نەگىزگى تاقىرىپتىق تاربيەنىڭ جەتىستىكتەرىن جوعارى ساپالى دامۋدى ىلگەرىلەتۋدىڭ ونىمدىلىگىنە اينالدىرامىز

　　نەگىزگى تاقىرىپتىق تاربيەنىڭ جەتىستىكتەرىن جوعارى ساپالى دامۋدى ىلگەرىلەتۋدىڭ ونىمدىلىگىنە اينالدىرامىز

　　_ باس شۋجي شي جينپيڭنىڭ نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندەگى ماڭىزدى ٴسوزى شينجياڭدا قىزۋ اڭىس قوزعادى

　　□ انار بۇلت \ شينجياڭ گازەتىنىڭ تىلشىلەرى

　　2 ـ ايدىڭ 4 ـ كۇنى شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ٴماجىلىسى بەيجيڭدە اشىلدى. ٴماجىلىس باس شۋجي شي جينپيڭنىڭ نەگىزگى تاقىرىپتىق تاربيە جەتىستىكتەرىن بەكەمدەۋ، كەڭەيتۋ جونىندەگى ماڭىزدى ٴسوزىن جەتكىزدى ٴارى ٴسوز رۋحىن ۇيرەنۋ، دايەكتىلەندىرۋ جونىندە ورنالاستىرۋ جاسادى، بۇل شينجياڭداعى ٴار ۇلت كادر ـ بۇقاراسى اراسىندا قىزۋ اڭىس قوزعادى.

　　نەگىزگى تاقىرىپتىق تاربيە باستالعاننان بەرى، شينجياڭداعى ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ٴمان بەرۋ، جاڭا ۇلەس قوسۋ“ باس تالابىن مىقتاپ يگەرىپ، نەگىزگى تاقىرىپتىق تاربيەنى جوعارى ولشەممەن، جوعارى ساپامەن ورىستەتىپ، تاماشا ناتيجەگە قول جەتكىزدى، قىمباتتى تاجىريبە توپتادى.

　　ناقتى ٴىس ىستەۋ، حالىقتى ۋايىمنان ارىلتۋ وسى رەتكى نەگىزگى تاقىرىپتىق تاربيەنىڭ ماڭىزدى مازمۇنى بولدى. 1 ـ ايدىڭ 23 ـ كۇنى ساعات 2دەن 9 مينۋت وتكەندە، ٴۇشتۇرپان اۋدانىندا 7.1 بال جەر سىلكىنىسى تۋىلىپ، اقشي اۋدانى قۇلانسارىق اۋىلىندا سىلكىنىس اسەرى كۇشتى بولدى، توسىن تۋىلعان جەر سىلكىنىسى قىستاق تۇرعىندارىنىڭ قالىپتى تۇرمىس ٴتارتىبىن بۇزدى. وتباسىلارىن ارالاپ اپاتقا ۇشىراۋ جاعدايىن ساناققا الدى، شاتىر تىكتى، زاتتىق ماتەريالداردى تاسىدى... اتالعان اۋىلدىڭ اقۇي قىستاعى پارتيا ياچەيكاسىنىڭ شۋجيى امانگۇل سىمايىل قىستاق ”ەكى كوميتەتىندەگى“ كادرلاردى باستاپ اتويلاپ الدا ٴجۇرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن تارتىپپەن ورىستەتتى.

　　”قىستاق پارتيا ياچەيكاسى _ قىستاق تۇرعىندارىنىڭ’ تىرەگى‘، ٴبىز، ٴسوز جوق، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ اۋىر جۇگىن ارقالاۋىمىز كەرەك“. امانگۇل نەگىزگى تاقىرىپتىق تاربيە ارقىلى قىستاق كادرلارىنىڭ بۇقارامەن اناعۇرلىم ەتەنە بولعاندىعىن ايتتى.

　　”نەگىزگى تاقىرىپتىق تاربيە ورىستەتۋ ارقىلى قالىڭ پارتيا مۇشەلەرى، كادرلار نازارياداعى سەرگەكتىكتى، ساياسيداعى ادالدىقتى، ىسىلعان ونەردى، بورىش ارقالاۋدى جانە جاڭا ستيلدى، دۇرىس سالتتى ۇيرەندى“. التاي ايماقتىق پارتكومنىڭ مۇشەسى، ۇيىمداستىرۋ ٴبولىمىنىڭ باستىعى ليۋ بيڭچيڭ مىنالاردى ٴبىلدىردى: ٴبىز باس شۋجي شي جينپيڭنىڭ تالابى بويىنشا، ىسكە اسىرۋعا بولاتىن، ناقتى ىستەيتىن، ۇزاق ۋاقىت جارامدى تۇزىمدىك مەحانيزم قۇرىپ جانە ونى اقاۋسىزداندىرىپ، نەگىزگى تاقىرىپتىق تاربيەنىڭ جەتىستىكتەرىن شىن مانىندە ەكونوميكانى، قوعامدى جوعارى ساپالى دامىتۋدى ىلگەرىلەتۋدىڭ پارمەندى قوزعاۋشى كۇشىنە اينالدىرامىز.

