اۆتونوميالى رايون 2024 ـ جىلعى كوكتەم مەرەكەسىن توپتىق قۇتتىقتاۋ ٴماجىلىسىن وتكىزدى
ما شيڭرۇي ارناۋ ٴسوز سويلەدى، سىمايىل تىلەۋالدى ۇسىنىس بويىنشا قاتىناستى
ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، شاۋكەت يمىن، لي يفي، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 7 ـ كۇنى ۇرىمجىدەن حابارلايدى. سالتاناتتى گۇلدەنگەن زاماندا، ادامدار باي ـ باقىتتى ٴومىر كەشىرۋدە. مەرەيلى كوكتەم مەرەكەسى كەلۋ قارساڭىندا، اۆتونوميالى رايوندىق پارتكوم مەن ۇكىمەت 2 ـ ايدىڭ 7 ـ كۇنى تۇستەن بۇرىن 2024 ـ جىلعى كوكتەم مەرەكەسىن توپتىق قۇتتىقتاۋ ٴماجىلىسىن وتكىزدى. بۇكىل رايونىمىزداعى ٴار ۇلت، ٴار سالا ۋاكىلدەرى ٴبىر ارادا شاتتىقپەن باس قوسىپ، مەرەيلى مەرەكەنى بىرگە تويلاپ، كوكتەم مەرەكەسىن قۋانىشپەن قارسى الدى. اۆتونوميالى رايوندىق پارتكومنىڭ شۋجيى ما شيڭرۇي ارناۋ ٴسوز سويلەدى، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى ۇسىنىس بويىنشا قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز باسقاردى. ٴزۇمىرات وبۇل، نۇرلان ٴابىلماجىن، شاۋكەت يمىن، لي يفي، حى جۇڭيوۋ، جاڭ جۋ قاتىناستى.
ما شيڭرۇي اۆتونوميالى رايوندىق پارتكوم، حالىق قۇرىلتايى تۇراقتى كوميتەتى، ۇكىمەت، ساياسي كەڭەس جانە بيڭتۋان اتىنان بۇكىل رايونداعى ٴار ۇلت كادرلارى مەن بۇقاراسىنا، شينجياڭداعى حالىق ازاتتىق ارمياسىنىڭ كوماندير ـ جاۋىنگەرلەرىنە، قارۋلى ساقشى وفيتسەر ـ اسكەرلەرىنە، قوعام حاۋىپسىزدىگى كادر ـ ساقشىلارىنا، ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ قوسىندارىنا، بيڭتۋاننىڭ كادرلارىنا جانە جۇمىسشى ـ قىزمەتكەرلەرىنە، ٴارقايسى دەموكراتيالىق پارتيا ـ توپتارداعى، ساۋدا ـ ونەركاسىپشىلەر بىرلەستىگىندەگى، پارتيادا، توپتا جوق قايراتكەرلەرگە، حالىقتىق ۇيىمدارعا، مامان ـ وقىمىستىلارعا، وزات ۇلگىلەر سياقتى ٴار سالا قايراتكەرلەرىنە، ساقا باسشىلارعا، ساقا جولداستارعا، ورتالىقتىڭ شينجياڭداعى مەكەمە ـ ورىندارىنىڭ كادرلارىنا، جۇمىسشى ـ قىزمەتكەرلەرىنە جانە شينجياڭعا كومەككە كەلگەن كادرلارعا، شينجياڭ قىزمەتىنە كوڭىل بولگەن، قولداۋ كورسەتكەن جانە كومەكتەسكەن ەل ٴىشى ـ سىرتىنداعى بارلىق دوستارعا كوكتەم مەرەكەسى بايلانىسىمەن ىزگى تىلەك جولدادى.
