![](http://xjrbkazakh.ts.cn/xjrbhwb/2024/02/08/BE1F96FD6DB705C860E447857F0C8AF4.jpg)
2-ايدىڭ 5-كۇنى ساياحاتشىلار قاشقار بايىرعى قالاسىنىڭ كورىنىس ءوڭىرى حانبازار كەشكى بازارىندا ساياحاتتاۋدا.
سۋرەتتى اناربۇلت \ شينجياڭ گازەتىنىڭ ٴتىلشىسى ساي زىڭلى تۇسىرگەن
انار بۇلت \شينجياڭ گازەتىنىڭ ٴتىلشىسى ٴابيبا 2 ـ ايدىڭ 7 ـ كۇنى قاشقاردان حابارلايدى. 2 ـ ايدىڭ 7 ـ كۇنى ورتالىق راديو ـ تەلەۆيزيا باس ستانسياسىنىڭ «2024 ـ جىلعى كوكتەم مەرەكەسى بىرلەسكەن ساۋىق كەشى» قاشقار بولىمشە الاڭىنداعى بارلىق ارتيستەر مەن قىزمەتكەرلەر مەيىر سيلايتىن تارتۋ ـ تارالعى _ زناك، ٴشارپى، باس كيىم سياقتى ۇلۋ (ايداعار) جىلعى قۇت ـ ىرىس ٴمانىسى سىڭىرىلگەن ٴبىر قىدىرۋ ەستەلىك بۇيىمدار تاپسىرىپ الدى.
وسى جەلىلەس ەستەلىك بۇيىمداردى جوبالاۋدا نەگىزگى كورنەكى بەلگى ”ايداعاردىڭ سامعاۋى“ ورنەگى ورتالىق راديو ـ تەلەۆيزيا باس ستانسياسىنىڭ 2024 ـ جىلعى كوكتەم مەرەكەسى بىرلەسكەن ساۋىق كەشىنىڭ نەگىزگى نىشان بەلگىسى، ”بەس جۇلدىز شىعىستان كوتەرىلسە جۇڭگوعا قۇت“ قامقاسى، ”ۇزاق جاساۋ، ۇرپاقتارىمىزدىڭ اماندىعىن تىلەۋ“ قامقاسى سىندى شينجياڭنان قازىپ الىنعان 2 ٴتۇرلى مادەني ەسكەرتكىشتىڭ ورنەگى نەگىزگى بەدەرلى كورنەكى بەلگى بولادى.
شينجياڭ راديو ـ تەلەۆيزيا ستانسياسى جاساندى سەرىك تەلەۆيزياسى باعدارلاما ورتالىعىنىڭ رەجيسسەرى جاڭ چيان بىلاي دەپ تانىستىردى: ”بەس جۇلدىز شىعىستان كوتەرىلسە جۇڭگوعا قۇت“ قامقاسىندا كوك، جاسىل، قىزىل، سارى، اق سىندى 5 ٴتۇستى توقىما جىپپەن جۇلدىز بەدەرى، بۇلت بەدەرى جانە جاقسىلىق پەن باقىتتىڭ سيمۆولى بولعان جانۋارلار بەينەسى كىرىستىرە توقىلىپ، جوعارىدان تومەنگە دەيىن ٴار ەكى گرۋپپا اينالمالى بەدەر اراسىنا ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ ليشۋ ۇلگىسىندە توقىلىپ، جاقسىلىقتىڭ نىشانى مەن كوركەمدىگىن تولىق ايگىلەپ، بۇرىنعىلاردىڭ اقىل ـ پاراساتى مەن سەنىمىن بەينەلەپ، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ جاندى تاريحي شىندىعىنا كۋا بولىپ، جۇڭحۋا مادەنيەتىنىڭ كوپ نەگىزدى، ٴبىر تۇلعالى ەكەندىگىن جانە توقتاۋسىز ٴومىر سۇرەتىندىگىن ايگىلەگەن. ”ۇزاق جاساۋ، ۇرپاقتارىمىزدىڭ اماندىعىن تىلەۋ“ قامقاسىندا قۇبىلمالى بۇلت بەدەرى مەن ادەمى قىزىل تال بەدەرىنەن نەگىزگى بەدەر قالىپتاستىرعان، مۇندا جولبارىس، ايداعار، سىڭار ٴمۇيىز، جاماندىقتان ساقتايتىن سياقتى حايۋاناتتار كىرىستىرىلگەن ٴارى ”ۇزاق جاساۋ، ۇرپاقتارىمىزدىڭ اماندىعىن تىلەۋ“ دەگەن قۇت ٴسوزى توقىلىپ، جۇڭحۋا ۇلتىنىڭ تاتۋ ـ ٴتاتتى، توعىسقان، باقىتتى دا سالامات بولۋ سىندى تاماشا تىلەگىن ايگىلەگەن.
باس ستانسيانىڭ كوكتەم مەرەكەسى بىرلەسكەن ساۋىق كەشىنىڭ قاشقار بولىمشە الاڭىنداعى شينجياڭ جاقتىڭ باس رەجيسسەرى زىڭ جيان بىلاي دەدى: كوكتەم مەرەكەسى بىرلەسكەن ساۋىق كەشىندەگى جاڭالىق ـ جاسامپازدىقتار تاڭداۋلى كونسەرت نومىرلەرىنەن سىرت، مەرەكەلىك ٴتۇسى قويۋ، جوبالانۋى تاماشا كوكتەم مەرەكەسى بىرلەسكەن ساۋىق كەشىنىڭ ەستەلىك بۇيىمدارىن دا قامتيدى. وسىنداي تاسىلمەن كوپشىلىكتىڭ كوكتەم مەرەكەسى بىرلەسكەن ساۋىق كەشىنىڭ تاماشا ەستەمەلەرىن ۇيىنە الىپ قايتۋىن ٴۇمىت ەتەمىن.
”توسىن سي بولدى، اسەرلەندىم!“ شينجياڭ شىفان داشۋەسى ارتيستەرىنىڭ جەتەكشىسى تىڭ يىڭ بىلاي دەدى: ارتيستەردىڭ ٴار كۇنگى جاتتىعۋى وتە جاپالى، بۇل تارتۋ كوپشىلىكتى مويىنداۋ جانە شابىتتاندىرۋ بولىپ تابىلادى، ”ٴاربىر ادامنىڭ جاپا ـ ماشاقاتى مەن ەڭبەگى كوزگە تۇسپەي قويمايدى، كوپشىلىكتىڭ قۇلشىنۋىندا، كوكتەم مەرەكەسى بىرلەسكەن ساۋىق كەشى قاشقار بولىمشە الاڭىنداعى نومىرلەردىڭ بۇكىل جەر شارىنداعى حۋارىنداردىڭ الدىندا تولىق ايگىلەنۋىن ٴۇمىت ەتەمىن“.
”بۇل تارتۋ وتە باعالى، مەن مۇنى جانە وسى رەتكى كوكتەم مەرەكەسى بىرلەسكەن ساۋىق كەشىنە قاتىناسقانداعى ەستەن كەتپەس كەشىرمەلەرىمدى ماڭگى قاستەرلەيمىن“، ـ دەدى بۇراتالا موڭعۇل اۆتونوميالى وبلىسى ارتيستەرىنىڭ ۋاكىلى بادۋمارا.