سوتسياليستىك وزەكتى قۇن كوزقاراسىن كۇش سالا جەتىلدىرۋ جانە امالياتتا ايگىلەۋ كەرەك
_ شي جينپيڭ مادەنيەت يدەياسىن ىشكەرىلەي ۇيرەنۋ،دايەكتىلەندىرۋ جونىندەگى جەلىلەس شولۋ (6)
□ شينحۋا اگەنتتىگىنىڭ تىلشىلەرى \ حۋاڭ يۋە، دۇڭ بوتيڭ، چي چي
2023 ـ جىلى 10 ـ ايدا باس شۋجي شي جينپيڭ ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەرىپ، ”سوتسياليستىك وزەكتى قۇن كوزقاراسىن كۇش سالا جەتىلدىرۋ جانە امالياتتا ايگىلەۋ“ كەرەكتىگىن باسا دارىپتەدى.
پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىن بەكەمدەۋ، پارتيانىڭ بيلىك جۇرگىزۋ ورنىن بەكەمدەۋ ستراتەگيالىق بيىگىنەن، سوتسياليستىك وزەكتى قۇن كوزقاراسىن جەتىلدىرۋدى جانە امالياتتا ايگىلەۋدى رۋح ـ جىگەردى ۇيىستىرۋدىڭ، نەگىزدى كۇشەيتىپ، تاعاندى بەكەمدەۋدىڭ نەگىزدىك ينجەنەرياسى ەتىپ، كۇن ساناپ كۇشەيگەن جۇڭگو رۋحىن، جۇڭگو قۇندىلىعىن، جۇڭگو كۇشىن تۇلعالاپ، مۇراتىنان جازباي جۇڭحۋا ۇلتىنىڭ ۇلى گۇلدەنۋىن ىلگەرىلەتتى.
سوتسياليستىك وزەكتى قۇن كوزقاراسىمەن زەيىن ـ زەردە، كۇش ـ قۋاتتى شوعىرلاندىردى
2014 ـ جىلى كوكتەمدە 4 ـ مامىر قوزعالىسىنىڭ 95 جىلدىعى قارساڭىندا باس شۋجي شي جينپيڭ بەيجيڭ داشۋەسىنە بارىپ، وقىتۋشى ـ وقۋشىلارمەن اڭگىمەلەسكەندە بىلاي دەپ اتاپ كورسەتتى: ”ادامزات قوعامىنىڭ دامۋ تاريحى ٴبىر ۇلت، ٴبىر مەملەكەت جونىنەن الىپ ايتقاندا، ەڭ باياندى، ەڭ تەرەڭ قاباتتاعى كۇشتىڭ بۇكىل قوعام ورتاق مويىنداعان وزەكتى قۇن كوزقاراسى ەكەندىگىن بەينەلەدى“.
وزەكتى قۇن كوزقاراسى _ ٴبىر ۇلتتىڭ سۇيەنىپ تىرشىلىك ەتەتىن رۋحاني دانەكەرى، ٴبىر مەملەكەتتىڭ ورتاق يدەيا ـ ٴمورال نەگىزى.
”باي، قۇدىرەتتى، دەموكراتيالى، وركەنيەتتى، جاراسىمدى، ەركىن، تەپە ـ تەڭ، ٴادىل، زاڭمەن جونگە سالۋ، وتاندى ٴسۇيۋ، كاسىبىن قاستەرلەۋ، سەنىمدى بولۋ، تاتۋ ـ ٴتاتتى بولۋ“ سىندى تالاپ سوتسياليستىك وزەكتى قۇن كوزقاراسىنىڭ نەگىزگى مازمۇنىن ايقىنداپ، زامانىمىزداعى جۇڭگو قۇندىلىعىنىڭ ورتاق تانىمى بولىپ ۇيىستى.
