شي جينپيڭ پارتيا سىرتىنداعى قايراتكەرلەرمەن كوكتەم مەرەكەسىن بىرگە قارسى الدى
جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا ـ توپتاعىلارعا، ساۋدا ـ ونەركاسىپشىلەر بىرلەستىگىندەگىلەرگە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ حۋنيڭ، ساي چي، ديڭ شۋەشياڭ قاتىناستى
![](http://xjrbkazakh.ts.cn/xjrbhwb/2024/02/08/90A53325E18C885B2AE4B809172FC371.jpg)
2 ـ ايدىڭ 7 ـ كۇنى شي جينپيڭ، ۋاڭ حۋنيڭ، ساي چي، ديڭ شۋەشياڭ قاتارلىلار بەيجيڭ حالىق سارايىندا پارتيا سىرتىنداعى قايراتكەرلەرمەن ٴبىر اراعا شاتتىقپەن باس قوسىپ، مەرەيلى مەرەكەنى بىرگە قارسى الدى. □ سۋرەتتى شينحۋا اگەنتتىگىنىڭ ٴتىلشىسى پاڭ شيڭلەي تۇسىرگەن
شينحۋا اگەنتتىگىنىڭ 2 ـ ايدىڭ 7 ـ كۇنى بەيجيڭنەن بەرگەن حابارى. جۇڭحۋا ۇلتىنىڭ ٴداستۇرلى مەرەكەسى جياچىن ۇلۋ جىلعى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 2 ـ ايدىڭ 7 ـ كۇنى تۇستەن كەيىن حالىق سارايىندا دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ٴبىر ارادا شاتتىقپەن باس قوسىپ، مەرەيلى مەرەكەنى بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا ـ توپتاعىلارعا، ساۋدا ـ ونەركاسىپشىلەر بىرلەستىگىندەگىلەرگە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ٴتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ٴتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ٴتوراعاسى جياڭ زوجۇن، ”3 ـ قىركۇيەك“ ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ٴتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلى تاۋ جى قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەستىڭ ورىنباسار ٴتوراعالارى حى حوۋحۋا، لياڭ جىنيىڭ، باسشىلىق قىزمەت ورنىنان شەگىنگەن دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ بۇرىنعى ٴتوراعالارى، ٴبىرىنشى ورىنباسار ٴتوراعالارى جانە ۇنەمىلىك ىستەرگە جاۋاپتى ورىنباسار ٴتوراعالارى دا ۇسىنىس بويىنشا قاتىناستى.
حاۋ ميڭجين دەموكراتيالىق پارتيا ـ توپتاردىڭ ورتالىق كوميتەتتەرى، مەملەكەتتىك ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ارناۋ ٴسوز سويلەدى. ول مىنالاردى ٴبىلدىردى: جاڭا عانا وتكەن 2023 ـ جىلى قاتاڭ دا كۇردەلى جاعداي جانە كوپ قاباتتامالى قيىنشىلىق، سىن ـ سايىس الدىندا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بيىكتە تۇرىپ، الىسقا كوز جىبەرىپ، جالپى جاعدايدى تۇتاس مەڭگەرىپ، بۇكىل ەلدەگى ٴار ۇلت حالقىن ىنتىماقتاستىرىپ، باستاپ قيىنشىلىققا قارسى اتتانىپ، قىسىمعا توتەپ بەرىپ، جانقيارلىقپەن شايقاسىپ، جىگەرلەنە ەكپىندەي ۇمتىلىپ، ەرلىكپەن العا باستى، جۇڭگو ۇلگىسىندەگى وسىزامانداندىرۋ نىق قادام تاستادى، جاڭا داۋىردەگى جۇڭگو كۇن سايىن تۇلەجىپ، اي سايىن جاڭارىپ، ۇلى ارمانعا قادام سايىن جاقىنداي ٴتۇستى. جاڭا ٴبىر جىلدا دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر نيەت، ٴبىر تىلەكتە بولىپ، ىنتىماقتاسا كۇرەس جۇرگىزىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ٴۇشىن تىڭ دا اناعۇرلىم زور ۇلەس قوسۋى كەرەك.
