا، مەرەكەنى كوڭىلدى وتكىزۋىنە مۇمكىندىك جاساۋ كەرەك. شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ تاڭداۋلى ٴداستۇرلى مادەنيەتكە مۇراگەرلىك ەتۋدەن جانە ونى اسقاقتاتۋدان ايرىلا المايدى، تيانجين وزگەشە ەرەكشەلىككە جانە اسەمدىككە يە قالا، تاريحي مادەنيەت كوشەلەرىن ويداعىداي قورعاپ جانە ودان ويداعىداي پايدالانىپ، ونى وسىزاماندانعان ٴىرى قالا قۇرىلىسىندا وزگەشە تۇسكە بولەۋ كەرەك.
كوشەلەردە بارابان ٴۇنى اۋەلەپ، ايداعار ٴبيى، ارىستان ٴبيى كوشەنى دۋمانعا بولەپ، شاتتىققا شومدى. باس شۋجيدىڭ كەلگەندىگىن كورگەن جۇرت قىزۋ ىنتامەن الاقايلادى. شي جينپيڭ كوپشىلىكتىڭ قاسىنا كەلىپ، تيانجين قالا تۇرعىندارىنىڭ، بۇكىل ەلدەگى ٴار ۇلت حالقىنىڭ مەرەكەسىن قۇتتىقتادى. ول بىلاي دەدى: قالا تۇرعىندارى مەن ساياحاتشىلاردىڭ ٴداستۇرلى ۇلتتىق سالت ـ سانا ويىندارىن تاماشالاپ شاتتانعانىن كورىپ، قويۋ مەرەكەلىك ٴتۇستى سەزىندىم. ەسكىشە كالەندار بويىنشا جاڭا جىل ۇلۋ (ايداعار) جىلى، ايداعار جۇڭحۋا مادەنيەتىندە ەرلىكپەن ەكپىندەي ىلگەرىلەۋ، شەكسىز ومىرشەڭدىك كۇش، ارمانىنا جەتۋ سياقتى كوپ ٴتۇرلى مانگە يە، تاماشا ارمان ـ تىلەكتەردى ارقالايدى. كوپشىلىك جاڭا ٴبىر جىلعا تولىق سەنىم ارتىپ، تۇرمىستارىن ٴتىپتى دە جاقسارتا ٴتۇسۋى كەرەك. كوكتەم مەرەكەسى كەزىندە جەر ـ جەر بۇقارا ۇناتاتىن مادەنيەت قيمىلدارىن كوبىرەك وتكىزىپ، مەرەكەنى ٴتىپتى دە دۋماندى، ٴتىپتى دە كوڭىلدى وتكىزىڭىزدەر.
2 ـ ايدىڭ 2 ـ كۇنى تۇستەن بۇرىن شي جينپيڭ پيڭجين شايقاسى ەسكەرتكىش سارايىن تەكسەرىپ كوردى. ول ٴالسىن ـ ٴالى كىدىرىپ، زەر سالا قاراپ، كوپشىلىكپەن پىكىر اۋىستىرىپ، جۇڭگو توڭكەرىسىنىڭ سوعىس تاريحىن ۇيرەنگەن سايىن ٴاردايىم پىسىقتاپ، وڭاي ـ وسپاق قولعا كەلمەگەن قىزىل بيلىكتى قاستەرلەپ، توڭكەرىستىك ٴداستۇردى ساۋلەلەندىرىپ، كۇرەس رۋحىن كۇشەيتىپ، العا باسۋ جولىنداعى ٴتۇرلى ماشاقاتتى، قيىندىقتى، قاتەردى، كەدەرگىنى باتىلدىقپەن جەڭۋدى باسا دارىپتەدى.
