_ اۆتونوميالى رايوندىق ەكى ٴماجىلىستىڭ جەڭىسپەن جابىلعاندىعىن قىزۋ قۇتتىقتايمىز
«شينجياڭ گازەتى» باسماقالاسى
ماڭىزدى تاپسىرمانى ورىندادى، بورىشتى اقتادى. اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ٴماجىلىسى مەن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى ٴتۇرلى كەڭەستىك تارتىپتەرىن تولىق تابىسپەن ورىنداپ، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن قىزۋ مەرەيلى بەينەدە جەڭىسپەن جابىلدى. ٴبىز ەكى ٴماجىلىستىڭ تولىق تابىستى بولعاندىعىن قىزۋ قۇتتىقتايمىز! مىندەتىن اتقارىپ، جاۋاپكەرشىلىگىن ادا ەتكەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز! ٴبىز جۇڭگو ۇلگىسىندەگى وسىزامانداندىرۋدىڭ شينجياڭ كارتيناسىن كوكىرەك كەرنەگەن سەنىممەن كەسكىندەيمىز!
بۇل ٴبىر رەتكى زەيىن ـ زەردەنى، كۇش ـ قۋاتتى شوعىرلاندىرىپ، ناقتى ٴىس تىندىرعان ٴماجىلىس! ۇكىمەتتىڭ ٴۇنى مەن حالىق رايى توعىستى، ”مەملەكەتتىڭ زور ٴىسى“ مەن ”حالىقتىڭ ٴجىتى قاداعالاعان ٴىسى“ قابىستى، كوركەم كەلەشەك پەن اسقاق بورىش ريتىمدەس بولدى، اۆتونوميالى رايوندىق ەكى ٴماجىلىس وتكەن ٴبىر جىلداعى شينجياڭنىڭ ٴتۇرلى ىستەرىنىڭ دامۋىندا قول جەتكەن ناتيجەلەرگە قايىرىلا قاراپ، قورىتىندىلاپ، بيىلعى قىزمەتتىڭ جالپى تۇلعالىق تالابىن، مەجەلى نىساناسىن، ٴتۇيىندى مىندەتىن ايقىنداپ، ٴتۇرلى باياندامالاردى، قارارلاردى قاراپ ماقۇلداپ، سايلاۋ مىندەتىن ٴساتتى ورىنداپ، بارلىق ۋاكىلدەردىڭ، مۇشەلەردىڭ كوللەكتيۆ اقىل ـ پاراساتىن توپتاپ، بۇكىل شينجياڭداعى ٴار ۇلت حالقىنىڭ ورتاق ەرىك ـ جىگەرىن بەينەلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە تەلەگەي كۇش ـ قۋات ۇيىستىردى، شينجياڭنىڭ دامۋىنداعى تاريحي ۇردىستە بوياۋى قانىق ايشىقتى ورنەك سالارى داۋسىز.
بۇل سەنىمدى، قايراتتى ايگىلەگەن ٴبىر رەتكى ٴماجىلىس! وڭىرلىك ٴوندىرىستىڭ جالپى ٴونىم قۇنى، قارجى قوسۋ، تۇتىنۋ، يمپورت ـ ەكسپورت، قازىنا، اۋىل ـ قىستاق تۇرعىندارىنىڭ جان باسىندىق كىرىسى سياقتى 6 ٴتۇرلى كورسەتكىشتىڭ ارتۋ قارقىنى بۇكىل ەل بويىنشا الدىڭعى 5 ـ ورىنعا جايعاستى، بۇل تاريحتا بولماعان، قول جەتكىزۋ وڭايعا تۇسكەن جوق! استىقتىڭ تىڭنان ارتقان ەگىلگەن جەر اۋدانى، ٴونىم مولشەرى تۇگەلدەي بۇكىل ەل بويىنشا 1 ـ ورىنعا ٴوتتى. مۇناي، تابيعى گازدىڭ بالاماسى ٴۇرتىس 3 جىل بويى بۇكىل ەل بويىنشا 1 ـ ورىنعا مىقتاپ جايعاستى، ”شينجياڭنىڭ كومىرىن سىرتقا جەتكىزۋ“ تۇڭعىش رەت 100 ميلليون توننالىق ٴىرى وتكەلدەن ٴوتتى، قابىلداعان ساياحاتشى 265 ميلليون ادام (رەت) بولىپ، تاريحتاعى تىڭ دەڭگەيگە جەتتى، اۋەجايدىڭ جولاۋشى قابىلداۋ ـ جونەلتۋ مولشەرى تۇڭعىش رەت 40 ميلليون ادامنان (رەت) استى... اۆتونوميالى رايوندىق ەكى ماجىلىستە، وتكەن ٴبىر جىلداعى كورنەكتى ناتيجەلەر تىزىمدىگى بۇكىل رايونداعى ٴار ۇلت كادرلارىن، بۇقارانى ايرىقشا شابىتتاندىردى جانە جىگەرلەندىردى، قاباعات جەلپىندىرىپ، مەيىرگە بولەدى، سەنىمدەرى مەن كۇشتەرىن ەسەلەپ ارتتىردى!