حاۋ ميڭجيننىڭ ارناۋ ٴسوزىن تىڭداعاننان كەيىن شي جينپيڭ ماڭىزدى ٴسوز سويلەدى. ول بىلاي دەپ باسا دارىپتەدى: 2023 ـ جىل اسا وزگەشە بولدى. ٴبىر جىلدان بەرى جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جۇڭگو كوممۋنيستىك پارتياسى 20 ـ قۇرىلتايىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، سىرتقى قىسىمعا توتەپ بەرىپ، ىشكى قيىنشىلىقتى جەڭىپ، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، ەكونوميكالىق، قوعامدىق دامۋدىڭ باستى مەجەلى نىسانالارىن تابىستى جۇزەگە اسىردى، باستاماسى ورنىقتى بولىپ، جارقىن تۇيىندەر ارت ـ ارتىنان جارىققا شىقتى. ٴبىز قيىن ماسەلەلەردى باعىتتامالى تۇردە شەشىپ، جوعارى ساپالى دامۋدى تىڭعىلىقتى ىلگەرىلەتىپ، ەلىمىز ەكونوميكاسىنىڭ جالپى جاقتان قايتا ورلەۋىن، جاقسارۋىن ىلگەرىلەتتىك، تۇتاس جىلدىق ەكونوميكانىڭ جالپى مولشەرى 126 تريلليون يۋاننان اسىپ، جۇمىستاندىرۋ، زات باعاسى جالپى جاقتان ورنىقتى بولدى. ٴبىز بۇكىل مەملەكەتتىك جاڭاشا ٴتۇزىلىستى جەدەل كەمەلدەندىرىپ، عىلىم ـ تەحنيكادا جاڭالىق اشۋدا جاڭا سەرپىلىستى جۇزەگە اسىرىپ، جاڭا، ساپالى وندىرگىش كۇشتەردىڭ دامۋىن جەبەدىك. ەلىمىزدىڭ 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن، جۇڭگو _ ورتا ازيا باسشىلار ٴماجىلىسىن ٴساتتى وتكىزۋى، بريكس ەلدەرىنىڭ مۇشە كوبەيتۋىن ىلگەرىلەتتى، جۇڭگوشا ٴىرى ەل ديپلوماتياسى كۇشتى ىقپال قۋاتىن، باۋراۋ قۋاتىن، سومداۋ قۋاتىن بارعان سايىن ايگىلەي ٴتۇستى. ٴبىز حۋابەيدەگى، دۇڭبەيدەگى تاسقىن جانە گانسۋدەگى، چيڭحايداعى جەر سىلكىنىسى، سونداي ـ اق شينجياڭداعى جەر سىلكىنىسى سياقتى ٴبىر قىدىرۋ ەلەۋلى جاراتىلىستىق اپاتتارعا ٴونىمدى توتەپ بەردىك، چىڭدۋ دۇنيە ٴجۇزى جوعارى مەكتەپ وقۋشىلارى جازعى سپورت جارىسىن، حاڭجوۋ ازيا سپورت جارىسىن تابىستى وتكىزدىك، ەلىمىزدىڭ دەنە تاربيە ساڭلاقتارى تاعى دا تاماشا ناتيجەگە قول جەتكىزدى. بۇل ناتيجەلەرگە قول جەتكىزۋ _ جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، سونداي ـ اق دەموكراتيالىق پارتيا ـ توپتاردى، ساۋدا ـ ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل قوعامداعى ٴار جاقتىڭ قايسارلىقپەن ايانباي شايقاس جاساۋىنىڭ، بىرگە كۇرەس جۇرگىزۋىنىڭ جەمىسى.
شي جينپيڭ بىلاي دەپ اتاپ كورسەتتى: وتكەن ٴبىر جىلدا دەموكراتيالىق پارتيا ـ توپتار جانە پارتيادا، توپتا جوق قايراتكەرلەر جاڭا ٴداۋىر جۇڭگوشا سوتسياليزم يدەياسىن جانە جۇڭگو كوممۋنيستىك پارتياسى 20 ـ قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ” زەيىن ـ زەردەنى ۇيىستىرىپ، رۋحتى سومداپ، نەگىزدى كۇشەيتىپ، جاڭا جورىقتا ىنتىماقتاسا ەكپىندەي ىلگەرىلەۋ “ نەگىزگى تاقىرىپتىق تاربيەسىن تىڭعىلىقتى ورىستەتىپ، جۇڭگو كوممۋنيستىك پارتياسى ورتالىق كوميتەتى ” 1 ـ مامىر ۇرانىن“ جاريالاعاندىعىنىڭ 75 جىلدىعىن ەسكە ٴتۇسىرۋ ورايىن مىقتى يگەرىپ، ساياسي وتكىزىپ بەرۋ ـ وتكىزىپ الۋدى تەرەڭدەتىپ، كوپ پارتيا سەلبەستىگىنىڭ يدەيالىق ـ ساياسي ورتاق تانىمىن ۇزدىكسىز كۇشەيتتى. كوپشىلىك وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋ ۇردىسىندەگى ٴتۇيىندى، قيىن ماسەلەلەرگە شوعىرلاندىرىپ سىندارلى اقىل ـ كەڭەس بەرىپ، ەكونوميكالىق، قوعامدىق دامۋعا قىزمەت وتەۋ جاعىندا تىڭ تابىسقا قول جەتكىزدى. مەملەكەتتىك ساۋدا ـ ونەركاسىپشىلەر بىرلەستىگى قاتىستى تاراۋلارمەن جانە جەرگىلىكتى ورىندارمەن بەلسەنە سايكەسىپ، حالىقتىق شارۋاشىلىقتىڭ جوعارى ساپالى دامۋىن جەبەۋ ساياساتتارىن تياناقتاندىرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن، جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ ٴۇشىن قىرۋار قىزمەت ىستەدى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى!