2 ـ ايدىڭ 2 ـ كۇنى تۇستەن كەيىن شي جينپيڭ تيانجين قالالىق پارتكوم مەن قالالىق ۇكىمەتتىڭ قىزمەت مالىمەتىن تىڭداپ، تيانجيننىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىردى. ول تيانجيننىڭ نازاردى ەكونوميكالىق قۇرىلىس سىندى وزەكتى قىزمەت پەن جوعارى ساپالى دامۋ سىندى ماڭداي الدى مىندەتكە شوعىرلاندىرىپ، بەيجيڭ _ تيانجين _ حىبەيدىڭ سايكەستى دامۋىن ىلگەرىلەتۋدى ستراتەگيالىق جەتەكشى ەتىپ، بورىشتى باتىلدىقپەن ارقالاپ، ٴورىس اشا العا ىلگەرىلەپ، جاپپاي سوتسياليستىك وسىزاماندانعان ٴىرى قالا قۇرىپ، جۇڭگو ۇلگىسىندەگى وسىزامانداندىرۋدىڭ تيانجين تاراۋىن قۇلشىنا جازۋىن ٴۇمىت ەتتى.
شي جينپيڭ بىلاي دەپ اتاپ كورسەتتى: تيانجين بۇكىل ەلدەگى وزىق جاساۋ، زەرتتەۋ ـ اشۋ بازاسى رەتىندە، عىلىم ـ تەحنيكا، وقۋ ـ اعارتۋ بايلىعى مول بولۋ سياقتى باسىمدىقتارىن ساۋلەلەندىرىپ، جاڭا ساپالى وندىرگىش كۇشتەردى دامىتۋدا ەرلىكپەن العا ۇمتىلىپ، شەبەرلىكپەن ٴىس تىندىرۋى كەرەك. عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدى بىرگە يگەرۋگە تاباندى بولىپ، عىلىم ـ تەحنيكادا جاڭالىق اشۋ باقشا رايونى قۇرىلىسىن كۇشەيتىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن جەبەپ، جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن ىلگەرىلەتۋى كەرەك. بەيجيڭمەن عىلىم ـ تەحنيكادا جاڭالىق اشۋدا سايكەسۋدى جانە كاسىپ سالاسى جۇيەسىن توعىستىرۋدى كۇشەيتىپ، دۇنيە جۇزىلىك وزىق جاساۋ كاسىبى شوعىرىن كۇش بىرىكتىرە قۇرۋى كەرەك.
شي جينپيڭ بىلاي دەپ باسا دارىپتەدى: رەفورما جاساۋ، ەسىك اشۋ _ ىستەرىمىزدىڭ دامۋىنداعى ٴتۇبىرلى قوزعاۋشى كۇش. تيانجين شىعارىلعان رەفورما شارالارىنىڭ تياناقتاندىرىلۋ جاعدايىن مۇقيات قورىتىندىلاپ، جاعداي مەن مىندەتتىڭ دامۋ وزگەرىسىنە ۇشتاستىرىپ، جاڭا رەفورما شارالارىن جوسپارلاپ اتقارىپ، رەفورمانىڭ دالدىگىن، باعىتتامالىلىعىن، ونىمدىلىگىن شىنايى جوعارىلاتۋى كەرەك. اسىرەسە، بازار شارۋاشىلىعى نەگىزگى ٴتۇزىمىن اقاۋسىزداندىرۋ، ”ەكىدەن تيتتەي دە اۋىتقىماۋعا“ تاباندى بولۋ، اناعۇرلىم جوعارى دەڭگەيدەگى اشىق ەكونوميكالىق جاڭا ٴتۇزىلىستى جەدەل ورناتۋ، وڭىرلەردىڭ ٴبىر تۇلعالانۋىن جانە بەيجيڭ _ تيانجين قالالارىن ٴبىر تۇلعالاندىرا دامىتۋ ٴتۇزىلىس مەحانيزمىندە جاڭالىق اشۋدى ىشكەرىلەي ىلگەرىلەتۋ سياقتى جاقتاردا اناعۇرلىم زور ونىمدىلىككە قول جەتكىزۋى كەرەك.