ۇلتتىڭ گۇلدەنۋىنە اناعۇرلىم ىرىقتى رۋحاني كۇش ـ قۋات ۇيىستىردى _
ٴبىر ۇلتتىڭ، ٴبىر مەملەكەتتىڭ وزەكتى قۇن كوزقاراسى، ٴسوزسىز، وسى ۇلتتىڭ، وسى مەملەكەتتىڭ تاريحىمەن، مادەنيەتىمەن ٴوزارا سايكەسۋى، وسى ۇلتتىڭ، وسى مەملەكەتتەگى حالىقتىڭ جۇرگىزىپ جاتقان كۇرەسىمەن ٴوزارا ۇشتاسۋى، وسى ۇلتتىڭ، وسى مەملەكەتتىڭ شەشۋى قاجەتتى بولعان ٴداۋىر ماسەلەسىمەن ٴوزارا ساي كەلۋى كەرەك.
جۇڭگو ارمانى ”جۇڭگو حالقى مەن جۇڭحۋا ۇلتىنىڭ قۇندىلىق تانىمى مەن قۇندىلىق تالپىنىسىن“ اڭعارتادى. جۇڭگو ارمانىن جۇزەگە اسىرۋدا، ٴسوزسىز، جۇڭگو رۋحىن اسقاقتاتۋ كەرەك، ال ”جۇڭگو رۋحى، ٴسوزسىز، سوتسياليستىك وزەكتى قۇن جۇيەسىنە تاباندى بولۋ العى شارتىندا، جۇڭحۋا ۇلتىنىڭ ۋاقىت ۇزارعان سايىن جاڭارعان رۋحاني الەمىنە بەلسەندىلىكپەن تەرەڭدەي كىرىپ، ۇلتىمىزدىڭ ۇزاق ۋاقىتتان بەرى قالىپتاسقان بەلسەندىلىكپەن ورگە ۇمتىلۋ، ىزگىلىككە ۇمتىلۋ يدەياسىنا، مادەنيەتىنە تولىق مۇراگەرلىك ەتۋى جانە ونى اسقاقتاتۋى كەرەك“.
قۇندىلىق بولعاندا عانا كۇش ـ قۋاتتى ۇيىستىرۋعا بولادى، كۇش ـ قۋات بولعاندا عانا ارمانعا قانات قاعۋعا بولادى.
جۇڭحۋانىڭ تاڭداۋلى ٴداستۇرلى مادەنيەتىنە، توڭكەرىستىك مادەنيەتىنە جانە سوتسياليستىك وزىق مادەنيەتىنە تامىر تارتىپ، رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تابىستى امالياتىن تياناق ەتىپ، ۇلت رۋحىن جانە ٴداۋىر رۋحىن قامتىعان سوتسياليستىك وزەكتى قۇن كوزقاراسى ٴدال جۇڭگو رۋحنىڭ شوعىرلى بەينەسى بولىپ، ۇلتتىڭ گۇلدەنۋى سىندى جۇڭگو ارمانىن جۇزەگە اسىرۋدىڭ رۋحاني تىرەگىنە اينالدى.
ۇلتتىڭ گۇلدەنۋىنە ورتاق يدەيالىق، ٴمورالدىق نەگىز ازىرلەدى _
2013 ـ جىلى 11 ـ ايدىڭ 26 ـ كۇنى باس شۋجي شي جينپيڭ شاندۇڭنىڭ چۇيفۋىنداعى كۇڭزى سارايىن جانە كۇڭزىنى زەرتتەۋ ورنىن ەكسكۋرسيالاعاندا، قىزمەت تەكسەرگەندە بىلاي دەپ اتاپ كورسەتتى: ”جۇڭحۋا ۇلتى ۇرپاقتان ـ ۇرپاققا جالعاپ تاماشا، اسىل ٴمورال دەڭگەيىنە تالپىنعاندا عانا، ٴبىزدىڭ ۇلتىمىز ماڭگى ۇمىتكە تولى بولادى“.
وزەكتى قۇن كوزقاراسى ٴبىر ٴتۇرلى ٴمورال، ياعني جەكە ادامنىڭ ٴمورالى، ٴبىر ٴتۇرلى ۇلكەن ٴمورال، ياعني مەملەكەت ٴمورالى، قوعامدىق ٴمورال.