ما شيڭرۇي بىلاي دەپ اتاپ كورسەتتى: وتكەن ٴبىر جىل شينجياڭنىڭ دامۋ تاريحىندا بەلەستىك مانگە يە ٴبىر جىل بولدى. باس شۋجي شي جينپيڭ اراعا ٴبىر جىل سالىپ شينجياڭعا تاعى كەلىپ، ماڭىزدى ٴسوز سويلەپ، جاڭا داۋىردەگى شينجياڭ قىزمەتىن ويداعىداي ىستەۋگە جوبا كەسكىندەپ، باعدار كورسەتتى. پارتيا ورتالىق كوميتەتى ٴبىر قىدىرۋ كەلەلى ساياسات ـ شارالاردى العا قويىپ، شينجياڭنىڭ دامۋىنا بۇرىن بولماعان تاريحي وراي ازىرلەدى. بۇكىل رايونىمىزداعى ٴار ۇلت كادرلار مەن بۇقارا تەرەڭ شابىت الىپ، ايرىقشا جەلپىنىپ، سەنىمدەرى ەسەلەپ ارتتى. ٴبىر جىلدان بەرى ٴبىز تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، باس شۋجيدىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، قوعامدىق كەلەلى جاعداي ورنىقتى، ەكونوميكا ورنىقتى، اقاۋسىز دامىعان، حالىق تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى ساقتادىق. ٴبىر جىلدىق كۇرەس بارىسىنا قايىرىلا قاراساق، ٴبىز ”ەكىنى تۇراقتاندىرۋدىڭ“ جاپا ـ ماشاقات، قيىنشىلىق، حاۋىپ ـ قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك ەكەندىگىن اناعۇرلىم تەرەڭ تانىپ جەتتىك. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ باس شۋجي مەن پارتيا ورتالىق كوميتەتىنىڭ شينجياڭعا نۇسقاعان داڭعىل جولى ەكەندىگىن، ٴبىز تەك تولىق، دالمە ـ ٴدال، جاپپاي دايەكتىلەندىرسەك بولعانى، ٴسوز جوق، كورىكتى شينجياڭ قۇرۋ ۇلى جوباسىن تاماشا رەالدىققا اينالدىرا الاتىندىعىمىزدى ونان ارى تەرەڭ تانىپ جەتتىك.
ما شيڭرۇي بىلاي دەپ باسا دارىپتەدى: 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ” 14ـ بەسجىلدىق“ جوباداعى نىسانا ـ مىندەتتەردى ورىنداۋداعى شەشۋشى ٴبىر جىل. شينجياڭ قىزمەتتەرىن ويداعىداي ىستەۋدە ٴبىز اۋىر مىندەت ارقالاپ وتىرمىز، ٴسوز جوق، جىگەرلەنە ۇمتىلىپ، ەرلىكپەن العا باسۋىمىز كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ، كەڭەيتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتۋگە، جوعارى ساپالى دامۋدى جاڭا داۋىردەگى بۇلجىماس قاعيدا ەتۋگە، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتەردىڭ نەگىزگى جەلىسى ەتۋگە تاباندى بولىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن اناعۇرلىم تەرەڭ تانىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى اناعۇرلىم كۇشەيتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى، ويداعىداي ىستەپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرىپ، جاڭا جۇڭگو قۇرىلعاندىعىنىڭ 75 جىلدىعىن ۇزدىك ناتيجەلەرمەن قۇتتىقتاۋىمىز كەرەك.
ياڭ چىڭ، تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس، بيڭتۋان باسشىلىق القاسىنىڭ قۇرامىنداعىلار جانە شينجياڭدا تۇراتىن اسكەري بولىمدەردىڭ قاتىستى باسشىلارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ نەگىزگى جاۋاپتى جولداستارى، ٴبىر ٴبولىم ساقا جولداستاردىڭ ۋاكىلدەرى، ٴبىر ٴبولىم پارتيا 20 ـ قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، ەكى اكادەميانىڭ اكادەميكتەرى، مامان ـ دارىندىلار، شينجياڭعا كومەككە كەلگەن كادرلاردىڭ ۋاكىلدەرى، دەموكراتيالىق پارتيا ـ توپتاردىڭ، اۆتونوميالى رايوندىق ساۋدا ـ ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى، ٴار سالا ۋاكىلدەرى جانە ٴارقايسى شەپتەگى وزاتتار مەن ۇلگىلەر توپتىق قۇتتىقتاۋ ماجىلىسىنە قاتىناستى.
