ما شيڭرۇي حوتانعا بارىپ، نەگىزگى ساتىداعى كادرلارعا، بۇقاراعا امانداستى جانە ولاردان حال سۇرادى
بۇكىل شينجياڭداعى ٴار ۇلت حالقىنا ۇلۋ جىلىندا جاقسىلىق، باقىت، اماندىق تىلەدى
![](http://xjrbkazakh.ts.cn/xjrbhwb/2024/02/07/ECAD77872B356B5015DF4F087401E1F9.jpg)
2 ـ ايدىڭ 6 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي حوتان ايماعىنا بارىپ، حوتان قالاسىنىڭ، حوتان اۋدانىنىڭ نەگىزگى ساتى قىستاق ـ قالاشىقتارىن ارالاپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي حوتان قالاسىنىڭ لاسكۇي قالاشىعى كۇللەك قىستاعىندا قىستاق ”ەكى كوميتەتى“ القاسى، ٴبىرىنشى شۋجيى جانە قىستاقتا تۇراتىن قىزمەت اترەتىنىڭ مۇشەلەرى قاتارلىلارعا ىقىلاسپەن امانداستى جانە ولاردان حال سۇرادى.
□ سۋرەتتى جاڭ يۇڭ تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 6 ـ كۇنى حوتاننان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 ـ ايدىڭ 6 ـ كۇنى حوتان ايماعىنا بارىپ، حوتان قالاسىنىڭ، حوتان اۋدانىنىڭ نەگىزگى ساتى قىستاق ـ قالاشىقتارىن ارالاپ تەكسەرۋ ـ زەرتتەۋ جۇرگىزدى ٴارى ٴار ۇلت كادر ـ بۇقاراسىنا امانداسىپ جانە ولاردان حال سۇراپ، ولارعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعىن جەتكىزدى، بۇكىل شينجياڭداعى ٴار ۇلت حالقىنا ۇلۋ جىلىندا جاقسىلىق، باقىت، اماندىق تىلەدى.
ما شيڭرۇي حوتان قالاسىنىڭ لاسكۇي قالاشىعى كۇللەك قىستاعىنا جانە ٴىلچي اۋىلىنىڭ اراكەنت قىستاعىنا، حوتان اۋدانىنىڭ باعچى قالاشىعى گۋچىڭ قىستاعىنا بارىپ، قىستاق ”ەكى كوميتەتى“ القاسى، ٴبىرىنشى شۋجيى جانە قىستاقتا تۇراتىن قىزمەت اترەتىنىڭ مۇشەلەرى قاتارلىلارعا ىقىلاسپەن امانداستى جانە ولاردان حال سۇرادى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، نەگىزگى ساتى پارتيا قۇرىلىسى قىزمەتىن تىڭعىلىقتى، ەگجەي ـ تەگجەيلى ىستەپ، قىزمەت اترەتىنىڭ ”ۇيرەتۋ، كومەكتەسۋ، جەتەكتەۋ“ رولىن اناعۇرلىم ويداعىداي ساۋلەلەندىرىپ، نەگىزگى ساتى پارتيا ۇيىمدارىندا ورىن تەۋىپ وتىرعان ٴالسىز، بىتىراڭقى بولۋ ماسەلەلەرىن شەشۋدى ۇزدىكسىز ىلگەرىلەتىپ، باسقارۋ قابىلەتى مەن دەڭگەيىن ٴۇرتىس جوعارىلاتىپ، قىستاق دارەجەلى پارتيا ۇيىمدارىن شىن مانىندە قۋاتتى جاۋىنگەر قورعان ەتىپ قۇرىپ شىعۋ كەرەك.