جۇڭحۋا ۇلتىنىڭ ۇلى گۇلدەنۋ بولاشاعىنىڭ بارعان سايىن انىق سەزىلۋىندەگى ٴبىر ماڭىزدى سەبەپ _ جۇڭگو كوممۋنيستىك پارتياسى مەن جۇڭگو حالقىنىڭ ادامدىق ٴمورالىنا، پارتيانى قۇدىرەتتەندىرۋ ٴمورالىنا، مەملەكەتتى گۇلدەندىرۋ ٴمورالىنا تاباندىلىقپەن تالپىنۋىندا جانە ونى بەلسەنە امالياتتا ايگىلەۋىندە.
بۇگىنگى كۇندە جۇڭحۋا ۇلتى ۇزدىكسىز العا ىلگەرىلەۋ ٴۇشىن، ٴسوزسىز، ٴداۋىر شارتىنا نەگىزدەلىپ، جۇڭحۋانىڭ تاڭداۋلى ٴداستۇرلى مادەنيەتىنە جانە ٴداستۇرلى تاماشا ٴمورالىنا مۇراگەرلىك ەتىپ جانە ونى ساۋلەلەندىرىپ، سوتسياليستىك وزەكتى قۇن كوزقاراسىن جەتىلدىرىپ جانە ونى امالياتتا ايگىلەپ، ادامداردى ٴمورالدى دارىپتەۋگە، ٴمورالدى قۇرمەتتەۋگە، ٴمورالعا بويسۇنۋعا، اسىل ٴمورالدىق مۇراتقا تالپىنۋعا جەتەكتەپ، جۇڭگوشا سوتسياليزمنىڭ يدەيالىق، ٴمورالدىق نەگىزىن ۇزدىكسىز بەكەمدەۋى كەرەك.
جۇڭحۋانىڭ تاڭداۋلى ٴداستۇرلى مادەنيەتىمەن سوتسياليستىك وزەكتى قۇن كوزقاراسىنا ٴنار بەردى
سوتسياليستىك وزەكتى قۇن كوزقاراسى تامىرسىز اعاش ەمەس، ونىڭ تامىرى، قاينارى بار.
2014 ـ جىلى 2 ـ ايدىڭ 24 ـ كۇنى باس شۋجي شي جينپيڭ جۇڭگو كوممۋنيستىك پارتياسى 18 ـ كەزەكتى ورتالىق كوميتەتى ساياسي بيۋروسىنىڭ 13 ـ رەتكى توپتىق ۇيرەنۋىن باسقارعاندا بىلاي دەپ تەرەڭ اتاپ كورسەتتى: ”جۇڭحۋانىڭ تاڭداۋلى ٴداستۇرلى مادەنيەتىنىڭ يدەيالىق ٴنارى مەن ٴمورالدىق جاۋھارىن مۇقيات قابىلداپ، وتانشىلدىقتى وزەك ەتكەن ۇلت رۋحى مەن رەفورما جاساۋ، جاڭالىق اشۋدى وزەك ەتكەن ٴداۋىر رۋحىن زور كۇشپەن اسقاقتاتىپ، جۇڭحۋانىڭ تاڭداۋلى ٴداستۇرلى مادەنيەتىنىڭ مەيىرىمدىلىكتى دارىپتەيتىن، حالىقتى نەگىز ەتۋگە ٴمان بەرەتىن، سەنىمگە بەرىك بولاتىن، ادىلەتتى ارداقتايتىن، تاتۋلىق پەن بىرلىكتى قۇرمەت تۇتاتىن، ۇلى بىرلىككە ۇمتىلاتىن ٴداۋىر قۇندىلىعىن تەرەڭ اشىپ جانە بايىمداپ، جۇڭحۋانىڭ تاڭداۋلى ٴداستۇرلى مادەنيەتىن سوتسياليستىك وزەكتى قۇن كوزقاراسىنا ٴنار بەرەتىن ماڭىزدى قاينار ەتۋ كەرەك“.
سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتا ايگىلەۋ جۇڭحۋانىڭ تاڭداۋلى ٴداستۇرلى مادەنيەتىنىڭ مول نارىنەن ايرىلا المايدى.
