گازەتىمىزدىڭ شولۋشىسى
ەستەن كەتپەس كەشتە، قاي قيىردا جۇرسە دە، جۇڭگونىڭ بايتاق دالاسىنداعى باۋىرلاستار بىرگە ۇيىستى! وتانىمىزدىڭ كوركەيە بەرۋىن تىلەدى!
كوكتەم مەرەكەسى بىرلەسكەن ساۋىق كەشى سىندى وسى تورتكىل دۇنيە كوز تىككەن ساحنادا مىڭ قۇلپىرعان، اشىق، سەنىمدى شينجياڭ تيانشان الابىنداعى شاتتىققا تولى ٴان ـ بيلەر ارقىلى ايگىلەنىپ، ”قاس تاسى قالاسى“ قاشقاردىڭ باي مازمۇندى سالت ـ ساناسى ارقىلى دۇنيەگە بەت الدى.
ٴبىر جىلدا ٴبىر رەت وتكىزىلەتىن كوكتەم مەرەكەسى بىرلەسكەن ساۋىق كەشى جۇڭحۋا مادەنيەتىنىڭ تارتىمدىلىعىن ايگىلەيتىن ماڭىزدى دانەكەر، ەل ٴىشى ـ سىرتىندا كەڭ كولەمدى ىقپالعا يە. بيىلعى كوكتەم مەرەكەسى بىرلەسكەن ساۋىق كەشىنىڭ قاشقار بولىمشە الاڭىن ورنالاستىرىپ، ”شينجياڭعا ٴتان ساتتەرگە“ ورىن بەردى، بۇل جىبەك جولىنداعى ماڭىزدى قالاشىق _ قاشقاردىڭ دۇنيەدەگى ٴتورت ۇلكەن وركەنيەتتى توعىستىرىپ، قاتپارى قالىڭ جۇڭحۋا مادەنيەتىنىڭ مايەگىن جيناعاندىعىنىڭ شوعىرلى بەينەلەنۋى، ونان دا ماڭىزدىسى، شينجياڭنىڭ اشىق، سەنىمدى، ىنتىماقتى دا تاتۋ ـ ٴتاتتى، گۇلدەنىپ ـ كوركەيگەندىگى جونىندەگى تولىق تۇراقتاندىرۋ جانە ماداق سانالادى.
شەتسىز ـ شەكسىز كورىنىس شىت جاڭا بەينەگە ەندى. پارتيا 18 ـ قۇرىلتايىنان بەرى شينجياڭنىڭ ەكونوميكالىق، قوعامدىق دامۋى جانە حالىق تۇرمىسىن جاقسارتۋ جاعىندا قول جەتكىزگەن ناتيجەلەرى كوپكە ايان، اسىرەسە، جاڭا عانا ٴوتىپ كەتكەن 2023 ـ جىلدا شينجياڭنىڭ باسىم كوپ ساندى ەكونوميكالىق كورسەتكىشتەرىنىڭ ارتۋ قارقىنى مەملەكەت بويىنشا الدىڭعى ورىندى يەلەپ، سوڭعى جىلداردان بەرى ەكونوميكالىق، قوعامدىق دامۋ ساپاسى، ٴونىمى ەڭ جاقسى ٴبىر جىل بولدى. قاراڭىزشى، پامير ۇستىرتىنەن قاناس كولىنىڭ بويىنا دەيىن، جالىن تاۋدىڭ ەتەگىنەن ىلە وزەنى اڭعارىنا دەيىن بارلىق جەردە تىرشىلىك تىنىسى قاۋلاعان كورىنىس جارىققا شىعىپ، بارلىق جەردە اشىق، سەنىمدى جاڭا بەت ـ بەينە، جاڭا كۇي قالىپتاستى، بۇل جاڭا داۋىردەگى شينجياڭ حيكاياسىن ويداعىداي بايانداۋدىڭ بەرىك نەگىزى ٴارى شينجياڭنىڭ حالىقارالىق قوعامعا ايگىلەگەن ەڭ جارقىن تانىسقىسى، شينجياڭدىقتاردىڭ ەڭ كوركەم بەينەسى.
وسى كوز سۇرىندىرگەن ساحنادا شينجياڭ ىستىق ىقىلاستى، اشىق، بايىپتى، سەنىمدىلىكتىڭ نۇرىن شاشتى. ۇلۋ جىلىنداعى كوكتەم مەرەكەسى بىرلەسكەن ساۋىق كەشى سىندى وسى مادەنيەتتىڭ مول داستارقانىندا قاشقارداعى ناق مايداننان كەلگەن ”شينجياڭ اۋانى“ ادامدارعا مىڭ جىلدىق بايىرعى قالانىڭ وزگەشە گۋمانيتارلىق كەلبەتىن اڭعارتىپ، كوركەم شينجياڭنىڭ سىرلىلىعى مەن باۋراعىشتىعىن سەزىندىردى. مەيلى وتكەن ٴبىر جىلدا دۇنيەنىڭ جەر ـ جەرىنەن تەڭىز ـ مۇحيتتار مەن اسقار تاۋلاردى كوكتەي ٴوتىپ شينجياڭعا كەلگەن د4300ەن استام حالىقارالىق دوستار بولسىن، الدە جاڭا عانا جابىلعان اۆتونوميالى رايوندىق ەكى ٴماجىلىس وزىنە باۋراعان شەتەل مەديالارىنىڭ نازارى بولسىن نەمەسە وسى رەتكى كوكتەم مەرەكەسى ساۋىق كەشىندەگى بۇكىل دۇنيەگە بەت العان ”شينجياڭعا ٴتان ساتتەر“ بولسىن، تۇگەلدەي شينجياڭنىڭ دۇنيە جۇزىمەن بارعان سايىن تىعىز قاۋىشقان ٴۇمىتى مەن سەنىمىن ٴبىر قىرىنان بەينەلەدى. بۇل كوركەم شينجياڭنىڭ دۇنيە جۇزىنە ىستىق ىقىلاسپەن قۇشاق جايعان، سەنىمدى، بايىپتى اشىق بەينەسى.