　　”باس شۋجي ناقتى ىستەۋ ستيلىن، پاكتىك ستيلىن، قاراپايىمدىلىق ستيلىن بارىنشا ساۋلەلەندىرىپ، وزىنە ـ ٴوزى توڭكەرىس جاساۋ رۋحىن اسقاقتاتىپ، بۇكىل پارتيادا شوعىرلى ٴتارتىپ تاربيەسىن ويداعىداي ۇيىمداستىرۋدى، ورىستەتۋدى باسا دارىپتەدى. بۇل ٴبىزدىڭ بۇدان كەيىنگى قىزمەتتەرىمىزگە ايقىن بەتالىس نۇسقادى“. ىلە قازاق اۆتونوميالى وبلىستىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى 4 ـ باقىلاۋ ـ تەكسەرۋ كەڭسەسىنىڭ مەڭگەرۋشىسى ياڭ چۇن بىلاي دەدى: باقىلاۋدى، ٴتارتىپ اتقارۋدى، جاۋاپقا تارتۋدى ۇزدىكسىز تەرەڭدەتىپ، ٴتارتىپ قۇرىلىسىندا استە بوساڭسىماۋدى قاتاڭ، ناقتى كۇشەيتىپ، پارتيا مۇشەلەرىن، كادرلاردى ۇنەمى ۇيرەنىپ، ۇنەمى جاڭالاپ وتىرۋعا قۋزاپ، ناقتى ىستەيتىن، پاك، قاراپايىمدىلىق قىزمەت ستيلىن ساۋلەلەندىرىپ، ەرەجەگە، تارتىپكە بويسۇنۋدى كوكەيگە بەرىك ۇيالاتامىز.

　　”ٴبىز نەگىزگى تاقىرىپتىق تاربيەنى وراي ەتىپ، نەگىزگى تۇلعالىق جاۋاپكەرشىلىكتى ارقالاپ، نەگىزگى تاقىرىپتىق تاربيەنىڭ جەتىستىكتەرىن شىن مانىندە عىلىم ـ تەحنيكا ارقىلى حالىق ٴۇشىن ىستەۋدىڭ، عىلىم ـ تەحنيكا ارقىلى حالىققا تيىمدىلىك جەتكىزۋدىڭ پارمەندى قوزعاۋشى كۇشىنە اينالدىرامىز“. اۆتونوميالى رايوندىق عىلىم ـ تەحنيكا قوعامى ورگان پارتكومىنىڭ ارناۋلى ورىنباسار شۋجيى جاۋ ۋيجۇن بىلاي دەدى: الداعى جەردە پارتيانىڭ جاسامپاز نازارياسىن ۇزدىكسىز ىشكەرىلەي ۇيرەنىپ، پارتيا ـ ۇكىمەت پەن عىلىم ـ تەحنيكا دارىندىلارى اراسىنداعى ”جۇرەكتەس كوپىر“، عىلىم ـ تەحنيكا ارقىلى حالىق ٴۇشىن ىستەيتىن ”جالپىعا بىردەي ٴتيىمدى كوپىر“ بولىپ، جاڭاشىل شينجياڭ قۇرىلىسىنا اناعۇرلىم زور ۇلەس قوسامىز.

　　نەگىزگى تاقىرىپتىق تاربيەنى شوعىرلى ورىستەتۋ اياقتاۋ الدىندا تۇرعانىمەن، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ ۇزاق ۋاقىتتىق مىندەت بولماق. قالىڭ پارتيا مۇشەلەرى، كادرلار مىنالاردى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن تاباندىلىقپەن ىشكەرىلەي ۇيرەنىپ، ەگجەي ـ تەگجەيلى ۇعىنىپ، ناقتى ىستەۋگە دەن قويىپ، ناقتى ۇلەس قوسىپ، ناقتى ونىمدىلىككە ۇمتىلىپ، زەيىن ـ زەردەنى ۇيىستىرىپ، كۇش ـ قۋات توپتاپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاڭا تاراۋىن قۇلشىنا جازامىز.

　　(ٴتىلشى جاڭ يانفاڭ، قاتىناسقان تىلشىلەر شيە حۇيبيان، سۇڭ ۋيگو، جاڭ جىلي، جاڭ لەي، جاڭ رۇيلين، جاڭ تيڭ، ۋاڭ نا، بارشا تەگىس، ەرىكتى تىلشىلەر جاڭ شياڭيىڭ، حۋ جۇنشيۋ)