2014 ـ جىلى 3 ـ ايدىڭ 29 ـ كۇنى باس شۋجي شي جينپيڭ بەرليندە گەرمانيالىق جۇڭگو تانۋشىلارمەن، كۇڭزى شۋەيۋانىنىڭ وقىتۋشى ۋاكىلدەرىمەن جانە حانزۋ ٴتىلىن ۇيرەنگەن وقۋشىلاردىڭ ۋاكىلدەرىمەن اڭگىمەلەسكەندە بىلاي دەپ باسا دارىپتەدى: ”جۇڭحۋانىڭ تاڭداۋلى مادەنيەت ٴداستۇرى الدەقاشان جۇڭگو مادەنيەتىنىڭ گەنىنە اينالىپ، جۇڭگولىقتاردىڭ جۇرەگىندە تامىر تارتىپ، جۇڭگولىقتاردىڭ ارەكەت تاسىلىنە اڭداتپاي ٴۇن ـ ٴتۇنسىز ىقپال ەتىپ كەلدى. ٴبىز سوتسياليستىك وزەكتى قۇن كوزقاراسىن ورناتۋدامىز، مۇنىڭ ىشىندە ٴبىرقىدىرۋ ماڭىزدى مازمۇندار جۇڭحۋا مادەنيەتىنەن باستاۋ العان“.
”باي، قۇدىرەتتى، دەموكراتيالى“ ”حالىق _ مەملەكەتتىڭ ىرگە تاسى، ىرگە تاس بەرىك بولسا، مەملەكەت تىنىش بولادى“، ”حالىق بارىنەن جوعارى“ دەگەن قاراپايىم مۇراتپەن جالعاسىپ جاتىر؛
”ٴادىل، زاڭمەن جونگە سالۋ“ ”زاڭدى قاتاڭ اتقارسا مەملەكەت كۇشەيەدى، زاڭدى ٴالسىز اتقارسا مەملەكەت السىرەيدى“ دەگەن زاڭدى قۇرمەتتەۋ يدەياسىنان ٴنار العان؛
”سەنىمدى بولۋ، تاتۋ ـ ٴتاتتى بولۋ“ ”ايتقانىندا تۇرماۋ ادامگەرشىلىككە جاتپايدى“، ”ادامدارعا مەيىرىمدى بولۋ“ دەگەن قۇن تالپىنىسىن قابىلداعان؛
...
سوتسياليستىك وزەكتى قۇن كوزقاراسىنىڭ ٴاربىر كىندىك سوزىنەن جۇڭحۋانىڭ تاڭداۋلى ٴداستۇرلى مادەنيەتىنىڭ، يدەياسىنىڭ ٴنارى مەن ٴمورالىنىڭ جاۋھارىن قابىلداعاندىعى جانە ونىڭ كادەگە جاراتىلعاندىعى كورىنىپ تۇر. داستۇردەن رۋحاني گەندى تاۋىپ، مادەنيەتتەن جىگەر ـ قايرات مايەگىن قابىلداعان سوتسياليستىك وزەكتى قۇن كوزقاراسى تەرەڭ قاتپارلى مادەنيەت سەنىمىن ايگىلەپ، قۇدىرەتتى ومىرشەڭدىك كۇشى مەن ىقپال كۇشىن تاسقىنداتتى.
جۇڭحۋا ۇلتىنىڭ ۇزاق تاريحي دامۋ بارىسىندا قالىپتاستىرعان وتانشىلدىقتى وزەك ەتكەن ۇلى ۇلت رۋحى دا، رەفورما جاساۋ، ەسىك اشۋدىڭ جاڭا تاريحي مەزگىلىندە قالىپتاستىرعان رەفورما جاساۋ، جاڭالىق اشۋدى وزەك ەتكەن ٴداۋىر رۋحى دا ۇلت تانىمىندا، ۇلت قاسيەتىندە، ۇلتتىڭ قۇلقىندا تەرەڭ سومدالعان.
”ەلدىڭ گۇلدەنۋى مەن جويىلۋىندا ٴار ادامنىڭ جاۋاپكەرشىلىگى باردان” “مەملەكەت جاقسى، ۇلت جاقسى بولسا، كوپشىلىك تە جاقسى بولادىعا“، ”ەسكىلىكتى تاستاپ، جاڭالىققا كوشۋدەن” “رەفورما جاساپ، جاڭالىق اشۋعا“ دەيىنگى ٴارى تامىرلاس، ٴارى ۋاقىتپەن بىرگە ىلگەرىلەگەن قۇن كوزقاراسى جۇڭحۋا ۇلتىنىڭ ماڭگى وشپەۋىنە، وتىنىڭ سونبەۋىنە تىرەك بولاتىن رۋحاني كۇش ـ قۋاتقا اينالدى.