شي جينپيڭ بىلاي دەپ اتاپ كورسەتتى: مادەنيەت ارقىلى ادام باۋلۋ، مادەنيەت ارقىلى حالىققا تيىمدىلىك جاساۋ، مادەنيەت ارقىلى قالانى نارلەندىرۋ، مادەنيەت ارقىلى كاسىپتى گۇلدەندىرۋ، قالانىڭ مادەنيەت ەرەكشەلىگى مەن رۋحاني قاسيەتىن ايگىلەۋ قالا مادەنيەتىن جالعاستىرۋدىڭ، دامىتۋدىڭ، قالا وركەنيەتىن جەتىلدىرۋدىڭ، نارلەندىرۋدىڭ ماقساتى. تيانجين تاريحي مادەنيەت بايلىعىن ىشكەرىلەي اشىپ، تاريحي مادەنيەت مۇرالارى مەن قىزىل مادەنيەت بايلىعىن قورعاۋدى كۇشەيتىپ، وسى زامانعى مادەنيەت كاسىپ سالاسى جۇيەسىن، بازار جۇيەسىن جانە الەۋمەتتىك مادەنيەتكە قىزمەت وتەۋ جۇيەسىن اقاۋسىزداندىرىپ، ايقىن ەرەكشەلىككە جانە تەرەڭ مانگە يە مادەنيەت ماركاسىن جاراتىپ، تيانجيننىڭ وسىزاماندانۋ جاڭا بەت ـ بەينەسىن ونان ارى ايگىلەۋى كەرەك.
شي جينپيڭ بىلاي دەپ باسا دارىپتەدى: قالا باسقارۋدى وسىزامانداندىرۋ دەڭگەيىن جوعارىلاتۋ _ وسىزاماندانعان ٴىرى قالا قۇرۋداعى كەلەلى مىندەت. تيانجين حالىق قالاسى ۇستانىمىن امالياتتا ايگىلەپ، تۇرعىنداردىڭ تىنىش ٴومىر، شات ـ شادىمان تىرشىلىك كەشىرۋىن قامتاماسىزداندىرۋدى ماڭداي الدى ٴىرى ٴىس ەتىپ، نەگىزگى الەۋمەتتىك قىزمەت وتەۋمەن قامداۋدى بىرتىندەپ كەڭەيتىپ، حالىق تۇرمىسىنىڭ تومەنگى شەگىن بەكەمدەپ، حالىق بۇقاراسىن ۇزدىكسىز جاڭا تابىس سەزىمىنە كەنەلتۋى كەرەك. ماندىك دامۋ جولىمەن جۇرۋگە تاباندى بولىپ، قالا باسقارۋدا جاڭالىق اشىپ، ٴتوزىمدى، حاۋىپسىز قالا قۇرىلىسىن كۇشەيتىپ، قالانى جاڭالاۋ ارەكەتىن بەلسەنە اتقارىپ، دامۋ كومەسكى كۇشىن ارتتىرىپ، دامۋ كەڭىستىگىن ساپالىلاندىرىپ، قالانىڭ كاسىپ كۇيىنىڭ، فۋنكتسياسىنىڭ، ساپاسىنىڭ ۇزدىكسىز جوعارىلاۋىن ىلگەرىلەتۋى كەرەك.
شي جينپيڭ بىلاي دەپ اتاپ كورسەتتى: جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى اياقتاۋ الدىندا تۇر، باياندى مەحانيزمدى اقاۋسىزداندىرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ كەرەك. ٴار دارەجەلى باسشىلىق القالارى مەن باسشى كادرلار دۇرىس ناتيجە كوزقاراسىن بەرىك ورناتىپ، فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتىپ، قالىڭ پارتيا مۇشەلەرى مەن كادرلاردى شىنايى يگەرىپ، ناقتى ىستەۋگە، ٴورىس اشا العا ىلگەرىلەۋگە جەتەكتەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ناقتىلانۋىن، تياناقتانۋىن بار كۇشپەن ىلگەرىلەتۋ كەرەك.
شي جينپيڭ سوڭىندا بىلاي دەپ باسا دارىپتەدى: كوكتەم مەرەكەسى تاياپ قالدى، ٴار دارەجەلى پارتكوم مەن ۇكىمەت حالىق تۇرمىسى مەن حاۋىپسىزدىكتى قامتاماسىزداندىرۋ، زاتتىق ماتەريالدارمەن، ەنەرگيامەن قامداۋدى قامتاماسىزداندىرۋ، قوعامنىڭ جاراسىمدىلىعى، ورنىقتىلىعى سياقتى قىزمەتتەرگە ايرىقشا ٴمان بەرىپ، حالىق بۇقاراسىنىڭ كوكتەم مەرەكەسىن بەرەكەلى دە شات ـ شادىمان وتكىزۋىنە شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ۋيدۇڭ، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار جەكە ـ جەكە جوعارىداعى قاتىستى قيمىلدارعا بىرگە قاتىناستى.