وسى وتباسى ـ وتان بىرگە تويلاعان ساحنادا شينجياڭ ىنتىماق پەن ۇيىسۋدىڭ، شاتتىق پەن بەرەكەنىڭ نۇرىن شاشتى. قاشقار بيىلعى كوكتەم مەرەكەسى ساۋىق كەشىنىڭ بولىمشە الاڭى ەتىپ تۇراقتاندىرىلعاننان باستاپ، ٴار ۇلت بۇقاراسى شەكسىز ماقتانىش پەن قۋانىشتىڭ شات كوڭىلدى رايىنا بولەندى، قاشقاردىڭ كوشەلەرىندە شاتتىققا تولى كورىنىستەر كەز كەلگەن جەردەن ۇشىراسىپ، ەڭبەكتەگەن بالادان ەڭكەيگەن كارىگە دەيىن كۇلكى ۇيىرىلگەن جۇزدەر، سالتانات ٴۇنى، شينجياڭداعى ٴار ۇلت حالقىنىڭ وتاندى، مەكەندى قىزۋ سۇيەتىن تەرەڭ سۇيىسپەنشىلىگىن بارىنشا ايگىلەپ، جۇڭحۋا ۇلتى ۇلى شاڭىراعىنىڭ ”تىلەكتى ٴبىر اراعا توعىستىرىپ، رۋحاني جاقتا ٴوزارا سۇيەنىش بولاتىن“ رۋحاني مەكەنىن قۇردى. بۇل تيانشان الابىنداعى شاتتىققا تولى، بەرەكەلى، ٴار ۇلت بۇقاراسىنىڭ تىنىش ٴومىر، شات ـ شادىمان تۇرمىس كەشىرگەن باقىتتى بەينەسى.
وسى كۇرەس جۇرگىزىپ، ارمانعا تالپىناتىن ساحنادا شينجياڭ گۇلدەنىپ ـ كوركەيۋدىڭ، قاۋلاعان ومىرشەڭدىك كۇشتىڭ نۇرىن شاشتى. ”وڭتۇستىك شينجياڭعا بارماساڭىز، شينجياڭنىڭ اسپانىنىڭ وسىنشالىق بيىك، جەرىنىڭ وسىنشالىق كەڭ بايتاق ەكەندىگىن بىلە المايسىز؛ قاشقارعا بارماساڭىز، شينجياڭنىڭ تاريحىنىڭ وسىنشالىق ۇزاقتان جالعاسقانىن بىلە المايسىز“، وڭتۇستىك شينجياڭداعى ماڭىزدى قالاشىق رەتىندە، قاشقار _ شينجياڭنىڭ جوعارى ساپالى دامۋىنىڭ تاماشا ىقشام كورىنىسى، شينجياڭنىڭ ەكپىندەي العا ىلگەرىلەۋىنىڭ كوز تارتارلىق ٴبىر بولشەگى. ”جىبەك جولى مەرۋەرتى“ قاشقار شىت جاڭا بەينەمەن جايناي ٴتۇستى، شينجياڭ ەركىن ساۋدا سىناق رايونى قاشقار اۋماعىندا جاڭالىق اشۋدىڭ تولقىنى جوڭكىلىپ، ٴار ۇلت حالقىنىڭ جاڭا تۇرمىسقا بەت العان اسقاق سەزىمىن تولقىتتى. بۇل تيانشان پەرزەنتتەرىنىڭ تىزە قوسا، قول ۇستاسا ارمانعا بىرگە تالپىنعان كۇرەسكەرلىك بەينەسى.
وسى كۇللى جۇرت كوز تىككەن ساحنادا ٴبىز يدەيالىلىعى، كوركەمدىگى مەن اسەمدىگى جوعارى ”شينجياڭعا ٴتان ساتتەر“ ارقىلى ىنتىماقتى، جاراسىمدى شينجياڭدى، ومىرشەڭدىك كۇشكە تولى شينجياڭدى، اشىق، سەنىمدى شينجياڭدى، بولاشاعىنان ٴۇمىت كۇتتىرەتىن شينجياڭدى جاندى دا جالىندى تۇردە كورسەتتىك.
قىرپۋلى دا ايبىندى جاڭا تاراۋ اشىلدى. وتانىمىز گۇلدەنىپ ـ كوركەيە بەرسىن دەپ تىلەيىك، قايراتتانا ىسكەرلىك كورسەتىپ، قول ۇستاسىپ، تىزە قوسا جاڭا جورىققا قادام تاستاپ، شينجياڭنىڭ اناعۇرلىم كوركەم بولاشاعىن ۇزدىكسىز جاراتايىق دەپ تىلەيىك!
