(شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندە 2024 ـ جىلى 2 ـ ايدىڭ 2 ـ كۇنى ماقۇلداندى)
شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ٴماجىلىسى مەڭگەرۋشى ٴزۇمىرات وبۇلدىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن جاساعان قىزمەت بايانداماسىن تىڭدادى جانە قارادى. ٴماجىلىس اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2024 ـ جىلعى قىزمەت جالپى تالابىنا جانە ٴتۇيىندى قىزمەت ورنالاستىرۋلارىنا قوسىلىپ، بۇل باياندامانى بەكىتۋدى ۇيعاردى.
ٴماجىلىس مىنالاردى تالاپ ەتتى: اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، پارتيانىڭ باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، تۇتاس بارىستىق حالىق دەموكراتياسىن امالياتتا ايگىلەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ٴجىتى قاداعالاپ، مىندەتىن جاپپاي زاڭ بويىنشا اتقارىپ، حالىق قۇرىلتايى تۇزىمىنە شىنايى ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزۋ كەرەك. نازاردى ساياسي جەتەكشىلىككە شوعىرلاندىرىپ، پارتيانىڭ جاپپاي باسشىلىعىنا تاباندى بولۋ؛ نازاردى تاماشا زاڭمەن شەبەر باسقارۋعا شوعىرلاندىرىپ، جوعارى ساپالى زاڭ ەرەجە شىعارۋدى كۇشەيتۋ؛ نازاردى زاڭ بويىنشا ٴونىمدى بولۋعا شوعىرلاندىرىپ، جوعارى ساپالى باقىلاۋدى كۇشەيتۋ؛ نازاردى حالىق ٴۇشىن مىندەت اتقارۋعا شوعىرلاندىرىپ، جوعارى ساپالى ۋاكىلدەر قىزمەتىن كۇشەيتۋ؛ نازاردى ”ٴتورت ورگانعا“ شوعىرلاندىرىپ، جوعارى ساپالى وزىندىك قۇرىلىستى كۇشەيتۋ ارقىلى جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايى ۇلەسىن قوسۋ كەرەك.