بۇل اشىق وبرازدى ايگىلەگەن ٴبىر رەتكى ٴماجىلىس! اۆتونوميالى رايوندىق ەكى ٴماجىلىس ٴارى شوعىرلى تۇردە حالىق رايىن بەينەلەيتىن، حالىق پاراساتىن توپتايتىن ساياسي ساحنا، ٴارى شينجياڭ وبرازىن ايگىلەپ، شينجياڭ حيكاياسىن ويداعىداي باياندايتىن ماڭىزدى تەرەزە. تۇڭعىش رەت اقپارات ورتالىعى قۇرىلدى، تۇڭعىش رەت اقپار جاريالاۋ ٴماجىلىسى اشىلدى، تۇڭعىش رەت شەتەلدىك قوناقتار سىرتتاي تىڭداۋعا، شەكارا سىرتىنداعى مەديالار حابارلاۋعا ۇسىنىس ەتىلدى، بيىلعى اۆتونوميالى رايوندىق ەكى ماجىلىستەگى ”ٴۇش تۇڭعىشتىڭ“ اڭعارتاتىنى شينجياڭنىڭ دۇنيە جۇزىنە قىزۋ مەرەيمەن قۇشاعىن ايقارا اشۋعا بەلسەندى دە ىرىقتى بولۋى. اۆتونوميالى رايوندىق ەكى ٴماجىلىستىڭ 3 رەتكى اقپار جاريالاۋ ماجىلىسىندە تۇرلىشە سالادان كەلگەن ۋاكىلدەر، مۇشەلەر شينجياڭنىڭ تۇتاس بارىستىق حالىق دەموكراتياسى، جوعارى ساپالى دامۋ، ادامدىق ۇقىق ىستەرىنىڭ دامۋى سياقتى جاقتارداعى تابىستارىن جان ـ جاقتى تانىستىرىپ، بۇكىل شينجياڭداعى ٴار ۇلت حالقىنىڭ ورتاق ٴۇنىن بەينەلەدى. ۋاكىلدەر، مۇشەلەر تاسقىنداعان مىندەت اتقارۋ ىنتاسى، كۇشتى جاۋاپكەرشىلىك ارقالاۋ ارقىلى كورەگەندىكپەن ۇسىنىس قويىپ، ناقتى كەڭەس بەرىپ، شينجياڭنىڭ قايراتتانا ٴىس تىندىرعان، اسقاق بەينەمەن العا ۇمتىلعان، اشىق تا سەنىمدى وبرازىن، كەلبەتىن ىشتەن سىرتقا قاراي ايگىلەدى.
دۇنيەدەگى تابىستاردىڭ ٴبارى ايانباۋدان، ىستەۋدەن، كۇرەستەن كەلەدى. وتكەن ٴبىر جىلدا، باس شۋجي شي جينپيڭنىڭ، پارتيا ورتالىق كوميتەتىنىڭ باسشىلىعىندا، بۇكىل شينجياڭدا جوعارىدان تومەنگە دەيىن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋ سىندى ماڭداي الدى مىندەتتى كوزدەپ، شىندىققا جۇگىنىپ، ناقتى ٴىس تىندىرىپ، جاۋاپكەرشىلىك ارقالاپ، ناقتى ىستەپ، باسىم كوپ ساندى ەكونوميكالىق كورسەتكىشتەردىڭ ارتۋ قارقىنى بۇكىل ەل بويىنشا الدىڭعى ورىنعا جايعاسىپ، تاياۋ جىلداردان بەرگى شينجياڭنىڭ ەكونوميكالىق، قوعامدىق دامۋىنداعى ساپا مەن ونىمدىلىك ەڭ جاقسى ٴبىر جىل بولىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە نىق قادام تاستالدى.
شينجياڭ قول جەتكىزگەن ٴاربىر تابىس، تۇپتەپ كەلگەندە، باس شۋجي شي جينپيڭنىڭ شينجياڭعا ەرەكشە قامقورلىعىنىڭ، تەرەڭ سۇيىسپەنشىلىگىنىڭ، ٴۇرتىس 2 جىل شينجياڭعا كەلىپ ٴارى ماڭىزدى ٴسوز سويلەپ، ٴبىزدىڭ جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋىمىزعا جول سىلتەگەندىگىنىڭ، باعدار كورسەتكەندىگىنىڭ ارقاسى؛ جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جاڭا جورىقتا شينجياڭ قىزمەتىن ويداعىداي ىستەۋىمىزگە ٴتۇبىرلى بويسۇنۋ ولشەمىن ازىرلەگەندىگىنىڭ ارقاسى؛ پارتيا ورتالىق كوميتەتىنىڭ شينجياڭنىڭ جوعارى ساپالى دامۋىن قولداۋ جونىندە العا قويعان ٴبىرسىپىرا ماڭىزدى شارالارىنىڭ ٴبىزدىڭ ٴتۇرلى قىزمەتتى ىلگەرىلەتۋىمىزگە قۇدىرەتتى قوزعاۋشى كۇش ۇستەگەندىگىنىڭ ارقاسى.
بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى ورىنداۋداعى شەشۋشى ٴبىر جىل. ”بەس ۇلكەن ستراتەگيالىق ورىننىڭ“ بورىشى، ماڭىزدى تاپسىرماسى، ساياسات قاباتتاسۋ اسەرىنىڭ ۇزدىكسىز جارىققا شىعۋى، جۇڭگو (شينجياڭ) ەركىن ساۋدا سىناق رايونى قۇرىلىسىنىڭ جاپپاي باستالۋى، ”ٴبىر بەلدەۋ، ٴبىر جول“ وزەكتى رايونى قۇرىلىسىنىڭ جەدەلدەۋى شينجياڭنىڭ ەكونوميكانىڭ، قوعامنىڭ جوعارى ساپالى دامۋىن جەدەلدەتۋىنە كەلەلى تاريحي وراي ازىرلەدى. وسى ۇلى تاريحي ۇردىستە تۇرعاندا، ٴسوز جوق، نىسانانى كوزدەپ، قايراتتى تاسقىنداتىپ، ٴورىس اشا العا ىلگەرىلەپ، شينجياڭنىڭ اناعۇرلىم كوركەم بولاشاعىن ۇزدىكسىز اشۋ كەرەك.
ٴداۋىر تولقىنى العا جوڭكىلۋدە، بورىش، ماڭىزدى تاپسىرما ادامدى ەكپىندەي ىلگەرىلەۋگە جىگەرلەندىرەدى. ٴبىز باس شۋجي شي جينپيڭنىڭ شينجياڭدى كوزدەن كەشىرگەندەگى، اۆتونوميالى رايوننىڭ جانە بيڭتۋاننىڭ قىزمەت مالىمدەتىن تىڭداعانداعى ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن بۇلجىماي ٴتۇبىرلى بويسۇنۋ ولشەمى ەتىپ، شىن مانىندە اۆتونوميالى رايوندىق 10 ـ كەزەكتى پارتكومنىڭ ونىنشى جالپى ٴماجىلىسىنىڭ، اۆتونوميالى رايوندىق ەكى ٴماجىلىستىڭ ورنالاستىرۋلارى بويىنشا، مەملەكەت جالپى جاعدايىنداعى شينجياڭنىڭ ستراتەگيالىق ورنىن مىقتى يگەرىپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، جوعارى ساپالى دامۋدى باستان ـ اياق جاڭا ٴداۋىردىڭ بۇلجىماس قاعيداسى ەتىپ، حالىقتى باقىتقا كەنەلتۋدى باستان ـ اياق ەڭ ۇلكەن ناتيجە ەتىپ، قابىلەت قۇرىلىسىن باستان ـ اياق ۇزاق ۋاقىتتىق تاقىرىپ ەتىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ بارىسىندا شينجياڭنىڭ جاۋاپكەرشىلىك ارقالاۋىن اناعۇرلىم ويداعىداي ايگىلەۋىمىز، شينجياڭنىڭ ىسكەرلىگىن اناعۇرلىم ويداعىداي كورسەتۋىمىز كەرەك!
جورىق دابىلىن قاعىپ، نىق قاداممەن العا تارتتى، ەسكەك ەسىپ، جەلكەن جايىپ تىڭ ساپارعا اتتاندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، ”ٴاردايىم قام جەپ تۇراتىن“ جاۋاپكەرشىلىك سەزىممەن تياناقتاندىرۋدى بۇلجىماي يگەرىپ، تياناقتاندىرۋدى قاتاڭ ٴارى شاپشاڭ يگەرىپ، تياناقتاندىرۋدى شىندىققا جۇگىنۋ، ناقتى ٴىس ىستەۋ ارقىلى يگەرىپ، تياناقتاندىرۋدى باتىلدىقپەن، شەبەرلىكپەن يگەرىپ، ٴبىر نيەتپەن كۇش سالىپ، ۇزدىكسىز جالعاستىرا كۇرەس جاساپ، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، كورىكتى شينجياڭ قۇرىلىسىن قۇلشىنا ىلگەرىلەتۋدە جاڭا بەينە كورسەتەيىك!