ٴداۋىر رۋحىمەن جۇڭحۋانىڭ تاڭداۋلى ٴداستۇرلى مادەنيەتىنىڭ ومىرشەڭدىك كۇشىن جانداندىرىپ، جۇڭحۋانىڭ تاڭداۋلى ٴداستۇرلى مادەنيەتىنە مۇراگەرلىك ەتۋ مەن ونى اسقاقتاتۋدى سوتسياليستىك وزەكتى قۇن كوزقاراسىن جەتىلدىرۋمەن جانە ونى امالياتتا ايگىلەۋمەن بىرلىككە كەلتىرىپ، حالىقتى دۇرىس تاريح كوزقاراسىن، ۇلت كوزقاراسىن، مەملەكەت كوزقاراسىن، مادەنيەت كوزقاراسىن ورناتۋعا جانە وعان تاباندى بولۋعا جەتەكتەپ، جۇڭگولىقتاردىڭ ار ـ نامىسىن جانە جىگەرىن كۇشەيتتى.
”سوتسياليستىك وزەكتى قۇن كوزقاراسىن جەتەكشى ەتۋگە تاباندى بولۋ، جاسامپازدىقپەن كادەگە جاراتۋعا، جاڭالىق اشا دامىتۋعا تاباندى بولۋ كەرەك.“ 2021 ـ جىلى 9 ـ ايدا شانشيدىڭ سۇيدى اۋدانىندا بەيزاتتىق مادەنيەت مۇرالارى سارايىندا باس شۋجي شي جينپيڭ ٴداستۇرلى مادەنيەت پەن وسى زامانعى تۇرمىستىڭ ۇشتاسۋ ٴتۇيىنىن تابۋدى باسا دارىپتەدى.
پاكتىك مادەنيەتى، ٴوزىن كەمەلدەندىرۋ پاراساتى، حالىقتى نەگىز ەتۋ يدەياسى پارتيا ستيلى، پاكتىك قۇرىلىسى قىزمەتىنە ەنگىزىلدى؛ وتباسى قۇرىلىسىنا ٴمان بەرۋ، وتباسى تاربيەسىنە، وتباسى سالتىنا ٴمان بەرۋ پارتيا ستيلىن دۇرىستاۋ، حالىق سالتىن جاقسارتۋدىڭ ماڭىزدى تۇتقاسىنا اينالدى؛ ادال، اق نيەتتى بولۋ، ار ـ ۇياتتى ساقتاۋ، ٴىس ـ ارەكەتىن تەجەۋ پارتيا مۇشەلەرىنىڭ، كادرلاردىڭ ٴوزىن كەمەلدەندىرۋدەگى سانالىلىعىنا اينالدى...
ەرتە زاماننان قازىرگە دەيىن جالعاسقان يدەيا، ۇستانىم ”تامىرلاستىعىنان، توركىندەستىگىنەن“ ۇلاسپالىلىعى مەن ورنىقتىلىعىن ايگىلەۋمەن بىرگە، ۋاقىتتىڭ جىلجۋىنا جانە ٴداۋىردىڭ وزگەرىسىنە ىلەسە ۇزدىكسىز جالعاسا دامىپ كەلەدى.
جۇڭحۋانىڭ تاڭداۋلى ٴداستۇرلى مادەنيەتىنىڭ ٴداۋىر قۇندىلىعىن تەرەڭ اشىپ جانە ونى بايىمداپ، جۇڭحۋانىڭ تاڭداۋلى ٴداستۇرلى مادەنيەتىنىڭ جاسامپازدىقپەن كادەگە جاراۋىن، جاڭالىق اشا دامۋىن ىلگەرىلەتىپ، مادەنيەت سەنىمىن بەكەمدەۋ بارىسىندا قۇن كوزقاراسى سەنىمىن كۇشەيتىپ، ۇلت رۋحىن سومداپ، گۇلدەنۋ جولىمەن ويداعىداي ٴجۇردى.
