ما شيڭرۇي، ەركىن تۇنياز اۆتونوميالى رايوننىڭ ٴار سالاسىنداعى ماماندار، وقىمىستىلار، ايگىلى قايراتكەرلەر ۋاكىلدەرىمەن كەزدەستى
ٴزۇمىرات وبۇل، نۇرلان ٴابىلماجىن، لي يفي كەزدەسۋگە قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز 2 ـ ايدىڭ 7 ـ كۇنى تۇستەن بۇرىن اۆتونوميالى رايوننىڭ ٴار سالاسىنداعى ماماندار، وقىمىستىلار جانە ايگىلى قايراتكەرلەر ۋاكىلدەرىمەن كەزدەسىپ، كوپشىلىكتىڭ كوكتەم مەرەكەسىنە قۇتتى بولسىن ايتتى ٴارى قىزمەت جونىندەگى ۇسىنىستارىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي كەزدەسۋگە قاتىناستى.
ما شيڭرۇي بىلاي دەدى: مەرەيلى كوكتەم مەرەكەسى كەلۋ الدىندا تۇر، كوپشىلىكپەن كەزدەسكەندىگىمە توتەنشە قۋانىشتامىن. سىزدەر شينجياڭداعى ٴار كاسىپ، ٴار سالاداعى تاڭداۋلى تايانىش كۇشتەرىسىزدەر، ۇزاق ۋاقىتتان بەرى شينجياڭنىڭ دامۋىنا بەلسەندى ۇلەس قوسىپ كەلدىڭىزدەر، اۆتونوميالى رايوندىق پارتكوم، حالىق قۇرىلتايى تۇراقتى كوميەتى، ۇكىمەت، ساياسي كەڭەس جانە بيڭتۋان اتىنان سىزدەرگە العىس ايتامىن، كوكتەم مەرەكەلەرىڭىزدىڭ مەرەيلى بولۋىن تىلەيمىن. قازىر شينجياڭ ماڭىزدى دامۋ ستراتەگيالىق وراي مەزگىلىندە تۇر. باس شۋجي شي جينپيڭ شينجياڭعا ٴۇرتىس 2 جىل كەلىپ، ماڭىزدى ٴسوز سويلەپ، ٴبىزدىڭ جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋىمىزعا جول نۇسقاپ، باعدار بەلگىلەپ، رولدى مەڭگەرىپ، جول باستادى. باس شۋجيدىڭ جانە پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، يدەيانى ازات ەتىپ، تۋراشىلدىقتان اينىماي جاڭالىق اشىپ، شىنايى يگەرىپ، ناقتى ىستەپ، رەفورما، دامۋ، ورنىقتىلىق ىستەرىندە جاڭا جاعداي اشۋدى، جاڭا بەينە ايگىلەۋدى ىلگەرىلەتتى، ٴار ۇلت كادرلارىنىڭ، بۇقاراسىنىڭ سەنىمى ۇيىسىپ، كۇش ـ قايراتى تاسقىندادى. جاڭا جورىق _ داڭققا جانە ارمانعا تولى ۇزاق جورىق، شينجياڭ اسا زور ورايعا ٴدوپ كەلىپ وتىر، دامۋ كومەسكى كۇشى شەكسىز. تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى ەڭ ۇلكەن ساياسيعا تاباندى بولىپ، باس شۋجيدىڭ شينجياڭ جونىندەگى جەلىلەس ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، بۇكىل شينجياڭداعى ٴار ۇلت كادرلارىن، بۇقاراسىن ىنتىماقتاستىرىپ، جەتەكتەپ، ٴار سالاداعى، ٴار جاقتاعى كۇشتەردى توپتاپ، ٴبىر نيەتپەن كۇرەس جۇرگىزە وتىرىپ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋىمىز كەرەك. سىزدەردىڭ كاسىپكە ۇزدىكسىز بويلاپ، زەر سالا ىشكەرىلەي ىزدەنىس جاساپ، كۇش ۇستىنە كۇش قوسىپ، تاعى دا كەسەك ناتيجەلەر جاراتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا جاڭا ۇلەس قوسۋلارىڭىزدى ٴۇمىت ەتەمىن.
مەملەكەتتىڭ ەرەن ينجەنەرى اتاعىنىڭ يەگەرى ۋاڭ ۋيچيڭ، ماۋدۇن ادەبيەت سيلىعىنىڭ يەگەرى ليۋ لياڭچىڭ، 2023 ـ جىلعى ٴىرى ەل ۇستالارى جىل ادامى قاتارىنان ورىن العان جاڭ گويۇن قاتارلىلار لەبىز ٴبىلدىرىپ، ٴوز كاسىپ سالاسىندا قول جەتكىزگەن جاڭا تابىستارىن تانىستىرىپ، وتكەن ٴبىر جىلداعى شينجياڭنىڭ جوعارى ساپالى دامۋىنداعى جاڭا وزگەرىستەرگە، جاڭا تابىستارعا جوعارى باعا بەردى، جاڭا ٴبىر جىلدا باسىمدىقتارىن، رولدارىن ۇزدىكسىز ساۋلەلەندىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنداعى ٴتۇيىندى قىزمەتتەردى ارقاۋ ەتە وتىرىپ قۇلشىنا كۇرەس جۇرگىزىپ، جاۋاپكەرشىلىك ارقالاپ، ىسكەرلىك كورسەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا زەيىن ـ زەردە، كۇش ـ قۋات ۇيىستىرىپ، قاجىر ـ قايراتتارىن ارنايتىندىقتارىن ٴبىلدىردى.
قادەن كابەن كەزدەسۋگە قاتىناستى.