ما شيڭرۇي جەكە ـ جەكە كۇللەك قىستاعىنىڭ تۇرعىنى مۇحاببات قادىر مەن گۋچىڭ قىستاعىنىڭ تۇرعىنى وبۇلاسەن ابدۇللانىڭ ۇيىنە بارىپ، ولارمەن اڭگىمە دۇكەن قۇرىپ، وتباسىنداعىلاردىڭ جۇمىستانۋ، تۇرمىس قامتاماسىزدىعى جانە بالالارىنىڭ ۇيرەنۋ جاعدايىن تاپتەشتەي ۇعىسىپ، كىرىس ەسەبىن بىرگە ەسەپتەپ، جاڭا تۇرمىسقا كوز جىبەردى. ما شيڭرۇي ەكى وتباسىنداعىلارعا كوكتەم مەرەكەسىندىك تىلەك جەتكىزىپ، ولاردى جاڭا ٴبىر جىلدا ۇزدىكسىز قۇلشىنىپ، قاجىرلى ەڭبەگى مەن ماڭداي تەرى ارقىلى بارعان سايىن جاقسى تۇرمىس كەشىرۋگە ىنتالاندىردى؛ بالالاردى جاقسى ۇيرەنىپ، ٴوز كۇشىنە سۇيەنەتىن، ٴوزىن الۋەتتەندىرەتىن، قوعامعا جارامدى ادام بولۋعا قۇلشىنۋعا شابىتتاندىردى. اراكەنت قىستاعىندا ما شيڭرۇي ساقا پارتيا مۇشەسى ابەيدۇللا ماحمۇتتان حال سۇراپ، ونىڭ دەنساۋلىعىنا كوڭىل ٴبولىپ، ونەگەلىك، باستاماشىلىق رولىن ۇزدىكسىز ساۋلەلەندىرىپ، اناعۇرلىم كوپ ادامنىڭ پارتياعا مىزعىماي ىلەسۋىنە، نيەتتەس بولا وتىرىپ باقىتتى تۇرمىس جاراتۋىنا ىقپال كورسەتۋىن جانە جەتەكشىلىك ەتۋىن ٴۇمىت ەتتى.
باعچى قالاشىعىنىڭ اۋىل شارۋاشىلىق بۇيىمدارى ساۋدا بازارىندا 600گە تارتا جايما ورنى قۇرىلعان، ٴتۇرلى تاۋارلارمەن قامداۋ تولىق بولىپ، زات ساتىپ الاتىن بۇقارا قايشالىسىپ جاتىر ەدى. ما شيڭرۇي بازارعا بارىپ، تاۋارمەن قامداۋ، ساتۋ، جۇمىستاندىرۋدى جەبەۋ، بازار باسقارۋ جاعدايىن تەكسەرىپ كورىپ، قاتىستى جاۋاپتىلارعا ۇيىمدىق باسقارۋدى كۇشەيتىپ، ٴوندىرۋ ـ ساتۋ ارناسىن ىركىلىسسىزدەندىرىپ، مەرەكەلىك تاۋاردىڭ مولشەرى جەتكىلىكتى، ساپاسى جاقسى، باعاسى ورنىقتى بولۋىنا كەپىلدىك ەتۋمەن بىرگە، ٴوندىرىس حاۋىپسىزدىگى جاۋاپكەرشىلىگىن قاتاڭ تياناقتاندىرىپ، ٴار ۇلت بۇقاراسىنىڭ مەرەكەنى قامسىز، جايلى وتكىزۋىنە مۇمكىندىك جاساۋدى تاپسىردى.
ما شيڭرۇي تاعى باعچى قالاشىعىنىڭ ەكولوگيالىق قولونەر بۇيىمدارىن ٴوندىرۋ بازاسىن جانە ٴىلچي اۋىلىنىڭ قۇرىلعىلى اۋىل شارۋاشىلىعىن دامىتۋ جاعدايىن تەكسەرىپ كورىپ، بىلاي دەپ باسا دارىپتەدى: باسىمدىقتى ٴدال تاۋىپ، ەرەكشەلىكتى كورنەكتىلەندىرىپ، اۋىل ـ قىستاقتاردىڭ حالىقتى بايىتاتىن كاسىپ سالالارىن بار كۇشپەن دامىتىپ، اۋىل ـ قىستاق 1 ـ ، 2 ـ ، 3 ـ كاسىپتەرىنىڭ توعىسا دامۋ دەڭگەيىن جوعارىلاتىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋ بارىسىندا اناعۇرلىم كوپ بۇقارانى ورنىقتى جۇمىستانۋعا، كىرىستەرىن ۇزدىكسىز ارتتىرۋعا جەتەكتەۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ تيانجينگە بارىپ نەگىزگى ساتىداعى كادر ـ بۇقاراعا امانداسقاندا جانە ولاردان حال سۇراعاندا سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىن بەرىك ورناتىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، حالىق تۇرمىسى مەن حاۋىپسىزدىكتى قامتاماسىز ەتۋ، زاتتىق ماتەريالدارمەن، ەنەرگيامەن قامداۋدى