سوتسياليستىك وزەكتى قۇن كوزقاراسىن قوعام دامۋىنىڭ ٴارقايسى جاقتارىنا ٴسىڭىردى
تاربيەلەۋ، جەتەكتەۋ، تۇزىمدىك قامتاماسىزدىق، اماليات بارىسىندا قالىپتاستىرۋ... باس شۋجي شي جينپيڭنىڭ جەتەكشىلىگىندە، بۇكىل پارتيا، بۇكىل مەملەكەت، بۇكىل قوعام اتتانىسقا كەلىپ، جۇرەككە ۇيالاتىپ، ارەكەتكە اينالدىرىپ، سوتسياليستىك وزەكتى قۇن كوزقاراسىنىڭ الىپ بايتەرەگىنىڭ تامىرى تەرەڭ تارتىپ، جاپىراعى جايقالىپ، ومىرشەڭدىگى تاسقىندادى.
2023 ـ جىلى 12 ـ ايدىڭ سوڭىندا ”وزەكتى قۇن كوزقاراسىنىڭ ٴجۇز رەتكى لەكسياسىنىڭ“ 139 ـ رەتكى قيمىلى فۋجياننىڭ چۋانجوۋىندا وتكىزىلدى. ورتالىق پارتيا مەكتەبىنەن (مەملەكەتتىك اكىمشىلىك شۋەيۋانى) كەلگەن پروفەسسور پارتيا 18 ـ قۇرىلتايىنان بەرگى پارتيانى جاپپاي قاتاڭ باسقارۋدىڭ ۇلى تابىستارىن بەتاشار ەتىپ، تارتىپكە، زاڭعا، قاعيداعا قاتاڭ بويسۇنۋ جونىندە ۇگىت لەكسيا جاسادى.
وتانشىلدىق، كوللەكتيۆيزم، سوتسياليزم تاربيەسىن تەرەڭدەتىپ، ۇلت گۇلدەنۋىنىڭ ۇلى مىندەتىن ارقالاي الاتىن ٴداۋىردىڭ جاڭا ادامدارىن كۇش سالا تاربيەلەدى؛ سوتسياليستىك وزەكتى قۇن كوزقاراسىن حالىقتىق وقۋ ـ اعارتۋ جۇيەسىنە ەنگىزىپ، ازامات جاسىنا تولماعانداردىڭ يدەيا ـ ٴمورال قۇرىلىسى مەن داشۋە وقۋشىلارىنىڭ يدەيالىق ساياسي قىزمەتىن كۇشەيتتى جانە جاقسارتتى؛ مۇرات ـ سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، حالىقتى تاريحتى ٴبىلىپ پارتيانى سۇيۋگە، تاريحتى ٴبىلىپ وتاندى سۇيۋگە جەتەكتەدى...
سوتسياليستىك وزەكتى قۇن كوزقاراسىن جەتىلدىرۋدە جانە امالياتتا ايگىلەۋدە تاربيەلەۋ، جەتەكتەۋ نەگىز. سوتسياليستىك وزەكتى قۇن كوزقاراسىمەن رۋحتى سومداۋعا، ادامدى تاربيەلەۋگە تاباندى بولىپ، بۇكىل حالىقتىڭ ”ٴتورت سەنىمدى“ بەكەمدەپ، ورتاق مۇراتتى باتىل قورعاۋ، ورتاق ارماندى جۇزەگە اسىرۋ سەنىمى مەن بەكىمىن ۇزدىكسىز كۇشەيتۋىنە مۇمكىندىك جاسادى.
2017 ـ جىلى 10 ـ ايدىڭ 1 ـ كۇنى اتقارىلعان ازاماتتىق زاڭنامانىڭ جالپى ەرەجەسىندە سوتسياليستىك وزەكتى قۇن كوزقاراسى بەتاشاردىڭ 1 ـ تارماعىنا جازىلىپ، وزەكتى قۇن كوزقاراسىن زاڭمەن باسقارۋ قۇرىلىسىمەن توعىستىرۋدىڭ ايقىن بەينەسىنە اينالدى.