شي جينپيڭ بىلاي دەپ باسا دارىپتەدى: 2024 ـ جىل _ جاڭا جۇڭگو قۇرىلعاندىعىنىڭ 75 جىلدىعى، ” 14ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتىپ، ونان سوڭ كۇشىنەن قالدىرۋ تالابىن دايەكتىلەندىرىپ، ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەپ جانە كۇشەيتىپ، ەكونوميكانىڭ ساپا جاعىندا ٴونىمدى جوعارىلاۋ مەن سان جاعىندا ۇيلەسىمدى ارتۋدى جۇزەگە اسىرۋىن ٴۇرتىس ىلگەرىلەتىپ، جۇڭگو ۇلگىسىندەگى وسىزامانداندىرۋدى تىڭعىلىقتى، ورنىقتى ىلگەرىلەتۋ كەرەك. دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ٴتۇسىنىپ، تەكسەرۋ ـ زەرتتەۋ، ۇكىمەت ٴىسىن كەڭەسۋ، دەموكراتيالىق باقىلاۋ، ٴوز قۇرىلىسى سياقتى جاقتاردا ۇزدىكسىز قۇلشىنىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل ـ پاراساتتارى مەن كۇش ـ قۋاتتارىن ارناۋى كەرەك.
شي جينپيڭ دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەرگە 3 ٴۇمىت ارتتى. ٴبىرىنشى، ٴتۇزىم سەنىمىن بەكەمدەپ، جۇڭگونىڭ جاڭاشا ساياسي پارتيالار تۇزىمىنە ويداعىداي تاباندى بولۋ، ونى ويداعىداي دامىتۋ، ويداعىداي كەمەلدەندىرۋ كەرەك. ساياسي پارتيالاردىڭ كەڭەسۋ ساپاسىن شىنايى جوعارىلاتىپ، ۇكىمەت ٴىسىن كەڭەسۋ، ۇسىنىس قويۋ مەحانيزمىن ۇزدىكسىز اقاۋسىزداندىرىپ، دەموكراتيالىق باقىلاۋدى ٴتارتىپتى ورىستەتىپ، ابزالدىلىق رولىن ساۋلەلەندىرەتىن تۇعىر دانەكەرىن كەڭەيتىپ، جۇڭگونىڭ جاڭاشا ساياسي پارتيالار ٴتۇزىمىنىڭ ونىمدىلىگىن كۇش سالا جوعارىلاتۋ كەرەك. ەكىنشى، ورتاق تانىمدى كەڭ كولەمدە ۇيىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە دەم بەرۋ كەرەك. جۇڭگو كوممۋنيستىك پارتياسىنىڭ 20 ـ قۇرىلتايىندا العا قويىلعان كەلەلى ستراتەگيالىق مىندەتتەردى جانە ورتالىقتىڭ ەكونوميكالىق قىزمەت ٴماجىلىسىنىڭ ورنالاستىرۋلارىن ارقاۋ ەتە وتىرىپ ۇزدىكسىز ىشكەرىلەي تەكسەرۋ ـ زەرتتەۋ جۇرگىزىپ، اناعۇرلىم باعىتتامالى تۇردە سىندارلى اقىل ـ كەڭەس بەرۋ كەرەك. مەملەكەتتىك ساۋدا ـ ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىن دامۋ سەنىمىن بەكەمدەۋگە جەتەكتەپ، جۇڭگو ەكونوميكاسىنىڭ بولاشاعى نۇرلى نازارياسىن بىرگە اسقاقتاتا شىرقاۋى كەرەك. ٴۇشىنشى، ساياسي جەتەكشىلىكتى كۇشەيتىپ، ٴوز قۇرىلىسىنىڭ دەڭگەيىن ۇزدىكسىز جوعارىلاتۋ كەرەك. ماڭداي الدى مىندەت _ يدەيالىق ـ ساياسي قۇرىلىستى كۇشەيتىپ، ساياسي بەتالىستى مىقتاپ يگەرىپ، جۇڭگو كوممۋنيستىك پارتياسىنىڭ باسشىلىعىنا تاباندى بولۋدىڭ يدەيالىق ـ ساياسي نەگىزىن بەكەمدەۋ. پاكتىك قۇرىلىسىن، باسشىلىق القا قۇرىلىسىن جانە ۇيىمدىق قۇرىلىستى كۇشەيتىپ، يدەيالىق ستيل مەن قىزمەت ستيلىن شىنايى جاقسارتىپ، مىندەت وتەۋ قابىلەتى مەن دەڭگەيىن نىق قاداممەن جوعارىلاتۋ كەرەك.
اڭگىمە ماجىلىسىنەن كەيىن شي جينپيڭ قاتارلى پارتيا مەن مەملەكەت باسشىلارى دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاڭا، كونە جاۋاپتىلارى جانە پارتيادا، توپتا جوق قايراتكەرلەر ۋاكىلدەرى قاتارلىلارمەن توپتىق سۋرەتكە ٴتۇسىپ ەستەلىك قالدىردى.
ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.