قامتاماسىز ەتۋ، قوعام جاراسىمدىلىعى، ورنىقتىلىق سياقتى قىزمەتتەردى تىڭعىلىقتى ىلگەرىلەتىپ، ٴار ۇلت حالقىنىڭ مەرەكەنى كوڭىلدى دە بەرەكەلى وتكىزۋىنە شىنايى كەپىلدىك ەتۋ كەرەك. قوعامدىق كەلەلى جاعدايدىڭ ورنىقتىلىعىن باتىل قورعاپ، ٴتۇرلى ورنىقتىلىقتى قورعاۋ شارالارىن تىڭعىلىقتى، ەگجەي ـ تەگجەيلى تياناقتاندىرىپ، نەگىزگى ساتى پارتيا ۇيىمى، قىستاقتا تۇراتىن قىزمەت اترەتى، الەۋمەتتىك اۋماق تور كوزى سياقتىلاردىڭ رولىن تولىق ساۋلەلەندىرىپ، نەگىزگى ساتىنى باسقارۋدى دەن قويا ويداعىداي ىستەپ، باسقارۋ، قىزمەت وتەۋ ساپاسىن، ونىمدىلىگىن جوعارىلاتىپ، ٴتۇرلى حاۋىپ ـ قاتەرلەردەن ٴونىمدى ساقتانىپ جانە ونى جويىپ، تىنىش، جاراسىمدى قوعامدىق راي قالىپتاستىرۋ كەرەك. اۋىل ـ قىستاقتى جاپپاي گۇلدەندىرۋدى جەدەل ىلگەرىلەتىپ، ابزال بايلىقتى كادەگە جاراتۋدى ٴۇرتىس ىلگەرىلەتىپ، قالا مەن اۋىلدىڭ ەرەكشەلىككە يە كاسىپ سالالارىنىڭ دامۋىن قولدايتىن ٴتۇرلى ساياسات ـ شارالاردى ويداعىداي تياناقتاندىرىپ، وسى زامانعى اۋىل ـ قىستاق كاسىپ سالاسى جۇيەسىن جەدەل قۇرىپ، كوكتەمگى اۋىل شارۋاشىلىق ٴوندىرىسى، كاسىپ سالاسىن دامىتۋ، بۇقارانى جۇمىستاندىرۋ سياقتى قىزمەتتەردى بەلسەندى تۇردە ويداعىداي جوسپارلاپ، جوعارى ساپالى دامۋ بارىسىندا حالىق تۇرمىسى قۇت ـ ىرىسىن ٴۇرتىس ارتتىرۋ كەرەك. حالىق تۇرمىسىنا كەپىلدىك ەتۋ تومەنگى شەگىن شىن مانىندە ويداعىداي بەكەمدەپ، ساقتاپ، كومىر، ەلەكتر، مۇناي ـ تابيعي گاز، تاسىمال جاعىنداعى قامداۋمەن قامتاماسىز ەتۋ، باعانى ورنىقتىرۋ قىزمەتىن بار كۇشتى سالا وتىرىپ ويداعىداي ىستەپ، استىق، ماي، ەت، جۇمىرتقا، ٴسۇت، جەمىس ـ جيدەك، كوكونىس سياقتى ماڭىزدى حالىق تۇرمىسى تاۋارلارىن ٴوندىرۋ ـ ساتۋدى، قامداۋمەن قامتاماسىز ەتۋدى كۇشەيتىپ، مەرەكەلىك بازار قامداۋىن ٴۇرتىس مولايتىپ، ساپا، باعا سياقتىلاردى باقىلاۋ ـ باسقارۋدى، تەكسەرۋدى كۇشەيتۋ كەرەك. ەرەكشە قيىنشىلىعى بار قاۋىمعا كوڭىل ٴبولىپ، ولارعا قامقورلىق جاساپ، كومەكتەسۋ ـ سۇيەمەلدەۋ، قۇتقارۋ ـ كومەكتەسۋ قىزمەتىن باعىتتامالى تۇردە ويداعىداي ىستەپ، ولارعا پارتيا مەن ۇكىمەتتىڭ قامقورلىعىن، مەيىرىن شىنايى سەزىندىرۋ كەرەك. ٴار دارەجەلى پارتكومدار مەن ۇكىمەتتەردىڭ جاۋاپكەرشىلىگىن ناقتىلاندىرۋ كەرەك، ٴار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ساياسي جاۋاپكەرشىلىكتى شىنايى ارقالاپ، حالىقتى باقىتقا كەنەلتۋدى باستان ـ اياق ەڭ ۇلكەن ناتيجە ەتىپ، ”ٴاردايىم قام جەپ تۇراتىن“ جاۋاپكەرشىلىك سەزىممەن ورنىقتىلىقتى قورعاۋ، دامۋدى جەبەۋ، حالىق تۇرمىسىن قامتاماسىز ەتۋ مىندەتتەرىن تىڭعىلىقتى ويداعىداي ىستەپ، ٴوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ سياقتى قىزمەتتەردى مىقتى، تىڭعىلىقتى يگەرىپ، ٴار ۇلت بۇقاراسىنىڭ مەرەكەنى حاۋىپسىز وتكىزۋىنە، مەرەكەنى باقىتتى وتكىزۋىنە مۇمكىندىك جاساۋ كەرەك.