«سوتسياليستىك وزەكتى قۇن كوزقاراسىن زاڭمەن باسقارۋ قۇرىلىسىمەن ونان ارى توعىستىرۋ جونىندەگى جەتەكشى پىكىردى» باسىپ تاراتۋدان باستاپ وزەكتى قۇن كوزقاراسىنىڭ تالاپتارىن زاڭ، زاڭ ەرەجە جاساۋ، وعان وزگەرىس ەنگىزۋ، ونى كۇشىنەن قالدىرۋ بارىسىندا ايگىلەۋدى ىلگەرىلەتتى، قالا تۇرعىندارى شارتىندا، قىستاق قاعيداسىندا، وقۋشىلار ەرەجەسىندە، ۇيىمداردىڭ ۋستاۆىندا جانە ٴار سالا، ٴار كاسىپتىڭ ەرەجە ـ ولشەمدەرىندە ايگىلەدى، ودان ادىلەت جولىندا ايانباۋ، سەنىمدىلىك قۇرىلىسى، قايىرىمدىلىق، جىلۋ اتاۋ سياقتى جاقتارداعى ساياساتتار مەن زاڭداردى كەمەلدەندىرۋدى ىلگەرىلەتتى...
زاڭ، زاڭ ـ ەرەجە _ قوعامنىڭ نەگىزگى اعىمدىق قۇندىلىعىن جالپىلاستىرۋدىڭ ماڭىزدى كەپىلى. سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ جولىندا زاڭ جانە ساياسات ارقىلى قوعامعا دۇرىس قۇندىلىق بەتالىسىن جەتكىزىپ، بۇكىل قوعامدا جۇڭگوشا سوتسياليزم قۇرۋ ىستەرىنىڭ ”رۋحىن، جىگەرىن، قايراتىن“ ۇيىستىردى.
اۋىل ـ قىستاقتى گۇلدەندىرۋ ستراتەگياسىن اتقارۋدىڭ باس تالابىنا اۋىل سالتى وركەنيەتىن ەنگىزدى؛ بۇقارالىق رۋحاني وركەنيەتتە ۇلگىلى ورىن قۇرۋ قيمىلىن، لەي فىڭنان ۇيرەنۋ ەرىكتى قىزمەت وتەۋ قيمىلىن، ۇنەمشىل، ٴمورالدى بولۋ، جالپى حالىق ۇنەمشىل بولۋ ارەكەتىن تەرەڭدەتتى... جەلىلەس قيمىلداردىڭ تەرەڭ ورىستەتىلۋىنە ىلەسە، سوتسياليستىك وزەكتى قۇن كوزقاراسى قۇرىلىسىندا دا بارلىق ادام ات سالىسقان، جالپى حالىق اتتانىسقا كەلگەن جاندى جاعداي قالىپتاستى.
”شەشۋشى ازشىلىق“ ٴوزى ونەگە بولىپ، ۇلگى كورسەتىپ، قالىڭ بۇقارا جاقسىدان ونەگە الدى، العا، ىزگىلىككە ۇمتىلدى... سوتسياليستىك وزەكتى قۇن كوزقاراسىنىڭ ومىرشەڭدىك كۇشى امالياتتا، تەك ەگجەي ـ تەگجەيلى تياناقتاندىرعاندا، كىشى ـ گىرىم ىستەرگە دەيىن تياناقتاندىرعاندا، ناقتى تياناقتاندىرعاندا عانا، ۇزدىكسىز تەرەڭدەتىپ، ونى ميلليارد حالىقتىڭ قانىنا ٴسىڭىرىپ، سانالى ارەكەتى مەن سەنىمىنە اينالدىرۋعا بولادى.
جاڭا جورىقتا سوتسياليستىك وزەكتى قۇن كوزقاراسىن كۇش سالا جەتىلدىرىپ جانە ونى امالياتتا ايگىلەپ، ونى بۇكىل حالىقتىڭ ورتاق قۇندىلىق تالپىنىسىنا اينالدىرساق، ٴسوزسىز مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە سارقىلماس رۋحاني قوزعاۋشى كۇش ازىرلەۋگە بولادى.
(شينحۋا اگەنتتىگىنىڭ 1 ـ ايدىڭ 27 ـ كۇنى بەيجيڭنەن بەرگەن حابارى)
